العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الدفاااااشه ما تخلي راعيها
اسعد الله مساكم يا جماعة
قبل ثلاثه ايام جالس بالاستراحة ...ما عندي من الشيطان طاري ..العامل حميد مصلح قهوة وشاهي وجوه عال العال الله يسعد اوقاته في هالحزه .. المهم جاء واحد من عيال عمي ...من نوعية فيذا الله يحييك ..وعسى عمرك طويل وانآ يا هل الرياض..بصوت ضخم ..عايش دور ولد النعمه ...وهو فعليا ولد نعمه بس ترا شايبه ما يعطيه ولا هلله لو يموت ...الولد ممرض ودروبه ماهيب طيبه راعي سكة شمال ...اعرفه زين حتى لو حاول يدعي انه ماشي سيده ... جلسنا وسولفنا وطفشنا ...ما جاء احد من الشله علشان نعلب بلوت .. قام قال شرايك نروح نتسوق قبل ال ١٥% ...ابي اشتري ساعة وعطورات .. ليني زد طفشت من سوالفه ومراقبة اصابعه وهو يطقطقها ...قلت يله مشينا ... توجهنا لبرج المملكه هو يروح دايم هناك قايلكم دروبه لكم عليها . المهم دخلنا محل عطورات فخم ...وفيه بنات يبيعن ..وهو مرتز رقبته تقول رقبة رجل ألي سبحان الله يا جماعة الخير يوم طلعنا من الاستراحه ما كانت مشيته كذا ..غيرها بسرعه .. المهم دخلنا وجتنا هك البنيه اللي عينها تقول عين فرخ شيهانه بسم الله عليها ..ويدياتها سخيفه ورهيفه لو تدبي عليها النمله جرحتها .... قالت تفضلو كيف اخدمكم ...قال رفيقك مقطع الاربع هلا اسعد الله مساك لو سمحتي ابي العطر ( قال اسمه بالانقليزي ) قالت اها عطر سمو ولي العهد اللي طلع بالصورة ...قال ايه ..قالت لا والله نفذت الكميه بس فيه مجموعة عطورات بامكاني فرجيكن عليها بمجرد ما قالت فرجيكن تذكر فتاة غير بغيت ألخها بكرتون عطر كان جنبي ... رحنا معها وورتنا عطورات واجد وقعدت تبخبخ على هالاوراق ...احد العطور قالت هذا عطر مسائي جدا حلو ....قلت الله واكبر ما ينرش بالظهر ...انا ما تكلمت الا هالجملة طول ما حنا بالمحل ضحكت وقالت لا عفو فيك تستخدمه بالظهر لكن مفعولة اجمل بالمساء ...ولد عمي راح وجهه تقل وجه ضبعه عقب كلمتي انفشل مني ...المهم اننا تسوقنا واخذ هو عطر وطلعنا ورجعت رقبة ابن عمي لوظعها الطبيعي ... يوم ركبنا السيارة وهو ينطلق علي ..يقول ليه تفشلنا بالله هذي سالفه تقولها ...قلت ليه وش فيها كلمتي ...قال هذي قلة ذووق مو كذا تتعامل مع انثى ...هيلقي انت يوم قاله وانا تجي الشياطين بوجهي ...وانطلق عليه ..قلت تكفى يا نزار قباني انت ورقبتك اللي راحت تقول دفرنس شاص من قو ماهي متصلبه ..و اخسخس به الين ما عاد يسوى بيزة جليل الحياء ... بس بصراحه هو صدره وسيع مهما اعطيه يبقى ابن عمي الحليل حق الماركات اللي نرجع له كلنا ..حوزة علميه زي السيستاني في ايران بس والله يا جماعة حزت بخاطري كلمته .. قلت يا ولد معقولة انا دفش مع العنصر النسائي ؟ هو يقول انت لازم تكون لبق في تعاملك مع النساء طيب وش مكامن الذوق وفن اللباقه مع النساء ؟ هل التعامل مع النساء له شروط و تعاليم انا اجهلها ؟ هل جملتي اللي قلتها تنم عن عدم ذوووق ؟ يعني بالله عطر مسائي سلامات وش هالعطر اللي ما يزين الا اليا طاحت عين الشمس افتوني في امري جزيتم خيرا
|
#2
|
||||
|
||||
رد: الدفاااااشه ما تخلي راعيها
ههههه ضحكتني حكاية فتو فعلا اسلوبها موجود في كل المحلات الراقية والبسطات الخارجية ايضا معليش فتو
عموما كان لك بهن حاجة نمق رتب قلل ان مالك عاملهن كانك تعامل اي رجل اقصد الغريبات الحاجة ليست بالضرورة حاجة شمال النساء غالبا يحبن اللي يتلطف معاهن وانا كذا فالبداية بحكم عملي المختلط بس بعد فترة تفكر انك رامي وهذا ماهو فصالحك ان ماكانت من ضمن خططك الخماسية لان اللعب في مشاعر الاناثي وقعة جدا سيء عليهن وعليك فيما بعد لذلك قلت ف البداية خلك رسمي وبالنسبة لكلمتك وعتب ولد عمك هذاك نسونجي والنسونجين يتحسسون اكثر من النساء نفسهم انت ماشفت رقبته كيف قايلة اكيد اللي يبي يستعد داخليا مثل مانظم نفسه خارجيا عموما العفوية مريحة للجميع بس للي يعرفك الحريم بالذات فالسعودية خلك مثل ماقلت لك رسمي عشان ماتتعرض لصدمات عاطفية قد تسبب لك الكثير من اللوعات الداخلية هههه
|
#3
|
|||
|
|||
رد: الدفاااااشه ما تخلي راعيها
ههههههههههههههه
والله انك انت الصح وانت اللي بتعلق بذهنها ويا جملتك وبتحكيها لسديئاتها وابن عمك اللي ضيع مشواره ع الفاضي هههههه البرستيج والاتيكيت اذا مو على اهله يجيب الغثى مافي احلى واقبل من الانسان على طبيعته خلك منه ومن خراطه موجه هادئه معجب بهذا.
|
#4
|
||||
|
||||
رد: الدفاااااشه ما تخلي راعيها
كلا وطريقته في التعامل مع النسوان
مايجوز لي الي يترزز بس انت تقول لايق عليه الترزز✌ وانت الي قلت لها مايصلح الظهر تبي تترزز بس ماظبطت معك صدقني والله 😂😂
|
#5
|
||||
|
||||
رد: الدفاااااشه ما تخلي راعيها
ههههههههههه
السالفة كوو وسالفة عطر الظهر كوووم طيب هي قالت لك عادي فيك تحط منه الظهر بس هو الأفضل ترش منه بالمساء تركيبته كذا مرتبطة بدرجة الحرارة مثل عطورات الصيف وعطورات الشتاء بعدين ولد عمك ماعليش ماعنده ثغه والا وش عليه منك يتفشل أنت شخصية وأهو شخصية والتعامل مع النساء مايحتاج إتكيت ونعومة عاد الواحد يكون على طبيعته الرقي مايوصل يكون الواحد رقيق كانه بنيه ياكافي يحتاج إحترام ومراعاة مشاعر يعني مايكونش قاسي بس مو يتنعم على أساس إكتيت ههههههه
|
#6
|
|||
|
|||
رد: الدفاااااشه ما تخلي راعيها
هههههههههه ترزز على طبيعته من غير مايحرف رقبته ويثخن صوته بس اتحدى اذا ماكلمته علقت ببالها اكثر من رزة ولد عمه ههههه
|
#7
|
||||
|
||||
رد: الدفاااااشه ما تخلي راعيها
-
ماسويّت شي غلط بالعكسْ أشوفها ردة فعلْ طبيعيّة "على طريّقة تسويّقها الفآشله" ، ولا تبحثْ لا عن مكآمن ولا مدآخلْ مافيّه أحلَى من الشخصْ الليّ على سجيّته ، يكفيّ من االتعآمُل "الإحترامْ" بس ..! وولد عمكْ مع إحتراميّ له ، ترى ملعوُب عليّه الضعيّف ، الشخصْ الليّ ماغيّر يتمسمس ويترزز منبوُذ من ثلاثْ أربآعْ النِساءْ وفي الغالبْ يكون هو "فاكهة الجمّعَه" حتى و إن كان يرى العكسْ ، "يضلْ نُكته في جمعاتهن" ** "تركت رُبع من النِساءْ" عشان الحآلات الخفيّفة الليّ يهزها عُود المذرى ، والليّ فعلاً تسبّبت في وُجود المترززيّن وتكاثُرهم ... سليمان١٣ معجب بهذا.
|
#8
|
|||||||||||||||||||||||||
|
|||||||||||||||||||||||||
رد: الدفاااااشه ما تخلي راعيها
ياشيخه لاتعشمين الولد أخاف يعيش أحلام ومخاسيس وياخوفي يروح للمحل ثانيه الشيخـــــه شجـــــون و riiima معجبون بهذا.
|
#9
|
||||
|
||||
رد: الدفاااااشه ما تخلي راعيها
الواحد إذا ماكان رزه وثقل خلقه لايترزز ويشد على عضلاته ههههههههه
وعادي سؤالك مافيه شيء وياما يجي هالبيعات من أشكال وألوان الشيخـــــه شجـــــون معجب بهذا.
|
#10
|
|||||||||||||||||||||||||
|
|||||||||||||||||||||||||
رد: الدفاااااشه ما تخلي راعيها
اذا راح للمحل مابيفرق عن ولد عمه ههههههه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |