دام ذلي لك سعاده ادعسي فوق الجبين

[الزاحف]

تظربينى مايهمّك لو ضحـك كـلٍ علـى = والله إنى ماظربتك يـوم شفتـك تغلطيـن

تحقرينى يوم أنادى يابعد عمـرى وهلـى = تبعدينى يوم أقـرّب يابعدهـم خطوتيـن

وش يهمّك لا تساوى رضاى عندك وزعلى = دام ذلّى لك سعاده إدعسى فـوق الجبيـن

شفتى الدنيا تساوت فـى عيـون العبدلـى = إيه أبيع الكون كلّه بس أشوفك تضحكيـن

إيه أبعلن هالقصيده لـو نقـد كـلٍ علـى =إيه أبفظح كل خافى وأجعل الخافى يبيـن

ومن سألنى من تكون أقول إسمـع مايلـى =؟؟؟؟؟؟؟؟؟؟؟؟؟؟؟ ين

هى ملاكٍ خصّهـا الله بالجمـال المعتلـى = الجمال اليوسفى فيها تشوفـه كـل عيـن

ويش بابل لارحم جـد الجمـال البابلـى = كلهن صارن يسار ووحدها تصبح يميـن

هذى (نوره) بنت أبوها هذى نوره العبدلى = بنتى اللى من غلاها يرخص الشى الثمين

اضربينى لايهمّك لو ضحـك كـلٍ علـى = توّها بنتٍ صغيـره عمرهـا دون سنتيـن

العبدلي من افخاذ قبيلة مطير

[محروم من قربك]

قصيدة جميلة ورائعه
لكن شد انتباهي هذا البيت

ومن سألنى من تكون أقول إسمـع مايلـى
؟؟؟؟؟؟؟؟؟؟؟؟؟؟؟ يــــــــــــن

ها بيت ولا استهبال

[خالد المطيري]

هذى (نوره) بنت أبوها هذى نوره العبدلى
بنتى اللى من غلاها يرخص الشى الثمين

اضربينى لايهمّك لو ضحـك كـلٍ علـى
توّها بنتٍ صغيـره عمرهـا دون سنتيـن


قصيدة أكثر من رائعه:)


مشكور الزاحف:rolleyes:

[الزاحف]

محروم من قربك

شاكر لك مرورك الكريم وتعليقك

هذا لاهوبيت ولااستهبال هو فقط ان الشاعر حب الآحتفاض بهذا الشطر لنفسه

[الزاحف]

هلابك ياهجير الدار

والف شكر على مرورك العاطر