المساعد الشخصي الرقمي

مشاهدة النسخة كاملة : الرجل يحتاج الى محرم لدخول المجمعات التجاريه


شمشوم نجد
03-09-07, 02:34 PM
تحيه طيبه لكم اخواني في قصيمي نت ..

يااخوان اول شي والله ماني شخص ملتزم (( عسى الله يهديني واياكم ))

ولكن بصراحه أستفزني تقرير شفته قبل شوي في قناة العربيه الاخباريه

مفاد التقرير انه يقول ان الرجال يحتاج الى محرم ( يعني زوجته او اخته )

عشان يدخل المجمعات التجاريه ............ (a14) (a14) (a14)

طبعا في الغالب هم يقصدون العزاب ....

الله واكبر يعني خلصت المشاكل الي عندنا مابقى الا هالمشكله !!!

طيب جدلا راح افترض انها خلصت مشاكلنا وراح اقبل اناقش هالموضوع

اولا الرجال وش يبي اصلا بالمجمعات التجاريه ...!!

هل يلبس موديلات نسائيه وفساتين ..!!!

هل هو من يقوم بشراء ملابس اخواته البنات .... او امه !!!!

هل يشتري المكياج ...!!!!

هل يشتري باقي اغراض النساء التي لاحصر لها ..!!

ماذا يحتاج الرجل في المجمعات التجاريه ؟؟ حتى تكون حاجته ملحه ان

يدخل هذه المجمعات بدون احد من اخواته ...!!؟؟

أصلا وش ممكن يشتري الرجل من هذه المجمعات !!؟؟

ولا شــــــــــي ..!!

واذا صارت صدفه واحتاج مره في السنه أعتقد انه مايضره ياخذ

وحده من قريباته ...!!؟؟

يااخوان لايجيني احد ويقول لي احيانا تحتاج ترجع قطعه او ماشابه ..

لان هالشي يصير بالسنه مره ..!!

يعني بالعربي الحاله الشاذه لاحكم لها ..

الا والله قل ودهم العازب يدخل في المجمعات عشان يضايق الحريم ..

انا شاب وافهم واعرف هالامور ..!!

لكن الا متى واعلامنا بوجه عام لايحترم عقولنا ...!!!!

هل نحن اغبياء الى هذه الدرجه !!!!!!!!!!!!؟؟؟؟

اعذروني يااخوان كتبت الموضوع بدون تنقيحه ....

o 0 o e o 0 o
03-09-07, 04:48 PM
مازلو يعتقدون ان المواطن غير واعي ولايعلم مايدور حولة ويضنون انهم يوهمون المواطن ان مشكلتة خاصة

وهذة مشكلة عامة الحكومة فيها الخير راح تحلها ويالتها تحلها

الوافي3
03-09-07, 04:56 PM
أخي الفاضل وفقك الله
كم من المضايقات ستحدث لو فتحوا المجال لجميع الشباب للدخول إلى هذه المجمعات
اضف إلى المشاكل الحادثه من بعض الشباب وهم مع أهلهم
فما بالك وهم غير مرتبطين بأحد
أترك الاجابه لك وشكراَ

smile
03-09-07, 05:08 PM
رغم وجود هذا الشرط إلا أن تلك الأماكن والمجمعات لاتخلو من بعض المناظر التي تخدش الحياء من الجنسين

o 0 o e o 0 o
03-09-07, 06:11 PM
هناك مجمعان في الخبر محل اقامتي مجمع الراشد وهو عام ومجمع جيان وهو عوائل اسئل اي مقيم في الخبر اي المجمعين اكثر خدش للحياء سيقول لك مجمع جيان دون شك وهو مجمع لا يدخلة العزاب

شمشوم نجد
03-09-07, 06:50 PM
مازلو يعتقدون ان المواطن غير واعي ولايعلم مايدور حولة ويضنون انهم يوهمون المواطن ان مشكلتة خاصة

وهذة مشكلة عامة الحكومة فيها الخير راح تحلها ويالتها تحلها

كلامك صحيح .. ومشكور على اضافتك ..

cardiac
03-09-07, 07:09 PM
هناك مجمعان في الخبر محل اقامتي مجمع الراشد وهو عام ومجمع جيان وهو عوائل اسئل اي مقيم في الخبر اي المجمعين اكثر خدش للحياء سيقول لك مجمع جيان دون شك وهو مجمع لا يدخلة العزاب

الراشد بصراحة صار مجمع حق الطعوس والمضيعين كله شباب نادر تلقى فيه عوائل وهو الوحيد الي مسموح ان يدخلة الشباب ..

اما بالنسبة لاجيان الخبر مرة وحدة دخلته قبل شهر والله انصدمنت ما توقعت اشوف هالمناظر دماااار من جد قال منقبات والله من جنبها ...

والله اشفقت على رجال الحسبة زمان كان يلقى وحدة حجابها موب زين ينصحها الحين يمشي بالمجمع وينصح الجميع لان الاغلبية حجابهم فاضح والله المستعان ..

يا زين الدمام ..

سيمار
03-09-07, 07:39 PM
ههههههههه ذكرتني بسالفة صدديقة لي
تقول ان البنات يدخلون العيال للمجمعات ب 50 ريال وتشاورني نسوي مشروع لتدخيل الشباب نظرا للدجه الحاصلة عقب ارتفاع الاسعار ههه


انا معك بموضوعك والشي اللي يعور القلب ان الهيئة ماصرنا نشوفهم بهالمجمعات الانادرااا..!

تفاريح
04-09-07, 04:51 AM
والله انه قرار صائب جدا



يا اخي كلنا شباب ونفهم حركات بعض



شف بعض الشباب عندنا اللي مايستحون


اذا دخلوا الاسواق كيف يأذون الناس بدون اي تفكير



انا معك فيه شباب محترمين ولايعرفون الاذيه ويقدرون اعراض المسلمين



وفيه حريم وبنات صايعات ماينزلون السوق الا للغزل والدليل ملابس الاغراء والتبرج


ولكن نحن ننظر للمحترمين اولا وللمصلحة العامة


وبيني وبينك :


فيه رجال مايربيهم الا حريمهم


اذا كانت معه زوجته تعال شوف الادب كيف ؟؟؟



هههههههههههههههههه



تحياتي .

zeze
04-09-07, 05:07 AM
شمشوم مرحبا
من رائيي قرار صائب جداً وكان من المفروض لو انه وضع منذ وقت ليس الآن
بعض الشباب ليس لديهم قضية الى التجول في الاسواق لاذية هذه وتلك
ويكثر نشاطهم في شهر الخير لانهم يعرفون من ان الاسواق تعج بالفتيات لشراء لوازم العيد
فانظر لما يحدث !!!! واظنك كلك علم بما يحدث !!!!
والله انا مع القرار واشكرهم عليه برغم علمي من ان ضعاف النفوس لن يردعهم هذا القرار ولا غيره لانهم سيصلون بطرق اخرى ليحققوا رغباتهم الدنيئة ...
هداهم الله واصلح حالهم

ياحياتي
04-09-07, 08:00 AM
اصلا كل المحلات او 90% مخصصة للنساء علشان كذا اشوف ان قرار المنع صائب ...........لأن غالبية الشباب المفروض ما تفتح لهم المجال والا المسألة راح تكون فوضى.

نص ونص
04-09-07, 08:50 AM
معليش يا اخوان لاكن لوكان هناك ضروره طبعا مثل على قولك بيرجع شي ولامعه محرم وش يسوي؟
لانه في بعض رجال الامن الواقفين عند البوابات لا يسمحون لك ولا يقدرون وضعك
فيجب عدم التعميم على كل الشباب فناك فرق بين الي يبي السوق علشان غرض والي يبي السوق علشان قلت ادب .

نسر
04-09-07, 09:43 AM
هي قناة العبرية (وليس العربية) ما عندها غير السعودية والشباب والبنات
كأنه ما ظل مشاكل غيرهم؟!؟!
هدفها الفساد الفساد وبس وموضوع الأسواق هذا كل سخافة بسخافة من فناة أسخف
في الوقت الحالي نشوف أشكال مفرقة في السوق فكيف لو تركوا البنزين جنب النار؟؟؟؟
الله المستعان

ياحياتي
04-09-07, 05:55 PM
معليش يا اخوان لاكن لوكان هناك ضروره طبعا مثل على قولك بيرجع شي ولامعه محرم وش يسوي؟
لانه في بعض رجال الامن الواقفين عند البوابات لا يسمحون لك ولا يقدرون وضعك
فيجب عدم التعميم على كل الشباب فناك فرق بين الي يبي السوق علشان غرض والي يبي السوق علشان قلت ادب .


اغلب الاسواق تتساهل مع دخول الشباب في الصباح وفترة الظهر على ما أظن
اما من ناحة ترجيع الاشياء انا دايما اخل المجمعات لترجيع الاغراض ولا قد حصل لي مشكلة صحيح احيانا سكرتي يروح معاي بس مو مشكلة.

o 0 o e o 0 o
04-09-07, 06:31 PM
الراشد بصراحة صار مجمع حق الطعوس والمضيعين كله شباب نادر تلقى فيه عوائل وهو الوحيد الي مسموح ان يدخلة الشباب ..




اما بالنسبة لاجيان الخبر مرة وحدة دخلته قبل شهر والله انصدمنت ما توقعت اشوف هالمناظر دماااار من جد قال منقبات والله من جنبها ...

والله اشفقت على رجال الحسبة زمان كان يلقى وحدة حجابها موب زين ينصحها الحين يمشي بالمجمع وينصح الجميع لان الاغلبية حجابهم فاضح والله المستعان ..


يا زين الدمام ..


اي والله انك صادق في الراشد احيانن تلاقي اشكال تحسب انهم يمثلون طاش ماطاش
وتلاقية مفنجل عينة كأنة جاي من العصر الخشبي موالحجري
الي متأكد منة بعض الشباب جاين من حواري القطيف
واشكالهم الله لا يوريك تلاقية ناحت الشعر من الجنب يلعن ام القدم (q83)
الين الحين موضة عند هذول القطايفة قصة احمد زكي في فلم اسكبورية (a14)
ولابس ترنق ولا رياضة والسروال قصير ونعال (a27)
بس برضو يبقى الراشد الافضل في التنضيم ولاحظ ذالك

شمشوم نجد
05-09-07, 12:03 AM
أخي الفاضل وفقك الله
كم من المضايقات ستحدث لو فتحوا المجال لجميع الشباب للدخول إلى هذه المجمعات
اضف إلى المشاكل الحادثه من بعض الشباب وهم مع أهلهم
فما بالك وهم غير مرتبطين بأحد
أترك الاجابه لك وشكراَ

كلامك صحيح اخي الفاضل ... واعتقد ان هالشي واضح للجميع ..

أم أديم
05-09-07, 11:11 AM
بارك الله فيك اخوي وفي غيرتك .. ولو كنت غير ملتزم

هذي الغيرة طبيعيه وغريزه بكل مسلم .. والذي لايغار ديوث والعياذ بالله

ومن يطالب بدخول الشباب والاختلاط بين الرجال والنساء هذا ديوث

فشريعتنا نهت عن الاختلاط .. بسبب الفتنه ..

واللهم شل اركان من اراد بنسائنا وشبابنا الفتنه

ولاحول ولاقوة الا بالله

ولاتنسى اخي قناة الاخباريه .. ودعوتها للإختلاط بين الرجل والمرأة في مجال العمل

نسأل الله العافيه والثبات ونسأل الله أن يجعل كيد الطغاة في نحورهم

ㄨ₪..نـــزف..₪ㄨ
05-09-07, 02:04 PM
ياخوان من متى الشباب يحتاجون اغراض من السوق ..!
وبعدين فيه محلات (( خأرجيه )) تكون للمستلزمات الرجاليه ودأيم تشوفونها بالشوارع ..
والشباب الي يبون الاسواق يبون (( يرقم - يكحل - يتخنث )) عشان تعجب فيه البنت ..!
مشكور اخوي على الموضووع

حراج العرب
05-09-07, 03:12 PM
انا رأيي (qq1) .. دامهم مانعين العزاب من الدخول يمنعون البنات الدخول بدون ولي أمرها !!