زوجة توصي زوجها وهي تحتضر

[ابو رزيق]

تـرى الذبايـح وأهلهـا ماتسّلينـي =أنا أدري إن المرض لا يمكن علاجه
أدري تبي راحتي لا يابعـد عينـي= حرام ما قصّرت يديك فـي حاجـه
أخـذ وصاتـي وأمانـه لاتبّكينـي =لو كان لك خاطرٍ ما ودي أزعاجـه
أبيك في يديـك تشهدنـي وتسقينـي= أمانتك لا يجـي جسمـي بثلاجـه
لف الكفن في يديك وضف رجلينـي= ما غيرك أحدٍ كشف حسناه واحراجه
أبيك بالخيـر تذكرنـي وتطرينـي= يجيرني خالقي مـن نـار وهاجـه
سامح على اللي جرى ما بينك وبيني= أيام نمشـي عـدل وأيـام منعاجـه
همي عيالي وأنا اللي فـيْ كافينـي= علمهـم الديـن تفسيـره ومنهاجـه[/size]

[انغام بدوية]

ابن رزيق قصيدة توجع القلب تحرك المواجع تشعل النار بالجوف تذكرنا بالفراق....من الشاعرة هل هي لعابرة سبيل؟؟؟؟؟ اتمنى ان تذكر الشاعرة والف الف شكر لهذا الابداع.

[Roses_Lover]

فعلا أنغام بدويه........... هذي قصيدة الشاعره الراحلة عابرة سبيل

الشاعره معروفه بقصائدها المميزه

وهذا رد زوجها على قصيدتها التي اوردها الأخ أبو رزيق.

حاولت أنام وحاربت عيني النوم
وجريت صوت مثل صوت الذيابه

والجفن كنه صاير وسطه هزوم
ودموع عيني مثل رش السحابه

على وليفِِ قالوا اليوم مرحوم
راح وتوفى ما تهنى في شبابه

زرت القبور اللي على بعضها رسوم
حطيت رسمِِ فوق ذيك النصابه

قلبي من الدنيا عليل ومرسوم
الوسم توه عقب خط الكتابه

أحبها مير القدر صار مقسوم
ويحبها كل الأهل والقرابه

الموت أخذها وأودع القلب مسلوم
جرح عميقِِ ما يداوي صوابه

الموت أخذ شجعان ورخوم وأقروم
وأخذ رسول الله وباقي الصحابه
-----------

ولمن لا يعرف من هي عابرة سبيل فهذه الأبيات تعبر عن بطاقتها الشخصيه حسب ماوصفته الشاعره نفسها يرحمها الله:


أنا عجوز مطلـــقة وأم ورعـــــــان
وأيضاً مدام وبنت وآنس وعانـــــس

أنا بدوية وعايشه عند حضـرا ن
وبنت البحر وأبوي زارع وغارس

أمية ماتعرف حروف وألــــــــــوان
وتلميذة دشت جميــع المــــــدارس

ضفره وخبله ، عاقلة،في نقصان
شرود وأنطح لي ثمانين فـــــارس

خلونِ أعيش العبرة دون عنـــوان
طــــــيف يمر بلا رقابه وحـــارس

[عين المساء]

قصيده رائعه وسهلة المعاني وكان رد زوجها أكثر من روعه دليل على حبهم لبعض ,,, إذا كانت فعلا متوفيه الله يرحمها

[سليم الشرعان]

تـرى الذبايـح وأهلهـا ماتسّلينـي =أنا أدري إن المرض لا يمكن علاجه
أدري تبي راحتي لا يابعـد عينـي= حرام ما قصّرت يديك فـي حاجـه
أخـذ وصاتـي وأمانـه لاتبّكينـي =لو كان لك خاطرٍ ما ودي أزعاجـه
أبيك في يديـك تشهدنـي وتسقينـي= أمانتك لا يجـي جسمـي بثلاجـه
لف الكفن في يديك وضف رجلينـي= ما غيرك أحدٍ كشف حسناه واحراجه
أبيك بالخيـر تذكرنـي وتطرينـي= يجيرني خالقي مـن نـار وهاجـه
سامح على اللي جرى ما بينك وبيني= أيام نمشـي عـدل وأيـام منعاجـه
همي عيالي وأنا اللي فـيْ كافينـي= علمهـم الديـن تفسيـره ومنهاجـه[/size]

بسم الله الرحمن الرحيم


ابو زريق

تسلم على النقل الرائع