المساعد الشخصي الرقمي

مشاهدة النسخة كاملة : ددسني يالخاز ما فيها استمارة/ابالقوايل


خازباز
11-08-07, 05:51 PM
http://www.freewebtown.com/bazkhaz/khazbazddsni27-7-1428.mp3
للتحميل والحفظ
http://www.freewebtown.com/bazkhaz/khazbazddsni27-7-1428.mp3
السلام عليكم ورحمة الله وبركاته
بعد ان تعب ابالقوايل من سيارته الدداتسون احب ان يشغلها على الخطوط الفضائية لتلافي الزحام والحرارة
وقد اسند لنا مهمة القيادة وسوف نقوم باولى الرحلات الى الفضاء قريبا ان شاء الله
ولكافة الاخوة الراغبين في السفر الى الفضاء بصحبتنا الحجز مبكرا لدى مكتب خدمات /ابو نايف/البكيرية
عمارة /الضلفعة/شقة رقم 500/
وسيكون بصحبتنا المرشد السياحي /ابا لقوايل/ وابونايف /حامل اختام ابالقوايل

للاحاطة سنستخدم الكيروسن في مرحلة الاقلاع ومن ثم نتحول الى الاوكتاين 150// طبعا ماهو ب موجود
الان بس سنحاول البحث عنه في اقرب محطة في احد الكواكب
على الجميع شراء الفراء الخاص بالاسكيمو لاننا سنتعرض لموجات شديدة من البرد والحر /ومثل ما قالوا /ما دفاك وقاك /او كما قيل
هناك بعض المشروبات والمأكولات الخفيفة من سوق الجردة
لايلزم وجود محارم للنساء لان الكبائن معزولة والحديث من وراء الشق/يعني الرواق
للراغبين في اجراء تجارب علمية /بما في ذلك المتزوجون حديثا/اشعارنا بذلك مسبقالتوفير الوسائل المناسبة
لتحقيق نتائج مضمونة تفيد البشرية جمعاء
وقت الرحلة سيكون كافيا لمعرفة كل طرف للاخر ومن ثم اتخاذ القرار
ربما لن يكون بالامكان التوقيع باليد او البصم في حالة الرغبة في زواج المسيار لدى كوكب ابو نايف
لذلك يحسن اعداد واصطحاب اختام واصطمبة لدواعي التوثيق والسرعة
سيكون لدينا فرصة كبيرة لتصوير اهلنا //؟؟؟؟؟// في الارض من بعض الكواكب حسب نوعية المنظر
واريحية مراقب الرحلة ومرشدها السياحي
للاحاطة سنصطحب معنا في رحلة العودة حمارة ابالقوايل المختطفة منذ زمن حيث عثر عليها في احد الكواكب
لذلك من لديها اعتراض يمتنع عن السفر
كما سوف نستبدل صقر /تمام بصقر اخر بعد ان ثبت ان الصقر الموجود لديه اصيب بالزهايمر
اراهن اننا سنعود على غير ددسن ابالقوايل؟؟؟؟
هيا فلنربط الاحزمة استعدادا للاكلاع

واليكم القصيدة الفضائية

ددسني يالخاز مافيها استماره=من شقاها من بغاها يستعيره
زيتها يسرب وماها والحراره=فوق الإتش وسيرها توحي صريره
وان مشت ماتطفى الا بالإشاره=وان رقت طلعه تعيّن في خريره
وان جت الدوار صابتها استداره=تنجم يالخاز تبتل مستديره
لحتمت دخانها يسبق إغباره= ماتقل يمشي مع الدوار غيره
وكمِّ ليله نمت في وسط الغماره=وكمِّ مره ماتجمل في مسيره
وكمِّ ليله مرحتني في خباره=في دروب البهذله صارت خبيره
كيف خلت شغلي الشاغل إدواره=والتشاليح اعرفون إبكل ديره
ون قضينا من المكينه واختباره=ابتدينا الشغل في توضيب قيره
ون سلمنا من الشنابر وانكساره=ماسلمنا من حريق بالظفيره
ومن جهدنا في عماره جا دماره=لين شلته للوكاله شعثريره
ماتركنا به ولا قطعة غياره=وكل قطعه جبتها لو هي كبيره
ومن بعد توظيبها رد إعتباره=بالوكاله قصَّت آلافن كثيره
والمهندس جربه واصدر قراره=عقب ما شاور على شغله شويره
وقال ذي مضمونه بمعنى العباره=وصدَّق اوراقن كتبها من مديره
وغير ذا يالخاز انا عندي بشاره=من غلاك اني اخصك بالبريره
وحيث راسك صاحي وسواق طاره=وماتخاف من المهمات الخطيره
بطلبك رايد فضا رهن الاشاره=حيث مثلك من يعين ونستشيره
واركب الددسن وصل الاستخاره=مايخيب ربك اللي يستخيره
لو تبيها هقوتي ترقا العماره=لو تبي ترقا السما ماهي كثيره
حط له جنحان ثم اظبط مساره=مايجاريها مكوكن في مسيره
والمنصه نطلقه من جال قاره=قوة الصاروخ من دوسه قصيره
ومن قبل تشعل للاقلاع الشراره=اقر وردك واطلب الله كل خيره
وتلـَّها للجو ياراع النماره=والسحاب المرتكم شتت نثيره
والقمر خله عن الددسن يساره=لاتمره وامسك خطوطن غزيره
والضحى المريخ يضوي لك حماره=دس عليها وخلها كنه مغيره
ولف حوله لفتينن باستداره=وصوره وارسل صوركم للجزيره
وصلـّها للمشتري باخر نهاره=واشتر المقسوم من زاد وميره
وحملك من الما ترا ماهو خساره=واشتر سلاحن يزبنك وذخيره
وشف زحل قدام وجهك في سماره=لاتطب ارضه ولا تارد غديره
ديرة عاشوا اهلها بالطراره=جنبه واصعد مع دروب عسيره
تاصل اورانوس وخذ لك به دواره=يذكرون ان الوسم جاهم بخيره
ويذكرون ان الوبارا والحباره=والارانب فيه ترعى بالظهيره
فيه ابو نواف قبلك شب ناره=يوم ضيع في شغايا اورانس طيره
وضايعن لابا القوايل به حماره=نادره يالخاز من خيرة حميره
وقانصه تمَّام مع نادر حراره=عاصبن راسه عسى ربي يجيره
طلـْع طيره لا طلع سحلي وفاره=ياخسارة برقعه ورباط سيره
ولا طلعت يجيك نبتون بانحداره=مدهر يالخاز مايشبع بعيره
لاتمره ردها من دون جاره=من بلوتو كنها اللي مستذيره
ردها للزهره وعاين زهاره=كنها بين الكواكب بنت أميرَه
واهني من هو عليها شب ناره=وسط ذودن والفحل توحي هديره
لا وصلته أقصد اقصور الإماره=يذكر المسيار فيها عند إميره
وبونايف له بها دين وتجاره=وكل يومن له مع المسيار سيره
واعرس وشهرالعسل خله حراره=في عطارد حرها مثل السعيره
واسبحوبين الكواكب في شطاره=وهاتو اخبار المجرات الشهيره
وارجعو برعاية الله واقتداره=يم الارض وحددوا شبه الجزيره
وفي رجوعك نحتريكم بالزباره=بين ساموده ولينة والزبيره
ولوتجي ناسا تبيني مستشاره=أو تبيك احذر اتخبر بالسريره
ون بغوك إفقلهم متطيع ساره=ون بغوني قلت أنا عيت امنيره

روحـ الكتمانـ
19-08-07, 03:40 AM
تسلم اخوي على الانتقاء المميز والاداء الرائع

الهنـوف
20-08-07, 04:27 PM
http://www.dobhran.com/images2/iwillbethere-anim1new.gif


وعليكم السلام ..

الله ..

جميل جدا ..


http://www.dobhran.com/images2/iwillbethere-anim1new.gif

خازباز
24-08-07, 11:54 PM
هلا بالجميع وشكرا لمداخلاتكم

غضا
30-08-07, 09:24 PM
السلام عليكم ورحمة الله وبركاته
بعد ان تعب ابالقوايل من سيارته الدداتسون احب ان يشغلها على الخطوط الفضائية لتلافي الزحام والحرارة
وقد اسند لنا مهمة القيادة وسوف نقوم باولى الرحلات الى الفضاء قريبا ان شاء الله
ولكافة الاخوة الراغبين في السفر الى الفضاء بصحبتنا الحجز مبكرا لدى مكتب خدمات /ابو نايف/البكيرية
عمارة /الضلفعة/شقة رقم 500/
وسيكون بصحبتنا المرشد السياحي /ابا لقوايل/ وابونايف /حامل اختام ابالقوايل

للاحاطة سنستخدم الكيروسن في مرحلة الاقلاع ومن ثم نتحول الى الاوكتاين 150// طبعا ماهو ب موجود
الان بس سنحاول البحث عنه في اقرب محطة في احد الكواكب
على الجميع شراء الفراء الخاص بالاسكيمو لاننا سنتعرض لموجات شديدة من البرد والحر /ومثل ما قالوا /ما دفاك وقاك /او كما قيل
هناك بعض المشروبات والمأكولات الخفيفة من سوق الجردة
لايلزم وجود محارم للنساء لان الكبائن معزولة والحديث من وراء الشق/يعني الرواق
للراغبين في اجراء تجارب علمية /بما في ذلك المتزوجون حديثا/اشعارنا بذلك مسبقالتوفير الوسائل المناسبة
لتحقيق نتائج مضمونة تفيد البشرية جمعاء
وقت الرحلة سيكون كافيا لمعرفة كل طرف للاخر ومن ثم اتخاذ القرار
ربما لن يكون بالامكان التوقيع باليد او البصم في حالة الرغبة في زواج المسيار لدى كوكب ابو نايف
لذلك يحسن اعداد واصطحاب اختام واصطمبة لدواعي التوثيق والسرعة
سيكون لدينا فرصة كبيرة لتصوير اهلنا //؟؟؟؟؟// في الارض من بعض الكواكب حسب نوعية المنظر
واريحية مراقب الرحلة ومرشدها السياحي
للاحاطة سنصطحب معنا في رحلة العودة حمارة ابالقوايل المختطفة منذ زمن حيث عثر عليها في احد الكواكب
لذلك من لديها اعتراض يمتنع عن السفر
كما سوف نستبدل صقر /تمام بصقر اخر بعد ان ثبت ان الصقر الموجود لديه اصيب بالزهايمر
اراهن اننا سنعود على غير ددسن ابالقوايل؟؟؟؟
هيا فلنربط الاحزمة استعدادا للاكلاع[/QUOTE]

هــذة الــمــقــدمــة لــوحـــدهـــا تــحــفــــة رائــعــة يــاخــاز

... بنت الجنوب ...
03-09-07, 08:56 PM
الله يعطيك العافيه

شكرا لك
http://www.alfrasha.com/up/430565771725254822.gif

أم أديم
14-01-08, 05:19 PM
الله يعطيك العافية

*أسيرة الذكرى*
19-01-08, 10:49 AM
http://www.uaeboys.net/vb/imgcache/19936.imgcache