المساعد الشخصي الرقمي

مشاهدة النسخة كاملة : *&* الجريش ... يا أهل الجريش ... من يد أختكم بنت نجد *&*


بنت نجد
04-10-04, 04:24 AM
بسم الله الرحمن الرحيم

السلام عليكم ورحمة الله وبركاته

حيا الله الجمـــــــــــــيع ... وخصوصاً بنوتات المنتدى الغالياااات (a13)

اليوم شيفكم بنت نجد جايبة لكم طريقة عمل الجريش .. ومضمونة 100 % بإذن الله :rolleyes:

وشرطي أن كل من جرب هالطريقة يقولي وش النتيجة .. وإلا تراني بزعل :(

<<< تدلع عليكم :)

المهم .. والاهم من المهم لا يفووووتكم هالجريش السنع (ash)

ويالله نشوف الطريقة والمقادير ...

المقادير ....

3 كاسات ماء
2/1 1 كاس لبن
1 بصلة متوسطة الحجم ومقطعه قطع صغيرة
4/1 اصبع زبدة
1 ملعقة صغيرة ملح أو حسب الرغبة
2/1 ملعقة صغيرة كمون مطحون
1 بيالة رز مصري ( سليق )
2 كاس جريش

الطريقة ....

نحط الماء واللبن والزبدة والبصل والكمون والملح في قدر ونولع عليهم النار لين يفور ...
طبعاً يكون الجريش والرز المصري مغسولين زين .. ثم نحطهم على الماء واللبن وتوابعهم ونقصر على النار .. وقبل ماانسى نحط عليهم كم حبة فلفل أحمر ...
نترك الجريش على نار هادية لمدة 3 ساعات ونصف ..
قبل مانحرك الجريش نحط عليه عصير ليمون حسب الرغبة ..
طبعاً نحرك الجريش بالمعصاد ( نقول له معصاد ) عاد أنتم ما ادري وش تسمونه :)
نحركه لين تذوب حبات الجريش ..
طبعاً نكون مجهزين ( كشنة ) نحطها على وجه الجريش إذا غرفناه .. وتتكون من بصل مقطع قطع صغيرة + زيت أو زبدة أو سمن + شوي كمون + شوي ملح + شوي بزار .. ونحطها على النار لين يذوب البصل شوي ..
بعدها نغرف الجريش ونحط الكشنة على الوجه ونجمله بالفلفل الأحمر ...

وعليكم بالف عااافية

وهذي طريقة أختكم بنت نجد في الجريش ..

جربوها وبإذن الله تعجبكم ..

ولاتنسوني من طيب دعواتكم ..

حفظكم الله

أختكم

بنت نجد

musk_rose
05-10-04, 09:48 PM
هلا بالغاليه بنت نجد...
تصدقين اني مااعرف اسوي جريش....ولافكرت اسويه ...
لكن دخلتيها في بالي...شكلي ابي اسويه لكن على مسئوليتك ....
اخاف اذا سويته ولا ضبط اخذ تهزيئه من امي الغاليه بتقولي لو انك متعلمه تسوينه من زمان كان ضبط معك.....(qq79)(qq79)
بس تعالي وش دعوى ثلاث ساعات اخبر امي تسويه ماياخذ منها اكثر من ساعه لكن ماادي وش الطريقه يعني مااقدر افيدك...
على العموم الف شكر لك ياقلبي...

هبه
08-10-04, 09:21 PM
بنت نجد
كتبت رد ياكثر قرقه وبصراحه ماله داعي

مادري وش بي يمكن علشان ماعندي احد اسولف معه

الله يعطيك العافيه صلحت الجريش اليوم والحمدلله شبه ضبط معي

وبصراحه صرت متفائله قبل مايضبط معي الا المطازيز

يلا اليوم جريش وبكره مرقوق

ناصح6
08-10-04, 09:30 PM
انا الليله اسوي جريش اذا انضبط ابي اقول لكم واذا لم ينضبط ما رايح اقول لكم

اليمامه
08-10-04, 10:13 PM
طيب المشفح اللي عندي يكفيهم كوب جريش


ابي اسويها وانشاالله تضبط

رامز
11-10-04, 09:37 AM
تسلم إيديك أنا من محبي الجريش خاصة مع قطع اللحم .

بنت نجد
11-10-04, 09:53 AM
هلا بالغاليه بنت نجد...
تصدقين اني مااعرف اسوي جريش....ولافكرت اسويه ...
لكن دخلتيها في بالي...شكلي ابي اسويه لكن على مسئوليتك ....
اخاف اذا سويته ولا ضبط اخذ تهزيئه من امي الغاليه بتقولي لو انك متعلمه تسوينه من زمان كان ضبط معك.....(qq79)(qq79)
بس تعالي وش دعوى ثلاث ساعات اخبر امي تسويه ماياخذ منها اكثر من ساعه لكن ماادي وش الطريقه يعني مااقدر افيدك...
على العموم الف شكر لك ياقلبي...

هلا وغلا بالحبيبة .. مسك روز
ياقلبي .. الجريش سهل بالحيل .. بس يبغى له شجاعة :)
وبإذن الله تسوينه ويضبط معك وتدعين لي في ظهر الغيب ..
ومن ناحية أن جريش والدتك ماياخذ منها أكثر من ساعة .. غريبة والله ..
الثلاث ساعات يالله تذوب حبوب الجريش وتخليه ياسلام :o
وتسلمين والله على هالطلة الحلوة ..
بس انتظر النتائج إذا ربي كتب لي حياة ..

حفظكِ الله
محبتكِ
بنت نجد

بنت نجد
11-10-04, 10:28 AM
انا الليله اسوي جريش اذا انضبط ابي اقول لكم واذا لم ينضبط ما رايح اقول لكم

بيضبط بإذن الله :)
بس أنت توكل على الله .. وبيضبط
وننتظر النتائج ..
وشكراً على هالحضور الطيب ..

حفظك الله
أختك
بنت نجد

بنت نجد
11-10-04, 10:31 AM
طيب المشفح اللي عندي يكفيهم كوب جريش
ابي اسويها وانشاالله تضبط

زيدي الكمية ياغالية .. وبإذن الله بيكفيهم ..
ويالله جربي الطريقة وعلمني وش صار :)
وتسلمين والله على تواجدك ..

حفظك الله
محبتكِ
بنت نجد

بنت نجد
11-10-04, 10:37 AM
تسلم إيديك أنا من محبي الجريش خاصة مع قطع اللحم .

الله يسلمك يا أخوي رامز ..
وصدقت ... الرجيش حلو باللحم .. وايضاً بالدجاج ..
وبدون أي شي بعد حلو ..
ومشكور على هالحضور ..

حفظك الله
أختك
بنت نجد

سيف العداله
17-10-04, 06:40 PM
تشكرات كثيرات (qq73)

بنت نجد
18-10-04, 11:30 PM
بنت نجد
كتبت رد ياكثر قرقه وبصراحه ماله داعي
مادري وش بي يمكن علشان ماعندي احد اسولف معه
الله يعطيك العافيه صلحت الجريش اليوم والحمدلله شبه ضبط معي
وبصراحه صرت متفائله قبل مايضبط معي الا المطازيز
يلا اليوم جريش وبكره مرقوق


هبه حبيبتي ..
سامحيني لأني كتبت الرد عليك ياعمري بس شكله سقط سهواً :(
المهم ياغالية ..
تراني احبك واحب قرقك الله لا يحرمني منك :)
قولي عاد آمـــــــــــــــــين :o
والله يعافيكِ ياقمر ..
والحمد الله أن الجريش ضبط معك ..
بس أنتِ قلتِ شكله ضبط ..
اكيد فيه شي ماخلا الجريش يصير مضبوط 100%
وبإذن الله المرقوق يضبط معك ياعمري
وإذا تبغيني اعلمك وشلون يضبط فأنا مستعده ياغالية ..
وشكراً لحضورك المفرح ..

حفظكِ الله
محبتكِ
بنت نجد

بنت نجد
18-10-04, 11:35 PM
تشكرات كثيرات (qq73)

وملايين التشكرات لك ياسيفنا العادل لطيب حضورك ..
ويالله ... تسحروا اليوم جريش :)

حفظك الله
أختك
بنت نجد

هتان الغيم
12-11-04, 06:07 AM
سويت للوصفه برنت بعطيها الوالده الله يسلمها تسويه يوم العيد

والظاهر بتزعل علي تبي تقول ليه ماأعرف ...

بس أبقول أبيه حسب هالوصفه... ونبي نشوف


شكراً لك

بنت نجد
27-11-04, 03:48 AM
سويت للوصفه برنت بعطيها الوالده الله يسلمها تسويه يوم العيد
والظاهر بتزعل علي تبي تقول ليه ماأعرف ...
بس أبقول أبيه حسب هالوصفه... ونبي نشوT

شكراً لك

بشرني يا أخوي هتان ..
عسى الجريش سوته الوالدة ..
وعساه ضبط معها ..
الله لايحرمك منها ..
وبإذن الله ماراح تزعل .. :)
وشكراً لحضورك ..


حفظك الله
أختك
بنت نجد

سفيرة العشاق
15-12-04, 06:21 PM
أمووووووووووووووووت على الجريش
مشكوووره بنت نجد
اسويتي فيني :(

jennifer
15-12-04, 06:50 PM
يعطيك العافية يا عمري على هالطريقة لكن بما انك من نجد
غريبة مامي طريقتها تختلف عنك!!!
انا نحط حليب طبيعي !!!!
واتوقع اتوقع انو يعتمد على جودة حبة الجريش !!
نوعوا جيد اولا لالن مامي ما تشتري اي شي تطلبوا من العطارة باسم ...اسم ..والله مو فاكرة و عالعموم والله اني اموووووت فيه واتمنى اتمنى جستن يذوقو(hjh)(hjh):rolleyes:
واكرر
يعطيك العافيه ياعيوني

بنت الاجــــواد
15-12-04, 09:07 PM
كلك ذوق .. يا بنت نجــد

كم مره صلحتـه بـس مايضبـط معي ..
يـ يكون خفيف مره ولا يكــون ثقيــل ..
احترت ومليت بصراحه ..
وانا افضل أكله عنـدي من الاكلات الشعبيه
(الجريش)
لإ وش رايك يادبا متصلحيـن لنا جريش وتثاوبيـن فيه لـ أهلك ومن يعز عليك
وتجمعينـا عليـه ..

http://finestcard.com/cards/thank08.gif

عزيزتي دائماً وابداً مميـزه ومبدعه ..

بنت نجد
16-12-04, 06:59 AM
أمووووووووووووووووت على الجريش
مشكوووره بنت نجد
اسويتي فيني :(

هلا وغلا بغيمتنا الغالية ..
نورتي ياعمري ..
والشكر لطيب تواجدك ياعزيزتي ..
والله لايحرمك من اللي تموتين فيه وتحبينه ..
:)

حفظك الله
محبتك
بنت نجد

بنت نجد
16-12-04, 07:02 AM
يعطيك العافية يا عمري على هالطريقة لكن بما انك من نجد
غريبة مامي طريقتها تختلف عنك!!!
انا نحط حليب طبيعي !!!!
واتوقع اتوقع انو يعتمد على جودة حبة الجريش !!
نوعوا جيد اولا لالن مامي ما تشتري اي شي تطلبوا من العطارة باسم ...اسم ..والله مو فاكرة و عالعموم والله اني اموووووت فيه واتمنى اتمنى جستن يذوقو(hjh)(hjh):rolleyes:
واكرر
يعطيك العافيه ياعيوني


هلا بالغالية برنتي ..
نورتي الجريش ياقمر ..
وترى الطرق يمكن تختلف ..
لكن ..
الطبخه هي وحده ..
وأنا ياغالية اشكل في نوع اللبن اللي احطه ..
مرة حليب طازج ..
ومرة لبن ..
ومرة حليب بودرة ..
وترى الجود من الماجود ..
والله يخلي لك الماما ..
ومشكورة على هالطلة الحلوة ..

حفظك الله
محبتك
بنت نجد

بنت نجد
16-12-04, 07:09 AM
كلك ذوق .. يا بنت نجــد
كم مره صلحتـه بـس مايضبـط معي ..
يـ يكون خفيف مره ولا يكــون ثقيــل ..
احترت ومليت بصراحه ..
وانا افضل أكله عنـدي من الاكلات الشعبيه
(الجريش)
لإ وش رايك يادبا متصلحيـن لنا جريش وتثاوبيـن فيه لـ أهلك ومن يعز عليك
وتجمعينـا عليـه ..
http://finestcard.com/cards/thank08.gif
عزيزتي دائماً وابداً مميـزه ومبدعه ..

هلا ومليووون غلا بك ياغالية ...
وياعمري هاللي صار معك بأن الجريش يكون خفيف صار مع الأغلبيه ..
تدرين ليش ؟؟
لأن الجريش أنواع ..
مثل أنواع الرز ..
مثلا ..
فيه نوع من الجريش مايستحمل كثرة الماء ونقول له ( جريش مايشرب :) ) .. مثل بعض انواع الرز اللي ماتحتاج مرق كثير ..
وفيه ياغالية نوع يكون يحتاج لموية وبكثرة .. يعني ( يشرب :) ) ....
يمكن اللي عندك ياعمري هو من النوع الأول ..
وترى كل ماكان انتاج الجريش قديم ..
كل مايحتاج لمويه أكثر ...
حبيبتي بنوته ..
شوفي ..
زيدي كمية الجريش بس ..
والموية واللبن خليها كما هي ..
وبإذن الله بيضبط معك ..
ومن ناحية اصلحه لكم ..
من عيوني ..
وربي ودي اسويه لكم ..
يالله ياقلبي ..
عطيني العنوان وبإذن الله تلقين اللي يسرك ..
والتوصيل مجاناً إذا صار بيتكم بجنب بيتنا ..
ومشكورة ياقمر على هالطله الحلووووة ..
وانتظر النتائج :)
جربي ياقلبي وردي علي ....

حفظك الله
محبتك
بنت نجد

jennifer
16-12-04, 04:29 PM
هلا بالغالية برنتي ..
تسلمين لي ياعمري كللك ذوق والله بس حبيت اقووول لك...
......
........
ترى انا جينفر مو برتني ok
وسللاالالالالالالالام يالغاليه

بنت نجد
16-12-04, 04:38 PM
تسلمين لي ياعمري كللك ذوق والله بس حبيت اقووول لك...
......
........
ترى انا جينفر مو برتني ok
وسللاالالالالالالالام يالغاليه

العتب على النظر ياغالية ...
وياهلا والله وغلا بجينفر الغالية ..

حفظك الله
محبتك
بنت نجد