العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
اكتشفت ان زوجها يخونها شوفو ايش سوت
الى اطياف العالم
الى كل زوجة طعنها زوجها بخيانة ما الى كل من ذاقت مرارة الخيانة والله انها قصة حقيقية وليست من نسج الخيال حدثت لانسانة قريبة مني جدا و كان سوف يتزوج بطريقه غريبه ولاكنها احسنت التصرف اترككم مع القصة في البداية حياتهم طبيعية كحياة اي زو جين بينها حب و احترام لديهما 3 اطفال بدأت تحس ان زوجها تغير في تعامله ادنى كلمه يمسكها عليها يقوم الدنيا ولا يقعدها على وصفها تقول اقسم بالله اني صرت مادري وش اسوي واذا صرخ زدت تقرب لربي لانة الحل الوحيد و ما ارد عليه مهما كان ،المهم تقول صرت أحلم بزوجي احلام غريبة و ماكنت اشك فيه لانه يحافظ على صلاته وكنت أقول (ان الصلاة تنهى عن الفحشاء و المنكر) بس(ابن آدم خطاء) المهم اللي خلاها تشك بعد ان زوجها بعد ما ينتهى وقت العمل يتأخر ساعة على غير عادتة كمان بعد كل صلاة وبعد تقول كان يكره اذا طلبته اغراض قبل ما يدخل البيت يقول ليش ما طلبتيني من قبل لا أدخل صارت اذا طلبته يروح على طول و يجلس بدون مبالغه ساعة المهم عند اقتراب ساعة الصفر في اليوم اللي قبله تقول كنت عند ناس و اول ماركبت السيارة صراخ شى غريب من طلعت من عند الناس حتى نزلت للبيت على امور تافهه تقول راح ينام اما انا تحلف اني حسيت بثقل بجسمي مو طبيعي رحت اتوضى عشان اصلي ركعتين لان الوحده اذا كانت مضايقة مالها الا رب العالمين تقول رفعت يدي والله جلست اردد بلا شعور (رب إني مغلوب فنتصر) (ربي إني مسني الضر وانت ارحم الراحمين) تقول و سبحان الله احس وانا في الصلاة كان احد يكلمني و تحلف ما خلصت الصلاة إلا وماكأن بصدري شى تقول رحت و نمت احلا نومة المهم تقول في اليوم الثاني و كان يوم جمعة قام من النوم من بدري و اشوفه يلبس ومادري كيف حسيت فيه ربي نواها سبحانه و سويت نفسي نايمة ولا تحركت ولا حركة لما حسيته طلع من الباب قمت ،، كانت السيارة داخل البيت تقول انتضرت يحرك السيارة انتظرت مافي أمل حتى ما شغل السيارة اللهم ركب فيها وقفل الباب جلست لين الاذان الاول قالت يمكن طلع ما حسيت فيه لاكن سمعت كأن احد قفل الباب تقول قلبي ناغزني و جسمي ينتفض قالت و الله بنزل تقول لبست جلباب الصلاة و نزلت و اخذت معي مفتاحي فتحت الباب بشويش قلت بروح مكان السيارة يمكن راح بس ما سمعته يحركها طليت شفت طرف السيارة من ورى تقول جاتني زي الدوخه سميت بالرحمن و مدري كيف ربي ثبتني رحت على طول شافني خبا شي بجيبه فتحت باب السيارة كان وجهه مقلوب نفخ فيني وش جابك اطلعي فوق بسرعه قالت ماني طلعة بجلس معاك لما صرخ عليها قالت وش كنت تسوي نزل من السيارة صار مايدري وش يقول قال و الله لاطلقك لو ما طلعتي تحلف بالله ان جسمها صغير وربي نزل عليها قوة و شدته بقوة عشان تفتش جيب الثوب ولقت جوال غير الجوال اللي تركه فوق قالت له جوال ثاني أخذ الجوال وزادت مصيبتها طيره على الشارع و هو في مكانه جاها زي اغماء طاحت على الارض حاول يشيلها المهم تقول ما حسيت بنفسى الا وهو يخطب خطبة الجمعة وش سوت قالت روح صلي ابعد عني رحت تروشت و صليت و بكيت بكا مابكيته طول عمري و قلت يارب ثبتني قمت لبست العيال جهزت ملابسهم ، جا وهم في الصاله جاهزين بشناطهم أما هي راحت قفلت على نفسها وسوت مكياج كامل و لبست أحلى فستان يحب يشوفه عليها و جهزت شنطه صغيره مين يقدر يسوى سواتها ماشالله المهم جا دق الباب ماردت أخذت العباة على يد و الشنطه على يد فتحت الباب و أول ماشافها انبهر وراح يضمها لدرجة تقول قام يبكي بشكل هستيري و يقول سامحيني قالت انس الموضوع يله خذ الاولاد و يله عند هلي فلانه تعوذى من الشيطان قالت لايمكن ياله قام و تحلف بالله انه يضم الاولاد و يبكي بكي الاطفال ويقول سمحوني وحتى و صلت عند اهلها وهو يبكي بصوت ويلوم نفسه تقول وصلت عند بيت اهلي قلت له نزل الاولاد ولا تكلمني جاته ابتسامة ، قل وانتي قلت لا نزل الاولاد لما ركب السيارة قلت على المطار قال ايش قلت اللي سمعته طبعا تقول والله بكل ادب و ماسويت سوات بعض الحريم و خليت الشي هذا ضده رحنا المطار وانا ساكته قلت وقف السارة بالمواقف دخلنا اخذته بهدوء قلت من زمان ما اخذنا عمره ابغا اخذ عمره فرح فرحه حسيت الذنيا ما تسعه قال الملابس قلت ما نسيتك (و كيف انساك) تحلف لما قلت هالكلام لف الغتره قدام الناس وقام يبكي ويمسك يدها يقول سامحيني المهم تقول رحنا مكه وفي بالي شي واحد هو اللي فكرت فيه من قبل ما امشى من مكاني أول مادخلنا الحرم جلست انا وهو خلف الكعبة علمنى بكل شي و اوعدني ما تكذب على قـــــــــــــــــــــــــــــ ـــــــــال " قبل ثلاث اسابيع الى راحت رحت السوبر ماركت و لمن طلعت منه قابلتني و حده من دوله عربية تطلب فلوس و قامت تقول انت متزوج ولا لا يقول قلتلها متزوج قالت انا عندي بنت عمرها 15 سنه و انا لي كم يوم بشوفك و احسك انسان متزن وهذا رقم البيت يقول رحت بصراحه طلعت جوال و اليوم اللي بعده قابلتها و عطيتها رقمي وقامت البنت تكلمني و اكلمها على اساس الزواج والله انى عزمتها زواج و ما ادري كيف نسيت حبنا و اولادنا و استقرار حياتنا و الحمدلله المهم ومادري كيف الشيطان لعب على ، ما ادري اش الي قاعد يصير و امس كنا بنحدد موعد النظره الشرعية و كلمتها الصبح عشان نتفق قال و احيانا اجلس اتسلى مع اي وحده ما اعرفها ،تقول كل واحد منا طلع اللي في نفسه ،،، قلت أعلن توبتك لله و عـــــــــــــــــــــــــــــ اهدني مــــــــايتكرر عاهدني و هو يبكى و تقول أخذ على نفسه عهد مايبدلني بأي طريقة من الطرق و يـــــــــــــــــقول يعلم الله لو ما سويتي كذا و رحتي من البيت كان باخذها عذر و اتزوج و تكونين جنيتي على نفسك و جنيت على نفسي وعلى الاولاد وقال تصرفك هذا ما انـــــــــــساة طول عمري ووقفتك معي ما أنساها و تقسم باالله حياتنا صارت أحسن من اول تقول و اول ما تجيني فكره أتعوذ من الشيطان و اطرده لان من البداية لو دخلت الشيطان كان دمرت حياتي أنتهت وشرايكم مين تقدر تسوي زيها انا عن نفسي مااقدر اعترف بذا الشي وبصراحه صاحبة القصه ادهشتني بتصرفها ماشالله عليها عندها حسن التصرف الي ينقصنا احنا النساء وقت الازمات
|
#2
|
||||
|
||||
ماشاء الله عليها حافظت
على حياتها وزجهابحسن تصرفها وصبرها... ربنا يطعمنا الصبر وحسن التصرف عند وجود المشاكل ومشكووووورة يالغلا على موضوعك الشيق ...........
|
#3
|
||||
|
||||
ماشالله عليها
من جد اغبطها على عقلها وعلى حكمتها ... <<< الله يخلف
|
#4
|
||||
|
||||
السلام عليكم ورحمة الله وبرركاااته << هلااا وغلاااا مشرررفتنااا
بصررراحه توفيق الله للانساااااانه هذه والهمهااا حسن التصرررف سبحااانه وتعااالى << الله يوفقهم ويصلح لهم امورهم يااارب >> قصه مؤثررره .................. تقبلي تحياااتي
|
#5
|
||||
|
||||
قصة جدا رائعة ومؤثرة أختي (في عيون زوووووجك).. لقد قرأتها من أولاها الى آخرها وكل ما انتهي من فقرة أنتظر ما تخبي لي الفقرة التي بعدها من مفاجأة .. نعم مفاجأة .. فقد تفاجأت من تصرف هذه الزوجة والتي تعتبر مثالية بكل المقاييس .. فقد استخدمت عقلها خير استخدام للحفاظ على زوجها وأولادها وبيتها انها فعلا ونعم الزوجة .. الله يسعدهم ويوفقهم ويعينهم على تربية أولادهم التربية الصالحة (اللهم آآآآمين) ..
أشكرك أختي الكريمة على موضوعك الرائع . تحياتي الك أخوك
|
#6
|
|||
|
|||
اللهم يامن ثبتها ثبت قلوبنا على دينك ولا تزغ قلوبنا بعد اذ هديتنا .
الموقف روعة والصياغة اروع . من اي كوكب هذه المرأه . ماشاء الله تبارك اللله . ودمتم بعز
|
#7
|
||||
|
||||
ما شاء الله عليها الوحده اذا شافت من زوجها شي ما تحبه ان كان لها لسان مدته
وان كان مالها مثلي او اول ما تبغى تناقش تروح بكا بتصيح الين تدوخ وبعدين بتقول ودني لأهلي اذا ناقشها كان بها واذا سكت سكتت الله يثبتنا مثلها في كل شي
|
#8
|
||||
|
||||
فعلاً من اوتي الحكمه فقد اوتي خيراً كثيرا.......
بارك الله فيك اختي .... دائماً مميزه فيما تسطرين وتنقلين......
|
#9
|
|||||||||||||||||||||||||
|
|||||||||||||||||||||||||
العفو والشكر موصول لك على التعليق والمرور
|
#10
|
||||
|
||||
ما شاء الله لو كنت مكانها
غير يسير علوم وحكايات وحواتيت خخخخخخخخخ عارفه نفسي مستحيل اتصرف صح الشيء الوحيد اللي اتقنه الصمت
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |