أريد تساعدوني في مشكلتي

[عالمي حزين]

السلام

أرجو أن ترحبوا بي

أ ريد منكم أن تساعدوني

كيف أملىء وقت فراغي غير الكمبيوتر والطبخ وغير الدورات وغيرهم

بصراحه أني ملانه

أريد منكم أن تعطوني ارائكم ومقترحات وابتكارات

وكيف تقضوا وقت فراغكم غير الي مكتوب

أرجوكم ساعدوني

وثانيا كيف أغير من شخصيتي وكيف أثق في نفسي

أكثر مع أن شخصيتي ضعيفه جدا

وكيف اطور من نفسي ؟؟

لاتنسوا ارائكم ومقترحات وابتكارات يعني مثل

اختراعات لاني بعد طفشت من الروتين نفسه

اريد الشىء افعله داخل البيت بحيث كل يوميه اسويه

ما امل منه....

مع اني مخطوبه فاريدكم ان تعطوني ارائكم ومقترحات وابتكارات

بحيث يقول خطيبي هذا الي تفعلينه رائع وجميل وتقدمي اكثر

[الم الحرمان]

السلام عليكم اختي غلبا الملل موجود في كل البيوت وعليك بالتسبيح والاستغفار وقراة الجرايد وقراة كتب مفيده مادام انت مخطوبه فشئي جميل ومبروك مقدما واذا بدات بالتجهيز راح يزول الفراغ وبعد الزواج ماراح تحسين بالملل تقبلي مروري ودمتي بسعـــــــــــــــــــــــــــــــــــــــــــــــ ـــــــــــــــــــــــــــــــــــــاده

[عالمي حزين]

شكرا على المرور يا الم الحرمان

بصراحه مللت من الروتين نفسه كل نوم ومشاهده وكمبيوتر

ابغى شىء يمليءوقت فراغي بحيث كل يوميه اسويه

ما أمل منه ابدا .....

بس غير الجرائد والقراءه مع أني أحب الكتابه وقراءه

لما أجي اكتب وعندي كلام بكتبه تروح الكلمات واغير رايي

ولا اريد أن أكتب

حتى وأني مخطوبه أمل اريد شىء يسد وقتي طبعا غير الي مكتوب

ولكن كيف أغير من شخصيتي وكيف أثق في نفسي

ومع أن شخصيتي ضعيفه الا أني ملانه

ارجوكم ساعدوني واكتبوا ارائكم واقترحات وابتكارات

يعني كل وحده تكتب كيف تقضي وقت فراغها سواء

كانت متزوجه أم لا

ارجوووووووووووووكم ساعدووووووووووني

[حاملة الخير]

السلام عليكم ....
تذكرت هذاالحديث عندما قرأت رسالتك (نعمتان مغبوط عليهم العبد الصحه والفراغ)

حبيبتي أنت مقبله على حياة مليئة بالمشاغل فإستغلي وقتك الآن بما يفيد..من طاعة وعباده فالنفس إن لم تشغلها بالطاعه شغلتك بالمعصيه..جميل منكي أنك تحبين القراءة والكمبيوتر وتجيدين فن الطبخ لذلك جددي من هوايتك المفضله مثل الطبخ أبدعي وتفنني وإبتكري حتى تكسبي قلب الزوج المنتظر ..
وحاولي التجديد في حياتك كلها لكن تذكري أن حياة القلب وسعادته بالمداومه على ذكر الله وطاعته...ودمتي على خير...

[سلطان بن عبدالعزيز]

وعليكم السلام اختي

هذي بعض المواقع اللي تفيدك بتطويرالثقه بنفسك:

http://www.edarat.net/modules/news/article.php?storyid=315

http://kfuforums.kfu.edu.sa/showthread.php?t=1729

http://megm.gov.sa/almhrr/article.php?id=141

[الهنـوف]

السلام عليكم ورحمة الله وبركاته ،

اللي عندك عندنا واللي عندنا عندك (shade)،

وقتي اغلبه على النت ،

لكن انا انصحك تلتحقي بدورات لتحفيظ القرآن ،

لانه راح يأخذ من وقت فراغك ،

ايضا تلتحقي بمركز لدروس الشريعه ، او على الأقل الإستماع ..

وبإذن الله راح ترجع لك ثقتك بنفسك ،

وبارك الله فيك ،

:)

.

[المُهرة]

وعليكم السلام ورحمة الله وبركاته
هلا وغلا بك ياخيتي
شرفتينا
بالنسبة لـ كيف نقضي وقت فراغنا
فالأمر يتعلق بالنفسية
اعتقد أن الإنسان يقدر يخلق السعادة لنفسه
ولو كان بسجن
يعني يالغالية حاولي تقومين بأي عمل وانتي مقتنعه داخلياً بأن هذا العمل راح يسعدك ويدخل السرور على قلبك .. حتى اسمك الآن يحسسك بالحزن ليه ماتغيرينه وتقنعين نفسك أنك سعيدة ؟
مثل ماقلتي ماعندنا الا يامطبخ يا نت يادورات يا زيارات
حاولي تحتسبين الأجر في أي عمل تقومين به واكثري من التقرب إلى الله ومن صلة رحمك
الله يسعدك ويوفقك دنيا وآخرة

في هذا القسم بإذن الله راح تلاقين مواضيع تهمك في تطوير ذاتك

http://www.qassimy.com/vb/forumdisplay.php?f=108 (http://www.qassimy.com/vb/forumdisplay.php?f=108)

:)

[نور الأيام]

ياقلبيوانابالنسبةلي,اخذت.دورةبالتجميل.وعنقريب.افتح .صالون.تجميل.احلى.حاااااااااااجةوغيرانك.تشوفين.ناا اااااس.تكسبين.مووووووحلووووو

[أم اليسر]

الصراحه ودي أجلس معك وأسولف عليك لين يقول الملل مالي مكان

والله إنك ضيقتي صدري من شفت موضوعك وأنا أفكر فيك وأبحث في أعماق تفكيري عن حلول

توسع صدرك وتخليك مبسوطه ومرتاحه نفسيا

أنا ودي أسألك الملل اللي عندك من قبل خطوبتك أو من بعده

تدرين وشلون تبعدين الملل عنك حاولي قدر إستطاعتك إنك تكونين صداقات مع الاخرين

أشغلي وقتك بأي شي في البيت مثلا:حاولي تغيرين مكان السرير أو الدولاب وإذا غيرتي غرفتك أبدي

بالغرف اللي لك سلطه عليهامثل غرف أخوانك الصغار إذا عندك إخوان

حبرشي في كل مكان بالبيت (مكتبه_غرغة جلوس_مطبخ_)تدرين وش معنى حبرشي يعني نبشي يقالي حليته أقصد

أبحثي عن الناقص في المكان وروحي أشتريه

إذا في المكتبه شوفي وش اللي ينقصه دولاب .......أشتري دولاب زياده ورتبي المكتبه من أول وجديد

قضينا من المكتبه ........نجي لغرفة الجلوس تبي تغيير تبي مكتبه صغيره عليها تلفزيون..........لايمكن تبي شوي تحف

على ساعة حائط على منظر حلو.......وش رأيك تبدلين المنظر اللي في مجلس الرجال بالمنظر اللي بمجلس النساء.......حركه صح


نجي عاد للمطبخ وما أدراك مالمطبخ عالم غريب أولا تفقدي الدروج واحد واحد..........شوفي اللي ناقص وأكتبيه في ورقه

وبعدين إذا عندكم شغاله خليها تغسل الارض بفلاش وتمسح الدروج من الداخل والقزاز خليه يبرق ........بعد كذا يجي دورك

تذكري اللي أنا قلت لك أكتبي في ورقه اللي ناقص من (قدور_صياني تيفال_كاسات_ترامز شاي_ولا تنسين القطاعه

دايم تنسى له كم شهر (أنا من اللي يغير القطاعه بالذات كل ثلاث شهور وبعد كذا روحي للسوق وخوذي اللي ناقص

وما يمنع إنك تجددين القديم إذا الامكانيات الماديه تسمح

أدري إنك مليتي مني بس تحملين شو ودي أدري إن الملل راح وماله مكان

بعد كذا نجي للملابس أقعدي عليه قعده أقصد ملابسك سوي له جرد وشلون أقولك وشلون

شوفي اللي تلبسينه وتستخدمينه دايم خليه على جنب واللي مر عليه كم شهر وما أستخدم أشير عليك تعطينه أحد يستخدمه ولك أجره

والجزم قصدي (النعال) سوي نفس الشي وشنط اليد والاكسسوار كذلك والله إنك تبين تدعين لي من كثر مايدعى لك

ولاتنسين الملابس الشتويه خصوصا الشتاء على الابواب وأنتي بعد قلتي إنك مخطوبه يعني راح تغادرين عن غريب

يعني الشي الزايد عن حاجتك ماله داعي ..........صح وكلامي غلط

بنفس الوقت إذا صار عندك فراغ حاولي تتصفحين النت والله يا فيه العجب العجاب حاولي تقرأين وتطالعين

لاتقرين المواضيع اللي تحبينه وبس ..........لا ياحبيبتي إقري في كل شي نعم كل شي

إقرأي في المنتديات الطبيه فيها شي ممتع وجميل ومفيد والله ماتصدقين وش كثر أحب المنتديات الطبيه

جربي والله ماراح تندمين..............

وكذلك المنتديات الخاصه بالصور إستمتعي بأجمل الصور الغريبه والطريفه والكثير الكثير

هذا من ناحية النت.............................................. ............

روحي للمكتبه وأختاري الكتب اللي تبين تقرين فيها أو مجلات

نجي للي حولك أجلسي معهم سولفي عليهم خوذي رأيهم شاركيهم في كل شي

إذا عندك خوات فهذا أحسن وإذا ماعندك أكيد عندك بنات خاله أوخال بنات عمه أو بنات عم

لابد أن يكون حولك أحد زوجة أخوك أمك أحين الام أحسن من الصديقه

أبدي أنتي أول أ تصلي عليهم وسلمي وأسألي عن أحوالهم وحاولي بشطارتك تخليهم يحبونك ويسألو عنك

وهذا من أجمل المشاعر إن اللي حولك هم اللي يدورنك ويسألون عنك ويفقدونك


أنا أسفه جدا جدا لاني طولت عليك مره مره


لكن حبيت أساعدك بكل ما أستطيع

وهذا اللي أقدر أساعدك فيه وإذا بغيتي زياده تراي تحت الطلب

[عالمي حزين]

السلام

مشكور على المرور يا اخي

لقد حليت مشكلتي

مشكورين

[الدنيا لحظه]

اقضي اوقات فراغك في بر والدينك مثل اصبخي لابوك أكلات شعبيه اذا جاء سويله مساج
اعزمي صديقاتك جيرانك احفظي جزء من القران اسمعي القران باصوات مشايخ متعدده في النت بشرح الصدر
ولاتقولين عن نفسك أن شخصيتك ضعيفه لان مافيه حرمه ضعيفه حتى بضعفه قوة لها
ان كيدهن عظيم
لنا كنت اقول مثلك بس بعد الزواج تغيرت وصرت أخذ حقي أضعاف مضاعفه
اهم شي حسن الخلق احسان الظن بالناس بدون استثناء
التماس العذرلمن حولك المؤمن القوب خير من المؤمن الضعيف والقوة
ليت بالبطش ولا الظلم ولا الغضب القوة في الحلم والصبر والعفو عن الناس