العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
من أيامي العسكريه ...
السلام عليكم ورحمة الله وبركاته أسعد الله مساكم وصباحكم باالخير والمسرات في أيامي العسكريه قصه من القصص أيام ماكنت طالب عسكري آف الله لايعيد ذيك الايام >>اقول لايكثر بس وقل الوقت عززز القايله درجه الحراره : 50 درجه مئويه المكان : الرياض ف : يااااا {م} استعد م : امرررك ف : انبطح م : امررررك ف : ياااااحبيبي تستهبل انت وجهك اللي كنه وجه ابن فهره م : ااااانبطحت طال عمرك ف : لا ياشيخ تستعبط انت والا تستعبط ؟؟؟ لايكون تسوي لي دمك خفيف م : علي الحرام مانيب استعبط ولانيب اسوي دمي خفيف ,, اصلا مهوب وقته طال عمرك ف : طلبي هو انك تشمر اكمام اللبس وتنبطح على بطنك وتزحف على اكواعك على القااار بلغه { الزفلت } م : ف : فاهم والا افهمك بطريقتي م : افا والله لالالا فاهم طال عمرك فاهم المنظر العام : شباب من 19 سنه الى 23 سنه تقريبا منبطحين ويزحفون على اكواعهم اكواعهم مابينها وبين الزفلت شي الزفلت ماااااع من حراره الجو رمضاااا ياكافي أقول لكم كان الزفلت يدخن من الحراره يشوفون دخااااان يتصاعد منه وكانت جباههم تقوطر عرق قطره العرق الوحده اكبر من الزيتونه { عرق عادي لا يروح تفكيركم شين ثاني ~ ياويلهم عليه ذيك اللحظه عشان يسوون كل شي وهم متشلخين من الوناسه } لااااا ولامن قوطرت قطره العرق { بطتنا بطت بطن بطتكم } أقول مااانسمع الا طشيشها من حراره القاع همن تحول الى بخار عرق قصدي بخار ماء المهم المسكين م ومن على شاكلته من الشباب المحسودين على قبولهم متمرمطين الضعوف يووووم جاو يوصلون لآخر الميدان قال واحدن منا يالله شباب هانت <~ يسمع بالتشجيع الا الجعري ف ناط بحلوقهم : ثااااااابت م واخوياه : بصمت ف: ارجعوا انبطحو من جديد ومن بدايه الميدان لحد نهايته عشان ماعاد تهمسون م واخوياي : حاضر سيدي <~ قلبنا عراقي ههههههههههه المهم يوم بيبدون بالزحف الا ف ناط بحلوقنا لحظه ياشباب تحسبون الكلمه اللي قبل شوي بتعدي على خير والله ماتعدي على خير الشباب : وشوطال عمرك ف : ازحفو على اكواعكم بس هالمره غيرررر خذو غطيان ذا الببسي ( القوارير ابو نص )وحطوها على اكواعكم وازحفو وهي عليها واللي بتطيح من كوعه بيعيدها من بدايه الميدان وغير كذا بجازيه مهوب رايح لم اهله بالويك اند الشباب : انوااااااع الأمراض النفسيه والله قصه كفاح ... يوم صار بعد3 سنوات من الحدث .. وآثار غطا الببسي في كيعانه الحرشوفيه من اثر الزحف على الزفلت تقولون ضب ,, الوقت : القاااايله درجه الحراره : 47 درجه مئويه <~ ماش ماتبرد الكبد مهيب ع الكيف م : هيــــــــه استعد الشباب : امررررك م : 500 دوره ع الميدان ركض الشباب : م : احد عنده اعتراض لا سمح الله الشباب : يخسى اللي بيعترض طال عمرك المنظر : الشباب يركضون على الميدان وانواااااع الروااائح وانواع التعب والقرف وكل ابو شي وم يستمتع بالساديه م : ثاااااااابت الشباب : امرررررك طبعا بعد 498 دوره س ولد عم م كان من ضمن الطلاب : تكفى م خف علينا شوي على باله واسطه م : اهاااااا يعني انا انسان امشي بالواسطات س : محشوووووووم طال عمرك <~ هذا اللي توهق م : س انت والشباب افصخو بساطيركم { ترجمه للركيكات ابواتكم } وخذو هذا الكنكري امممم الحصمى امممممم الحجر الصغيررر مررره ان شاء الله عرفتوه خذوه الشباب و من كثر ماهم ملعونن جدفهم هناك يحسبونه بيقول اكلو الحصى وكلن قام يوديه خياله ويجيبه مايندرى وش بيسوون بذا الكنكري المهم م هذا طلع مهوب ذاك الحقد لا بس تراكمات اللي قبله ويبي يطلعها في اللي بعده فما كان مررره خبره في الجزاءات ..من حسن حظهم المهم قال لهم حطو الكنكري داخل البساطير والبسو البساطير وكملو الـ 550 دوره قال س : طال عمرك هي 500 دوره ولفينا منها 498 يعني باقي دورتين بس م : لاااااا ياااااشيخ مسوي لي فيها ولد العم المؤدب ابي 550 وبكيفي .. لاصرت مثل اقدميتي خلها 500 بكيفك ومشى علينا الجزاء ........كالعاده وبدون سبب أدري اني طولتها شوي >>مهب بس طولتها الا مصختها أذا بغيتو تدعون على احد ماتحبونه قلوله عساك تدخل عسكريه >>يعمي انا احد"داعين علي كان معكم المتحدث الرسمي >>أحمد
|
#2
|
|||
|
|||
وعليكم السلام ورحمة الله وبركاته
والله ترحمون ليش كل هالتعذيب؟؟ وش يبونكم تطلعون؟؟ طيب ماتكلمت عن الصبة اتريك صدق عسكري على بالي تمزح ماحد يحب العسكرية طيب وش طلتعوا عقب هالتعذيب؟؟ جنود والا ملازميين>>ماتعرف الا هذولي يعطيك العافية
|
#3
|
|||
|
|||
وعليكم السلام ورحمة الله وبركاته ماصآآرت تعذيب يعني كل هالشرطه جاريتن لهم جواري,,, اجل اخوي يطري العسكريه وآآنا اقوله وش لك بالعسكريه الله لايشطط علينآآآ ولا يهونووو جنود الوطن الحر الله يكون بالعون ,,, جزاك الله خير وهذاا التقييم ووو النجمات
|
#4
|
||||
|
||||
وعليكم السلام أسرني
يوه مشاء الله متحمل كل التعذيب >>راح فيها الولد عندي اخوي دورته تسع اشهور وياالله ياالله تحمل وبغى يفصل كم مره >>بدت تسولف حياتها مشكوره أخوي أسرني ويعطيك العافيه وهذي نجمه على خشتك
|
#5
|
||||
|
||||
اويلاه اويلاه ماتحملين كل العذاب اشوف اخوي مايطري العسكريه ابد ولايبغى يتوظف فيها
على كذا يبغى لكم شهرين ماتشوفون الشمس عشان ترجعوا بيض زي اول هذا اذا كنتو قبل بيض >>>هذا اللي شايله همه عادي لازم تتحملون على ايش انتم رجال بس يلا تنذكر ماتنعاد شوف كيف الحين صارت ذكرى المهم انك ضمنت لك وظيفه مو زي غيرك>>>يقالها تبي تصبره الله يوفقك يسلمووو اسرني |
#6
|
|||
|
|||
حيا الله العسكري الله لايرد ذيك الايااام اللي دخلت العسكريه .. من اول يوم وهم مسحبيني على الميدان حتى باقي مابعد لبست اللباس العسكري ... وبعدين ماقلت لنا ويش الدوره في اي قطااع جويه ولا بحريه ولا شرطه ولا مرور ولا مطافي بس اشك انك تخرخت وصرت مباااحث ماتمشي علينا هااذي يأسرني انا اصلا شاك فيك من زماان انك مباااحث ... مسكين الرجااال رااااح فيها اكيد الحين بيقلبون عليه الأعضاء وبيصدقون انه مبااحث أذا بغيتو تدعون على احد ماتحبونه قلوله عساك تدخل عسكريه >>يعمي انا احد"داعين علي انا اقول اكيد واحد داعي علي يو م دخلت العسكريه تقبل مرووري زميلي العسكري وتستاهل ثلاث نجمات وعليها بعد تاااااج ومقص ياحضره الضااابط اسرني |
#7
|
||||
|
||||
[آلَسَلَامَ عَلَيِكَمَ وٌرَحَــَــمَهّ آلله وٌبَــرَكَآآتَـه] يآلله حي اخونآ العسكري .. تسييف الحآل ..!! آمآ العسكري هوقسم مالكم داعي تدخلونه والله ولا دخلتن
سجن تعذيب اشون البنات مالهن عسكريه تسان انا الحين مع المرحومين سابقآًً .. آنآ يوم قريت موضوعك احتريت مدري انا قعدتن بحر ولا موضوعك خلآن انفعل يبيلهم بقوس مع خششهم حتى يتعدلون .. آمآلبغينا ندعي عسوه يدخل للعسكريه .. طيب قولوآمين آلله يجعل كل عدو وعدوه لي مآيدخلون العسكري <<فآهمه خطأ.. يآملاالعافيه والحمد لله على السلامه متأخراًً.. ويملآ العافيه اسرني شكراًًلك .. سي يو ..|
|
#8
|
||||
|
||||
عليكم السلام اسرني
ماشاءالله دااايم نشط في القسم هذا اعووذ بالله وش العذاااب هذا سجن غوانتامو ارحم طيب وش فااايده علب البيبسي بعدين انتو طال عمرك .... امرك ... ليش.ماتصكوه ذااك الكف .؟ والله لو انا معكم لاربط يدينه واعذبه واحرقه الله يعين العساااااكر تووني قدرتهم
|
#9
|
||||
|
||||
يعذبوننا يبوننا نطلع شجعان وحنا ماعندنا الا الدجه الصبه شي بسيط عند اللي ذكرته طلعنا عساكر >>واحد يصرف ربي يعافيك أخت القمر مشكوره
|
#10
|
|||||||||||||||||||||||||
|
|||||||||||||||||||||||||
بعضهم يختلف الدورات العسكريه وكلن له قطاع لا خليه يبعد أحسن من العسكريه أمين يارب مشكوره
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |