|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
15-04-12, 09:14 PM
|
||||
|
||||
لاتشتكي من جور الايام لناس.. مميز الأسبوع
  غروب الشمس غروب الشمس والغيمه يبشرني بظلام الليل وعلى ضفة حدود الياس ما شفت الا هالغيمه حزنها يمطر فبحري والمها يشتكي لي الويل ودمعتها تنادي للزمن والحزن تنغيمه جروح ٍ باينه في عينها ترجي مرور السيل يبعثر في مسارات الزمن للحزن تنهيمه يزعزع رعدها صمتي وبرق ٍ يشتكي لي الميل وتغفى في حضن غيمه اهي للميل ترميمه تلاقي بحلمها السحري الم نجمه هجرها سهيل الم دمعه هجرت عين النجم للشوق ترنيمه _________________________________________ غروب الشمس لحظاتك تعيش بداخلي ذكره تظل تعيش فى عمري مثل ظلى معي تنساق شكيت جروح بغيابك ويصير الكون يا صغره تاكد حس بشواقي فراقك بعثر الاوراق سواد الليل يا طولك سكونك هيض العبره دموع البعد خلني اعاني لوعتي بفراق ارجع عشرة الماضي وتزيد بداخلي حسره دريت انك رجاء روحي ومصيرك يا غروب اشراق خيالك عايش ببالي وطيفك ساكن بفكره عشقت بطبعك الدنيا ويزيدك مع حلاك اخلاق علامك يا زمان دايم نصيبي فيك يا غبره تعثر حضي العاثر عذابك يا زمن حراق نسيت بحبك العالم لقيتك يا امل عمره احبك اعشق ترابك احبك يا منى المشتاق غروب الشمس لو غبتي شروقك موعدة بكره جمالك لوحتن تبقى يحن لشوفهاالعشاق
|
|
#2
15-04-12, 09:42 PM
|
||||
|
||||
|
|
#3
15-04-12, 10:55 PM
|
||||
|
||||
|
. شوفى سواد اليل والقمر بادى كيف لا صرتي انتى القمر والنجوم احبك حب احتراف ماهوب عادي سعادتي تبداء بشوفتك وأنسى الهموم كني اسمع صوت انفجار ينادي عرفت نبضات قلبي قنابل والغوام انا المتيم لطول بالليل اسهادي لا صارت ارموشك تنثر على السهوم لو البعد فيه خير لبداء بعادي عصت رجلي البعد وهنت القدوم كثر من ينتقدني راضي بنتقادي نقدي البناء يزيد فيني العلوم شعر ادواي لا صار لهم يزدادي انا في بحور الشعر يحلالي العوم وليا سمعت صدى شعري فوادي عرفت انه الشعر جيش زيزوم نار العواذل لها الف وقادي لانه العوازل هم الرخوم الشعر عندي مثل الماء وزادي مثل الشعور بداخل المغروم حبيبتي شيء بقلبي مهوب عادي احلى من الياسمين وروز والمشموم لا حكت متعتني بصوتها الشادي لا سرحت بها طيرت من عيوني النوم شقول اقول انها غايت امرادي ولا اقول لجلها تحديت القوم يا عسى همالها غيث وبرادي ويا عسى في صحة وخير دوم لانها القمر الي على القلب بادي ونها نجمتن تعلت فوق كل النجوم .
|
|
#4
16-04-12, 11:54 AM
|
||||
|
||||
|
جيتك يابحر اشكي همومي عليك جيتك ابشكي عليك من جور الايامي جيتك يابحر وانا كلي أمل فيك تأخذ همومي وتزيل الأحزاني أبي أحكيلك قصتي وفالخاطر اسليك عن حبيبأ في القلب له منزل ومكاني وش الحل يابحر وأنا بعمري أفديك ووصل سلامي للحبيب اللي عطاني لاذكرتك يابحر وموجك وطاريك ذكرت منهو بحبه وبالمشاعر فداني
|
|
#5
16-04-12, 12:36 PM
|
||||
|
||||
|
جيت البـدو ثـم شفـت قطعـان الاذواد ****************وبـيـت الشـعـر لازال بالـمـجـد حـيــا بيـت الشعـر يملـك رصيـدٍ بالأمـجـاد ****************رمـــز الـكـرامـة والـوفــا و الحـمـيـا يوم الزمـن قاسـي علـى كـل الأجـواد ****************رمـز الكـرم بيـت الشعـر لـه و صيـا كـم خيـرٍ مـن حـر مـالـه بـهـن جــاد ****************لـو الزمـن جـوره علـى النـاس سيـا وأفيـد اللـي عـن سيـرة البـدو نشـاد ****************تاريـخـهـم فـــي كـــل مـجــدٍ غـنـيــا للمـجـد مــن مــاض التـواريـخ رواد ***************كـــلٍ عـلــى تـاريــخ مـجــده و فـيــا أيامهـم تمضـي مثـل وصـف الأعيـاد ***************مـاهــو نـفــاق أفـعــال طـبــعٍ بـريــا رجـالـهـم مـالــه عـــن الـمـجـد رداد **************لــو جــار وقـتـه وافــي الفـعـل عـيـا مـن أيـام قـل المـال والنقـص بالـزاد ***************كـــلٍ عـلــى ضـيـفـه كــريــمٍ بـهـيــا يـوم الطعـام يجـاب مـن سـوق بغـداد **************والـنــاس بـالأفـعـال مـاهــم ســويــا والطيـب يوجـد لـه زعامـات وأسيـاد **************تــجــود بـالـمـاجـود بـالـلــي تـهـيــا يـامـا ذكـرهــم بـالـوفـا كـــل قـصــاد **************تاريـخـهـم مـعــروف مـاهــو خـفـيـا وأخـاف أنـا مـن قـول حاسـد ونـقـاد *************وإلا ولـــــد لاشٍ خـبــيــثٍ رديــــــا الحضـر يوجـد لـه تـواريـخ وأمـجـاد *************كــــمٍ شـهـيــمٍ بـالـمـراجـل قـصــيــا لا شـك مـن زرعـه لـلأرزاق حصـاد *************و يسقيـه مــن جــم القلـيـب الـرويـا أمـا البـدو يـاتـون بــه بـعـد الأنـكـاد *************لـكــن الـمـوفـق بـالـمـراجـل شـقـيــا خمسة عشر ليلـه علـى الوجـه مـداد *************مــع مثلـهـن يمـكـن يصـيـر المجـيـا ونوب السلامة عندهـم رأس الأفـواد ************مـع الطريـق الـلـي مسـيـره مــد يــا والـدور هـذا غـيـر والخـيـر بــه زاد ************لـكـن الـهـوى بـالـجـو مـاهــو نـقـيـا الـنـاس يشكـونـه جمـاعـات وافــراد ************دورٍ عـلـى الأجــواد مـاهــو رضـيــا قلـيـل بالمـيـدان مــن يـاصـل الـمــاد ************كــل البـشـر مشـيـه ضعـيـفٍ بـطـيـا مع سوق الأسهم صارت الناس تنقاد ***********ولـحـدٍ فـهــم مـمـشـاه لـعـبـة عـمـيـا يذكـر بــه الهـامـور للمبـتـدي صــاد ***********الـظـالـم الـلــي يـأكــل الـلـحــم نــيــا النـاس مطلـوبـة مــن الـمـال الأزواد ************والــمـــال راح ولابــقــالــه بــقــيــا المسعـد اللـي منـزلـه وســط الانـفـاد ***********وبيت الشعر ضلـه عـن الشمـس فيـا وإلا نـزل فـي وسـط فسيـح الاجــلاد ************ورد عــلــى عــــدٍ جـوانـبــه طــيــا ياما ينوض البرق مـع صـوت رعـاد ***********وتـهـب بالـرحـمـة هـبــوب السـقـيـا ويرحـل ومنزالـه علـى كيـف مـا راد **********بـأرض خـلا مــا بــه لـلأنـوار ضـيـا يبعد عن أصـوات المدينـة والإجهـاد **********مـن القـوت فـي بيتـه كـفـاف الكفـيـا ويركـب ذلـولٍ فوقـه الخـرج وشــداد **********ألـــذ مــــن قــصــرٍ بــحــي الـعـلـيـا
|
|
#6
16-04-12, 02:00 PM
|
||||
|
||||
 جاك الفرج ياطير عقب اللهايب عقب المقيضي والليالي المغابيش سبعة اشهور موثق بالصلايب مثل السجين وعند ناس مباليش عليه للديان خمسة طلايب ومن الغثاء زودعلى البال تشويش جيتك اهلي يا عطيب الظرايب ياقاطع اقلوب الحباري المخاريش فعلك يذكر بين ربع وقرايب واهل الولع من زين فعلك مداهيش الصيرم اللي في افعوله عجايب جول الحباري لا قفاهن مرابيش العام اناء وياه مثل الصحايب بارض قفاروالصحاري النشانيش طلعه وكاد ولابعد رد خايب اليا طلب ماقول طلعه على ويش وتفاقعن من تحت قشعه رعايب وتدافعن اتقول جمع مهاويش وراج يتخيرطايب الكيف طايب وسلط على خربن اشدوقه مداغيش نزر على الثندات عضل النشايب خلى العواشق من نجيره دناديش ياطير اناء وياك حاضر و غايب جيتك امولع بنقلتك والمطاريش ياطير عقب سهيل نرجع حبايب عزك بقلبي وللمحبه نغاميش واليوم شفتك وشفت عزر المصايب يوم شفت ريشك يابسات تقل حيش وجتك الحفاة بين وكر ونصايب ومن السويرق ذاويات بك الريش وعضيت كفي عقب ذيك الطرايب يوم شفت ربشك غاديات عكاريش وجدره بخشمك واسفل البوز عايب وفحه بصدرك ينسمع له خشاخيش اناء احسبني بربطه الطير صايب عند الذي ملبوسهم للطرابيش
|
|
#7
16-04-12, 02:29 PM
|
||||
|
||||
 ياذيب انا بوصيك لا تاكل الذيب كم ليلة عشاك عقب المجاعه كم ليلة عشاك حرش العراقيب وكم شيخ قوم كزته لك ذراعه كفه بعدوانه شنيع المضاريب ويسقي عدوه بالوغى سم ساعه ويضحك ليا صكت عليه المغاليب ويلكد على جمع العدو باندفاعه وبيته لجيرانه يشيد على الطيب وللضيف يبنى في طويل الرفاعه جرحي عطيب ولا بقى لي مقاضيب وافخت حبل الوصل عقب انقطاعه كني بعد فقده بحامي لواهيب وكني غريب الدار مالي جماعه
|
|
#8
16-04-12, 03:17 PM
|
||||
|
||||
|
ياكليب شب النار ياكليب شبه && عليك شبة والحطب لك يجابـي وعلي أنا ياكليب هيله وحبه && وعليك تقليـط الـدلال العذابـي وادغث لها ياكليب من سمر جبه && وشبة الي منه غفى كل هابـي باغي ليا شبيتها ثـم قبـة && تجلـب لنـا ربعـا سـراة غيابـي بنسريةً ياكليب صلفا مهبه && لاهـب نسناسـه تقـل سـم دابـي سراة بليـل وناطحيـن مهبـه && متكنفيـن وشوقهـم بالعذابـي الوالمة ياكليب عجل بصبه && والرزق عند اللي ينشى السحابـي صبة لقرما صرفته ماحسبه && يوم البخيل مكنهب الوجـة هابـي وصبة لمنعورين ليا جاة نبة && يرخص بعمره والدخل لها ضبابي وعدة عن اللي مايداري المسبه && اللي يدور بالقصيـر الغيابـي عن الطيب عده نازلا له بغبه && يضرب علي درب الخطا مايهابي لا باطن الهلباج خطوا الجلبة && يا حلو خبط عصيهـم بالركابـي أطمر لهم وأبدي سلام المحبه && لا جو على هجناً يديهم خرابـي سلام أخلى من شخاليل جبه && وأحلى من السمن الجديد العرابي مع كبشً مصلاح راسه نجبه &&لا أدبـر الهيـن متيـن العلابـي خطو الولد يوم الملاقي نكبه && يأتي علينا من حسـاب الزهابـي وحتى ايش لو يلبس وبينن وجبه && معيرة على غضير الشبابـي أنا لقيت الصبر يازين غبه && يرقيك رؤوس مشمرخات الهضابي من لاصبر ياكليب في حكم ربه && هذاك يوم البعث ماله ثوابـي يقولها اللي ما حسب المسبه && ولا عرقل الاجواد ببعض الهلابي هذا هوى بالي وهذا مطبه && من قبـل مايسفـح علينـا الترابـي
|
|
#9
16-04-12, 09:29 PM
|
||||
|
||||
|
الولع شين .. ياراع الولع لاتكود روحك اللّي تقود المجد 000ويقودها ماتخيّرت .. حب الخيل .. ورث الجدود حيّ ورثٍ يرد النفس000 لجدودهـا ماتقل قلبك العليا عليها ورود وماتقل عقبك البيضى على حدودها قالوا إنك عشقت الخيل والخيل خود عشقها يستبيح الروح 000ويكودهـا مهرتك في تعجرفها تحدى الحسود لوله ألفين عين ٍ ماحوى000 زودهـا لو يفرّق حـــلاها للغواني 000 يزود يرهي الما .. على كل الدلي جودهـا فلوة الشمس ترفه .. وين عنها الصدود حي ماها ومجناها .. ومولودهــا سرجها الريح ويديها سراديب نود ونار قرم معارفها من000 وقودهـا وخصرها للغواني مثل خصر العنود وجيدها جيد جادل .. ليّن عودهـا سيندريلا العوادي .. مالها بالوجود كفو .. إلا أنت سيدها ومحسودهـا كنها من غلاها بالمحاني ترود تصطفق ضلوعٍ .. تبرق رعودهـا كن عينك لها سِيدَه .. ورموشك حشود لا انثنت شفت قلبك زمّ 000بعضودهـا منوة اللّي يبي طرد السهل والنفود فارس ٍ تحتميه الناس ويذودهـــا ركضها .. واذكر الله .. ركض ((( ريم ٍ ))) شرود مخطر ٍ من حوافرها .. على خدودهــا كنها تدري إنك في هواها ورود فلوةٍ تقل طفله .. حلو جحودهــا اذكر الله عليها عن عيون الحسود من حدود البياض .. لمنتهى سودهـا
|
|
#10
16-04-12, 09:35 PM
|
||||
|
||||
.jpg) ياما حلا عقب العصر شبة النار= في مجلس كل النشاما يجونه يلفونة اكبار ويلفونه إصغار=من طيب من هو فيه ويقدرونه في بيت ماحطوله أبواب واسوار=ذراه من صوف الغنم ينسجونه وفية الدلال الصفر والعود يندار=والشاي في بريق حمر يشربونة والطرش حوله على يمين ويسار=راتع ولا يبغي هله يتبعونه والخلف عنده كثيرات وادرار= واللي يبي من درهن يطعمونه والجو غايم والسما كلها امطار= والبرق يبرق والرعد يسمعونه والصيد واجد والحباري لها اذكار=والفقع نابت والبدو يلقطونه واليا اصبحو فطورهم خبز مجمار=مفروك من سمن الغنم يفركونه هاذي طراة الروح لاصرت محتار= أخير من بيت هله يزلجونه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
