قصيمي نت
الرئيسية موسوعة الطبخ القرآن الكريم ملفات الفلاش مقاطع فيديو الصوتيات القصص
دليل المواقع العاب مجلة قصيمي البرامج الحياة الزوجية TV مكتبة الكتب
للاعلان بطاقات الجوال أناشيد ألبوم الصور يوتيوب العرب توبيكات

العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر
 
 

للشكاوي والاستفسار وإعلانات المواقع الشخصية مراسلة الإدارة مراسلتنا من هنا

 


العودة   منتديات قصيمي نت > المنتديات الطبية > العــلاقة الزوجية

إضافة رد
 
أدوات الموضوع تقييم الموضوع انواع عرض الموضوع
  #1  
قديم 05-05-13, 06:50 PM
الصورة الرمزية ابـــو وريـــف
ابـــو وريـــف ابـــو وريـــف غير متواجد حالياً
Banned
 

افتراضي قصه رائعه .. ههههههه

اقرؤا القصه للاخير قسم تضحك هههههه
واحد كاتب معاناته بمنتدى ويبي حل مع زوجته 😂😂


انا عمري 34 لدي اربعه اطفال وزوجتي 28 سنه كل سنه تجي اقول زوجتي تبي تعقل والله انها تنهبل زياده عقلها خفيف غير ناضج خلاص متى تكبر وتعقل وتثقل انا صراحه استسلمت وقلت اطق عليها ثانيه خليها تعرف ان الله حق وهي ولا عندها انسانه من كوكب ثاني اضرب لكم امثله صداها لا يذهب عن بالي وتحملوني يا اعضاء لاني ابفصل المشكله

اذاضحكت ياليتها تضحك مثل الخلق لا ضحكتها موحده وهي نياهاهاه وبصوت عالي.... اذا جت تكلمني وتدري اني بجتماع رجال او كنت معزوم وش تسوي تتصل و تقول ابوووك يالثقل ياهوووه يالرسمي امووت انا على الي مسوي فيها ثقيل وتضحك بعدين تكلمني كلام جن*ي وتضحك تقول اتحداك ترد علي وبعدها نياهاهاها انا انحرررج قدام العالم اسكرها وهي تتكلم خلاص انا اذا صرت بجتماع مهم استحاله ارد عليها المشكله ترسل رسايل ابيك ضروري جدا جدا بسررررعه لازم تدري قبل الظهر ترووعني واذا رديت على طول نياهاهاها جيت للبيت وضربتها وصلت حدي قلت لها وقت الجد جد وقت المزح مزح وانا اضرب فيها تلمسني وتسوي نفسها دايخه اعطيها طراق تمسك يدي وتبوسها انسانه غريبه هجرتها ورحت غرفه ثانيه ما ادري الى هي لازقه فيني اقفل الغرفه تويق مثل الاطفال تحت الباب وتقولي كلمات لا استطيع البوح بها وتدخل اصابعها من تحت الباب وكل كلامها ضحك

مسكتها ورجيتها ونفضتها نفض قلت اعقلي اركدي والله لا اتزوج عليك ان صرتي كذا والله انها تطق رقبه تقول المملوح ناوي يعرس ومااالوه اعرس ؟؟؟ وتقوم تهزز المشكله اطفالي مثلها عقلهم خفيف مافيه ثقل اببد ماكتبت مشكلتي الى اني موصله معااي للاخر

امس بالشارع اسمع زعاق وصراااخ دخلت للبيت وش اشوف تضارب مع عيالها يجلدونها وتجلدهم وانا مستغرب صرخت عليهم ويطالعوني ويضمون بعض ويبوسون بعض ويقولون وش جابك ؟؟ حنا نلعب

اذا كان فيه استراحه وجمعه مع الاهل تركض مع الاطفال ومعها احتياطها ملابسها على طول للمسبح ماتجلس مع الحريم الى قليل مع اني اشوفهم يترجونها يقولون بعديين تعالي معنا وهي مالمك احد طبعا اهلي يحبونها

انا شكيت ان فيها مس من الجن ماهي طبيعيه اببد تصحى من النوم ترقص تقلب من نومها تهز كلمت امها وصارحتها قلت بنتك يبي لها قران لازم نوديها شيخ جت امها وودتها لشيخ ويقول الشيخ البنت مافيها شي المشكله امها تهاوشها بالسياره تقولها ليش تقولين لشيخ لا تتفل علي ؟ يوم طالعتها صرخت وقالت خله يتفل عليك كانك تبي تفاله قلت وعدنا البيت

العام قلت ابحج واخليها تحج معي ان شالله تعقل وتركد وش سوت بالطواف مع الزحمه الشديده استرخت على امرأه بدينه جدا تقول خلها تدفني واحاول اسحبها ماقدرت الزحام شديد وهي مبسوطه وتقولي يا سلام يدفوني رجليني ماهي في الارض صرت طويله وناااسه قلت لها احتسبي الاجر وتلتفت على المرأه وتقولها هييه وين وصلنا اي شوط احيانا غصب علي اضحك

عند ركوب الباص لذهاب الى الحرم مالقيتها ادورها مالقيتها اكلم النساء في الحمله غير موجوده نهائيا كلمت بعض الاخوان ندورها وين لقيتها ؟؟؟ تنظم العالم الي ضايع تقوله تعال هنا والي يدور باصه توديه للباص مسويه مرشده الحمله ؟ سحبتها مع رقبتها وانا اسحب وهي توصف تقول وش فيك ابي اجر وخر

كلمت والدتي تتفاهم معها تقولي ابصارحك بشي صح انه غلط تصرفاتها لكن لو فيني هموم النيا زوجتك اذا دخلت علي نسيت كل همومي قلت طيب انا ابتزوج ابي وحده عاقله قالت بكيفك لكن زوجتك ماتطلقها طبعا الوالده تحبهاحبا جما ودايم تناديها عندها

قبل شهرين رحت لمكه مع والدتي وزوجتي حطيتهم في التوسعه رجعت لقيت زوجتي ما انتبهت لي ماسكه وحده افغانيه وقاعده تتكلم معها جيت شوي شوي واسمعها تقولها شفتي الدنيا يوم لك ويوم عليك وتقص لها قصص والافغانيه ماتعرف عربي تهز راسها وهي ماتدري وزوجتي مواصله تشكي لها قلت لزوجتي وش تتكلمين معها ماتعرف عربي قالت ابد صارت صديقتي

الحل يا اعضاء انا نصحتها وهاوشتها وكلمتها وضربتها لكن مافيه فااايده شلون تعقل وتتفهم والله ثم والله تعبت ابي حل وافكر جديا بالزواج



الله يعوض عليه ههههههههههههههـہ :-)


بس والله انها وناسه وفله😂

 

التوقيع   

رد مع اقتباس

موقع الدلال – حراج الكتروني

  #2  
قديم 05-05-13, 07:20 PM
الصورة الرمزية نفس الفجر ...
نفس الفجر ... نفس الفجر ... غير متواجد حالياً
من نجوم المنتدى
 


افتراضي

الله يعوض عليه ويجزيه علي صبره

قاضيه بنت الحلال ومعطيه الدنياا طااف

أتوقع لو تزوج عليها ماراح تحس بغيره

من حظه يتزوج ويرتاح من هبالها

 

التوقيع   

رد مع اقتباس
  #3  
قديم 05-05-13, 07:50 PM
الصورة الرمزية أُنْثَىَ مَلِكَهْ~
أُنْثَىَ مَلِكَهْ~ أُنْثَىَ مَلِكَهْ~ غير متواجد حالياً
من نجوم المنتدى
 

افتراضي

يآقلبي وعمري عليهآ )
يحمد ربه ويشكره الي صآبره بعد ضربه .
مآشاءالله تبآرك الرحمن لـآيقول لـآاحد عنها
مو كل وحده فرفوشه وتنسى المشاكل .
اهو صح يعني العقل نعمه اللهم لك الحمد والشكر .
لكن يتعامل معها بالهداوه وبغرفه اضائتها خافته لجل تتكلم له عن سباب هالـآنطباع
> دكتوره نفسسيه .
. والرجال ع كيفه اذا بغى يتزوج
قال ابي وحده هاديه . ابي وحده عاقله .
واذا هاديه قال ابي وحده فرفوشه . واذا عاقله قال ابي وحده تتكلم معي وتستهبل
> ياخوان ارحمووهم . حيرتهم بحياتهم . ربي يعوضهن الجنه ابرك من الدنيا ومافيها
زين متحملته وتضحك في وجهه واهو يضربها )
>> دفـــــــــــآع انثوي

 

التوقيع   

رد مع اقتباس
  #4  
قديم 06-05-13, 02:33 AM
الصورة الرمزية ... بنت الجنوب ...
... بنت الجنوب ... ... بنت الجنوب ... غير متواجد حالياً
إستثنآئيه
 

افتراضي



البنت مو طبيعيه أبداً

الله يشفيهآ

مآودي أقول أكثر

حرآم نستأثم فيهآ

لأنهآ بآلفعل غصب عنهآ مو ع كيفهآ

 

التوقيع   

رد مع اقتباس
  #5  
قديم 06-05-13, 04:09 AM
الصورة الرمزية هنوفا
هنوفا هنوفا غير متواجد حالياً
من نجوم المنتدى
 


افتراضي

اقسم بالله موت ضحك وهي مسترخيه ف الحج وتسال عن كم شوط
دي الانسانه
ع الفطره
ماحبتها ام زوجها من فراغ الا ان قلبها ابيض

الرجال مايعجبو العجب
عساه لو تزوج تجيه وحده ثقيلة دم تخليه يترحم ع ام عيالو

 

التوقيع   

رد مع اقتباس
  #6  
قديم 06-05-13, 10:33 AM
الصورة الرمزية ابـــو وريـــف
ابـــو وريـــف ابـــو وريـــف غير متواجد حالياً
Banned
 

افتراضي

اخت المها & انثى ملائكية & بنت الجنوب & هنوفا

سعدت بتواجدكن .

 

التوقيع   

رد مع اقتباس
  #7  
قديم 06-05-13, 01:46 PM
الصورة الرمزية ابـــو وريـــف
ابـــو وريـــف ابـــو وريـــف غير متواجد حالياً
Banned
 

افتراضي

تحديث
 

التوقيع   

رد مع اقتباس
  #8  
قديم 07-05-13, 08:02 AM
الصورة الرمزية كلمااات
كلمااات كلمااات غير متواجد حالياً
من نجوم المنتدى
 

افتراضي

والله وناسه ذي البنت محد موسع صدره عليها كثر ام زوجها
اكيد تنحب لأنها تضحكهم كم ساعه وتروح
اما الي طايحه بكبده الزوج
الله يكون في عونه
معقوله كل ذا الوقت معاها ماشاءالله ولا تأثر فيها
الله يصبره ويعقلها

 

التوقيع   

رد مع اقتباس
  #9  
قديم 07-05-13, 08:20 AM
الصورة الرمزية قلب العنا
قلب العنا قلب العنا غير متواجد حالياً
من نجوم المنتدى
 


افتراضي

البنت فرفوشة وحبوبة وقلبها ابيض حيييييييييييييييييل

ومفروض زوجها يحمد ربه ويشكره ويحتويها ويتعامل معها بحنية ويقرب منها اكثر

 

التوقيع   

رد مع اقتباس
  #10  
قديم 07-05-13, 10:10 AM
الصورة الرمزية ابـــو وريـــف
ابـــو وريـــف ابـــو وريـــف غير متواجد حالياً
Banned
 

افتراضي

كلمات & قلب العنا

الله يسعدكم ع الحضـور

 

التوقيع   

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

للإعلان معنا

برامج

العاب

دليل قصيمي نت                   حراج الرياض

RSS  RSS 2.0  

في الانترنت في قصيمي نت

الساعة الآن 11:40 AM.
 
Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

تلفزيون قصيمي نت ديوان قصيمي نت قصص قصيمي نت دليل المواقع
مجلة قصيمي نت الحميه والرجيم كتب قصيمي نت الحياة الزوجية
الأذكار مطبخ قصيمي نت best free website صوتيات قصيمي نت
مواقيت الصلاة أخبار قصيمي نت شرح برامج فيديو قصيمي نت
الأدعية الصحيحة اطفال قصيمي نت فلاشات قصيمي نت العاب قصيمي نت
عالم حواء صور قصيمي نت جوال قصيمي نت بطاقات قصيمي نت