العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
ياناس ياعالم وش رايكم بهالمديره
السلام عليكم الرجاء من كل اللي يمر على موضوعي يقول رايه
وش رايكم بمديرتنا كان اخر يوم الاختبارات عندنا ثلاث مواد واعتبار ان التصحيح جماعي كان لازم نصحح مع بعض وطبعا حنا الثلاثه كنا كل يوم اويومين ينزل مادتين اوثلاث يعني يوميا مرتزين بهاالمدرسه العالم تروح الساعه ( 11)اذاماعندهم تصحيح واذاعندهم مايتعدون (2) وحنا الحمد الله حراس بالمدرسه يوميا الى الساعه (4ونص) (ماعرفت اكتبها) المهم جتنا اخريوم وحنا بادين نصحح قالت لنا شوفوا مني لكم اذاخلصتوا المواد الثلاث اليوم اخر يوم الاربعاء توقعون وتطلعون (يعني مسويتها مكرمه ) وراح نسلم الشهادات الثلاثاء لان الشهادات ماراح تكمل بدون موادنا وحنا ماصدقنا خبر وقمنا نصحح ونضغط على اعمارنا وماقصرن باقي المعلمات الله يجزاهم خير فزعوا معانا يجمعون ويرصدون معانا وجتنا وهتيا مدح فينا وبكل اللى ساعدونا لانا خلصن الساعه وحده قالت خلاص مني لكم للجميع الاربعاء وقعوا واطلعوا وبالذات انتم الثلاثه تعبتم ولكم حق ترتاحون جاء يوم الثلاثاء وحنا واثقين من اعمارنا وكاشخين بكره مانداوم تخيلوا وش سوت قالت مافيه الاربعاء دوام عادي وماتطلعون الا الساعه (12) والمصيبه انها سمحت لناس وتركت ناس يداومون والادهى والامر حنا الثلاثه اللي كانت بسببنا هالمكرمه قالت لازم تداومون ومافيه طلعه وحنا ماعندنا شغل ولاشهادات ولاشي خلصنا بالعزر علشان نرتاح اخر يوم لانا كرف طول الترم (24 حصه ومناوبه )وكرف مراقبة لجان وتصحيح وضاغطين على انفسنا علشان هاليوم بالاخير تسوي فينا هاالحركه السخيفه الكل استفاد وحنا اكلناها بالله وش رايكم والله اني تضايقت حسيت كانها اعتبرتنا اطفال تضحك علينا علشان نخلص الشغل طيب حنا عارفين شغلنا وبكل الاحوال اذاربي يس راح نخلص ماله داعي هاحركه السخيفه اللي خلتنا غصب عنا نكرها وش رايكم بهاالتسلط المشكله انها ملتزمه وتخاف الله والله حيرنا موقفها تكفون ردوا لاني بجد الى الان وانا ناقمه عليها ودي افضفض مالقيت غيركم ازعجه واقرق على راسه
|
#2
|
|||
|
|||
هذي صاحبة مصلحة وانانية مافية اي اشكال كيلو لها الصاع صاعين والله يعينكم عليها .. قومو بثورة بلكي تتزحزح
|
#3
|
|||
|
|||
ليه مامسكتيها على جنب وقلتي تعالي وش هالكلام وين قبل يومين ووعدك لنآآآ وشوفي وش يكون التبرير
إذا والله بدت تخربط وتقول لا واصلاً يعني حنا ونظام المدرسه....ألخ قولي انتزلعي والله لو تنطين ماادااوم الاربعااء ترى الغياب تقطع دونه الرقاب لا تفرطون به غلطتكم انهااا تحز بالنفس ولا تطلعونهااا بمثل هالامور خليك صريحه .. . .. ياليت لو تسوون مظاهررات
|
#4
|
|||
|
|||
شكرا لكل من رد على موضوعي والاخت اللي تقول قولي والله مااداوم والله ضحكتني يابعد عمري يمكن عندكم ينفع لكن عندنا الطالبه تاخذ حقها وتوقف المدرسه على رجل والمعلمه تنكتم تنطم وياويلها تكلم ادارتنا اسوء ادارة منطقتنا اسوء اداره على وجه الارض كانه فيه ثار مع المعلمه كل شي ضد المعلمه كانها جاريه تكرف عندهم ولاحما ولا شكورا اداره متسلطه حقوده راعية واسطه حسبي الله عليهم
لهم يوم ان شاء الله طفح الكيل والظاهر ماينفع معهم الا المظاهرات والانقلابات تراها صارت موضه هالايام وحنا يالمعلمات قلوبنا مليانه حيل وبننفجر بيوم من الايام حالنا حال مصر وتونس
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |