المساعد الشخصي الرقمي

مشاهدة النسخة كاملة : اكلة لذيذة مااعرف اسمها


شـــــاهه
29-06-04, 03:08 PM
اخواتي واخواني الافاضل

السلام عليكم ورحمة الله وبركاته

من كم يوم زرت بيت اخوي وكانت زوجة اخوي مسوية اكلة عجبتني ولذيذة

وتقول (لاتنسون انها تقول) ان هالاكلة من تأليفها واختراعها والله اعلم

طريقتها سهلة كثير وبالفعل الاكلة لذيذة

مكوناتها (المقادير)
------------------

* دجاجة مقطعة الى ست قطع طبعا تنظف جيدا

* بطاطا حوالي خمس حبات وسط مقطعة شرائح دائرية ليست شديدة السمك

* فطر

* جزرتين مقشرة ومقطعة حلقات

* ان وجد اربع بصلات صغار تقشر دون تقطيع

للتتبيل
------

* ملعقة ليمون مطحون يابس + ملعقة قرفة + ملعقة فلفل اسود + نصف عصير ليمونة اوليمونة + ملح+ زيت زيتون + حصين ثوم

جميعهم يخلطوا جيدا وتفرك به الدجاجة جيدا ( يفضل عمل هالتتبيلة قبل ساعه من طبخهم )

توضع الدجاج المقطع بصينية وتوضع باقي الخضروات السابقة معها

تغلف بقصدير جيدا وتوضع بالفرن ( لاحظى لم نضع ماء )

بعد التاكد من نضجهم ينزع القصدير وتترك قليلا لتتحمر

وصحتين وعافية


ودمتم بخير ان شاء الله

اختكم

شــــــــــــــــاهه


ملاحظة:

انا سويت هالاكلة ماطلعت مثل اكلة زوجة اخوى يمكن لانى ماحطيت لاثوم ولابصل
مدري ليييييييييييييييييييييييه

هبه
30-06-04, 05:02 AM
شاهه ياغاليه

مشكوره من قلب

بصراحه أختي بتجي ومحتاره وش أصلح لها اكل

انا طبعا ادور على الأكلات السهله الي ماتاخذ وقت

علشان يمديني اجلس معه

ودائما اكلاتك تجي على الكيف سهله ولذيذه

واذا ماتحبين الثوم الطري استخدمي المسحوق

ترى يعطي نكهه ولا له ريحه

سلامي لك

رامز
30-06-04, 02:31 PM
مشكورة سهلة وشكلها حلوة .

أم أديم
30-06-04, 03:14 PM
والله شكلها لذيذة


يالغاليه


وسلمل على زوجة اخوكِ


عساها على القوة


لا عدمناكِ يالغالية :rolleyes:

سيف العداله
30-06-04, 05:46 PM
ما تعرفين اسمها (e)

بس شكلها لذيذه

بسويها الليله عشاء لسيفة العدالة (aqwa) لان اليوم دوري بالطبخ :p


تشكرات يا الامبراطورة :rolleyes: