ضيقة عصير...لمحمد بن فطيس المري

[شجــن]

مساء الخير...
تراي طلبتكم ولا تردوني ...أبي قصيدة (ضيقة عصير ) كااااااااااااااااااااااااااااااااااااااااااملة على الربابة او شلّة ..زي ما تجي تجي ...جيبوها لي ...ياعساكم ما تعرفون ضيقة عصير ولا تجربونها ....بس ياليت امتدادها يناسب الجوال...

[غضا]

ضـيـقــة عــصــيــــر

الروابع تقلّـب بـي علـى كـل صـوب = الحقايـق ضبابـيـه ولا بــه وكــاد
كنّهـا فـي عيونـي حلـم ليـلٍ كـذوب = شايفه شوف يـوم اقفـى ولا عـاد عـاد
ادري انّـه علـى حـد السرابـه يـذوب = ايتلاشـا ولـو شـوف النواظـر حـداد
ما اعتبر كل مقفي يـوم يقفـي هـروب = ربمـا انّـه مـزاج وربمـا انّـه عنـاد
لو يهم الجـدي غيبـة سهيـل الجنـوب = كان كـل الحـرار الشقـر لبسـة حـداد
سامعٍ لـي علـومٍ تبغـي المـا يـروب = وينهـا يامعلّـم فـي نـهـار الـطـراد
علّـة الوقـت ماتشفـا بحفنـة حـبـوب = ابيض الطرس مـا يبكـي لفقـد المـداد
الذكـا مايلبّـس للفتـى لـبـس ثــوب = لا يحـرّج علـيـه ولا لمثـلـه مــزاد
الفسـاد الكثيـر افنـى كثيـر الشعـوب = ماذكـر باتباعـه مـن تسـيّـد وســاد
هيه ياللي تريد اتثيب جرحـى الحـروب = النصـر مايجيبـه كـون خشـم الزنـاد
اجتمع بك مواهب وامتلـت بـك جيـوب = شوف زرقا اليمامه واسمع امـن القـراد
مس راسك وكانـه بالبطـاح امعصـوب = فايـك ايـاه مـا يحتـاج زود اجتـهـاد
بالاساطيـر ماهـو ينقضـي كـل نـوب = التمـرّد علـى شـوف الحقايـق فسـاد
ارد للعـد وتعـيّـن جـبـاه امـعـروب = وردة الـرس ماتحـري بتـرس الـوراد
لا تدافع من اللـي يحتمـي لـه بطـوب = لا صفى جو مكه وش علـي مـن تشـاد
دام فيهـا مثـل ماقيـل نفضـة جيـوب = خل وضح النقا والصـدق شـف ومـراد
ادري من امس فنجال الخواجـات كـوب = وادري الطق في اللي مـات ماعـد فـاد
وادري ان الثقه بك في طريق النضـوب = وادري ان كل من جا فوقـه الحـد بـاد
خيّلا البل وانا سميـت رجـل امحسـوب = لا انتخى البن باسمـي زدت فوقـه قنـاد
دام الانضى وصفر الخيل تبغـي ركـوب = مـا تـردّد ولا اجامـل ورايـي سـداد
وان غدا في الملاقا من ورى الحوب حوب = كن صلف المواجـه عنـد ربعـي عيـاد
وش علي من كلافـة نافخيـن الجنـوب = سلّـم المجـد ثابـت مـن ثمـودٍ وعـاد
هاجسي لا تقصـوى خـل ممشـاك دوب = ريّـح البـال دام الله حسـيـب العـبـاد
انتبه مـع خويـي فـي جميـع الـدروب = دامه اللي على الشطه الـى جـدت جـاد
جيب جيٍ وفرقـه فـي جميـع الجيـوب = لا زهمته وانا بـي ضيقـة اعصيـر زاد
يشرب القاز في عز الظهـاري شـروب = والسمايـم مـن الخـارج جعلهـا بـراد
يغتنم بي مـرادي قبـل وقـت الغـروب = يدري انّي مـع الضيقـه ماحـب البـلاد
يدري اني الـى نّويـت حـل الوجـوب = الوعر في طريق الجيـب مثـل الحمـاد
لا تذكـرت لـي دارٍ تضـم امحـبـوب = ويش ابي بالفياض اللـي غزاهـا الجـراد
كل ماهـب مـن ذيـك المرابـع هبـوب = لو حـلا النـوم بعيونـي يطيـر الرقـاد
لعنبـو حـي حيّـك يالغـزال اللـعـوب = مانشغل عنك فـي رحلـه مـع السندبـاد
تبت من طرد غيرك بس عنـك ماتـوب = دلـك الزيـن يجذبنـي بسلـك الــوداد
فيك سحـر الطبيعـه وامتـلاك القلـوب = بالعيـون الوسـاع اللـي حبكهـا سـواد
طيفك العـذب بافـاق الحبايـب يجـوب = فـوق حـد الجهالـه دون حـد الرشـاد
كل ماقلت بالقى فـي وصوفـك عيـوب = واقنـع النفـس عنّـك لابغيـت ابتـعـاد
شفت مابك سوا بالخلـق تكسـب ذنـوب = قانص بالعيـون السـود يرمـي وصـاد
صرت كلك بصوبٍ والعـذارى بصـوب = ويش اسوي مادام النفس حـرب وجهـاد
وراحتي يـوم شبشـاب الحكايـا شبـوب = عند نجل العيـون وطيـر حـر وهـداد


http://www.phroon.com/upload/file12/3sear1748119592.mp3

http://www.phroon.com/upload/file12/3sear1748119592.mp3

الشـاعـر / حـمـد بــن فـطـيـس الـمــري

http://www.trytop.com/pic/u/425/413/5213.gif

[شجــن]

تسلم الأيادي ياغضا بس أنا أبي قصيدة بن فطيس اللي أولها ...
الضيقة اللي دايماً تالي عصير .....وش حيلتي و أردّها لا تجيني ..

[غضا]

عــفــواً شــجـــــن ..........!!!!

هـــل إســتــمــعــتــي إلــى الـقـصـيــدة أو حـمــلــتــي الــرابــط !!!!

لالالالالالالالالالالالالالا أظــــــــــــــــــــــــــن ............

لإن مــاتــريــديــن هـي مـوجـودة عـلـى الـرابــط

وأنـا وضـعـت الـقـصـيـدة أعــلاة لأنــهــا تـســمــى ضـيـقـة عـصـيـر

وإن شـئـت فـأقــرئـي الـبـيـت الـتـالـي مـن الـقـصـيـدة نـفـسـهــا

جيب جيٍ وفرقـه فـي جميـع الجيـوب = لا زهمته وانا بـي ضيقـة اعصيـر زاد

http://www.trytop.com/pic/u/425/413/5213.gif

[شجــن]

يسلموووووووووووووووووو و كلك ذوق ....

[مخاوي الأحزان]

ياليت تزودونا بمقطع الصوتي للشاعر محمد بن فطيس قصيدة الضيقه

[نواره]

الضيقة اللي دايما تالي عصير وش حيلتي اردها لا تجيني


هذا الرابط على اليوتيوب
http://www.youtube.com/watch?v=6OlMg4hygL4

[الهنـوف]

. . . . .


يعطيك العافيه ،
بإنتظار ابداعاتك ..

الهنـوف ..
. . . . .



ــ [سبحان الله وبحمده ، سبحان ربي العظيم]

[المراد]

صح لسانم يابن فطيس

يعطيك العافية

[نادر 1414]

مشكورررررررررررررررين جميعــــآ

[الفارس المجاهد]

من ارووع ماقرأت من القصائد

شكرا لك

[هديتي]

رهيبة تسلم وعساك ما تشوف الضيقة انت والاخوان القراء

[حمى الإسلام]

قصيدةة رائعه
لكن ياشجن هل تجوز الربابه
من سينزل الموضوع سيبوء بوزرك ووزر من سمعها فهو لن يقدم لك خدمه

[الغامديss]

مشكوووووور والله يعطيك الف عافيه

[حياتي القصيم]

شكرا ولك مني...............اجمل تحيه ........تقبلوا مروري

[عيد وبرجس]

الذكـا مايلبّـس للفتـى لـبـس ثــوب = لا يحـرّج علـيـه ولا لمثـلـه مــزاد
الفسـاد الكثيـر افنـى كثيـر الشعـوب = ماذكـر باتباعـه مـن تسـيّـد وســاد

[رنودي1]

يعطيك العافيه ... يا الغلا ..


ننتظر جديدك بكل ود..

[قلب طفلة]

روووعه يعطيك ربي الف عافيه يارب

[قلب طفلة]

http://up.z7mh.com/upfiles/Nl974888.gif

[أم صعــ دوت كوم ــفق]

صح لساااااااااااااااااااااااانك ابن فطيس

[رانـسـي]

روعههه يعطيكم العافيه اعجبتني اللي ع اليوتيوب

[نونة اليوسف]

مشككككككككككككووووووووووووووووووووررر

[نونة اليوسف]

اللة يعطيك العافية ربي