|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#132
19-07-07, 12:34 AM
|
||||
|
||||
بعد ما طلعوا من السينما: العنود : والله الفلمتحفه رهف: صادقه أول فلم أشوفه يعجبني كذا في جهةثانيه: حمد( الحين هذي ليش حاقده على طول الوقت وتناظرني باحتقار يمكن هيناظرتها كذا لا شفهم إذا جت تناظرهم محد تجيه هالنظرات غيري ) نهى(أعوذبالله ليش يناظر ) رهف: عزيز ترى بنروح نتمشى شوي عبد العزيز : بلحالكم رهف: ايه عادي حنا كبار معنا وحده متزوجه خلاص نايف: هييه حرمتي تخلونها عذركم لا و ألف لا اصلا انا وياها بنروح نايف سحب نسايموراح فارس كان يكلم ولد خاله على جنب ما دخل بالجو المهم بعد قيل وقال و اسأله اتفقوا أن حمد يروح مع البنات ++ حمد: و أنا حمال الاسيهكل مره أنا أجركم يالله يا قوم نهى: لك الشرف حمد: نعم نهى: كلام الشيوخ ما ينعاد حمد(يبيلها تكسير راس) البنات تمشوا وتشروا وستانسوا بعد و قت حمد: الو مروان: هلا حمد: تعالوا دوركم تعال أنت ومشعل مروان: طيب انتو وينكم فيه حمد: شفت المحلالي........... مروان: ايه هذاك اللي تبيع فيه حلوه حمد: عشان كذاذكرته تعال يالله ترى حامت كبدي من البنات فهده: حمد بتروح حمد: ايه إلا إذا كان فيه ناس يبوني اقعد قعدت فهده :أي ناس الله يعافيك منبيجي حمد: مروان ومشعل فهده: فلللله حمد: ليش فهده:هاهبس بس ++ جاء مروان ومشعل واستلموا البنات>>>بضاعه كانوا طالعين من المحل حصه: شمه شوفي هذيجعطرها شال البقعه شمه: هيه والله صدقج مروان و مشعل كالعاده الأولاد قاطين اذنهم مروان: مشعل الحق فيه مطاقه مشعل: وينها مروان: مدري هذي تقوله مروان: وين المطاق حصه: شنو مشعل: ترى نفزععادي حصه: شنو مشعل: ناس سوي كفخكفخ مرونا:ههههههههههههههههااااي حصه: لو سمحتي ناديه شوفي شنو يبونمو فاهمه عليهم ناديه : صبر ندوووش شوفي اخوانك ندى: وش قايلين للبنتاعترفوا مشعل:هي قالت فيه مطاقه وانا سالناها عنها ندى: انتوا وشعليكم مروان : اسئليها بس اسئلت حصه اللي أنكرت أنها قالت فيهمطاقه حصه: ساره شوفي هذيلا مو فاهميني ساره جت وبعد السالفهفهمت ساره:ههههههههههههههه والله انكم تخريف أي مطاق البنت تقول إن فيه وحده مرت عطرها ريحته قويه وانتوا ماتفهمون أي مطاق ههههههههههه مروان: تكلموا زي الناس ولا حد قايل شي مشعل: ايه و الله حصه: انا ما تكلم زيالناس انت الخبل ما تفتهم مروان: هاه كنها تسبنا مشعل: ايه والله تسب مروان: والله لو ما انك بنت كان شفتي حصه: اف الجدار وراك راحتوخلتهم مشعل:هههههههههههههههههههههههههههههههههههههههه والله خطييره مره تعصب مروان: وأنت تضحك وبس الحين بتزعل وما يبقى بنت ماتهاوشنا مشعل: بزران خلهم +++ خلصوا دوران بالمول وراحوا للبيت ابو سيف ياخذون الأهل الساعه 7 وصلوا للبيت وطبعا لازم يدخلون يتقهوون شوي نايف كانواصل قبلهم هو ونسايم بعد ماتمشوا على البحر ودخلوا نايف طلع يكلم بالشارع لأنه يبي ياخذ رقم من سيارته بينقله للي على التلفون البيت اللي قبال بيت أبو سيف انفتحالباب وكـــــانتالصدمـــــــــــــه 0 0 0 0 0 0 0 0 0 0 0 0 0 نايفوقف وترك الجوال جلس يناظر نفس الشخص كان رجل خمسيني بالعمر كان شكله مو صاحي بمعنيمريض نفسي نايف أنصدم بعد القوه والجبروت يصير فييه كذا نفس الشخص اللي منسبع سنين سيف طلع لأنه حس أن نايف طووول سيف: نايف وش فيك تطالع فييه نايف مازالت الصدمة ماثره علييييه: ..لا سيف: لا تطالع فيه هذاواحد مينون قتل بنته عشان واحد ما يستاهل نزل هذا الكلام على نايف مثلالصواعق نايف ما كان فييه حيل للجدال ولا النقاش ركب السياره وبقدره قادر وصلالفندق + + سلمان: سيف وين نايف سيف: ما دري طلعتولقيته يطالع ابو جيرانا المينون وراح ركب سيارته ومشى ناديته ماردعلي سلمان: اها...زين سلمان شك بالوضع اتصل على نايف سلمان:الو نايف وصوته حيلل تعبان: الو سلمان طلع من المجلس: نايف وش فيك نايف راح صوته وتبدل بنبره محزنه : سلمان.... شفتهيا سلمان سلمان: خاف على نايف ركب سيارته وراح له وهو يكلمهبطرييق سلمان: من شفت؟ نايف: شفته والله أني شفته سلمان: نايفمن هو؟ نايف: خليفه سلمان: كيــــــف؟ نايف: خليفهخليـــــــفه خليفه ما غيره سلمان: كيف شفته وهو نايف: مجنون طلعمجنون وصل سلمان لنايف وبعد جهد قدر نايف يفتح له الباب (( عقدة نايف : نايف قبل 7 سنوات كان يدرس برى والتقى بوحده اماراتيه ما كان بينهم أي احتكاك مجردسلام وكلام للدراسه بس ومره من المرات كان نايف يبي منها كتاب ويسال عن بعض الاشياء بالدراسه لانها بنفس القسم شافها عمها اللي ما يرحم كان سكران وظن فيها ظنالسوء ضربها بقسوه عذبها إلى إن ماتت وتمرمط نايف من بعدها سنتين بالمحاكمالاوربييه لمى رجع وفتح الكتاب اللي كان آخر شي منها لقى فيه رساله منها تعبر عن مشاعرها له وتوصف حبه لها ومن بعدها وهو يحس بالذنب هذا غير الشهاده اللي مفروض تكون معاه غير السنتين اللي قضاهم ورى المحاكم إلا أن تبين إن عمها سكران وهوبريء بس بعد ايش بعد ماراح كل شي منه دراسته حبه وسنين من عمره )) سلمان: نايف خلاص السالفه راحت من سبع سنين نايف: لا ما راحت قتلها بسببي وتقول راحت والحين مجنون هو مجنون تعرف كيف مجنون يعني حياتة ضاعة بسبي سلمان: نايف يرحم اهلك لازم تتعدى هالموضوع خلاص البنت الله يرحمها وأنت الحين متزوج ما يحق لكتغامر بحياتك وحياة نسايم بسبب قديم (نسايم كان قلبها قارصها واتصلت على نايفوجواله مسكر اتصلت على سلمان اللي جواله بجيب البنطلون رد وهو ما يدري ) نايف: وانتو هذا اللي همكم نسايم أتصنع الضحكة عشانها كذب وسوي نفسك سعيد على شانها خلاصأنا طفشت منكم ومنها يكفي زواجي غصب هذا بالحاله يكفي نسايم سكرت االخطما ودها تسمع أكثر كل اللحظات اللي فاتت كانت كذبه منه كانت صدمه بالنسبهلها + رهف: بنات خلي نطلع نتعشى ندى: صادقه ونعم الراي فهده: اول مره احس إن عندك سالفه نهى: يالله بس طبعا لازم ناخذأولاد ندى: اجل مو لازم شمه: الا كيف مو لازم ياللهبقولهم + + بعد مشاورات ومنه الأولاد طلعوا يتعشون نواف عازمهم على حسابه نواف: الا ما تدرون عن نايفوينه حمد: اخوك ولااخوي نواف: خلاص تزوج ....نسايم ما تدرين وينه نسايم: لا مدري .....فهدوصلني للفندق فهد: ليش منتيب جايه معنا نسايم:لا لا وين ما في مجال وفيني النوم وصلوني فهد: طيب راحوا وحطوا نسايم بالفندق وسلمان يوم درى أن مشاعل رايحه ركب سيارته ولحقهم نسايم راحت لغرفتهم وطقت الباب ودخلت بالكارد اللي معها نسايم رحمت نايف بقوه كان نايم و حاط يده على راسه حست انه من جدتعباااان + + + اما عند الشباب ندى كانت مره متوتره وضايقه ما ودهاتجتمع مع نواف بمكان وخصوصا بعد كلام أبوها أبو فهد: ندى أنتي الحين تقريبا شبهمخطوبه ندى: ايش ابو فهد: اصبري لا تعصبين انا بس أبيك تكونين شوي تكانه اذا طلعتوا يعني مو زينه انك تاخذين راحتك خلك تكانه و اعقلي وعنالهبال ندى: حقدت من جد على نواف اذا كان هذا ابوها قال هالكلام بسببه وهوعمره ماقاله لها كيف اذا وافقت + + وصلوا للمطعم وكان من اختيار نواف (بيتزا هت) العنود: استانسي يا ندى مطعمك المفضل نواف: والله اجلمثلي ندى ما عطتهم أهمية طبعا ظاهريا العنود: أنت من كلمك انا اقصدندى العنود بكلامها هذا خلت ندى تضحك نواف: ما اظن في شي يضحك بستدرين أهم شي انك ضحكتي ندى عطته نظره وسفهته جلسوا على طاوله طبعا مو طاوله عدد من الطاولات لان عددهم كبير ماشاء الله و الشي اللي كان من جد تحفه :المطعمما فيه بارتشنات (حواجز يعني ): مو مثل السعوديه رهف: وش نسوي الحين فارس: لا تسوين شي بس أنتي اجلسي رهف سكتت متفشلهو مستحييه سلمان: بما أني عمكم أنا أقولكم وشلون.... انا بجلس على راس الطاولهونصف الجلسه بنات والنصف الثاني اولاد وانتهينا مروان: يا فري أنت سلمان: اسكت لا أهون ياسر: لا لا أنا معترض يوم قالها جلسوا كل العيال لأنهم يعرفون ياسر إذا رفض والله ليطلعهم صار ترتيب الطاوله سيف + سلمان فهد:ـــــــــــــــ: ياسر مروان:ـــــــــــــ:رامي مشعل:ـــــــــــــ: وائل عبد العزيز:ـــــــ:حمد فارس:ــــــــــــــ: نواف ساره:ـــــــــــــ: العنود ندى:ــــــــــــــ:رهف نهى:ــــــــــــــــ: فهده ناديه:ــــــــــــ: حصه شمه+ مشاعل طبعا المطعم كلهصار لهم من بعد المائده اللي صفوا عليها ندى: والله ما أفتش لو اييش نهى: يا بنت لا تفتشين غطي وجهك بطرف طرحتك ندى: لا لا ما بي فهده: عندي فكره : سوير والعنيد حطوا طرحتكم بينا وبينهم العنود: وييييييين قالوا لك بالثمامهاسكتي بس كل وحده تتغطى بطرف طرحتها فهده: ترى من جد أتكلم نهى:ههههههههه والله انك عجوز ياسر: بنات بس اسكتوا سكتوا البنات لان ياسر جدي إذا قال شي بيسويه ياسر: سلمان يكفي مطالع خل البنت تاكل سلمان: عويض الله من شرك وجهك نكد علي أنت موب حاضر ملكتنا ياسر: ملكتك أنت ومشاعل أيه حاظرها فهد(يبي يرفع ضغط سلمان ): وش فيهامشاعل سلمان: للمرة الألف والمليون أقولك لااااا تقول اسمها فهد: مينمشاعل سلمان: ايه يمسك عليه الملح ويخبط راسه بها مشاعل: بس بس كلهالمعركه عشاني سلمان: هاه والله لاقيم داحس والغبراء عشانك ياسر: اقووول قوموا سلمان: خلاص خلاص ندى: كانت أكثر الجالسين توتر نوافعيونه ما ترحم وهي مو ناقصته مطمنه راسها لاصق بالطاوله العنود: ندو ليشما تاكلين ندى رفعت راسها: انا لا بس شبعانه رهف: من من شبعانه اقووولاوص لا يكثر طول اليوم ناكل و أنتي ولا ذقتي شي نواف قاط أذنه معهم ياسر: من اللي لسانه يبي قص رهف: انكتمت مره وحده فارس: لكالاحقيه إلا عليها ياسر: منهي ساره <<<كلن على حسب تفكيره ساره كانتتسولف وما نتبهت لما قال ساره ساره: نــــــــعم ياسر: محدناداك ساره: إلا أنت ياسر: لا مروان: مسك كاس البيبسي : سكووووووووووووووووووت حمد: خير إن شاء الله مروان: طق الشوكه بالكاس الليفيه ببيبسي : والله بما إنا بهذي اللمه الحلوة أحب أقول الله لا يغير عيلنا ابد و أقولاللي على وجه زواج لا يقطعونا أو يتغيرون مثل الزمن وبس وتشييييز ضرب كاسه بكاسمشعل ياسر: تدري كنت ابكوفنك على حركه الكفار بس سكت لان كلامكأعجبني مروان: شكرا عم الصمت لثواني كلن كان يفكر بكلام مروان مع انهقايله هباال لا غير بس لامس شي كبير فيهم قطع السكوت صوت فهده: نهى بس الله ياخذك نهى: لا و الله وأنتي تقزين عادي فهده: هويناظرني نهى: وصمه هذا ح......كانت بتزل بس تداركت الموضوع فهده: حرام عليك هالحوار والمشاده حمد كان ياظر نهى المنفعله عبد العزيز مستمتع وهويشوف فهده تدافع وكانوا يتمنون انهم يسمعون كلامهم حمد يفكر بصوت عالي : ليتني اقدر اعرف وش تقول عبد العزيز وكمان بصوت عالي مع تنهيده : ايهو الله و فجاءه كل واحد انتبه للثاني ناظروا في بعض بعدين ضحكوا مع أنهم ما فهموا شيوكل واحد متوعد الثاني بكومة اسئله + + طلعوا ورجعوا للفندق ندىمقفله معها ركبت مع فهد أما نهى بعد الحنه و الإزعاج من فهده بتروحمعها الشباب كل واحد بيكمل السهرة بطريقته سيف و أخواته رجعوا للبيت مع ساره وفارس عبد العزيز رجع بعد ما قال لحمد ينتظره باللوبي أما البيبسي كان محرم عليهم التأخير لبعد الساعه12 ندى جالسه بوسط دوااامه كبييييره من الافكار نهى وفهده بغرفه فهده وعايشين عالم ثاني فهده: نهى ما قلتلك نهى: ايش؟ فهده: فيه أغنيه تغنيها أمي ساره دايما وانا أعجبتني ودروتها بالنت ولقيتها بشغلها صبر نهى: منزلته على جوالك فهده: افكورس نهى: سمعينا الاغنيه كانت من النوع السامري القديم جدا وكانت طووويييله اغاني زمااان فهده: نهى عطيني الجلال نهى: ليش فهده: لا بس برقص زي العجايز عطيني نهى: طيب فهده: ترقص مثلالعجايز ومنسجمه مرره + ++ حمد: هلا عبد العزيز: أخيرا ما ابغيت عساك نومتهم حمد: لا بس أمي مسكتني ومدري كيف خبركعاد عبد العزيز: اها طيب0......اممممم حمد أنت اليوم يوم ردييت علي منتقصد حمد يستغبي ويعرف طبيعه عبد العزيز بهذي المواضيع : أنا..!! متى..!!؟؟ عبدالعزيز: ولا شي خلاص حمد:ههههههههه يا قلبو على اللي يستحون عبدالعزيز: اف منك خلاص حمد: أنا بقولك وأنت قلي عبد العزيز اوكي وقربالكرسي منه وجلسوا يتساسروون حمد قااال كل السالفه باللي فيها لأنه ما يهمه شيعكس عبد العزيز حمد: هاه وش رايك عبد العزيز: والله مدري بس يمكنهذا مو سبب يخليها تكرهك حمد:أقولك إذا شافتني تبدى عيونها تدور وتناظرالسقف وبعدين تذكر إني فيه وتتكرم بنظره استحقار ما علينا مني أنت..؟؟ عبدالعزيزتوه بيهد السبحه تذكر أن فهده اخته : قاله مع تقطيع بعض الأشياء حمد: معليشصحيح أن فهده أختي بس أقولك لسانها طويل ما تنقوى عبد العزيز: أنا اقواها حتىهي تعقل اذا شافتني مدري ليش حمد: وناسه لو تاخذ فهده وأنا اخذ نهى ااااااااه>>> تنهيده من خاطر عبد العزيز : لا تسبق الأحداث ما تدري هالمراهقات وش في روسهم حمد: إلا بسبق ليش لا عبد العزيز: ما علينابروح أنوم ورانا قومه بكره حمد:اييه صح والله انك صادق يالله تصبح علىخيير ++ ++ ++ راح حمد لفوق والوضع مثل ما هو فهده منسجمه وشوي الا زيراان ونهى سرحت بعالم ثااني دخل حمد بدفاشه بيهاوش فهده على صوتالأغاني عالي وشاف نهى نهى شافته و لسوء حظها الحمام برى الغرفه مالها الا الدالوبطمرت للدالوب (خزانه) فتحتها ودخلت حمد:ميت من الضحك شكلها وهي مخترعه يمووتمن الضحك فهده لا تسالون عنها عايشه اجواءها من تحت الجلال سحب حمد الجلال وسكرالجوال فهده: نهوووه يا سخييييفه .....اوه حمد حمد: أنتي جالسه معالجن فهده: لا و الله تو نهى هنا حمد: أنا دخلت الغرفه ما فياحد فهده: لا يكون سوتها وراحت بس جوالها هنا حمد: أنتي متا كده انهاجت معك فهده: من جد بدى الشك يلعب براسها : اييييه حمد: يمكن طلعت مناولا منا فهده ماصدقت ها الاحتمال وطلعت نهى سمعت صوت الباب ينفتح وينصكفتحت باب الدالوب بتطلع الا وحمد منسدح على سرير فهده حمد:هههههههههه والله انك تحفه عليك أماكن تنخشين فيها مره جمس ومره الدالوب والله يعلم بكره وين نهى: ما ردت عليه بس ودها تصفقه من خاطر حمد مسك جوالها وفتحه وجلس يناظر الصور ونهى لمى شافت انه مسك الجوال خافت مررره لا يشوف الرسايل ويظن فيها شيثاني حمد: حس انه مصخها منسدح وحابس البنت قبل ما يطلع : خلاص بطلع انابرووووووح ترى يعني اطلعي طلع حمد ونهى طلعت ووجها محمر من الحر و الاحرااج جت فهده اللي ما عندها خبر بشي فهده: نهووووهوينك نهى: وين يعني هنا وخري عني بنوووم وخبطت نفسها على السريربقوووه فهده: ما تدري وش السالفه وليش هي معصبه سكرت اللمبات ونامت +++ الصبح الساعه 8 ابو فهد: ندى ندى ياللهقومي ندى: قامت بسرعه : وشو ابو فهد: اليوم الأحد يالله ندى: هاه..طيب بلبس وجي لبست وطلعت طبعا كل من في البيت نايم ونزلت مع أبوها وجلسوا وطلبوا فطور بعد مافطروا سألها أبوها ابو فهد: هاه ندى ايش قلتي؟ ندى:....... &&&&&&&&&&&&&&&&&&&&&
|
|
#133
20-07-07, 12:23 AM
|
||||
|
||||
|
++ ابو فهد: وش قررتي يا ندى ندى تلخبطت و انحاسات كأنهاما تدري بالموضوع حست بثقل الجبال على صدرها ندى:...... ابو فهد: ندى أناأكلمك وإذا رافضه أنا ما عندي مشكله بس يكون سبب مقنع وأنا معك فيه ندى: أنا أصلا مستحيل أفكر في نواف كزوج أو شخص أعيش حياتي معه بس تفكيري هذا كان بس عشان طلبك مني أبو فهد استغرب من ردها: طيب اقدر اعرف ليش ندى لفت بوجهها للجهة الثانية كنايه أنها ما تبي تتكلم أبو فهد : يعني رافضته ندى رجعت نظراتها لأبوها :ايه أبو فهد:شوفي أنت بنتي وهو ولدي وإذا أنتي رافضته لك حقك بس بعد أنا لي حق اعرف ليش تردينه هو بمثابة ولدي وأكيد هذا الشي بيسوي حزازيات إذا كان شي يسوى أنا معك أما لا اسمحيلي لي تصرف ثاني ندى كان أبوها خذهالدوامه ورماها كانت من جد متردده حتى لمى نزلت ما كانت متوصله للقرار وكمل عليها أبوها ندى: أنا أقولك أنا ما اقدر أتزوج نواف لو ايش يصير أبو فهد تنرفز : ليش ندى سكتت فتره وبعدين قالت: نواف مثل اخوي ما عتبره زوجي ابو فهد: مو سبب مقنع ندى: إلا مقنع أبو فهد: العصبيه مالها داعي لا تعصبين وأنا متأكد مليون بالميه انه في سبب غيرهذا ندى: ما في شي وهذا أنا ما بتزوجه لو على جنازتي ابو فهد: خلاص أنتي قلتي اللي عندك بس مثل ما قلت لك إذا سبب مو مقنع بيكون تصرفي غير ندى: بتزوجني غصب عني ابو فهد: الظاهر ما تعرفين أبوك لا مو انا اللي اغصب بتني بس الأيام جايه الحين ارجعي للغرفة وحطي ببالك الموضوع هذا للحين ما انتهى ندىمالها حيله قامت: عن إذنك + + ابو فهد اتصل على نواف اللي كان ينتظره نواف بسرعة البرق نزل ندى ما كان ودها تروح بسرعة للغرفة تحس بثقل غريب على قلبها قعدت تتمشى بعدين صعدت بترجع كانت تناظر الأرض وتفكر نواف: ندى ندى انصدمت وبين هالشي على عيونها اللي طلعت قدام آخر شخص تبي تشوفه بهالحظه هو نواف: ندى وش فيك ندى ما هي قادره تتحمل راحت وخلته قبل لا تنفجر نواف وش فيها هاذي نزل نواف وهو يحاول يتجاهل الموقف اللي صار + + ابو فهد:هلا وليدي استرييح نواف:هلا جلس نوا ف وهو يتقرص و أبو فهد يقرى الجريدة نواف طفش :وش قالت أكيد رفضت أبو فهدسحب تنهيده : شوف إنا ما خذت منها جواب نواف: كيف يعني ابو فهد: البنت مو معترضه على فكره الزواج معترضه عليك أنت نواف مستغرب: أنا أبوفهد: أنا ما أدري ايش اللي صاير بينك وبينها أو ايش تفكر فيه بس البنت ماخذه عنك فكره غلط ورافضه أنها تتزوجك نواف اكتئب فكرته عشان يقدر يعتذر لها ويعوضها عن اللي سواه فيها تبخرت أبو فهد: لا تضيق خلقك أنت ولدي مثل ما هي بنتي و تهمني مصلحتكم انتم الاثنين إذا أنت تبيها قلي وأنا بنصحك بنصيحه يمكن تنفعك نواف: وربي يشهد علي أني للحين أبيها أبو فهد: طيب أنسى أني خالك أو واحد كبير اعتبرني شاب و طايش نواف مستغرب: طيب أبو فهد: شوف انتم أكثر شي طلعاتكم و دايما تاخذون البنات وفي حركات و أمور تصير من ورانا وقدامنا على بالكم أنا ما ندري عنها أنا ندري بس متغاضين عنكم وانتم الحين بسفر وأكيد شي شبه يومي بتشوفون بعض حاول تكسبها بس بحدود الأدب ما تتعداها نواف صدق تنح هذا خاله يقول كذاما ينشره عليه إذا طلع بناته متلثمات : ايوه ابو فهد: أنت لك الحريه بشوري هذا أو بدونه انك تقدر تكسبها لك بس هاه بنتي ما يجيها شي يعني حدود الأدب وحدود أنها بنت خالك و أنت ولد عمتها لازم تحط لك خط احمر ما تتعداه نواف طايره عيونه: طيب اقصد الحين ايش الحد الأحمر<<عجبته السالفه ابو فهد: أولا لا تناظر فيني بستغراب إنا كنا مثلكم أغاني ودداسن ونطول شعورنا شباب في كل زمان عنده حركاته وأنا عشان أم فهد سويت كل شي والحد الأحمر هذا أنت تحطه مو أنا حسب أخلاقك نواف: اها طيب أنا بروح أنام ما نمت ابو فهد: أذنك معك واذكر الله +++ نواف راح للغرفة و انسدح بس اللي مسيطر عليه كيف يكسبها له وعقب اللي سواه ما ظنتي تلتفت عليه ++ الساعه 11: نهى: فهده قومي بروح الحمام....تكرمون فهده: مسكرته عنك روحي نهى: وإخوانك وين أوديهم فهده: أصلا رامي عندكم وحمد عادي نهى إلا هو البلشه قومي لا اكسر هالأبجوره فوق راسك فهده: كم الساعه نهى:11 فهده: زييين قد راحوا العيال نهى: وين بيروحون فهده تتثاوب : مدري وش اسمهاهذيك اللي يلعبون بالمويه نهى: ود وادي فهده: هاذي هي عليك نور نهى: وجع ليش يروحون فهده: خليهم يطافشون بالمويه و يجون نهى: بلاك ما تدرين وش هناك أي مطافش يرحم اهلك فهده: وأنا وش دراني قلت بتاخذوني قالوا :الجدار وراك يمدحونه نهى: زيين طلعت من الغرفه وراحت الحمام لمى طلعت ما لقت فهده استغربت دخلت لنص الغرفة إلا فهده ماسكتهاو اشتغلت المضاربات وصراخ و مهاوش فهده: طيرت النوم من عيني نهى: ليشخويك فهده: وجع عيب وكملوا المطاق الين دخل أبو حمد عطاهم كم كلمه ++ ندى من رجعت للبيت وهي قافله معها بقوه دخلت كان مروان وائل ورامي بيروحون ندى: سفهتهم دخلت غرفتها حسبت بضيق الدنيا فيها مسكت جوالها واتصلت ندى: الو نسايم صوتها مبحوح : هلا ندى: وش فيك نسايم : ابد ما فيني شي ندى: نسايم طلبتك تعالي عندي أبيك بشغله ضرورية نسايم : بشوف اذا صحى نايف رديت لك خبر نايف: خبربايش نسايم كانت معطيته ظهرها : أبدا ندى تبيني اجي عندها نايف:ههههههههههههههههههههههه نسايم: ارتفع ضغطها ليش ذا يضحكوهي مجمعه عليه : في شي يضحك نايف: ايهه لان الأخ نواف مصحيني يبني أروحله نسايم شدها الحوار: صدق نايف: ايه اجل كذب فتره سكووووووت نسايم: وش اخبارك عقب أمس إن شاء الله احسن نايف تغيرت ملامح وجهه : الحمد الله....إلا من رجعك أمس نسايم: فهد الله يعافيه نايف:الله يعافيه انا بروح البس تبين أوصلك أجهزي نسايم: طيب ++++++++++++++++++ في بيت خال فارس فارس: يمه شفتي بنات عمي ام فارس : ايه والله شفتهم ما شاء الله كل وحده أحلى عن الثانية ساره: هو يقصد وش رأيك برهف ام فارس ابتسمت بوجهه: وش فيهارهف فارس: ما عليك منها ولا شي ساره: الا يمه وش رايك فيها ام فارس: قمر لا اله الا الله جمال ونعومه واهم شي أخلاقها ساره تأشر على فارس اللي منسجم وحاط راسه على يده ام فارس ما قدرت تمسك نفسها : ضحكت عليه فارس أتنبه وطلع من الغرفة خلاها لهم ++++++ نسايم وصلها نايف وراحت سلمت ودخلت عند ندى نسايم: وش فيك أنتي من دخلت ساكته ندى ما استحملت وبكت نسايم تعرف ندى مستحيل تبكي إلا على شي يسوى نسايم: وش فيه ندى: أنا رفضته نسايم: طيب هذا رأيك أنتي اللي تبين هالشي ندى: فهمتها كل السالفة نسايم:اها ....كذا طيب أكيد أبوي ما راح يسوي إلا الخير لك ندى : تتوقعين نسايم: تستهبلين أكيد ما أتوقع إلا متا كده وجلسوا يسولفون وندى ملاحظه شحوب نسايم وسرحانها اقتحم سلمان الجلسة : سللللام وش فيكم تناظروني كذا نسايم: ولا شي ناظرها سلمان كأنه يبي يتأكد من شي: وش أخبار نايف نسايم/ بخير<< قالتهابحسره سلمان: ما ودكم تتغدون أنا حدي جووعان بعد السباحه اللي ولاأحلى نسايم حست بغصة بكي : قالت: انتوا روحوا بروحكم أنا والبنات بننزل بعدين سلمان: اوكي بس الشباب ما يبون أقول خلني أخذها حجه و اتغدى مع مشاعل ندى:عمـــــــــي خلي البنت إذا جت معك مب ماكله ابدا سلمان بدهشه : لييش ندى:لأنك ما تستحي يعني ما عندك تتغزل فيها سلمان: اشوى بسكذا روعتيني الله يقطع ابليسك ++++++ اتفقوا البنات ونزلوا على الطاوله كل البنات العنود: بنات لازم نطلع اليوم ناديه: ايه والله نبي نروح لشي مشاعل: من بيودينا ناديه: ناخذهم كلهم ندى: لا مو لازم نجرهم كلهم واحد اثنين يكفوون العنود: خلاص اجل نواف ضمان مني بيجي ما راح اليوم مع العيال بالصبح ومريح ما توقع يرفض ندى كان احد صفقها كف الحين هي ما تبيه يجيو بيجي اتفقوا أن نواف وحمد : بيروحون للسوق أولا راحوا للستي سنتر وكان زحمه على عادته حمد: شوفوا إنا بننقسم كذا ما يصير نمشي مع بعض فهده: صادق أول مره تقول شي يفتح النفس حمد: بنت احترميني نواف: خلاص أنا باخذ ندى و العنود ورهف ومشاعل حمد: والباقين معي نهى: من بقي يعني أنا وفهده وناديه ناديه: لا أنا أبي مشاعل تجي معي أبي أشاورها هي تعرف ايش يناسبني نواف: خلاص خذوها العنود:هههههههههههههههههه والله كأننا بضاعه ندى: بروح مع نهى نواف: لا أنتي ما يصلح تروحين محتاجينك ندى جلست عشر دقايق تفكر وش كان يقصد بس هو مشى وتعداها عشان يكون لها مجال تفكر كل واحد فيهم راح بطريقه ندى ما كانت تشتري ولا شي تدور وتفكر وبس لدرجه أنها توقعت أبوها قايل له انها موافقة رهف: وااااو عنود شوفي هذا البادي يجنن العنود: يجنن خليه يطلع لك مقاسك رهف سألته وطلعت هذي آخر حبه العنود: خساره مره جنان نواف: وشو الخسارة العنود: لا بس لقينا قطعه تجننن ولا في مقاس نواف:اها رهف: العنود تتوقعين تصير على ندى العنود: إيه أكيد رهف : اجل بأخذها لها العنود: اصبري وينها هي نواف كان مركز معهم السالفة فيها ندى وتذكر هي وينها نواف تلفت بسرعة ولا لقاها طلع برى المحل أما ندى كانت بنفس المحل بس بمكان بعيد شوي رهف و العنودقاعدات يتشاورون نواف يبي يمسك أعصابه ويفكر وين راحت رجع دخل بيقول للعنودو رهف انه بيدورها بس لقاها هناك نواف راح لها نواف: وينك خوفتيني عليك ندى طارت عيونها وش في الدنيا رجعت تناظر التنوره اللي معهاوسفهته نواف: والله ذوقك حلو أنا أحب اللون البحري ندى رجعت التنوره بمكانها بطريقه تنرفز يعني تراك مزعج نواف كان مهيأ نفسيا لأي حركه منها ولاهمته مشت وراحت للعنود ورهف وأعجبها البادي كثييير وأخذته ++ نروح للحمد حمد ماسك مفاتيحه ويلعب فيها من الطفش ومن نهى اللي فقعت مرارته نظراتها طلع جوال واتصل على عبد العزيز حمد: بتذبحني والله عبدالعزيز: من ؟؟.. ايه نهى حمد: تناظرني كني سارق حلالها عبد العزيز: عندي فكره حمد:وش هي عبد العزيز: اسفهها وخلها لا تناظرها حمد: ما اقدر عبد العزيز: كيفك حمد:اوووووف ضف وجهك باي ++++++ وجلسوا على هالحال دوااااره من مكان إلى مكان بالنهاية راحوا بيتعشون كل وحده طلبت شي إلا ندى رهف: يا بنت أنا اخبر اللي يسافرون يسمنون من الأكل والمطاعم وأنتي ولا في أمل ناحفه مدري كم كيلو اطلبي لك ندى: مالي نفس العنود: مزاجك بيوديك للموت وش بيضرك لأكلتي نواف كان يسمع النقاش بهدوء ولا كأنه معهم نواف: خلاص خلوها براحتها ندى من سمعت حسه التفتت للجهة الثانية رن جوالها ندى: هلا نسايم: هلا و الله ندى: كيفك نسايم: ندى عندي أخبار ندى: ايش هي نسايم: اليوم سألني نايف إذا كنت اعرف شي عن موضوع الخطبة ندى تحمست ونست : ايوه نسايم: قلتله أيه هي قالت لي بس كان معصب شوي ندى: كذابه وش قال نسايم: تدريــــن أن نواف خاطبك من دونما يقول لعمتي ولا احد هو يبيك ما قالهم يعني هو يبيك ندى بهتت بلحظه : يعني ايش تفرق نسايم: يعني يا خبله 80% بالميه يكون يحبك ندى: ايـــــــــــــش انهبلتي انتي الظاهر ما تعرفينها زين<<تتكلم بصيغه المؤنث عشان ما يدري أنهم يتكلمون عنه نسايم: إلا اعرف يالمخفه طيب ليش ما يحبك ندى: عشان.....عشان.... يوووووه مدري نسايم: شفتي ندى: لا وكيف أتأكد نسايم: سوي مثل الأفلام ناظري في عيونه ندى ما صدقت التفتت له وناظرت عيونه وشافت كل اللي قالته نسايم نزلت الجوال وحطته على الطاوله العنود : عيب عليك لا تناظرين فيه كذا ندى كانت عايشه عالمها ما تدري أن نواف عايش هالعالم معها قاطعهم صوت نهى نهى: ندىىىىىىىىىىىى وش تقولك نسايم سنه تردين ندى انتبهت على نفسها نزلت راسها سحبت شنطتها وقامت العنود: وين ندى: بروح دوره المياه وراحت مشاعل: يا حلوه من هنا ندى كانت عاكسه الطريق راحت وطبعا جوالها على الطاوله و نسايم على الخط ساعه تناديها العنود: الو نسايم: بسم الله وين ندى ايش سويتي فيها العنود: الا وين اخوي تاركته وتهذرين بالجوال نسايم: نايف وفهد وعبد العزيز طالعين وأنا اكلم أختي العنود: نفسي اعرف وش قلتي للندى خليتيها تبحلق بنواف كذا<<يا عمري ما تدري وش السالفه نسايم: انا ما قلت شي اسولف عادي العنود: اقطع يدي لو كانت سوالف بس أخليك الحين نواف: الحالةعنده غييير ما يقدر يوصف شعوره كان متنح وشعور بالنصر والخوف و السعادة مختلط بداخله بس نظره ندى لها معنى بس بس ......التفكير أخذه ندى: راحت للدورة المياه <<<تكرمون تجمع شتاتها اللي سببه نواف جلست ذكرت كل كلام نسايم واستنتاجاتها سحبت نفس عشان تريح وعدلت نفسها وطلعت راحت لهم وكانت غير راحت ندىورجعت ندى ثانيه العنود: وش فيك ندى وهي تجلس ما تبي تناظر احد: ولاشي نواف كان يغير اسمه في البلوتوث ندى التفتت لقته مشغول أطمئنت نفسيا أن النظرة هذيك ما حس فيها ما تدري ايش ناوي يسوي غير اسمه و حطه((نظره منك تشتتني وتلملمني )) سوى بحث وطلع له اسمها اللي ما تغير ابدا((عاشقه الورد)) أرسللها هي قرت اسمه استقبلت وطلعت أغنيه أميره الورد فتحتها ندى ولكنصوتها مررره عالي أسمعت أولها وقفلته بعد ما عرفت الاغنيه سرقت نظره للنواف وتأكدت انه هو مرسلها قاطعتهم عنود العنود: نـــدى قولي تم ندى: تم بس على ايش العنود: ايش قالت لك نسايم ندى:ايشش لو تموتين ما قلتلك العنود:طيب كتنم تتكلمون عن مين ندى عصبت عليهامرررررررررررررررررره لأنها أحرجتها ندى: أقول ورى ما تسكتين كنا نتكلم عن اللي نتكلم عنه يالملقوفه العنود: انا ملقوفه الله يسامحك بس ندى:إلا ملقوفه اجل تسالين حتى نواف صاحب الشأن ما سال........انتبهت ندى على اكبر غلطه لها بحياتها العنود:نواااااااف كنتم تتكلمون عنه نواف كان مسبه و مستانس ندى جتها الصيحه وش تقول نواف: لا لا إذا السالفه تخصني أنا لازم اعرف ندى سكتت ما قالت ولا شي ولا ناظرت ولا واحد فيهم حمد حس انه م ثقلوا دم شوي حمد: إلا يا نهى ......بتنومين عندنااليوم نهى: وش عليك حمد: لا بس سؤال عشان نفضي لك الدالوب نهىتفشلــــــت: فهده: أي دالوب الله يهديك حمد: اقصد سرير فهده: حميدان اسكت مالك دخل سكتوا وكل واحد بقلبه شي ومر يومهم مثل باقي الأيام فهده: نهى تعالي معي نهى: لا والله ماجي تعالي أنتي فهده:ليش لا المهم ترى سمعت إن شيبانا بيروحون كلهم للبر بناء على طلب أمي ساره ننهى: والله وناسه العنود: بنات هناك فكره ندى:وش هي العنود: الحين مو غرفتنا جنب غرفه خالي نفضيها ونفتح باب الطوارئ ونفلها بلحالنا نهى: تكفينا غرفه وحده العنود:لا أنا أبي أجيب شمه وحصه و ساره ندى: صح صح اوكي اخذي الاوكي من الشياب والجمعه تمورو العنود: ندى ما ودودك تقولين ندى: انقلعي عن وجهي يالله داما لنفس عليك طيبه ******************
|
|
#137
26-07-07, 01:15 AM
|
||||
|
||||
|
قامت مصدعه من إزعاج نهى وفهده أمس من جد قلبوا راسها بالإزعاج والهيصه
طلعت لأهلها لقت بالصاله نسايم وأمها ندى: صباح الخير أم فهد: صباح النور نسايم: هاه شبعتي نوم ندى : ايه ام فهد: العصر خالتي تبي تروح للبحر ومزعجتني تقول اخلصوا بدري ندى: أمي ساره بتطلع بالشمس و الرطوبه الله يعينا عليها جلسوا يسولفون وراحوا وعلى الساعه 4 راحوا للبحر جلسوا وفرشوا الزوالي( السجاد ) الجده: ااااااه البحر يرد الروح وينسي الهموم الجد: افا أيهموم الجده: همومك الجد: انا الجد: افا يا ساره الحين تقولين علي هم الجده: لا محشوم مو أنت الجد: اجل من الجده : يا خي كلام ينقال لا تاخذ على كل كلمه الجد: لا تقولين يا خي أنا زوجك الجده: ززززيييين +++++ عبد العزيز كان جالس بروحه ما خذ له زاوية يفكر والبحر قباله نواف طب عليه : ليش جالس بروحك عبد العزيز: أفكر نواف: في ايش عبد العزيز: يا لملقوف نواف: افا ملقوف بعد بقوووم مسكه عبدالعزيز اصبر اصبر نواف: وش تبي عبد العزيز: وش صار بعد الكف نواف: وشعليك عبد العزيز: أواجه مشكله تشبه مشكلتك نواف: وشلون عبد العزيز: بس هي اللي تطقني نواف: صادق ..وشلون عبد العزيز: يعني إذا شفتها لازم جزمه ولا رقعه ولا سبه يعني نواف شهق : فــــــهده عبد العزيز: وش دراك نواف: واضحه السالفه فيها جزم عبد العزيز: احترم نفسك نواف: هالبنت عنيفه الله يهديها عبد العزيز: ما تقصد و الله نواف: ايه دافع تلقى طقتها عندك مالها مثيل يا حلوها عبد العزيز مسك جبهته وفيها اثر طقه : أيوالله نواف: بعد هذي منها والله فهده معلمتك الأصول نواف: من يصدق عبد العزيز يحب وحب عربجي يا سلام عبد العزيز: ما عليك أنت بس وش سوييت نواف: قال كل السالفه عبد العزيز: والله منتب سهل نواف: شسوي طريقه مريحه ومفيده عبد العزيز: ايه بس من جد قويه والله خالي مو سهل +++++++ قام نواف من عند عبد العزيز بعد عشر دقايق جاء حمد حمد: قررت قرار عبد العزيز: ما هو قرارك؟ حمد: إني بناظرها نظارات استحقار منها أشوفها ومنها اعلمها ما تستحقرني عبد العزيز: حلووه ميب شينه حمد اجل يا لله بروح أنفذ سي يو عبد العزيز: وافيني بالنتائج عبد العزيز جلس يفكر الكل تحرك وصار يدور مصلحته إلا هو +++++ راشد: ناااايف نايف: هلا راشد: روح نادي نسايم وتمشى معها نايف: لا شكلها مستانسه كذا راشد: لا تجنني قم تكفى مدري لي متى بعلمك +++++++++++ البنات رهف: وش صار على الموضوع العنود: صححح اصبري اتصل على سوير العنود: هلا ساره: مرحبا الساع العنود: هلا سوير ترى اليوم بتجين عندنا ليليه للبنات العزابيه فقط نسايم دفتها نسايم: والله لاجي ما علي منك وأعلى ما في خيلك اركبيه العنود: لا لا نسايم: بروح لزوجي مالت عليك وتوها قايمه ونايف جاي من حظها نايف: اشوى جيتي مالي خلق أناديك نسايم: ليش مالك خلق نايف: لا اقعد أنادي خلينا نروح كذا نسايم: حتى أنا كنت بجيك نايف: ليش نسايم:أبدا البنات جحدوني ما يبون متزوجات قلت أجي عندك نايف: اها نسايم: إلا أنت وش تبي نايف: ابد قلت آخذك نتمشى إنا للحين بشهر العسل ولا نسيتي نسايم: لاما نسيت ++++++++++++++++++++++++++++ العنود: يا لله سوسو ساره: ما عندي مانع بس بشوف فارس و أمي العنود: فارس قولي له رهف تبيني أجي و بيوافق وخالتي خليها علي رهف تدف العنود العنود: ناس يزعلون من الحق وش فيك أنتي ااااي رهف: اسكتي ساره:هههههههههااااي هي عندك العنود: هذي هي ساره: زييين العنود: اسمعي تعالي أنتي وحصه وشمه أقنعيهم وتعالوا اوكي ساره: اوكي العنود: اقلبي وجهك ساره:هههههه يا لله بقلبه ++++++++++++++++++++++++++++ وجاء الغروب وصلو على الساعة 7: العنود: عبد العزيز طلب قل تم عبد العزيز: تم العنود: نبيك تغني لنا عبد العزيز: ااممممم اوكي بس شوي نواف: يا لله اقلبي وجهك العنود: اخوي العزيز نواف من زمان ما شفتك.. !!! نواف: والله حتى أنا وين الغيبات العنود: دنيا و مشاغل نواف: ورى ما تنقلعين لمشاغلك العنود:هههههههه زين بنقلع +++++++++++++ البيبسي: مروان: تدرون أهلنا وش كنهم وائل: يا حلوهم حلواه مشعل: يقطع سننين الحب تحب هل القبيله عشان وحده وائل: بكل الحالات بحبهم رامي:والله انك تحفه الحين غير جوالك…… يصير خير على الحب<<تفكير مراهقين وائل: لا جهازي حلو وأنا مرتاح معه وفيه كل اللي أبيه ليش أغير مشعل: يالعنبوا البخل اللي فيك وائل: خلني بجمع فلوسي مروان: ليش بتكمل عمار ولا بتصرف على عيالك وائل: لا وأنت الصادق بتزوج مشعل: عمرك18 وشلون بتتزوج ممكن افهم وائل: لا اذا مشى مخططي إن شاء الله ابو22 متزوج مروان: اجل بدور لي وحده أحبها مشعل: ليش مروان: عشان اخلص جامعه و أتوظف علشانها وائل: لا تطنز ترى من جدي أتكلم مروان: والله أول مره أحس إن حبك للنادية أثمر يعني دايم أحسك مراهق وائل: اااااه ناديه هذي حلمي لازم اخلص الجامعه بثلاث سنين عشان إذا تخرجت تكون هي متخرجه من الثانوي و أخطبها ما تدري لو ما آخذها ايش يصيرفيني مروان: أنا ماحس انك مثل أول يعني تلاحقها وتبيها تكلم وائل: هذاك كان مراهقه بس حبي لها حقيقي ولا ودي ابعد عنها لحظه بس مالي صفه رسميه عليها ولا أبي افرض نفسي عليها يعني من الأدب أنا بتركها بحالها وان شاء الله بيعوضني إذا تزوجتها مروان ومشعل ورامي حسوا انه يتكلم جد كان يتكلم عن طموح مو عن مراهقه رامي: الا ما قلت لي أهلنا وش كأنهم مروان: صح شفت طاش ما طاش رامي ومشعل::::::هههههههههههههه صادق مروان: والله نفس اللمه وائل:ههههههههههههههههههههههه مروان: كأنك فهد اخوي فاهي حتى بالضحك مشعل: امشوا خلونا نروح للشباب ++++++++++++++++ نواف: عبد العزيز متى بتروح لهم عبدالعزيز: البنات نواف: ايه عبد العزيز: شوي وروح نواف: تكفى خلهم هم يجون عندنا إذا رحت ما نقدر نجي عبد العزيز: اامممم ليش نواف: أنت فاهم فرصه لازم ما نضيعها عبد العزيز: صح نادوهم وجو البنات إلاندى لأنها راحت تكلم أمها وبتلحقهم نواف: اكتئب لأنه يحسها ما جت بسببه ++++++++++ عبد العزيز: هاه ست عنود وش تبين نغني العنود: امم بنات فكروا معي فهده: أنا رايي...... العنود: اوووووش لا يجينا شي من غبارك فهده: أنا العنود: ايه كل أغنيه فيها غبار الدنيا من قدمها فهده: زيين حمد: أنا أقول غني أغنيه رابح تحملتك عبدالعزيز فهم قصده و بدى يغني نهى: كانت مسرحه تفكر ليش اختار هذي الأغنية :: تحملتك بما فيه الكفايه***ولا ظني بتحملك ثاني نهى ما لقت جواب إلا بعيون حمد عشان كذا التفت و لقته يطالعها بنظره غيراللي تعودت عليها منه فيها نوع من الاستحقار نهى ما توقعت يوم انه بينقلب عليها حتى لو كان اللي تحس فيه أوهام سرحت بتفكيرها بنص الاغنيه نواف كان جنب عبدالعزيز نواف ارتبش عبد العزيز غني أميره الورد بسررعه عبد العزيز قطع الاغنيه: وشو نواف: غني أميره الورد كانت ندى بطريق لهم عبد العزيز: طيب طيب طبعا الكل انتبه لان نواف قطع المود عليهم بدى يغنيى ندى لما قربت جلست ركزت في الاغنيه التفتت على نواف على طول طاحت عينها بعينه اميره الورد ليش الورد مفتونك ليه بحياته يحاول يشبه ألوانك كم من فراشه تمنت تلمس غصونك والورد يا ما تمنى يعيش بغصانك التفتت ندى خلصت الاغنيه وندى تناظر رمل الشاطئء العنود جنب ندى العنود: هلا والله بأميره الورد خربتي المود علينا بسبه وردك ندى: أنا العنود: ايه نواف خرب الجلسة بسببك ندى: نوااف العنود: ايه يعني ما تدرين من عقب يومنا بالسوق و أنا اشك فيكم صراحة ندى: خيييييييير تشكييين فين ..... قاطعهم فهد: والله هالاغنيه جت بوقتها يا ندى>>كان بعيد فلكل بيسمع ندى: ساكته فهد: ايش لون وردتك اليوم وريني شنطتك<<كانت إذا جت تطلع تحط الورد بسير الشنطه عشان العبايه ندى سحبت شنطتها وبعدتها فهد: لا تحاولين شفتها بحري أول مره أشوف ورده بحريه مروان:ههههه مصخنه مشعل: مخنوقه نواف كان على وجهه ابتسامه ذات معاني<< احلفي ): بحريه بس حلوه ندى ضاعت بخلاقينها وصارت تلعب بالرمل ++++++++ سلمان: هذي الاغنيه اهدأ للزوجتي ياسر: لا تهديها سلمان: حنا بدبي مو بالرياض يعني اوووش حمد: خله حلاله أحسن مننا ياسر: وش قصدك حمد: و لا شي سلمان: عبد العزيز غني أنت بحري عبد العزيز: اختيار حلوو مرره خصوصا إنا على البحر أنت بحري وأنا اليم يقولون اللي يقولون انا بحبك متيم خل العذال يموتون أنت بقلبي غالي لو عنك يسالون أنت بحري وأنا اليم يقولون اللي يقولون مشاعل:تشققت من الفرحة و الحيا معا عبد العزيز هذي الاغنيه اهدأ لشخص واحد فقط قاعد هنا فهد: أنا شكرا عبد العزيز: من زينك المهم لشخص واحد وبس ::: ضميني ضميني من شمال ومن يمين ضميني ضمه صغير يحبونه هله نهى: فهوده هذي أكيد لك فهده ارتاعت: أنا لا لامستحيل بعدين هو قال شخص يعني ولد نهى: يا غبيه شخص يندرج تحتها الذكر و الأنثى فهده: اووش خليني اسمع كان صوت عبد العزيز رائع جدا جدالأنه يغني من قلبه أضافه لموهبته الراقيه بعد هذي الاغنيه الجد: يا شباب ساره تبي سامري غنوا لها فهد: أمي ساره وش تبين الجده: أبي مريت باب للمحبين عبد العزيز: ما نعرفه......غيرها الجده: اجل يا جر قلبي عبد العزيز: ولا هذي مروان: أمي ساره صايره سعاد حسني حقتنا مشعل: بنفتح لها روتانا زمان رامي:ههههههههههههههههه بعد مشاورات وغبار أغاني الجده ما فيه سامري يعرفونه إلا نحمد الله الجد: اجل ما دامها نحمد الله قوموا يا عيال ارقصوا معي فهد: فلله بنرقص معك الجد: من كلمك أنا اقصد عيالي رهف:اخص عماني بيرقصون العنود: يعيشون خواالي ورقصوا وردحوا وقطوا العيال يستهبلون ++++++++++ على الساعه 9 رجعوا وتعشوا جتساره وشمه وحصه بعد إقناع و سوالف رن جوال شمه: الو هلا مرحبا بك...... اوه....لامو بالبيت....لاتزعلة ...أنزين...يصير خير....وانابعد...بااي مشاعل: افا من تكلمين شمه: أنا اكلم هزاع نهى: عيني عينك ساره:ههههههههه هزاع زوجها فهده: متزوجه شمه: لا ملكه زواجي الأسبوع الجاي ترى كلكم بتحضرون مشاعل: زواج إماراتي وناسه هيصوا البنات إلى الفجر صلوا وناموا من التعب شمه و حصه استاسنوا على الجو الفله اللي مستحيل يعيشونه مع غير أحفاد ساره وحمد حصه: تفكر مطيحين الميانه بقوووووه معهم وهم ما يعرفونهم لو يعرفونهم ايش يسوون كان هذا سؤال يدور ببال حصه +++++++ الساعه 9 الصبح دخلت نسايم عليهم الغرفة وكانت مبهذله حب (فصفص) وقراطيس وناس نايمه بكل مكان نسايم نايمه شافت وحده نايمهعلى الكنبه نسايم تطالع من هذي مستغربه بعدين عرفتها حصه شكلها غير نسايم شغلت التلفزيون وطوولت على الأخير وطلعت بعد مارتاعوا البنات ندى: أنا بعرف الكلب اللي داخل ومسوي فينا كذا العنود نايمه ومضيعه جوالهايرن العنود: الو نواف: قومي يا لله العنود: وش تبي الله يخليك مو رايقه لك نواف:قوموا بطلعكم اليوم العنود: هاه بعدين نواف: العنود قومي.... يسمع صوت ندى معصبه ندى: اف والله لواعرف من السخيف اللي مصحينا بالطريقه الهمجيه هاذي كأننا بسينما مو مكان نوم نواف: العنود ندى وش فيها العنود: شغلنا تلفزيون وزعلت<<< دايخه من النوم نواف: ليش العنود: مدري تقول بروح للسينما<<<ما تدري وش السالفه تسمع وتخرف نواف:اها طيب سكر الخط لأنه يعرف العنود إذا كلمت احد وهي نايمه إذا قامت تنسى نواف قرر انه يوديهم للسينما عشان ندى وهو ما يدري أنها تحشيشه من تحشيشات العنود نواف: بعدالغدى نواف: بنات بطلعكم اليوم للسينما العنود: وش الطاري نواف : كذامزاج ندى ما همها الموضوع أصلا ونواف تحطم شوي بس ما راح حماسه راحوا وراحوا العيال معهم كلهم لان الحريم راحوا للسوق الذهب نواف: وش الفلم اللي تبونه<<<يناظر ندى العنود: هندي نواف: وعع صدق إنكم بنات ندى تبي تعاند: نبي هندي نواف: براحتكم ودخلوا الفلم الهندي بعد مرور نص ساعة هناك بدى الموال المعهود لكل بنت تشوف فلم هندي: بكي وصياح فهده: قعدت تشاهق حمد: هيه نهى وش فيها فهده نهى تبكي: تقول البطل حلو حرام يموت وشهقت تصيح مروان نزلت دموعه من الضحك عليهم هو ومشعل حمد: استخفيتوا حتى الهنود اللي بالصاله يناظرونا يحسبونامهابيل فهده: مااااات حراام لااااااا مشاعل: فهده حي حي شوفيه ما مات متعلق بشجره فهده: والله ما مات الحمد الله ندى كانت ساكته وتتحمدربها ندى دموعها غاليه عليها حيل وما تطلع إلا بالوقت العصيب مو فلم هندي سلمان: هذا وأنا أقول حرمتي سنعه أثرها أخس منهم الأولادمطنزه والبنات متقلبين صياح وضحك طلعوا كانوا كثار يمشون وندى كانت بعيده عن البنات نواف: شكل الفلم ما أعجبك ندى ما ردت عليه ناظرته نواف: ردي يا كافي مره سفهه ندى: والله كفك للحين مكفيني إذااشتقت لك جيت لك تعطيني كف ثاني نواف تحطم من كل قلبه كان بخاطره انه عدل ولوشي بسيط من صورته قدامها كره نفسه وكره يده اللي انمدت عليها وقف بمكانه بعدكلامها كان محبط ندى مشت وتركته وهي بداخلها بركان ما تنلام فيه وتحس بتأنيب الضمير و زعلانه منه كانت مشاعرها مختلطه نواف لمى بعدوا عن أنظاره ولا شاف آثار ندى طلع وركب سيارته وراح عبد العزيز: غريبه وين نواف تو كان معنا حمد: دقيقه بتصل فيه........ما يرد علي عبد العزيز: خلني أدق أنا اتصل لقاه مغلق ندى كانت متوتره مررره بعد اللي صار واختفاء نواف كان زياده يزيد الجرح ملح رجعوا للبيت الساعه 8 وندى على أعصابها ما في خبر عن نواف كان الكل عادي الموضوع عنده إلا هي جت الساعه 2 بالليل ولا رجع جتهم العمه ودموعها على خدها أم نايف: ولدي مدري وينه مالقيته ولا يرد علي دخيلك يا خوي انك تدوره نسايم: ماسكتها وتهدي فيها ندى: كانت تتفرج من بعيد من شافت منظر عمتها كذا تحس وكان فيه شي طبق على صدرها تحس باللوم والذنب كأنها خاشته عندها ابو فهد: خلاص يا لطيفه اهدي أكيد رايح منا ولامنا لطيفه: لا لا أنا قلبي ماكلني عليه من كم يوم مدري وش فيه لا ياكل زي الناس ولا ينوم زي الناس ندى بكت بقوه ودخلت غرفتها أبوها حس انه احتمال شي يصير بينها وبينه أبو فهد: هدى أخته وراح للندى و نايف طلع يدوره أبوفهد: ندى افتحي الباب ندى: مابي مابي خلني بالحالي ابو فهد: يا بنيتي افتحي لي ندى: منيب فاتحه اتركوني ابو فهد عجز عنها ناظر الباب بيأس فهد طلع: يبه وش صاير أبو فهد: نواف ولد عمتك طلع ولا رجع فهد صح هو كان معنا بالسوق بعدين ما لقيناه ابو فهد توتر خاف يكون شي جرى له فهد: أنا بطلع أدوره أبو فهد: خذ حمد معك وخذ جوالك وردعلينا الله يعافيك فهد: ابشر بس أنت هد بالك... ********** نهاية الجزء
|
|
#138
26-07-07, 03:11 AM
|
||||
|
||||
|
يعطيك الف عافيه بس عندي سوال القصه كم جزء وكم باقي ابي اخلصها ما فيني اصبر
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
