العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
انا في ورطة.... ؟
السلام عليكم
عندي مشكلة اطلب من الاخوة الاعضاء المشوره والرأي السديد... ولكم مني الدعاء... قبل 13 سنة كان معاي سياره ماكسيما 97 وصار عليها حادث شنيع ونجوت بفضل الله ولكن اصابتني بعض الكسور بقيت على إثرها في المستشفى شهرين والحمد لله الذي قدر ولطف... المهم بعدما طلعت من المستشفى بفترة اتصلوا علي المرور وقالوا استلم سيارتك من حجز المرور ولكن قلت لهم ابغاكم تسقطوا لوحاتها لأنها تالفه.. فقالوا لا بد تجدد استمارتها عشان نسقط لوحاتها من الحاسب الآلي.. قلت كيف أجدد رخصة سياره تالفه صاحين انتم... فرفضت استلم السياره 'خصوصا اني في حينها عاطل عن العمل وماعندي فلوس اجدد الاستمارة المهم طنشتهم سنوات أخرى وبعدها ..كان المرور يتصلوا على أكثر من مرة و في كل مرة اقول انا رجل مصاب في الفقرة القطنية الثانية عشر وغير قادر على الحركة الان واسحب عليهم 3 سنوات وبعدها اتصل علي عقيد أو نقيب من المرور وقال ليش ماتستلم سيارتك قلت تبغي الصدق وإلا ابن عمه قال الصدق قلت ياطويل العمر انتم رفضتم تسقطون اللوحات لسيارة تالفه والتشليح رفض يشتريها مني إلا بموافقة من المرور والمرور يشترط تجديد الاستمارة عشان يسمح ببيعها تشليح وكل واحد يرميني على الثاني وغير كذا انا باختصار عاطل وماعندي رسوم تجديد في ذمتك استلمها ليش؟ وفين اوديها؟!! المهم قال ماعليك انت استلمها وبنسقط لوحاتها بدون ماتجدد الاستماره المهم صدقته ومن الفرحة بغيت اطير؟!! رحت استلمت السياره و عرضتها على التشاليح فرفضوها لأنها تالفه تماما... فاضطرتي احطها في حوش البيت ونسيتها 6 سنوات اخرى على أساس انتظر القى احد يشتريها.... قبل فتره تفاجئة انها لاتزال مسجله باسمي في نظام ابشر؟!! واتضح أن المتصل من المرور كذب علي... ولم يسقط لوحاتها من الحاسب الآلي والان يا اخوان اما متورط فيها ولا ادري كيف أسقط لوحاتها وهل في رسوم على التأخير 13 سنة في عدم تجديد الاستمارة... وكيف اجدد استمارة سياره تالفه عشان ابيعها تشليح؟؟؟؟؟؟ شوفو لي حل أو مخرج يا أهل الخبرة في المرور.
|
#2
|
||||
|
||||
رد: انا في ورطة.... ؟
وعليكم السلام ورحمة الله وبركاته
أولاً: الحمدلله على السلامه ولاباس عليك ثانياً: على كل سنة تأخير 100 ريال+ 300 ريال رسوم تجديد ثالثاً: نصيحة جدد وسقط اللوحات بإي ثمن وتخلص منها وريح نفسك رابعاً: مافيه حل ولامخرج إلا التجديد بعدها تسقط اللوحات
|
#3
|
|||
|
|||
رد: انا في ورطة.... ؟
بلغ فيها انها مسروقه واطلع بها في حدى الشعبان وولع بها اجعلها رماده
ولا تضيق صدرك ونفسك .
|
#4
|
|||||||||||||||||||||||||
|
|||||||||||||||||||||||||
رد: انا في ورطة.... ؟
ههههههههههههههههههههه عوذا شهالتفكير المجرم 😂 هذي مثل الافلام 😂😂 صاحب الموضوع سلامتك 400*13= 5200 واوك ع سيارة قرمبع لاتتهرب وسو الصح
|
#5
|
||||
|
||||
رد: انا في ورطة.... ؟
الله يسلمك ولايجيك البأس اشكرك بارك إله فيك 100 معقوله كل سنه ولكن لو فكرت اشتري سيارة الان باسمي هل يلزمني اجدد استمارات السياره التالفه.. والله هذه النكبه إذا صدق .
|
#6
|
|||||||||||||||||||||||||
|
|||||||||||||||||||||||||
رد: انا في ورطة.... ؟
الله يسعدك ويحيك.. ولكن كذا اخاف أزيد الطين بله... وادخل السجن بتهمة بلاغ كاذب...
|
#7
|
|||||||||||||||||||||||||
|
|||||||||||||||||||||||||
رد: انا في ورطة.... ؟
يسلمك ربي ولكن كيف صارت 5200 ريال اخوي غريب يقول 100 ريال على كل سنة تأخير يعني 100 في 13 تساوي المجموع 1300
|
#8
|
||||
|
||||
رد: انا في ورطة.... ؟
أرى أن تذهب إلى شيخ المعارض أولجنة فك المنازعات في إدارة المرور أوتتفق مع معقب وبالتوفيق
|
#9
|
||||
|
||||
رد: انا في ورطة.... ؟
حقين تشليح السكراب يشترونها منك وبسهوله ما تتخيلها ومكاتبة عقد ومختوم منهم رسمي
.. يعطونك لوحات موترك وياخذون الموتر بسطحه .. يشترونه حديد
|
#10
|
||||
|
||||
رد: انا في ورطة.... ؟
1300 رسوم تاخير
والسيارة مطوفه كل 3 سنوات تجديده 12 سنه باربع تجديدات حول 1500 والرسوم 1300 مع التعقيب والانهاء كامل 3000 ريال وريح راسك يارجل بلا ماتخلي فيه سياره تمشي عليك رسومها وهي حديده بالحوش الصدمه ممكن المرور يسوي لك ايقاف خدمات جزئي حتى تراجعهم |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |