|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#11
09-05-09, 01:33 AM
|
||||
|
||||
موضوع مااارة روعة وجديد
بحاول ولو اني مااعرف اخربط واجد  كونوا بالانتزآر 
|
|
#12
09-05-09, 08:03 AM
|
||||
|
||||
|
يآدآفع البلا .. رآحوآ رجآل القبيلة والسبب رمسيس جعلهـ للنمسيس >> تحدآكم تعرفون النمسيس ..
أول شي بتكمل عن النمسيس : هذآ وحش على هيئة إنسآن ضخم .. أكبر مآفيهـ سنونهـ .. وقوتهـ تعآدل قوة أكثر من 100 من البشر .. متوحش .. يقتل أي وآحد يطالب بقتلهـ .. وبمآ إني قلت يطالب بقلتهـ .. إذآ أكيد إن لهـ رئيس .. رئيس متحكم بالنمسيس وكل أمر يقولهـ لهـ ينفذهـ .. الرئيس هذآ نصهـ بشري ونصهـ معدل جينيآ واسمهـ سآدلر .. والنمسيس هذآ أصلهـ بشر .. لكن سوآ لهـ تعديلات وإختبآرآت جينية وجتهـ طفرهـ جينية وصآر شكلة كذآ .. طبعآ الرئيس هذآ عالم بالجينآت .. وهدفهـ من هذآ كلهـ يبي يتأكد من قوة النمسيس وطاعتهـ لهـ حتى ينتج أكثر من نمسيس ويوزعهم بكل المنآطق وشوي شوي حتى يحكم العآلم ويصيرون الكل أتبآع لهـ .. نرجع لرمسيس .. الغرفهـ اللي كآن تصدر منهآ أصوآت مخفيفة هي أصلآ أصوآت النمسيس يوم الرئيس سآدلر يجري عليهـ أختبآرآتهـ .. الرئيس خلص وضبطهـ .. وبذيك الليلة كآن النمسيس يطلع أصوآت قوية لأثبآت الولاء لسآدلر .. بالوقت هذآ جاك المقرود رمسيس ودخل البيت المهجور .. لمح النمسيس لمحة بسيطة وفرك النمسيس ولا سوآ لهـ شي مع إنهـ يقدر يقضي على رمسيس بغمضة عين .. لكن مآمعهـ أوآمر بالقتل ..وطلع وترك الورقة لرمسيس .. يعني الحين رمسيس أوقض للعنهـ .. اللي هي لعنة النمسيس .. فمآ كآن من سآدلر إلا إنهـ يقضي على وجهاء البلدة .. وبعدهآ ينفرد برمسيس .. قبل يتخذ سآدلر أي خطوة .. جاء رجل غريب للقرية وهو ولد بريدة .. ولد بريدة هذآ بالحقيقة لايبيع أندر وير ولا يدري وش الاندر وير . أصلآ يحسب الأندر وير يوكل .. المهم ولد بريدة هذآ جاي فزعة لرمسيس .. وكل بضآعتهـ عبآرة عن أسلحة .. لكن قدآم الكل مسوي يبيع جلابيآت وشبآصآت وحقت التجوري خخخخخخخخ لكن رمسيس للحين مآيدري وش السالفة .. وبعد مقتل حميدوفتش وخرخير وكبآر القرية .. جاء رمسيس وحجر ولد بريدة بالزآوية .. ولد بريدة يحسب إن رمسيس بيقردنهـ ولا الحقيقة كآن نآوي يفرث كرشة لأنهـ يحسبهـ هو القآتل .. بالوقت هذآ نطق ولد بريدة وتكلم وعلم رميسيس بكل السالفة من أولهآ لتآاليهآ .. وقال إنهـ جاي يبي يفزع معهـ لكن رخمهـ .. علشآن كذآ بيمدهـ بالإسلحة والعتآد ... رمسيس عرف إنهـ بمعضلهـ كبيرة الآن .. وقال لازم أشآور رحمالوف الشآيب .. رآح للحيكم رحمالوف وعلمهـ بالسالفة كلهآ .. وقال رحمالوف : أنآ آدري عن كل اللي قلتهـ .. علشآن كذآ قلت لك إنك أنت اللي بتنهي المشكلة هذي لكن بعد مآتسمع كلامي وتطبقهـ بالحرف الوآحد .. رميسيس بغى ينهبل من كل اللي قآعد يصير وهو مآيدري عن هواء دآرهـ .. كآن كل تفكيرة ببنت جيرآنهم اللي يحبهآ وأسمهآ ( آشلي ) > خآبرهم بقرية بالقصيم من وين جتهم هالأسماء ؟ المهم بالأيآم هذي وبعد مقتل رجالات القرية .. قال رحمالوف لرمسيس .. الرجل الغريب اللي معهـ خيشة ورآهـ سر دفين .. لازم تروح بنفسك لهـ وتشوف وش سالفتهـ .. رآح رمسيس وهو بالطريق جاهـ ولدبريدة وقال لهـ .. مستحيل إنك تقضي على الرجل الغريب هذآ لأنهـ من رجال سآدلر واسمهـ كروزر .. وهو ثآني أقوآ الوحوش بعد النمسيس .. هو اللي قتل كل رجالات القرية بنفسهـ .. ولهـ قدرة على التخفي والتحرك بسرعة بدون مآتدري إلا هو ورآك .. وأنت رآيح لهـ بسيفك بس ؟ والله إن يحط سيفك بمقفآك ويرجعك لنآ مشوي لكن خذ هالمحلول هذآ .. المحلول هذآ لازم تنثرهـ على كروزر بأي طريقة .. لأنهـ إذآ أنتثر عليهـ المحلول خلأاص مآيدقر يتخفى عنك .. ونكون أنهينآ قوة من أحد قوآتهـ اللي يتميز فيهآ .. وبعد خذ هاللشوزن وركز على رجلة اليسآر لأن فيهـ إصآبة ملاعب .. وإذآ أعطبت رجلهـ خلاص مآعآد يقدر يتحرك بسرعهـ .. وبكذآ ننهي قوتهـ الثآنية .. وخيرآ خذ المآقنوم هذي .. وركزلي على ظهرهـ . لأن ظهرهـ فيهـ مركز الولاء لسآدلر .. ولو رميتة بكذآ طلقة مع ظهرهـ رآح ينفجر مركز الولاء هذآ وبنهآية الولاء يموت على طول .. لأن سآدلر مسوي الخآصية هذي بالوحوش كلهم .. لأنهم لو مآمآتوآ بينقلبون ضدهـ .. لذلك ربط مركز الولاء بعروق القلب >> على كيفة الدعوهـ .. بس وش ورآنآ دآم الدعوآ خيآلات المهم أخذ رمسيس كل الإسلحة ورآح لكروزر .. اللي هو الرجل الغريب أبو خيشة .. وقآمت بينهم معركة ضآرية .. استمرت سآعتين كآملات .. وكل وآحد يعطي الثآني .. أول شي كروزر لعن خير رمسيس ووكلة من الترآب لين قآل بس .. وبعد كذآ قدر رمسيس ينثر عليهـ المحلول وقدر يرمية مع رجلة اليسآر وشوي شوي قدر يرمية ويركز على ظهرهـ لين أنتهى أمرهـ ومآت كروزر .. الآن رميسيس أنتقم لموت رجالات القرية .. لكن بقى الوحش الأخطر اللي هو النمسيس .. والنمسيس هذآ مضبطة سآدلر مخصوص علشآن رميسيس .. مآ رجالات القرية خلى لهم كروزر .. بعد موت كروزر بكذآ يوم .. جاء الحيكم رحمالوف لرمسيس وقال لهـ إن سآدلر بيرسل عليك النمسيس بعد 3 أيآم .. لكن أنتبهـ ترى النمسيس أقوآ من كروزر بعشر مرآت .. لذلك لازم تحط لك استرآتيجية للقتآل من الآن وتتدرب على الإسلحة اللي بيعطيك ولد بريدة .. جاء ولد بريدة وجاب الأسلحة الجديدة لرمسيس علشآن يستخدمهآ .. الإسلحة عبآرة عن مآقنوم فيلة .. وقنآبل يدوية وفلاشية .. الإسترآتيجية هي أنك تهرب وتحط رجلك وتطلق سآقيك للريح .. لأن النمسيس مو سريع مثل كروزر .. لذلك حآول تهرب عنهـ قد مآتقدر لين يتعب ويبدأ يضعف شوي .. وكل مرة تشوفهـ وآقف يتعفى أحذف عليهـ قنبلة يدوية علشآن تضعف قوتهـ .. وإذآ قدر يمسك ترآهـ مآيفكك أبد لين تفك عليهـ قنبلة فلاشية علشآن تعميهـ شوي ويفكك واهرب على طول .. وبرضوهـ ركز على ظهرهـ لأن مركز الولاء بظهرهـ وإذآ فجرتهـ بيموت على طول .. مرت الثلاث أيآم وجاء النمسيس وقت مآكآن يشخ ورى حفرة ويغني إلا النمسيس قدآمهـ قام رميسيس وكمل البآقي على ثيآبة وهو يركض للقرية يبي يجيب أسلحتة والنمسيس يطرد ورآهـ .. المهم أخذ اسلحتهـ وقآمت هوشة بينهم الله لايوريك حتى إن مكآن هوشتهم كنهـ مكآن مبرك نيآق كآن تتمرغ بالترآب وكل هالحوسة من رميسيس لهم من هالترآب لين تفل العآفية .. عآد قدر يطبق كلام ولد بريدة وقضى على النمسيس بعد هوشهـ كآدت تروح روحهـ فيهآ .. الآن قربنآ لختآم القصة وهي إن سآدلر يوم شآف وحوشة مآتوآ عرف إنهـ خلاص نهآيتهـ قربت .. سآدلر هذآ أقوآ من كل وحوشة .. النمسيس وكروزر .. لذلك وقبل يجي .. اقترح رحمالوف على رمسيس إنهـ يحرف حفرهـ ويحط فيهآ أصيآخ حديد سآبك .. مسننهـ ومركوزة .. ويحآول يستدرج سآدلر للحفرة .. وهذآ اللي صآر .. وجاء ولد بريدة وجاب سلاح جديد وهو البآزوكآ .. لأن بدون بآزوكآ مآيقدر رمسيس يذبح سآدلر لو يفحط بعد مآجآهم سآدلر وهو نآوي يقضي على أهل القرية كلهم .. كآنت الحفرة على مدخل القرية وكآن برى القرية رميسيس وولد بريدة ورحمآلوف .. وكآنوآ ورى لهم شجرة ينتظرونهـ يجي يطيح بالحفرة يحسبونهـ دلخ مثلهم وولد بريدة ينقش خشمهـ وقتهآ .. مآدروآ إلأا هو ورآهـ .. وكل وآحد يحط رجلة ومن زود الخوف سبقهم الشآيب رحمالوف مع إنهـ يالله يقدر يمشي .. بس الذلة بنت حلال .. مسكهم سآدلر ولعن سلسبيلهم .. ركب وتصفيق ودبلآت فيهم .. ويصقع روسهم ببعض .. لعل ولد بريدة أنفلت من تحتهـ لأنهـ كآن بآركن على ولد بريدة ويصقع رآس رحمالوف براس رمسيس وحط رجلة ولد بريدة يبي الفكة بس .. ويقوم سآدلر ويلحقة ويفك رحمالوف ورمسيس .. قال رحمالوف لرمسيس أرمـهـ بالبآزوكآ لقرب من الحفرة علشآن نظمن إنهـ يموت .. نصوبة ونطشة بالحفرهـ بعد .. ويوم قرب من الحفرة وولد بريدة مآغير غبرتهـ وسآدلر ورآهـ .. أخذ رمسيس البآزوكآ ورمى سآدلر ولعل سآدلر التسلب سمع صوتهآ والتفت بسرعهـ وشآفهآ قربت منهـ وفحج برجلية وهي تدخل فيهـ كبري ومألهآ عن مقفى ولد بريدة وتمسطهـ وتلصقة بسور القرية ومآغير بقآيآهـ .. بهاللحظة يوم خربت الدعوآ .. جاك رحمالوف طآآآآآآآير وينقز على ظهر سآدلر وهو يآهـ سيدآ للحفرة وتخترقهم أصيآخ سآبك متقعهم تقطيع .. وولد بريدة جو الأهآلي يلقطون لحمهـ بمنقآش من كثر مآهي منتفتهـ البآزوكآ .. ورحمآلوف ضحى بعمرهـ ورمى بنفسهـ على النمسيس علشآن يطشهـ بالحفرهـ .. من أجل القرية .. ورميسيس وأهآلي القرية حزنوآ علينآ .. قصدي عليهم أشد الحزن .. وأقآموآ لنآ تمآثيل على أشكآلنآ .. كنوع من الوفاء لنآ .. حتى إنهم قعدوآ يسمون عيالهم على اسمائنآ .. وكل بينت تحصل فيهـ .. رحمالوف وولد بريدة .. وبكذآ أنتهت السالفة بخيرهآ وبشرهآ ورجع الأمن والآمآن للقرية وتزوج رمسيس ببنت جيرآنهم آشلي وجأبوآ ولدين وآحد رحمالوف والثآني ولد بريدة .. بس ولد بريدة كالعآدة طلع رخمة ورحمالوف طلع شجآع وحيكم .. وأخذ الحكم بعد أبوهـ اللي هو أنآ يآمحآتسيكم .. 
|
|
#13
09-05-09, 01:47 PM
|
||||
|
||||
|
^
الله الله الله هالرد افضل حتى من الموضوع نفسه هذي النآس الي تقدر التعب وتتعب هذآ الي يسمونه ابدآع وكل الردود ما فيها قصور والله رحمآلوف & فآرسهـ & فرآولهـ مآ قصرتو على هالقصص وهالتكملهـ كفيتو و وفيتو بنتظآر البقيه بنوته ..  بنتظآرك .. ~ .
|
|
#14
10-05-09, 05:40 AM
|
||||
|
||||
|
جلس رمسيس يفكر .. ويفكر .. ويفكر .. وبعدين تعدل بجلسته ورجع يفكر .. ويفكر .. ويفكر .. قال بما إنه رحمالوف يدري إني أقدر أحل الموضوع .. أكيد إن له علم باللي يصير
ويبدأ يمشي وراه وينشب لوالدينه كل يوم والثاني يقول له : تكفى علمن .. يرحم أمك قل لي .. والله ما لك داعي يذالشايب .. والله إنك بزر الموهيم .. يوم شاف إنه ما هوب حوله ولا هوب عاطيه علم .. قرر رمسيس إنه يستكشف بنفسه .. بدأ يراقب رحمالوف و ولد بريده ولا ينام الليل لاحظ رمسيس إن رحمالوف عنده جوال يوزيه تحت وسادته ولا أحد يدري بهالقريه إن بوه جوالات أساسا كذلك ولد بريده عنده جوال .. بدا لرمسيس أن خيوط الجريمه بدأت تتضح .. ولكن هيهات (( شطحه )) بعد بحث طويل إستمر 3 أيام وتضييع للوقت على غير سنع .. إكتشف رمسيس إن هالشايب وولد بريده ما وراهم إلا الدجه .. القصه وما فيها إن ولد بريده جايب جوالين معه ومغرين هالشايب بمقاطع والعياذ بالله .. أصر رمسيس إن ورى جيبة هالجوال لهالشايب مغزى .. فبدأ يتخيل قصص من عنده إحتمال تكون سبب إن ولد بريده يجيب هالجوال لهالشايب بعد بحث طوييييييييييل تذكر ولد بريده إنه كان يلعب مع وحدتن يوم كان صغير وكانت أكبر منه بأربع سنين .. بس إنه كانت مغط يعني (( شق )) بالقصيمي (( تهبل )) وتذكر إنه قام يصيح أكا اليوم يوم إنهم قالوا إن هالبنت بتتزوج رحمالوف لأن رحمالوف ماسكن على أبوها شي تسايد ولكن العرس إنلغى بعد ما ماتوا اللي طلعوا للمقناص أو بالأحرى تأجل .. وإن (( العربان )) والقبايل الثانيه كله إحتفلت هكاليوم لأنه العالم كله تبي تتزوج هالبنيه إستنتج رمسيس إن ولد بريده مغرم بهالبنت وإنه يبي يشغل رحمالوف عنها بهالجوال اللي جايبه له بدأ رمسيس يكمل رحلة بحثه عن خيوط الجريمه (( طبعا رحله وقتيه )) وجلس إلحاله بالبيت يلعب بلاي ستيشن ويفكر من وين يبدأ !! قال : ما لي إلا أبو هالبنت .. راح لم أبو البنيه وسأله ليش أنت مختار رحمالوف يتزوج بنتك مع إنه شايب ؟؟ قال له : ياخي بكيفي .. بنتي وأنا حر عاد مثل ما تعرفون إن رمسيس نشبه .. نشبه لهالرجال (( يسمونه جحيثنوفيتش )) إليييين قال له بالسالفه كله وطلع له ورقه (( نفس الخط ونفس نوع الورق )) مكتوب فيها لسته بأسماء أهل القريه .. واحد .. واحد .. عاد رمسيس كان آخر واحد سأل رمسيس : وشو ذا .. قال جحيثنوفيتش .. أنا مجبو إني أزوج بنتي واحد من اللي بهاللسته .. وما أقدر أزوجه بنتي إلا إنه يكون الأول باللسته أو إن كل اللي قبله يكونون ماتوا قال رمسيس : وإذا متنا كلنا .. من يتزوجها .. قال : بذاك الوقت .. أي واحد يقدر يتزوجها قال له رمسيس : ومن معطيك هاللسته ؟ جاوب جحيثنوفيتش : هذا سلمك الله واحد يعيش بالبيت المهجور .. نقز رمسيس للبيت المهجور (( زعل وراه آخر واحد باللسته )) .. وقدام البيت لقى ولد بريده قال لولد بريده : تنحى جانبا وإلا قتلتك .. جاوب ولد بريده : إلفقه بس طلع رمسيس سيفه وبدا (( يتبارز )) مع ولد بريده .. ولد بريده كان يعرف يستخدم السيف ببراعه في حركه من الحركات .. حاول رمسيس (( قص )) رأس ولد بريده لكن ولد بريده (( دنق )) وشات رمسيس مع ركبته طاح رمسيس على الأرض ومير يصحي من النوم ويناظر الساع أثره 3 الفجر وبكره وراه دراسه بعد الإجازه الحلوه قام ورجع للسرير وتعوذ من بليس ونام
|
|
#15
10-05-09, 05:52 AM
|
||||
|
||||
|
كبييييييييييييييييييييييييييييييييييييير يا رحمالوف
والله قلبت القصه 180 درجه بطل والله بطل أشوى إني ما كملت قصتي ولا والله كان تعب على الفاضي
|
|
#16
10-05-09, 01:24 PM
|
||||
|
||||
|
مشـكور على هالطله يآ بشر
تكفينا محاولتك وتعبك على التكملهـ حيآك وبيـآك .. ~.
|
|
#17
10-05-09, 10:14 PM
|
||||
|
||||
|
فيرزآتشي .. بشر ..
لا كذآ أنآ مقدر .. ترى أستحي 
|
|
#18
11-05-09, 02:09 AM
|
||||
|
||||
|
ان شاء احاول اكتب قصه
كرمان مرجوج ولا مخى صاير تنكه 
|
|
#19
11-05-09, 01:24 PM
|
||||
|
||||
|
بنتظآرك جنىآ ..
~
|
|
#20
12-05-09, 03:04 AM
|
||||
|
||||
|
الحين يا فيرزاتشي مدري شغب ليش ماتكلمت عن أم رمسيس والا مستحي تهرج عن الحريم ..اصلا ما جبت سيرة ولا حرمه من القريه.. معطيهم اشكل كلهم.. خلاص أنا أقولكم دورها وترى هيّا البطله بعد ولدها..
اسمها صيته.. وعمرها 28سنه تزوجت وعمرها 13سنه وماعندها غير رمسيس كانت أجمل نساء العالمين حتى إنهم كانوا يبالغون في وصفها ويقولون انها كانت أحلى مني.. وكانت ناعمه.. وشياكه..ورشيقه.. وكانت فتاة أحلام كل رجال القريه حتى بعد ما مات أبو رمسيس رفضت جميع من تقدم لها حتى تبقى على ذكرى المرحوم..  المهم رمسيس ما بغىآ يظلم احد واستمر ببحث دليل واحد لـ يفصل بهالموضوع الي ازعج اهل القريه تذكر رمسيس حادثة الشآيب رحمآلوف وكلامه فـ انتظر النآس يصكون محلاتهم وكلن يروح بيته ورآح لـ رحمآلوف دخل بيته عشآن يسفسر اكثر لكن ما لقى منه ولا حرف كالعاده واثناء خروج الزكرت رمسيس قال الشايب مفتاح القصه قريب وبيدك بينكشف .. قال رمسيس طيب متى ؟ وكيف ؟تكفى ياخى رد.. والشايب ماسك جريده يقرا فيها ومطنش ولا كن رمسيس يهرج ألتفت رمسيس حوله ولقى طفايه مسكها وصكها في جبهة الشايب وقاله مسوي فيها يعنني شايب وحكيم وما أتكلم الاّ بالقطاره..أسمعني ياللوح أنت ياتقول السالفه كامله ياتنكتم.. ورحمالوف ساكت ولا كأن صارله شي قاعد يقرا في الجريده ودمانه تصب>>رافع ضغطي وقسم بالله وش ذا اللي طول الوقت ساكت.. أنا كملت القصه بس عشان أمحطه في جبهته طلع رمسيس من عنده و الدنيا صاكه فيه ويفكر ويقول أيش الشي القريب مني ويسوي كل هذي البلاوي..!! وهو في طريقه لقصره لمح ولد بريده والغريب يسولفون بصوت واطي وباين على خششهم التوتر والخوف... والغريب ماسك خيشه كبيره في إيده.. أقترب بطلنا منهم واختبئ خلف شجره كبيره بحيث كان يراهم و يسمعهم وهم لايرونه.. وسمع البريداوي يقول.. تكفى يالغريب تكفى صدقيني هذي آخر مره وأنا أوعدك محد راح يمسكنا أصلا إحنا هنا من زمان محد كفشنا قال الغريب.. لكن أنا خايف من رمسيس والله لو عرف ليمسح فينا البلاط.. قال البريداوي: يخسى.. والله لو لمس شعره منك لأدوس في وجهه طلع رمسيس من خلف الشجره وهو يقول.. من هو اللي بتدوس في وجهه ..قال البريداوي.. أنت قال.. تخسى الا أنت يالرخمه!!رد عليه ولد بريده وقال.. لاتخسي الرجال..قال.. تخسى وتعقب .. والغريب واقف بينهم وهو فاغر وخايف من اللي راح يصير قال رمسيس.. أنا خلاص كشفتكم على حقيتكم أستسلموا بالتي هي أحسن لاتجبروني على قتلكم طلع البريداوي سيفه وقال خل عنك كلام الحريم وتعال واجهنا إذا كنت رجال.. والغريب يتنافض ويقول ياشباب صلوا عالنبي ترى الموضوع مايستاهل أخرج رمسيس سيفه من غمده ببطء مدروس ورماه بعيداً.. وطلع الرمح ورماه.. وطلع القوس والأسهم ورماها.. والتفت عليهم وقعد يطقطق رقبته يمين ويسار ويآخذ نص لفه يمين ونص لفه يسار ويطقطق عضام ظهره.. وقال أنا راح أقاتلكم بالمصارعه>>ياتأثيرك يالافلام وبدت المقاتله بين الشباب الثلاثه وطاح فيهم رمسيس ولعن والدي والديهم ولحسهم التراب وقال ياللا قدامي على القصر أنتم والجثه اللي حاطينها في الخيشه >>صادهم رمسيس الذكي طالع البريداوي والغريب في بعض وهم منهبلين ولا ردوا عليه.. قام سحبهم البطل على وجيههم إلين وصل القصر فتح رمسيس الخيشه وكانت هناك المفاجأه فقد وجد بها مجموعه من السيديات لأفلام مو ذاك الزود.. ومشروبات روحيه.. وحشيش وأكتشف رمسيس أنو الغريب يجي كل فتره ويهرب هذي الخيشه للبريداوي وأنهم ماعندهم سالفه وأنهم حقين شراب وبنات ولا لهم دخل في القتل>>يلعن أم السيناريو اللي تعرفينه ياشيخه طيب قولي من البدايه مالهم دخل وفكينا المهم حبسهم رمسيس في السجن لمدة 3 سنين مع القيام بالأعمال الشاقه وأخذ خيشتهم وحرقها بس أخذ الحشيش منها وحطه تحت سريره عشان محد يشوفه>>منت صاحي يا رمسيس المهم يوم رفع السرير عشان يحط الحشيش لقى رساله نفس اللي جاته من قبل ونفس الخط ونفس الزخرفه.. ومكتوب عليها ((...أحبك ياصيته للأبد..)).. وتحت مرسوم قلب وسهمين.. ثارت ثائرة رمسيس كل شي ممكن يتهاون فيه إلاّ سمعة أهله وطلع غرفة أمه وشياطين الدنيا كلها حوله وقال بسرعه قولي لي سالفة هذي الرساله ... أخذت صيتة الرساله وقرأتها وحاولت تنكر معرفتها بالرساله بس على مين هذا رمسيس الفطين اللي قدامها مو أي أحد ... بدت الدموع تتساقط على وجنتيها فرّق قلب أبنها عليها..وقال.. أرجوك ياماما أخبريني ماذا يحدث من حولي أقسم بأني أكاد أجن..>>اخس يالزلابه اجل ماما قالت.. بسم الله عليك ياولدي من الجنان أنا راح أقولك السالفه كامله تعبت وأنا كاتمه الموضوع هذا 16 سنه بس أوعدني إنو يضل سر بيننا ... قال.. أوعدك. قالت.. أسمع أنا كان عندي ولد عم مختل عقليا وفوق هذا كان بشع وكنا نسميه المسخ.. كان مولع فيني ويموت عالتراب اللي أمشي عليه طلب من والدي أن يتزوجنني فرفض والدي بحجة اني لا أزال صغيره ووعده بأني سأكون من نصيبه إذا كبرت وأنا كنت راضيه بالنصيب وذات يوم رأيت والدك الشجاع الوسيم المقدام فأحببته وأحبني وعرض علي الزواج فأخبرته بقصتي كامله .. وأبوك ماعنده لعب على طول خطفني وأخذني إلى قريته وتزوجنا وعندما علم أهلي بالأمر قطعوا علاقتهم فيني وتبروا مني للأبد.. قال رمسيس والدهشه تعلو محياه.. يعني اللي يرسل هذي الرسايل هو ولد عمك المسخ!!؟ قالت.. نعم ياولدي هو بعينه حتى بعد وفاة والدك عندما ذهب للقنص.. جاني وعرض علي الزواج بس أنا رفضت وقال لي.. شوفي ياصيته ترى أنا اللي ذبحت زوجك وأخوياه واي واحد راح يتقدم لك راح أذبحه صدقيني ماراح تتزوجين غيري قال رمسيس بحزن.. ألهذا السبب قام أبن عمك المسخ بقتل حميدوفيتش ومصطفى وستيفن وخرخير.. لانهم طلبوا الزواج منك؟؟! هزت صيته رأسها بأسف وقالت.. نعم ولقد كنت أعلم بذلك ولكن خشيت أن أخبر أحد فيقومون بطردي من القريه وأنا ما عندي مكان أروح له بعد ماتخلى أهلي عني.. قال رمسيس.. والله لو منتي أمي كان عرفت كيف أتفاهم معاك.. يعني شايفه رجال القريه يروحون واحد ورى الثاني والسبب خشتك وساكته.. طيب أنتي متأكده أن محد يعرف هذي السالفه غيرك!! قالت ..إلا فيه شايب أسمه رحمالوف صديق والدي يعرف قصتي لكنه وعدني الا يخبر أحد قال.. رمسيس والله ما أخس منك الا هو لكن أنا بروح غرفتي وأدور حل للمصيبه اللي حطيتينا فيها.. راح رمسيس غرفته وجلس يفكر ويفكر وطلع الحشيش من تحت السرير وكمخ له سيقارتين عشان يروق وبعدها جاته فكره وراح عند أمه وقال.. لقيت الحل..أنتي من بكره تروحين للبيت المهجور وتجلسين فيه ألين يجي المختل ولد عمك وإذا شفتيه قولي إنك وافقتي على الزواج منه بس بشرط أنه يقاتلني فيس تو فيس.. قالت صيته.. لا والله أخاف أخسرك وتموت وأضطر أتزوج ولد عمي تكفى دور حل ثاني.. قال.. نعن أبو دارك أنتي ماتفكرين غير في نفسك طيب فكري في العالم اللي قاعده تموت عشانك.. وسحبها مع شعرها عشان يوديها للبيت المهجور وحطها هناك>> أحيانا يطلع للتحشيش فوائد.. وصار كل يوم يمر عليها ويسألها إذا زارها ولد عمها والا لا وهي تقول.. لا ماجاني لا بارك الله فيك ولافيه.. وبعد أسبوع قالت صيته لولدها.. أبشرك أمس جاء المسخ وقلت له أني راح أتزوجك إذا قدمت لي قلب رمسيس مهر..وهو قالي خلاص أخبري رمسيس أن غداًهو موعد المبارزه.. أبتسم رمسيس لوالدته وقال.. أعدك يا أمي بأني سآخذ ثأر والدي وثأر رجال القريه من أبن عمك المسخ.. وحانت ساعة الصفر وجاء موعد المبارزه ولبس رمسيس لباس الحرب واجتمع أهالي القريه في ساحة القتال وكانوا جميعهم يعلمون بأن رمسيس سيقاتل الوحش لكنهم لايعلمون سر والدته الدفين.. بدأت المواجهه بين رمسيس البطل.. وعاشق والداته المسخ.. وأخذوا يتبارزون بالسيف وكان رمسيس يتفوق على الوحش مهارةً في أستخدام السيف وأستطاع أن ينتصر عليه في دقائق>> بطل يارمسيس بطل  فأرتفعت أصوات الرجال بالتكبير.. والنساء بالزغاريد.. والأطفال بالطراطيع.. وظهر من بين الجموع الشايب رحمالوف وهو رابط على راسه شاش من بعد ذيك الليله.. وقال.. أحسنت صنعاً يارمسيس فقد أخبرتك سابقاً أن السر قريب منك وباستطاعتك كشفه فلقد كنت أعلم عن سر أمك وأبن عمها.. طالع فيه رمسيس من فوق لتحت بحقد وطنشه ولا رد عليه.. لحقه رحمالوف وقال: مالك يابني لماذا تسفهني هكذا؟؟! ألتفت رمسيس حوله ولقى طوبه كبيره مسكها وصكها في راس رحمالوف وراح وتركه غريق في دمائه وتوفي بعدها بثلاثة أيام >>يلعن النذله معطيه رحمالوف أخس دور في القصه.. أما رمسيس فقد نصبوه حاكماً للقصيـم بكبرها وعاش مع والدته حياة هانئه سعيده..   >> ادري يافيرزاتشي التكلمه اطول من الموضوع نفسه.. لا وأبشرك تراني مختصره كثير.. ....
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
العرض العادي
