العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
شيله بصوت جابر الكاسر / تكفى
http://www.abo-almohnad.com/up/anashed/TkfaYaGblan.rm سميـت بإسـم الله ربـن ورحمـان الواحـد اللـي لكعبتـه يسـجـدون اللي خلق بالكـون جانـن وإنسـان ولعبـادة الله يومـهـم يخلقـونـي ومن بعـد ذكـر الله يقـول بدهـــان بالخط الأبيض في ظـلام السجونـي سـلام يانسـل الكرامـه ياقـبـلان إعـداد مابرقـن لعـج بالمـزونـي وإعداد مايسمع صـدا صـوت الإذان وإعداد مايضوي صحى الشمس كوني وإعداد مافوح شـذا ريـح ريحـان وإعداد ماورقـن سجـع باللحونـي وإعداد خلق الله في شتـاء الأزمـان ومن قبل خلـق آدم يامـا يبعثونـي وسلام لعيالـه هـل العـز والشـان عيالـن عـن الطـولات ماينثنونـي ولأعمامهم منـي سلامـن بتيجـان ولأخوالهم سـلام فـي كـل لونـي وعم القبيله عـم مـن دون نقصـان سـلام يحونـه خفايـا شجـونـي ولإشيوخهم مني سلامـن بمرجـان وأعمهم مـن غيـر دونـن ودونـي مني سلامن في سلامن لـه أركـان سلام خـاص وعـام مابـه ظنونـي إعداد ماقالوا هـل الديـن سبحـان وإعـداد مالخلاقـهـم يركعـونـي وإعداد مانجمن سطع فوقـن وبـان وإعداد مالساعات تجـرح شجونـي ومن بعدهـا قبـلان قبـلان قبـلان تكفـى تـرا تكفـى تهـز المتونـي والمعضله ماله سوا رجـال الإيمـان وإنتـم رجـال لـه ولا تنثنـونـي أنا سجينك وأطلب العفـو وإحسـان تكفـى رجيتـك لا لنـا يذبحـونـي غلطه غلطته كلـه أسبـاب شيطـان يالعنبـو يومـن جرالـي بكـونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي أخطيت أنا واليـوم بإيـدي سجـان وأرجوك عطفـك يالأبـو الحنونـي تكفى بأمك تعتقـن كـان لـه شـان وتكفى بأبـوك العتـق لا يقتلونـي وتكفى أنا أرجوك فـي كـل الإثنـان وتكفى بأغلا شخص بـه تعتزونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي تكفى بضناك اللي لي اليـوم إخـوان وتكفى بكـل اللـي لكـم يقربونـي وبأهلك وربعك أطلبك عتـق بدهـان وبإشيوخ شـرا أطلبـك فإرحمونـي وتكفى بشرارن كلها العتق بإحسـان وتكفـى بكـل العالميـن أعتقونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي مايرجع المقتول فـي قتـل بدهـان ووالله لـو يرجـع لاقـول إقتلونـي وتكفى وأنامديون لـك وإنـت ديـان غمض عليهـا وأعتقـن لا تهونـي وأنا ولدك في كل مجلـس وميـدان ورهن الإشاره وحاضر بمـا تبونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي ماقول أنا مانـي بمخطـي وغلطـان والله مخطي والخطـاء بكـل لونـي لعب علـي إبليـس واليـوم ندمـان كنت بجهل صغري وذقت السجونـي ياماجرعت الهم مع ويـل الأحـزان وبكيت ناس ونـاس واجـد بكونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي تكفى وفيك الخيـر ياطيـر حـوران أرجوك عن ساحه بهـا يكلبشونـي تكفى تحل العقـد يـاذرب الأيمـان بدمعن على خـدي وأتلـف عيونـي أخوك أنا بالدين وأرجـوك الإحسـان تكفى طلبتك من صميـم الشجونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي أمانتـك بالله يالـذيـب سـرحـان أنـا دخيلـك ويـن مانتـه تكونـي وعسى الفقيد بمنزلـن كلـه جنـان آميـن ياللـي لكعبتـك يركعـونـي وتالي الحياة فكل مـن فوقهـا فـان ولا دايـم ألا وجـه ربـي بكونـي وقبـلان ياقبـلان قـبـلان قـبـلان تكفـى تـرا تكفـى تهـز المتونـي تكفى لي أرحم وأعتق اليوم بدهـان دخيلـك اللـي يطلبـك بالسجونـي وعلى الرسول المصطفى نسل عدنان صـلاة ربـي عـد وبـل المزونـي
|
#2
|
|||
|
|||
تسلم بس للاسف الرابط لم يعمل معي
|
#3
|
|||
|
|||
اهلين اخوي بريق الصحوة
اضغط على الرااااابط وانتظر حتى يطلع معاك مسجل الصوت واذا لم يشتغل معاك الراااابط اضغط على الرااابط وحفظ باسم يعطيك العافيه
|
#4
|
|||
|
|||
مشكور أخوي على الشيلة
لكن للمعلومية الشيلة للفنان جابر الكاسر وليست للفنان خالد عبدالرحمن
|
#5
|
|||
|
|||
العفوووو اخوي بعيد الهقاوي
مشكور على مرورك والمعلومه الرااااائعه يعطيك العافيه
|
#6
|
||||
|
||||
يعطيكـ الف عاااااااااااااااااااااااااااافيه اخوووووووووي تسلم لا عدمناااكـ
|
#7
|
||||
|
||||
الله يرحمه ويغفرله
بارك الله فيك اخوي
|
#8
|
||||
|
||||
الله يغفر لبدهان ويرحمه ويعفو عنا وعنه
بارك الله وفي جهودك ياخوي السهم القاتل والرابط تماااااااااام يامال العافية |
#9
|
||||
|
||||
رااائعه ، جـاري التحميل ،
ربي يرزقك الجنة ..
|
#10
|
||||
|
||||
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |