قصيمي نت
الرئيسية موسوعة الطبخ القرآن الكريم ملفات الفلاش مقاطع فيديو الصوتيات القصص
دليل المواقع العاب مجلة قصيمي البرامج الحياة الزوجية TV مكتبة الكتب
للاعلان بطاقات الجوال أناشيد ألبوم الصور يوتيوب العرب توبيكات

العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر
 
 
 

للشكاوي والاستفسار وإعلانات المواقع الشخصية مراسلة الإدارة مراسلتنا من هنا

 


العودة   منتديات قصيمي نت > المنتديات العامة > صالون الأدب والأدبـاء > قسم القصص والروايات

إضافة رد
 
أدوات الموضوع التقييم: تقييم الموضوع: 67 تصويتات, المعدل 4.27. انواع عرض الموضوع
  #141  
قديم 31-07-07, 12:57 AM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي

في مكان مو بعيد كان سلمان ما يدري عن اللي صاير أبدا نايم بالعسل يكلم مشاعل

سلمان: ميشو

مشاعل: هلا

سلمان: تدرين مروانولد اخوي عطاني شريط أسمعك إياه

مشاعل: والله يا حليله

سلمان(عصب): لا تقولين يا حليله ولا قد أسمعك تمدحنيه

مشاعل: أنا

سلمان: ايه

مشاعل: لا تحط نقرك من نقره بزر هذا أولا

سلمان: وثانيا

مشاعل: أكيد من كثر حركاتك عندهم خربوا العيال

سلمان: أنا

مشاعل: ايه اجل انا

سلمان: خلاص خلاص انسي السالفه

مشاعل: على الطاري إذا كنا معهم خف شوي لا تتغزل كثير

سلمان: ما اقدر غصب عني

مشاعل: والله اعرف بس ...حرام هم مراهقين
بينا سوي الليتبي

سلمان: اللي أبي

مشاعل انتبهت لكلمتها: بحدود

سلمان:هههههههههههههههههاااااي


سلمان: المهم بسمعك الشريط إهداء خاص لك

مشاعل: اوكي

+++

شغل سلمان الشريط هو أول مره يسمعه ما سمعه أبدا
يعني شغله وجلس يسمع مشاعل وهو ما يدري انه مقلب

بدت الاغنيه حلوه موسيقى بعدها جاء صوت جابر الكاسر



:يا مشاعل يا مشاعل
::لي متى و أنتي على هالحال
::كل صيف لك حب جديد


مشاعل يوم سمعت الكلمات انهبلت كانت متوقعه كلمات أحلى من هذي سكرت الخط

سلمان يوم انتبه: الو الو سكرتهااوريك يا مروانوه الكلب
والله ما خليك




++++++++++++++++


ندى على حالتهاتصيح
رن جوالها مره ومرتين ولا ردت مالها خلق
سمعت صوت طق على باب غرفتها

ندى: قلت لكم مابي افتح لأحد

العنود وصوتها رايح من الصياح: ندى تكفيين افتحي
إذا تحبيني افتحي

ندى ما ستحملت أكثر فتحت الباب وضمت العنود وصاروا يصيحون الثنتين بعد فتره هدوء


العنود: ندى الله يعافيك قولي لي نواف وين

ندى عصبت لهدرجه مكشوفه : و أنا وش دراني قالوا لك مخبيته عنكم بعدين أنا وش لي فأخوك

العنود رجعت دموعها تنزل: ندى والله أنا عارفه بينك أنتي وياه شي أنا خسرت أبوي وعشت يتيمه ما فيني اخسر احد عزيز علي تكفين قولي لي

ندى كسرت خاطرها العنود ولا تدري وش تسوي
هي فعلا ما تدري وينه

ندى: والله يا عنود ما ادري

العنود: تدرين والله تدرين يكفي دموعك اللي بعينك تقول انك تدرين أنا بطلع وأخليك الحين بس إذا صار لأخوي شي وأنتي من وراه لا تلموني
طلعت العنود وهي تتحسر على أخوها

ندى كانت بحاله ذهول وشلون أنا ما ادري يا ناس ما ادري
أبوي طق علي باب الغرفة أكيد كان بيسألني و العنود تتهمني كيف أنا ما أدري عنه أنا وش بيني وبينه عشان ادري عنه قطع تفكيرها صوت جوالها كان مسج

فتحته:


اكلمهم عن همومي وعن جروحي وعن التحنان

يقولون العشق كذبه وكل الحب أسطوره

أعاتبهم وأنا بقلبي أحس بداخله بركان

أخاف تموت أمالي بلحظه يأس مقهوره

تعبت أواجه الدنيا تعبت أواجهك يا الإنسان

أبي لي قلب يفهمني من الإحساس به صوره

الهي ليه أنا وحدي أعيش أحلام مبتوره


(( للامانه جايني مسج مدري مين الكاتب)) (

ندى جلست تقرى المسج كذا مره تبي تفهمه
قطع عليها التفكير صوت الجوال الليرن للمرة الألف:

ندى طفرت وردت بصوتها المتغير من البكي: الو

نواف: الو

ندى: نواااااف وينك ارجع عمتي بتموت علينا و العنود منهاره
تكفى ارجع ونايف وفهد و وحمد يدورون عليك مساكين

نواف: ندى شوفي أنا اتصلت أبي افهم شي واحد وبعدها بسكر

ندى: مني أنا<<مسويه بريئه

نواف: ايه بس شرطي اسمعيني للآخر ولا تقاطعيني

ندى(كانت بحاله حيره تامه): طيب

نواف بصوت تعبان: شوفي أنا هاوشتك و طقيتك وسويت لك أشياء احتمال بعمرك ما تنسينها أبدا بسما أبي منك تنسينها أو تسامحينها أنا أبي منك شي واحد بطلبه منك وأتمنى من كل قلبي انك تحطينه بعين الاعتبار

ندى:........

نواف كمل بعد ما سحب تنهيده منأعماقه: أنا أبي منك فرصه وحده بس أبيك تتغاضين عن اللي سويته فيك
أبيك ترجعين بنت خالي وأنا ولد عمتك
اللي صار خليه على جنب أنا عارف يوم خطبتك انك بترفضين بس كان عندي أمل كبير
صدقيني يا ندى أنا بعمري ما فكرت أأذيك بشي واللي سويته له نواحي ايجابيه يمكن ما تاخذينها بعين الاعتبار
أنا قلت و أعيد أبي منك فرصه وحده بس إذا موافقه تعطيني هالفرصه مشت الأمور بينا
وإذا لا أوعدك ما تعرضلك بحياتي كلها وإذاتبين ما تشوفيني ابد
أنا عندي استعداد وأخليك براحتك القرار لك

ندى: نوا...

نواف: لا تقولين شي الحين أنا بسكر وإذا فكرتي بالموضوع إن شاء الله رديعلي

ندى: طيب ممكن الحين ترجع

نواف: أنا بالطريق فمان الله (سكرها بعدما حس انه بذل مجهود كبير بهذي المكالمه وكل الموضوع لله وارتاح هذي آخر محاوله أما تصيب وإما تخيب(

)ندى مسكينه كانت ما تدري وش تسوي لا إراديا رجعت للبكي وهي ما تدري فرح ولا حزن ولا الم
كانت تفكر وهي مشتته كيف يعني بتمشي الأمور لو عطيته فرصه يعني بيرجع يخطبني
لا هو خطبني قبل كيف اجل وإذا ما وافقت ما أشوفه أبدا
يعني ما أشوف نواف لا لا أنا مو لهدرجه كارهته بس..... تعبت من هالافكار اللي براسها

بعدنص ساعه من الكلام اللي صار جاء نواف وراح للبيت خاله أبو فهد لان أهله هناك

نواف: السلام عليكم

أم نايف: نواف ولمته وقامت تصييح وينك يا وليدي صبيت قلبي عليك

نواف: الله يهديك يمه تراني رجال ماله داعي الصياح

ابو فهد : الحمد الله على سلامتك يا ولدي

نواف: الله يسلمك

العنود: سلمت وطيران راحت لندى

العنود: ندى نواف جاء

ندى: كانت تعابير وجهها مصطنعه لأنها تعرف انه بيجي بأي لحظه

العنود: وش فيك متكدر خاطرك

ندى: لا ابد ولا شي الحمد الله علىسلامته

العنود: ندى سامحيني على الكلام اللي قلته لحظه غضب

ندى: لاالعنود لا تعتذرين

العنود: شوفي الكلام كل اللي قلته اقصده بس مو متاكده منه

ندى: قصدك بيني وبين أخوك شي

العنود: ايه

ندى: ايه أنا أقولك خذيها مني بدل من أفكارك أنا بيني وبين نواف أشياء موشي

العنود:هااااااه ندوووش وش السالفه

ندى:هويتي من الجبل روحي نومي بس

العنود: طيب بس ما تبين توصلين معي سلام وإلا شي

ندى: اقوووول انقلعي عني

العنود طلعت وهي ميتة ضحك

+++++++++++

نسايم: الو

نايف:هلا

نسايم: خلاص ارجع

نايف: لقيتوه

نسايم: ايه توه راجع

نايف: الله يقطعه مسهرنا ورجع يالله أنا جاي

نسايم: فمان الله

سكرت نسايم وهي تفكر بكلام نايف بذاك اليوم
كيف كان يتكلم وهل كان كلامه صحيح بالنهايه فسرت كلامه على انه مو سعيد معها أو ما يبيها واتخذت قرارات بنفسها


رجع نايف للبيت وكانت نسايم على حالها تفكر

نايف: سلام

نسايم: ....

نايف: قلنا السلام

نسايم: سوري ما نتبهت لك وعليكم السلام

نايف استغرب من سرحانها بس سوى طاف وراح ينوم

بعد نص ساعه

نايف : بسم الله نسايم وشفيك

نسايم:ههههههههههههههههههههههههه

نايف صدق خاف منها وعليها تضحك وهي نايمه

نايف: نسايم

نسايم:ههههههههههههههههههههههههااااااااااي

نايف" بسم الله أعوذ بالله نسايم قومي هزها عشان تقوم

نسايم فتحت عيونها:ههههههه وشفيك

نايف: أنا ولا أنتي ليش تضحكين

نسايم كانت شبه نايمه ما تدري : أنا هههههههههههههههه

بعد فتره سكتت ونامت
أما نايف ما نام وش الشي اللي يخليها تضحك وهي نايمه
يمكن حلم بس أنا صحيتها يمكن مسكونه بسم الله هذا اللي ناقص تعب من الأفكار وراح نام بعد اليوم المرهق

++++++++++++++++++
++++++++++++++++++++++++

الصبح من اليوم الثاني

سلمان يرن الجرس على غرفه أبو فهد طلع له مروان

سلمان: مسكه وسحبه

سلمان: أيا الحمار اوريك اجل تبي تشب النار بيبني وبين حرمتي

مروان: أنا ههههههههههه قصدك الشريط

سلمان: ايه

مروان: سمعتها اياه

سلمان: ايه الله ياخذك قل آمين

مروان: تدعي علي بسبه أغاني بعدييين أنت وش فيك كان سمعته قبل

سلمان: ما فضيت وذيك الساعه كنامتطاقين بسببك قلت الغلط منك نصلحه ما دريت عنك يالاثول

مروان:÷ههههههههههههههههههههههههههههاااااااااا اااي حلوه هذي

مر من جنبهم واحد سوى حركه يعني يتحمد ربه

سلمان: أشوف فيك يوم خليتنا مطنزه

مروان: ليش تمدحوني

سلمان:أبدا قلتلها عن إهدائك قالت يا حليله

مروان: ايه والله يا حليلني

سلمان دفه ودخله جوى

سلمان: ادخل لا بارك الله فيك قل آمين زين

+++++++++++++++++++++++++++++++++++++++++++

ابو فهد: سلمان وشفيك على ولدي تطقه

سلمان: اسأله وش مسوي مسود الوجه

ابو فهد: افامروان وش أنت مسوي

مروان: انا

سلمان:لا أنا خلني ساكت قبل لا قوم أطقك صدق

ابو فهد :الله يهديكم.....مروان رح جيب أختك

مروان: من

ابو فهد: نهى يا بعدي ذا الأيام ما أشوفها ابد

مروان: ما تكفيك طلتي البهيه

ابو فهد: خير وبركه بس آخر العنقود ما اصبر عنها قوم جيبها

مروان: يالله بروح......وصل عند الباب اجل يا حليلني

سلمان: انقلع لا أجي اطلع حرتي فيك

مروان:هههههههههههباااي

++++++++++++++++++++++++++++++++++++

راح مروان ورن الجرس على شقه ابو حمد

حمد: هلا بمروان

مروان: هلابك

حمد: وش عندك جاي بالصبح

مروان: (رفع النظاره الشمسيه) والله يا حبي الأول والأخير الوالد مشتاق لبنته و يبيني أجيبها

حمد كشر : قصدك نهى

مروان: حبيبت أبوي

حمد: زين بقولها تفضل

مروان: لا أنا ما بدي ادخل نادي أختي إذا سمحت

حمد: يا شينك وأنت تتكلم اللبناني طيب انطر هنا

دخل حمد واحتار كيف يناديهاأمه راحت تقهوي الجده اليوم دورها قام يطق الباب

نهى نومها خفيف: الكلب اللي يطق الباب يذلف

حمد ضحك بصوت واطي أعجبته السالفة طق بقوه

نهى: افففف وجع خلوني أنام

حمد صار يطق مثل الطقاقات على الباب

قامت نهى خذت كاس مويه وهي تحسب أنها في بيتهم
لان كل غرف الفندق نفس التصميم وفهده دايم معها فهي ناسيه وين هي


فتحت الباب وكبت المويه
نهى: عشان محد يقومني بهالهمجيه

حمد فتح فمه من الدهشه ما توقعها تسوي كذا

نهى انصدمت ودخلت وسكرت الباب
بس ضحكت عليه:هههههههههههههههههه

حمد من ورى الباب: ايه أضحكي وش هامك
أنتي مروان يبيك اطلعي له برى

مروان: حمــــــــد وش مسوين بختي طلعوهاطفشت وأنا بالحر

حمد: جايتك بالطريق

طلعت نهى وراحت للباب لقت حمدواقف
تبيه يوخر عشان تطلع بس هو ما شافها

حمد يسولف مع مروان ونهى محتاره

نهى: صبــــاح النور

مروان: من له حددي

حمد: أكيد مولي وأشر على فنيلته اللي مليانه مويه صبحت علي

مروان:ههههههههه بعدي يا ختي

نهى تفشلت بس كالعاده ما بينت

++++++++++++++++++++++++++++++++

نهى: هلا بابا

مروان: وترجع تقول بابا صدق انك بنت

ابو فهد: هلا أبوي تعالي عندي وأنت وش فيك على أختك

مروان: ابد ولا شي

نهى تسوي حركه لمروان يعني موت قهر

ابوفهد: عساك مستانسه

نهى: الحمد الله

ابو فهد: خاطرك بشي ولا بمكان نروحله

نهى: لا والله عادي

طلعت ندى من الغرفه وهي لابسه وكاشخه ومقرره وش بتقول لنواف

مروان: يختي كشخه بالصبح ما تجي

ندى: وليش إن شاء الله بعدين أنا دومني كشخه موت قهر

مروان: أقول يا أختي الحنونة يا أختي الصفراء (كنايه عن ستايلها الاصفر(

ندى: نعم وش عندك وش تبي

مروان: ودي بنظاراتك ديور اكشخ فيها

ندى: ايش لا لا يا حلو غيرها هذي توها جديده تاخذها تلعن أبوها


دخلت نسايم: الحين ممكن افهم ليش الباب مفتوحدايما

نهى+ومروان: دور أبونا

ندى:ههههههههه والله إنكممرجج

مروان: وش قلتي يا أحلى أخت بالدنيا

نسايم: وش فيكم

مروان: أبدا أختي الحنونة أبي منها نظارتها

نسايم: ليش ما عندك

مروان: أكيد عندي بس طفشت من اللي عندي بكشخ

نسايم: اجل ابشر بطلبك عندي

مروان: بتسلفيني

نسايم: لا أنا شاريه لك وحده هديه وأنا بشهرالعسل

مروان:صدق يا حبنيلك مو بعض الناس تذلك ساعه على وحده مستخدمه

ندى: يجيلك يوم وتطلب مني شي واطلع أحلى وحده

مروان: أكيد منهالناحيه تطمنوا

ابوفهد: عيالي وين تبون تروحون اليوم

ندى: أنا مالي شغل أبي أشوف سوسو والله من زمان ما شفتها

ابوفهد: ايه والله خليها اليوم تجي عندك ونطلع مع بعض وقولي لها أنا عازمها تنام عندنا

نهى: يبه اليوم دورفهده تجي عندي

ابو فهد: روحي عندهم ما راح تطير الدنيا ولا جيبيهمكلهم

نهى: امممم اوكي

ابو فهد: نسايم وين نايف


نسايم: راح عند عمتي يبي نواف بشي

ندى من سمعت طاري نواف ابتسمت

نسايم: لا حظت بسسفهت الموضوع قالت خليها علىراحتها

++++++++++++++++++++

العصر:

العنود: بنات نبي نتمشى

ندى: ايه صح

رهف: ساره وين تبين تروحين

العنود: تمصلحيتمصلحي

رهف طنقرت منها: وشو خير بنت عمي واسألها

العنود: احد قالرهف

رهف: عصبت منها بس نست عصبيتها يوم شافت فارس جاي لهم

فارس: كيفكم بنات عمي

العنود: بخير ما نشكي باس

فارس: والله مو هينه تعلمتيحكايات الإماراتيين

العنود: افا عليك أعجبك

رهف قبصت العنود عشانتسكت

العنود:اااااااااااي فارس شف رهف

رهف حست أن العنود انهبلتسفهتها وجلست تناظر نقشات الطاوله

جاء نواف يتلفت يدورهم بعدين لقاهم
ندىما نتبهت له يوم جاء فز قلبها ارتاعت أو بمعنى صح ما توقعت المواجهه

نواف: سلااااااام كيفكم

ساره: الحمدالله

رهف: إلا صدق أمس كنتضايع

نواف: من قالك كنت للحين وأنا ضايع
إن شاء الله ألقى نفسي قريب ناظر فيندى

ندى هي الوحيده اللي فهمت والباقين حسبوها مزحه

نواف: جاهزيين نروح ترى فهد وحمد سبقونا

رهف: عبد العزيز بيجي

نواف: بياخذ المراهقينوبيجي بعدنا

العنود تدف ندى: يالله نمشي

نواف طالع شنطتها وكانتالورده لهذا اليوم صفراء

نواف: تنهد وتم يدعي ربه انهيعينه

+++++++++++++++++++++++++

راحوا تمشوا شوي وصوروا الشباب مع بعض واستهبلوا وقضوا وقت ممتع بعدين تعبوا

حمد: خلاااص أنا تعبت امشوا نروح للكافي نشرب شي يبرد على قلوبنا

مروان: صادق حرر

وراحوا للكافي البنات بطاولهوالأولاد بطاوله وسلمان ومشاعل طاوله يعني يراضيها
+++++++++++

ندى طفشتالجلسه كانت حلوه و اللمه أحلى بس هي بخاطرها شي غير عن كل الموجود
طلعت جوالها وقعدتترسل لصديقاتها نواف شافها مطلعه جوالها شغل البلوتوث وأرسل لها

(هاي ندى أنا نواف فكرتي ولا لا)

ندى يوم قرت فتحت عيونها وغمضتها كم مره تبي تتأكد نواف مات من الضحك عليها

ندى قررت تريح نفسها من هالموضوع وخصوصا هالطريقهما فيها أي إحراج
( هلا إيه قررت )



نواف:
(اقدر اعرفالقرار)

ندى:
(اوكي: موافــــقه بس عندي شرط)

نواف بغى يقوم يرقص
ندى شافت الابتسامة على وجهه كانت قباله وابتسمت

مروان:نواف وش تسوي إذا عندك بلوتوثات طايح لك على وحده

نواف: ااه لا تذكرني ورجعلجواله

نواف:
(اشرطي تأمري قولي اللي تبين)

ندى ضحكت:
(طيبأنا مابي منك شي غير انك تكون صادق بكل شي ولا تتصل علي ولا ترسل لي لأنك تعرف السببهذا أولا وثانيا<<أقول ولا اسكت)

نواف: (وش تسكتين أنا صدقت تتكلمينقولي إذا على شرطك الأول أنا من نفسي كنت بسويه)

ندى:
( وش كنت تقصد يومقلت الأشياء اللي سويتها لها جوانبايجابيه)

نواف:




++++++++++++++++++++++++++++++++++++++




نهايةالجزء وش تتوقعون بيكون رد نوا ف كل واحد يترك لخياله المجال ويكتب لو كان مكاننواف ايش بيسوي ؟؟!!



 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس

موقع الدلال – حراج الكتروني

  #142  
قديم 31-07-07, 01:32 AM
الصورة الرمزية Đ.Ỏ.Я.ŕ
Đ.Ỏ.Я.ŕ Đ.Ỏ.Я.ŕ غير متواجد حالياً
من نجوم المنتدى
 


افتراضي

مشكوووووره على التكمله

ولا تطولين تكفين << شكلنا ما نمل


 

التوقيع   

رد مع اقتباس
  #143  
قديم 31-07-07, 11:03 PM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي



للمعلوميه الرسائل اللي بين ندى ونواف كانت عن طريق البلوتوث

ندى:
( وش كنت تقصد يوم قلت الأشياء اللي سويتها لها جوانب ايجابيه)

نواف : شوفي لو تفكرين فيها شوي عرفتي )


نواف قعد يناظر ندىاللي مبين عليها أمارات العصبية حقتها

ندى: ( تقصد أني غبية(

نواف يوم قرى اللي كاتبته ضحك اللين قال بس

ندى عصبت عليه ليش يضحك

نواف تمالك نفسه

فهد: حلف بالله انك تقولي وش السالفة

نواف: لا لاما قدر

فهد: أقول جب الجوال و سحب الجوال

ندى كانت تشوف الموقف وهي من جدمعصبه
و خايفه ونظراتها لهم

العنود: ندى

ندىما سمعتها

العنود:نـــــــــــــــدى

ندى: هاه هلا

العنود: أقولك يا المملوحه يكفي مناظر في اخوي لو سمحتي

ندى تفشلت من قلب لان الحكي عند كل اللي موجودين

ندى: من قالك إني أناظره

العنود: احم أقول ساره ورى ما ترجعين معنا اليوم

ساره: شكلي لان ما فيه فرصه إلا اليوم
زواج شمه بعدثلاث أيام وما راح اقدر اطلع بعد اليوم

ندى: تعالي عندنا

العنود: لا بتجين عندي

ندى: وليش تجي عندك أخوانك وين راحوا

العنود: اها قولي تغارين

ندى عصبت وكفخت العنود بشنطتها وقامت

العنود:ههههههههههههندى ندى

ندى عصبت من قلب وراحت للدورة المياه <<تكرمون

نواف كان لاهي يبي يسحب الجوال من فهد

فهد: الحين احسب عندك سالفه امسك جوالك

نواف: هاته ورجع يدور ندى بعيونه بس لقاها تطق العنود

ضحك على شكلهاالمعصب ورجع يكتب لها

نواف كتب ولا أرسل انتظر الين تجي ندى

ما جت إلا بعدما جت العنود تستمح منها على حركتها رجعت وهي يا زعم مسويه ثقل

نواف أرسل لهاكم مره ولا استقبلت

لعبت بأعصابه هذي الحركة

وبعدين لف يناظرها لقاها لاهيه تسولف

انتبهت له يوم لف عليهم ومسكت جوالها

نواف: (يعني تتغلين علينا........المهمأنا ما اقدر أقولك ايش الأشياء

الايجابية لأني مالي صلاحيات بالوقت الحالي يمكن بعدين

يصير بينا صفه رسميه واقدر اقولك بس الحين ما اقدر لأنك

بنت خالي اوكي اتمنى انك تفهمين هالشي وما تعصبين(

ندى: قرت المسج كذا مره وهي مبحلقه عيونها
وقطعها صوت سلمان

سلمان: مروان تعــــــــــــــــال


فهد: سلمان الله يرجك في بيت أبوك

دق جوال ولا قوم له

سلمان: يخسى أقوم له

مروان: اوش هذا أنا قمت

سلمان: اعترف انه مقلب

مروان: سحب الكرسي وقعد

مروان: والله يا مشاعل

سلمان: اختصر اختصر

مروان: طيب يامشاعل

سلمان: قلنا لك اختصر

مروان: طيب مشاعل

سلمان: أنت ما تفهم لا تقول اسمها

مروان: رجل مشاعل ممكن تسكت

مشاعل: سلمان اسكت ولا بقوم وأخليكم

سلمان: طيب حكم القوي كمل

مروان: والله يا مشاعل أنا عطيت عمي هذا الشريط مقلب له

وش وراي غيره إذا ما استهبل عليه استهبل على مين

سلمان: أنجز

مروان عدل جلسته وغير طريقه كلامه: إلا صدق أنتي قايله

يا حليلي


سلمان: قل حلاك وكثروا عيالك قوم اقلب وجهك أنا جايبك

تبردحرتي تجي تكمل

مشاعل:ههههههههههههههه

سلمان: الحين عرفتي تضحكين عمتي مشاعل

+++++++++++++++++++++++++++++++++++++++++++




ساره: ندى نفسي اسأل سؤال

ندى: اسألي لا يردك شي

ساره: الحين ياسر ليش دائما يلبس نظارات عاكسه نفسي أشوف

عيونه ولو من ورى النظارات

ندى: ههههههههههههه ما تدرين

ساره:لا ليش

ندى: يجيك يوم وتشوفين عيونه

ساره: ليه مريض هو عيونه فيها شي

ندى: ايش يخليك تقولين كذا

ساره: لان بملكه عمي سلمان كان لابس وكاشخ ثوب

وغتره وكل شي ولابس النظاره

ندى: ما راح أقول خليها للزمن

ساره: سخيفه

ندى: جد هو ما يفصخها إلا نادرا ولأسباب وأنا أيده ما يفصحها

ساره:اها

ندى: اقول أنتي اليوم ترى بتجين معي مالي دخل

ساره: أنا أكيد مايبي لها

ندى: اشوى مو تحقريني وتروحين للعنود

ساره: وش أبي فيها وأنتي عندي

نهى دخلت بالنص: ههاااااااه وشعندكم وش تقولون

ندى: يالقافه عمري سألتك أنتي وفهده ايش تقولون

حمد: أقول في ناس يبي لسانها قص

نهى: تكلمني

حمد ناظراها بنظره يعني أنتي وش عليك

نهى عاد طلعت قوه أبوها فيه: تكلمني أنا لا تسوي حركات

بنات المدارس تبي شي قوله للشخص اللي تبي وانتهينا

التنغيز هذا للي ما يقدرون يواجهون

سحبت الشنطه وطلعت مع العيال برى اللي سابقينهم

أما حمد وما أداراك ما حمد بغى يروح لهاويكوفنها عصب عليها

وحس بكلامها فيه نوع من الصحه بس انقهر


حمد: عبدالعزيز تعال معي بالسياره

عبد العزيز عايش جو مادرى يناظر فهده اللي كانت مندهشه من

الموقف اللي بين نهى و حمد

عبد العزيز: طيب بجيك

العنود:ههههههههههههههههههههههههههه

ندى: اوف صراحه نهى مادريشقول موقف يفوق الوصف

العنود: أحسن سكته اجل حركات بنات اجل

فهده: هيييه ترى هذا اخوي ماله داعي السب أنا هنا إذا رحت قولوا اللي تبون

سكتوا البنات والعنود يالله وقفت ضحك<<مهويه البنت


***********************************

وهم طالعين

ساره/ فارس ودني للبيت باخذ لي ملابس وبجيب تويتي

فارس: طيب

فهده:وجيبي لنا معك تويتي لا تنسينا

فارس: والله لو اعرف انهابتعجبك والله لجيبها

فهده: وتعجبني ليش لا أحس أنها شغل خكاريه

(توضــــيح: تويتي هذي البسه حقت ساره وفهده ما تدري وش هي تويتي)

.فارس: اوكي ساره أجيبها إذا أعجبتها أنا أجيب لك

فهده: اوكي

عبد العزيز: سرينا يالله ماودك تركبين السياره

فهده: اركب ليش لا بس منيب رايحه مع حمد

عبد العزيز: ليش

فهده: تو نهى مسكته بطريقه دوبلوماسيه وتبيني أروح

لا يا شيخ بروح اركب مع فهد يالله سي يو

عبد العزيزابتسم من خاطر على هالبنت وتفكيرها وبعدين تذكر

((حمد مطاق مع نهى !!! )) وأنا أين كنت<<حلوه

عبد العزيز راح للحمد وركب السياره

حمد: سكرالباب

عبد العزيز: طيب طيب على هونك

حمد: اوف

عبد العزيز: وش صاير

حمد: قام يقوله السالفه

عبدالعزيز: صراحه معها حق

حمد: معها حق تقول لي بنت مدارس

عبد العزيز:لا طبعا بس الحق انك جاي ترمي كلمه وتروح

حمد:لا

عبد العزيز: اجل خلاص

حمد: أقول تنباع بالعزىيقطعها ويقطع سنينها

عبدالعزيز: اوف اوف حمد لهدرجه

حمد: ناقصني على آخر عمري بنت تهاوشني هذي لو اسكت
لها شوي كانت ذلتني

عبد العزيز: والله أناماعرف طبع نهى بس اللي اعرفه أنها

عمي بطباعه وعمي حقاني بكل شي

حمد: أنا أدري عنها والله ثم والله ما أخليها تذلني عقب هاليوم

عبد العزيز: يقطع الحب شوبيذل ..تعال أنت وين رايح

حمد: بروح للبحر أريح أعصابي شوي

عبدالعزيز: اختيار حلو يالله

حمد: يالله العود ما نزلته من الشنطه صح

عبدالعزيز: لا
********************

في السياره الكل ساكت نهى بطبيعتها لهاهيبه بسكوتها وكلامها وزعلها


فهد: وش في بعض الناس

نهى: ايش

فهد: لا ابد أقول يا اعز الناس

نهى رجعت على ورى ولا تنبهت للعنوداللي بتموت من

كثر ما تكتم من الضحك دمعت عيونها

نهى : العنود وش فيك تصيحين

العنود استغلت الفرصه : أنا وش اللي مو فيني بس

نهى: خير وشفيك

العنود: ما اقدر خليها على الله

رهف تضحك على العنود وعلى سوالفها

*******************

في البحر بعد فتره من الوقت جاب عبدالعزيز العود و صار يدق

ويغني ويتسامر هو وحمد

جو شله شباب امراتيين

هزاع: سلام عليكم الشيوخ

حمد: هلا بالشيخ وعليكم السلام

هزاع: والله اعرفأني شوي متطفل بس صراحه مودكم

وااااايد اعجبني وإذا ممكن أجي أنا والشبابمعكم

عبد العزيز:كم انتم

هزاع: اثنين

عبدالعزيز: اوكي

جلسوا يغنون وكان صديق هزاع حميد صوته حلو بشلات

<<نوع من الألحان الاماراتيه

فلوها وكان الجو حلو وعلى البحر مع الغنى والعود

هزاع: ما شاء الله وين تعلمت العود

عبد العزيز: وأنا ادرس بالجامعه كان معنا واحديعلمني

هزاع: ما شاء الله........ألا عندي اقتراح ما دري إذا بتوافقون ولا لا

حمد: تفضل

هزاع: أنا عرسي بعد ثلاث أيام

يوم الخميس إذا ما في كلافه عليكم أبيكم تحضرون إذا سمحتم

عبد العزيز: اوكي بس ترىما ندل

حميد: هذا تلفوني خذوه طبعا هزاع معرس أنا بتكفل فيكم خذوه

ودقوا ليو أدلك

حمد: مشكوووور

عبدالعزيز: اوف الساعه12 ما حسينابالوقت

هزاع: أي والله يالله فمان الله


حمد: بتروح من جدك

عبد العزيز: يا الذكي ما عرفته

حمد:لا

عبدالعزيز: تتذكر يومنروح للبيت خوال فارس

حمد: ايه

عبدالعزيز: عندهم بنت اسمهاشمه

حمد: ايه

عبد العزيز: بتتزوج يوم الخميس رهف معطتني محاضره

طويلةعريضة عشان تبيني أوديها وهو زوج شمه

حمد: يالذكي يمكن موهو

عبدالعزيز: بلاك احول شمه هذي كانت حاطه صورته

بالسلسال اللي لابسته

حمد: يمه منك تقز الأولي والتالي

عبد العزيز:اها عاداسكت

حمد والله يا حليل رهف مو مثل اللي عندي
يا طلبات يا تطاقني

نفسي يوم تجي تسولف ولا تسألني ماعندها حل وسط

عبدالعزيز: سرح

حمد: يوووه نسيت قوم يالله لو بحتريك نمنا هنا


عبدالعزيز: قلب العاشق هههههههههههههههههههههه

**************************

البنات أول ما وصلوا راحوا فوق

ونهى مع العنود على أنها تصيح

العنود أول ما فصخت عبايتهاانسدحت وقامت تضحك بقوه

مسكت بطنها من الضحك لأنها لعبت على نهى

نهى: وش فيك وش صاير

العنود: اكذب عليك هههههههههههههههههههههههااااااااااي

نهى: ايش تكذبين

العنود خافت من رده الفعل إذا حمد غسلت شراعه أنا ايش بتسوي

نهى: تدرين بتركك لأني مالي خلقك ابد ولا كان وريتك

فهده راحت للغرفه قبل نهى

نهى: دخلت سلااام

فهده: ما ردت

نهى استغربت راحت الحمام وجت وفهده ماسكه المخده تلعب باطرافها

نهى: فهيده وش نسوي

فهده:..................

نهى: فهده

فهده:........

نهى: فهده شو فيك

فهده رفعت راسها : نهى شوفي أنتي تناظرينه نظرات

احتقار هذا شي راجع لك تحقرينه إذا تكلم شي راجع لك

أماانك تهاوشينه كأنه اصغر عيالك مو على كيفك

بصراحه أنا ما توقعتك كذا
لهدرجه الموضوع ايزي عندك <<فهده من جدها زعلانه

نهى انصدمت آخر شي تتوقعه ردت فعل من مين من

فهده وعلى ايش على هذا الموضوع لا والأدهى والأمر أنها

ملاحظه كل شي

نهى: فهده أنتي زعلانه

فهده: ايه زعلانه

نهى: طيب أنا أسفه

فهده: مو مني تعتذرين اعتذري لحمد اللي هنتيه وضحكتي الناس عليه
صح أنتي عزيزه وغاليه بس أنا بعد ما يهون اخوي

هذا لو ايش معزتك ما تجي شي عنده

نهى سكتت شوي تفكر لان بصراحه و للأمانة كلام فهده

صحيح رجال طول بعرض تردين عليه كذا

نهى: طيب...... سكتت شوي وتنهدت :طيب خلاص أنا بعتذر له

بس موالحين ما فيه وقت ممكن الحين تفلين حجاجك

فهده: ممكن بس لازم تعتذرين منه أوتحاولين تصلحين

غلطتك

نهى : يصير خير وو

دخلت عليهم ساره بتويتي




فهده ونهى الصقوا في بعض

ساره:ههههههههه فهده هذي تويتي تبين منهاولا شغل خكاريه

فهده: لا لا طلعيها يالله

ساره قربت منهم ورجعت مدتهالهم

فهده: يمــــــــــــــــــــــه بعدي عني
وخري عني

ساره:ههههههههههههههههههههههههههههه طيب يصيرخير

***************

نايف لاحول هذا ثالث يوم تضحك وهي نايمه وإذا قامت

ولا كأنها ضاحكه وش الحل ما فيه إلا أني اسألها

(( توضيـــح: نسايم إذا نامت وهي مهمومه أو ضايق

صدرها تضحك وهي نايمه وهذا بغير وعي طبعا لأنها بالوعي

تكتم الحزن((


كان سرحان يفكر بنسايم و ضحكها

وتوصل أنها مسكونه ومره حاله نفسيه وعلى هالحال وقطع

عليه صوت جواله

العنود تتصل

العنود: هاااااااااااااي

نايف: وعليكم الهاي

العنود:هههههه كيفك خيوو

نايف: بخير

العنود: شوف من تزوجت ما كلمتك مكالمه على سنع


نايف: على سنع

العنود: ايه وش اخبار نسايم

نايف طلع من الغرفه لا تضحك فجاءه وتفضحه: بخير

العنود ونايف قاموا يسولفون

العنود : نايف قبل ما اسكر في طلب صغينوووون

نايف: آمري

العنود: هو مو طلب سؤال وجاوبني عليه بصراحه

نايف: طيبوشو

العنود: بصراحه نسايم ما تضحك وهي نايمه

نايف تننح لمده وبعدين فكر أن ماله مصلحه يقولها

نايف:لا

العنود سحبت تنهيده: اشوى

نايف: ليش

العنود: لأنها إذا ضاق صدرها ولا انشغل بالها تضحك وهي نايمه

نايف: صدق

العنود: إيه ولا تدري عن نفسها اذكر لما كنابثالث ثانوي وتنتظر

النسبة كنا بالمزرعة بس تضحك وهي نايمه كان في احد

يقولهانكت

نايف: اها اجل كذا طيب مع السلامة

****************



نهاية الجزء يا حلوين أبي توقعتاكم وردوكم
وشي ثاني أبي

1: _ ايش رايكم في موقف نهى وفهده
مع مين الحق ؟؟؟؟



 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس
  #144  
قديم 01-08-07, 12:12 AM
الصورة الرمزية أسيرة الورد
أسيرة الورد أسيرة الورد غير متواجد حالياً
عضو نشيط جدا
 


افتراضي

مـــــــــــــشـــــــكـــورة ياعسل على التكملها
 

التوقيع   

رد مع اقتباس
  #145  
قديم 02-08-07, 01:36 AM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي

حبيبتي أسيرة الورد
منوره يالغاليه
والله أني فاقده هالطله
عساني ما أنحرم منها

 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس
  #146  
قديم 02-08-07, 01:40 AM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي

مرت ثلاث أيام عاديه والأحوال في ركود تام

:
يوم الخميس الصبح الساعة 9


نايف: نسايم ممكن سؤال
نسايم: تفضل
نايف: أنتي في شي مكدر خاطرك ولا مزعلك احد
نسايم خافت لا تكون فضحت نفسها: أنا لا ......ليش
نايف جلس على الكرسي: بس أحسك زعلانه
وفي شي مكدرك

نسايم: لا أبدا إحساسك خطاء
نايف: إن شاء الله يكون خطاء........بتروحين اليوم
نسايم : لوين
نايف: لزواج بنت خال فارس العنود مزعجتني تبي تروح
نسايم:مدري ايش رايك؟؟؟........أنت بتروح
نايف: أنا أكيد خصوصا العيال بيروحون
وخالهم عازمنا شخصيا والمعرس خوي عبد العزيز وحمد

نسايم: اممم اجل شكلي برووح ليش لا
نايف: براحتك
نسايم: العنود كلمتك أمس
نايف: أيه ليش
نسايم:لا بس سؤال
نايف: قومي بروح اسلم على أمي ساره
نسايم:الحين
نايف:إيه لأني بصراحة عازمك على الغدى اليوم
من دون الأهل خلينا نتقهوى معها الحين
عشان الظهر ما تحرجنا

نسايم:ههههههههه اوكي يالله
**************************************
العصر البنات ربشه يتعدلون ومدري كيف المهم جهزوا وبيروحون
ياسر رن الجرس على غرفه أبو فهد اللي فيها البنات
فتحت له مشاعل
مشاعل: يسووور قديييم من زمان ما شفتك
ياسر:ههههههههههههههههههه أقول سلمان هنا
مشاعل تلعثمت : اا اا
ياسر: يعني هنا والله إني عارف المهم روحي ناديه
مشاعل:هههههههههههههه
سلمان:هلا النسيب شخبارك
ياسر:النسيب هنا مو هناك<<يأشر على مشاعل
سلمان: شايفك المهم شو بدك
ياسر: بنروح وبآخذ معي بعض الموجودين
سلمان: زينه العقل خذ كل البنات وكل واحد يأخذ منهم شوي
مشاعل:أقول صرنا بضاعه
سلمان: إلا أنتي...ياسر أنا بجيبها
ياسر:إيه هين ما في ركوب إلا بشرط
سلمان بعجز: وشو
ياسر: تمشون قبلي بالسياره
سلمان:بس يالله البسي عبايتك
مشاعل:ههههه طيب
**********************
حمد كان تحت يلعب بجواله وينتظر إلي بيجون معه

ركبوا كل البنات إلا نهى وفهده
حمد شاف فهده تكلم نهى عرف أنها رافضه أنها تركب معه بعد فتره جت نهى و فهده
حمد كان مشغل المسجل وسكره

نهى: السلام عليكم
حمد: وعليكم
نهى حست انه من جد غلطت
كيف رد عليها ولا حتى ناظرها بطرف عينه
لفت تشوف الشوارع

******************************
وصلوا الشباب كانوا بخيمه

حمد: شالسالفه عيد
عبد العزيز: مدري امش ونشوف
دخلوا كانت كل الخيمة شباب يرزفون ويولون<< نوع من الرقصات الاماراتيه
فارس كان لابس إماراتي وكاشخ ويول بالبندق اللي معه
المهم جلسوا الشباب الين الساعه 10
بعدها جاء المعرس هزاع ودخلوا القاعه

نواف: وأنا أقول عيال الفقر تاركين القاعة وقاعدين بخيمه
فهد:الله يقطع سوالفك الظاهر القاعة لازم يدخلها العريس قبل
************************
البنات
ندى: ســـــــــــــــــــاره وااااااااااااااااو
ساره: حلو
ندى: جنان
نهى: حلو بس كيف استحملتي ريحته

ساره: غصب هنا النقش شي مهم لو ما انقش كان عيب ومنقود
ندى: والله حلو مره......كيف حال شمه
ساره: اسكتي فوووق تصيح وتسكت
ندى:الله يعينها وعقبالك
ساره: بكيير عقبالك أنتي

ندى: اوووش الله يفضحك زيين
*******************************
خلص العرس
ولزموا على فارس يرجع معهم لأنهم ما شافوه
وبعد يومين بيرجعون للرياض

رجع معهم فارس
أول سياره وصلت فيها: ياسر وفارس ونواف وفهد ومروان ومشعل

ياسر: فارس سو لي زيك زي هذي يأشر على سفرته
فارس: اوكي تعالوا جوا
ياسر: أنا ما عندي الكارد حقت غرفتنا
فهد: ولا أنا
نواف: هههههه حتى أنا
اجل بنجلس لين يجون الباقين
ياسر: هنا في مرايا سوي لي
فارس اوكي بس انزل الله يعافيك أنا وين وأنت وين
ياسر:هههههه طيب
فارس: بدى الشغل
فارس: يووووووه شيل النظارات
ياسر: قام من مكانه :لا لا لا لا مستحيل اصبر لين يجون الأهل عندي نظاره أطرافها سخيفه
فارس: طيب أنا عمري ما شفت عيونك فيها شي
حتى وإنا بود وادي ما سبحت عشان ما تفصخها

ياسر: مو لازم
فارس:إلا
فهد: ياسر لا تعقدها وبعدين هذا ولد عمتك وبوجهك وبيشوفك بيشووفك
يسر: طيب
فصخ النظاره وعيون فارس تطالعه بعدين فارس فتح فمه
**************
حمد رجع البنات ونهى كانت مقرره إنها لازم تعتذر نزلوا البنات وبقي حمد
ونهى فتحت الباب يا زعم بتنزل

نهى: حمد

حمد مارد عليها
نهى: مدري شقولك بس أنا غلطت وحبيت اعتذر لك
حمد: انزلي يا بنت عمي انزلي
نهى:افهم منك سامحتني
حمد تنهد: خلاص انزلي يا نهى
نهى:طيب فمان الله
نزلت وصكت الباب بقوه

حمد سكر عيونه بقوه كان منحرج منها ومن اعتذارها له
ومن الموقف الصعب اللي هو فيه كل قراراته راحت أدراج الرياح

نزلت نهى وراحت بسرعه فوق
********************
نرجع للشباب اللي كانوا بالممر حق الفندق
فارس: قل أعوذ برب الفلق لا اله إلا الله
ياسر: عرفت ليش أنا ما اطلع عيوني
فارس:إيه والله عرفت وأنا دايم أقول خالي سعد شديد
كيف يخليك بنظاراتك دائما صارت السالفه كذا

قاطعهم انفتاح الاصنصير (المصعد(
دخلت ساره وندى

ساره أول ما مشت خطوه وشافت ياسر وقفت ندى نفس الشيء بس مو مثل تتنيحة ساره كانت قويه ومبين عليها واللي زادها أن ياسر التفت يشوفها
فارس: الله يقطعك ما صارت عيون شوف أختي سطلت
ساره انتبهت على نفسها ورجعت شوي جنب ندى
ندى: لا اله إلا الله قولي لا اله إلا الله لا يجي الولد شي من تتنيحتك
ساره: بقراء عليه الورد كامل الله يحفظه
ندى:ههههههههه
ياسر سمعهم وابتسم ورجع لبس النظارة من جديد
( توضــــــــيح: ياسر عيونه حلوه حيـــــــــل جدا وساع وكبار ويتميز نظرته إنها صافيه مره ودائما يتعرض للأسئلة والمشاكل بسببها لان جمالها مو طبيعي أبدا فيها نوع من الجمال الرباني النادر وهذا السبب خلاه يلازم النظارات العاكسه
عشان ما حد يشوفها وأمه كانت تلح عليه بأنه ما يفصخها أبدا لان في احد المرات جاه التهاب بعيونه وكالعاده الحريم
أمه حسبته عين من الناس(


****************************
دخلوا البنات الرووم

ندى وهي تفصخ عباياتها: شفتي ليش يلبس نظارات
ساره ومازالت تحت تأثير عيونه: ااااه يا حلاته يا ندى
ندى: هاه عمتي شكلنا....
ساره: لا لا فال الله ولا فالك بس ماشاء الله
الله يحفظه أنا لو زوجته كان ثبت نظاراته بمسامير على راسه

ندى:ههههههههههههههههههههههههههه يمكن يوم من الأيام
ساره: اطلعي بغير ملابسي صدق فاضيه
دخلت نهى
فهده: وينك
نهى: ما ردت عليها
فهده: عرفت إن السالفة فيها حمد عشان كذا سكتت
نهى دخلت وراحت للغرفة وسكرت الباب بقوه

ندى: وش فيها
فهده: مدري
فهده راحت بعد ما رجعت ندى عند ساره يسولفون
فهده اتصلت على حمد
حمد شاف رقمها
حمد: شوفي أنا مانيب رايق ولا نيب جايب لك ولا شي زيين وإذا فيك حرة هواش بعد أنتي عندك عبدالعزيز روحي طلعي حرتك فيه
فهده: على هونك ....لا مابي منك شي بس دقيت بسولف
حمد استغرب وبين من نبره صوته : تسولفين معي
فهده: ايه وش فيها
حمد: لا ما فيها شي
فهده: اممم رامي نام
حمد: لا رايح مع مشعل هناك مجتمعين
فهده: اها طيب ممكن سؤال من دون عصبيه
حمد: ممكن
فهده: نهى اعتذرت لك
حمد: ايش
فهده: نهى اعتذرت لك
حمد: ليش
فهده: اممم بس سؤال
حمد: إيه اعتذرت
فهده: سؤال ثاني ممكن
حمد: ممكن
فهده: أنت تحب نهى
حمد: ليش
فهده: أول جاوب
حمد: أول قولي لي ايش اللي خلاك تقولين كذا
فهده : امم بصراحة نهى عمرها ما سوت شي تندم عليه
أو تفكر تعتذر عنه إلا إذا كان شي قوي مره وأنت اللي بينكم شي بسيط واعتذرت لك
حمد:اها إيه

فهده:وشو إيه
حمد:إيه احبها
فهده نطت فوق الكنبه اللي بالصاله وصارت تتكلم بصوت عالي:
فهده:واااااااااو وناسه وأخيرا
حمد:ههههه ليش وأخيرا
فهده: كانت أمنيه عشان ما تفرقنا الليالي
حمد:هههههههه
فهده: وأااااااي حمد تحبها تحبها يابختي ياناس
طلعت نهى وبالبجامه دليل على أنها كانت بتنوم
وفهده أزعجتها

فهده: نهى وراحت وضمتها بقوه
نهى:وش فيك وش صاير
حمد كان يصارخ بالجوال يبي فهده تسكت
بس هي و لا على بالها

فهده جتها نوبة ضحك ونهى صارت تضحك معها وهي ما تدري وش السبب وبعدين سمعت صوت حمد بالجوال
نهى : في احد على الخط من أنتي لاطعته
فهده:هههه يوه صح....الو ...
حمد: عسى ماقلتي لها والله أذبحك

فهده: لا ما قلت ما قدرت من كثر ما اضحك
حمد: أول مره أحس من الضحك فايده
فهده: الله يقطع سوالفك تكفى بقول لها

حمد:لا لا تقولين
حمد: مو هي اعتذرت خلاص
نهى حست انهم يتكلمون عنها
نهى: فهوووده من تكلمين
فهده: وش عليك
نهى: مالت عليك
فهده: اوريك ياهوووه هييين اصبري اخلص
حمد: فهيده ياويلك ان سويتي لها شي
فهده:هااااه بدينا من الحين
حمد: اووف وانتي وش عليك جانا ياسر الثاني
فهده:ااااه على طاري ياسر ياخي يا عليه عيووون
حمد:هاه عيب وجع
فهده: الحق يا خي اليوم كان فاصخ النظاره يوم جينا فوق واااو ياشكله يجنن بس نهوه بنت الفقر تعدته
حمد: بعدي والله

فهده:حمد سؤال أخير ممكن

حمد: وشو بسرعه
فهده:امم ليش قلت ان كانك معصبه روحي لعبدالعزيز
حمد:هاه ابد مجرد نصيحه لانه هو الوحيد اللي يسكت
فهده:اها ااا<< ما صدقته
فهده:مالت عليك اقول اقلب يور فيس
حمد: اوكي بنقلبه ولا يهمك
نهى: من تكلمين
فهده:وش دخلك
نهى: فهيده يالله عاد
فهده:اكلم حمد
نهى: حمد
فهده:ايه وش عندك
نهى راحت للمطبخ: ولا شي
***************************************
نرجع للساره وندى
ندى تبربر وساره مسرحه بعيون ياسر
ندى:اووووووف سوير اكلم جدار


ساره:معك كملي
ندى: واااضح امشي نطلع
ساره: صح وين اخوانك
ندى: مروان وفهد رايحين للروم عند عبدالعزيز ومشعل مجمعينهم
ساره : رهف هناك
ندى: ايه بتجي بعد شوي بتمر عليها العنود
ساره: عز الله راح اخوي فيها
ندى:خخخخ والله انهم تحفه

ساره: تدرين يقهروني
ندى:ليش
ساره: مدري كذا
ندى:ههههه وين القبله معه يارب انك ترزق سوير بنت سلطان واحد تحبه
ساره:ههههههه الله يرجك
ندى: تعالي نروح للمطبخ وراحوا هناك وبدى التبديع في اخر اليل
دخل ابو فهد
ابو فهد: وش مقعدكم مانمتوا
نهى: بابا خلنا كذا موب لازم ننوم
فهده:ايه والله وش ينومنا النوم بنلقاه بالرياض وبعدين بكره بنرجع
ابو فهد:الله يهديكم..بس اذا جت امكم مالي دخل
نهى: عاد هذيك دلوعها موب فيه
ابو فهد: هاه ترى افتن
نهى:لا يابابا مروان يردح عند مشعل وانا ننوم لا والف لا
ابوفهد :اقول كملوا السهره وانا بغطي عليكم

فهده:كفو عمي
ابو فهد: ساره وش فيك هاجده
ندى: قلها ماسكتلي هالهدوء
ساره:لا والله انا طبيعيه انتم اللي فيكم وشه
فهده: وش تقصدين
ساره: ولا شي
ابو فهد: تصبحون على خير انا برووح يالله
****************************
عندالشباب مشعل وعبدالعزيز جامعينهم اخر يوم
مروان: وش ذا الهدوء
مشعل: شفت لازم نحيي الحفل مروان صادق عبد العزيز..
عبدالعزيز:لا لا لا ماراح ادق عود طفشت ابي شي غير
مشعل:فيه فلم حلو على شنل تو ان كانه ماخلص
مروان: هات الريموت خلنا نشوف
مشعل:خذ
والفلم توه بادي وتسدحوا يناظرونه
رهف طلعت وهم ماحسوا لانهم مطفين اللمبات مع الجو


العنود: جت تاخذتها
شكل رهف تطلع وهي تصك الباب بشويش عشان محد يحس
العنود:هههههههههه شكلك تحفه
رهف: اسكتي فضحتينا
العنود:ههههههههههههههههههههههههههههههااااااي
رهف:عنيده بالا هبال اسكتي
العنود:هههههههههههههههههههههههههههههههههههههههههاا ااااااااااي
طلع مشعل يشوف السالفه صوت ضحكهم قطع جوهم مع الفلم مشعل طالع بالبجامه
مشعل: رهيف وش مطلعك هنا
رهف: بروح للبنات
مشعل: طيب وش ذا الازعاج
العنود:ههههههه ليش طالع بالبجامه
مشعل: عادي انا ولد
العنود:ههههههههههههه
رهف :الله ياخذك ان كان رحنا بستين داهيه فهو منك
مشعل:بس سكوت .... وقطع عليهم الاصنصير فتح وكانت عائله خليجله
مشعل كالعاده مراهق طير عيونه بيطالع
رهف:الله يفشلك وش تناظر ادخل انت وبجامتك
مشعل بعد مامروا من عندهم

مشعل:هاه
رهف: فاضحنا ببجامتك ولا همك
مشعل:انا ولد انقلعوا يالله روحوا
رهف: طيب
وراحوا للبنات وسهروا وفلوها صح اخر يوم
البنات جالسين مجتمعين:
العنود: بنات في سؤال ابي اسئله لكم
ندى:الله يستر
العنود:عاد انتي حاله خاصه المهم كل وحده كيف مواصفات فارس الاحلام
رهف:انا ببدى
العنود:انتي اسكتي فارس احلامك لقيناه من زمان
رهف: يا شينك
فهده:انا انا ابيه رومنسيييييييي وجميييييييل وطوييييل واخلاق ودين و وابيه عصبي
العنود:ههههههههههه كلها ممكن الا رومنسي وعصبي للسببين
فهده:ايش هم
العنود:1: شبابنا لا يميلون للرومنسيه ناسفينها على جنب
رهف:حرام عليك
العنود:عاد مو كل الناس كانوا في اسبانيا افهمي
رهف اسكتت لاتقوم تطقها
العنود والسبب الثاني:انتي يالمملوحه ما تنفعين مع رومنسي انت كفوك واحد بالنعال تتفاهمون

فهده: ياويلك من ربي بس انا رومنسيه
مشاعل:مرررره واضح
فهده:اف منكم تاكلون الواحد بقشوره

العنود:عصبي ليش ممكن افهم
فهده:ابي واحد يهاوشني
العنود: صاحيه
فهده:والله ابيه يكسر شوكتي <<لفظ يعني يربيها من جديد<<
العنود:عاد فهده واحد عصبي بتصير حرب لا ياحبيتي نحنا نبي الرياض اذا استغنينا عنها ذيك الساعه زوجناك عصبي
العنود: وانتي يا نهى
نهى: ابيه اهم شي جذاااااب وعريض واخلااق عاليه وراقي بالتعامل
العنود:حلوه مواصفاتك موزنه
فهده:هههههههههههه
نهى:خير قلنا نكته
فهده:لا بس ذكرت شي
العنود:والله موب منكم اقول قوموا صلوا بس من اللي يسألكم اصلا

يوم السبت بالمطار بالسوق الحره هناك
البنات يتمشون وسوالف وضحك
مروان:ااااه يا قلبي يا هناك لبنانيه تشلع القلب تبيع ساعات

ام فهد ما فهمت: ساعاتها حلوه
مروان: تجنن
فهد:وجع ان كانك تبي تخرب ام فهد علينا قوم انت وعلومك الشينه
مروان: علومي شينه من اللي تو صار يبي يشتري قيم بوي عشان اللي تبيع هاااه
فهد:هاااه من قالك اني ما ابي اشتري الا كنت بشتر ي بس ما حصلت اللي ابيه

الجد: اشوى ان اللي بيعون عندنا رجال ولا كان علوووم

فهد: افا ابوي حمد هذا انت اللي تقوله
الجد: اوش ولا كلمه بس ..قوم جمعهم وقل لياسر يجي يجلس هنا موب جالس قبالنا ولا كانه يعرفنا يناظرنا بطرف عين
مروان:مشعل الحق ابوي حمد يعرف طرف عين ونظرات
الجد:اقول قم لاأخبطك بهذي <<يقصد العصاه
مروان :ان شاء الله
بعد ربع ساعه اعلنوا الرحله وركبوا راجعييين للرياض
نهايه الجزء

 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس
  #147  
قديم 02-08-07, 01:45 AM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي

هاااه يالغالية نكييته عساك مبسوطه
وان شاء الله يعجبك هالجزء
دمتي كما تحبين

 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس
  #148  
قديم 03-08-07, 12:52 AM
الصورة الرمزية عزمت أحب
عزمت أحب عزمت أحب غير متواجد حالياً
عضو جديد
 


افتراضي

يااني فرحت بالجزء هذي المره حييييل



ننتظر دائما

 

التوقيع   

رد مع اقتباس
  #149  
قديم 03-08-07, 01:05 AM
ba7raniya ba7raniya غير متواجد حالياً
عضو جديد
 

افتراضي

غلا ارجوش بسرعة نزلي باقي الاجزاء ترة احارس بفارغ الصبر بسرعة لا تشيبيني كل حمش دقايق ادخل اجيك نزلتو شي جديد او لا ههههههههههههههههه
 

التوقيع   

رد مع اقتباس
  #150  
قديم 03-08-07, 03:07 AM
الصورة الرمزية غلا قحطان
غلا قحطان غلا قحطان غير متواجد حالياً
عضو متألق
 


افتراضي

ba7raniya
مرحبا بك يالغاليه
نورتي الصفحة بوجودك
وخلي بالك طويل لأن الرواية باقي عليها كثييير
واليوم انا داخله بس اشيك على الردود واطلع
بس لعيونك والله هونت
دقايق وانزل جزء

 

 

التوقيع   

.
اللِهم أعطيّ كُلّ إنسَآنّ مآيِتمنآه ليّ ..!
.
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

للإعلان معنا

برامج

العاب

دليل قصيمي نت                   حراج الرياض

RSS  RSS 2.0  

في الانترنت في قصيمي نت

الساعة الآن 08:18 PM.
 
Powered by vBulletin® Copyright ©2000 - 2014, Jelsoft Enterprises Ltd. , Designed & TranZ By Almuhajir

تلفزيون قصيمي نت ديوان قصيمي نت قصص قصيمي نت دليل المواقع
مجلة قصيمي نت الحميه والرجيم كتب قصيمي نت الحياة الزوجية
الأذكار مطبخ قصيمي نت best free website صوتيات قصيمي نت
مواقيت الصلاة أخبار قصيمي نت شرح برامج فيديو قصيمي نت
الأدعية الصحيحة اطفال قصيمي نت فلاشات قصيمي نت العاب قصيمي نت
عالم حواء صور قصيمي نت جوال قصيمي نت بطاقات قصيمي نت