العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1621
|
||||
|
||||
أتوب ثم أعود وأعود وأتوب
كم راح من عمري وأنا ودي أتوب
ولولا الهوى والنفس كان أمس تايـب عشرين عام أمنِّي النفـس بالتوب لين اكتشفت أني مع الوقـت شايب راحـت حياتـي بيـن طالـب ومـطلوب ولي خاطرٍ لو طبت ماهو بطايب وأخاف من يـوم بـه الـمـوت مكتـوب لاحـولـوا بـي بـيـن عوج النصـايـب في منزل مظلم عن الناس محجـوب محجـوب حـتى عن نـسيم الهـبـايب وصار الكفن يا ناس يغنـي عن الثـوب وفارقـت ربـعي والأهـل والـقـرايـب ما عاد فيهـا جـاه وأمـوال وأسلـوب ولا عاد فـيهـا حـب خـشـم وطلايـب خدعنـي التـسـويف وأغرتنـي دروب مـن يـامـن الدنيـا وغـدر النـوايـب يالله يــافـارج عـلـى كـل مـكـروب يـاواحـدٍ بـأمـرك تـهـون المصـايب يـامـن تقلـب بيـد أصابيعـك قـلوب خلقتها مـن بـيـن صلـب وتـرايـب يـاغافـر لمـن جالـك وكـلـه ذنـوب عبـدٍ ضعيـف وجـاك تـايـب ونـايـب يـارب لـو قلبي صخـر عندك يـذوب يـامـن لهيبتـك الجـبــل خــر ذايب أتـوب ثـم أعـود وأعـود وأتـوب ماهـي عجيبة وأنـت رب الـعـجـايـب من المهـد للحد ترى الوقت محسـوب مـاضاع شـي وما بقـى شـي غـايب يـارب مالـي غـيـر رحمتـك مطلوب من لي سواك إن جيـت يارب تـايب كـم راح مـن عـمري وأنـا ودي أتـوب ولولا الهوى والنفس كان أمس تايب طُهـر معجب بهذا.
|
#1622
|
||||
|
||||
رح واترك بقلبي لك أربع معازيب
لحظه قبل لا تطلب البعد وتغيب
وتنهي معايه مرحله من حياتك أخذ الهدايا والصور والمكاتيب دامي خسرتك ما أبي ذكرياتك يمكن يكون فراقنا رأي مصيب خيره .. كتبها الله جتني وجاتك مع اني ادري انت ماعنك تجنيب كنك موصيني وقاضب وصاتك رح واترك بقلبي لك أربع معازيب معزتك طاريك حبك غلاتك وإن شفتني أجمع شتاتي .. ماهو عيب باكر مع الأيام تجمع شتاتك وإن شفتني شايل جروح معاطيب باكر يصير الجرح أبرز صفاتك أكبر مصيبه في زمان العذاريب إني أحبك وأنت حبك لذاتك الطيب لو إنك تجازيه بالطيب ماكان تالي الوقت هذي سواتك يا صاحبي لا صرت أغلا الأصاحيب لا تزعل بكيفك وتطلب رضاتك أنا حبيبك مبعد الشوح مانيب من ضيع جهاته .. يدور جهاتك إن كان ماعديت روس المراقيب ماني كفو أصلا أنام في عباتك شفني مقدر عند عكف الأشانيب مانيب من تومي عليه بعصاتك رح للفراق إللي تركنا مصاويب شمت اعداتي قبل تشمت أعداتك الله معك .. رح وين ماودك تغيب هذي حياتك .. وأنت حر بحياتك ثامر شبيب طُهـر معجب بهذا.
|
#1623
|
||||
|
||||
احبه كثر حبي للقصيد
إيه أحبه كثر حبي للمعاني والقصيد
وكثر ماهلت دموعي يوم حل اموادعه أشتاق له كثر اشتياق الجد لعناق الحفيد واتحمله كثر احتمال السد موجٍ يدفعه
|
#1624
|
||||
|
||||
ياحبيبي والله ان البعد شيٍء ما يطاق
مرني صوتك على غفله وهمسك باشتياق
قلت يا قلب الخطا ذقهن وسيعات الطعون كنت جالس في يد الحيره وخد الاحتراق كنت واقف عن يمين الهم قدام الشجون ذي سبايب غلطتك واليوم جا وقت الفراق كنت غالي بس قدرك لازم بفعلك يهون ايه يا قلب الخطا ما عاد للفرحه مذاق الحزن غطى على حالي وشافته العيون ياحبيبي والله ان البعد شيٍء ما يطاق ووالله اني من عذابي واصلٍ حد الجنون كل ما اذكر صوتك الدافي احس بأختناق ودي اصرخ مثل قولة يا اكون او لا اكون ياحبيبي طالبك تفتح لي ابواب الوفاق وكان قصدك طعن قلبي انت يا قلبي تمون بس تكفى لاتخليني ل خد الاحتراق ادمح الزله تراني (مت) من كثر الطعون زايد الرويس
|
#1625
|
||||
|
||||
رد: قَلْبْ طْفلَة
-
........
|
#1626
|
||||
|
||||
فمان الله يا اخر جرح دامي واول الخلان
وداعيه تهز ضلوع صدر العاشق الولهان
وداع فيه من صـدق الحـزن ماله ينسيني فمان الله وعيون السهر في داعة الرحمن فمان الله يا اول من سكن من بيني وبيني فمان الله يا اخر جرح دامي واول الخلان فمان الله يامـلح القـصـيد وبــاقي سنيني فمان الله يا من لك بقلبي مرتـع وموطان ولك بين الضلوع العوج بيت ولك عناويني عليك ارسل مراسل الغرام بلهفة الاحزان واتوق لرد يذبح طاري الفرقا ويحييني وانادي يافلان اقرا الرسايل طالبك يافلان وليفي شف غرامك ويش سوا في شراييني واعرف انك قريت اللي كتبت وفي بعض الاحيان تشوف الواردات ولا تــرد ولا تـحـاكـيـني وانا ماني سفيه وماقفي مايقبل السفهان ولا اقبل كل شخص يفرد ضلوعي ويكويني ياكون انت الوحيد اسامحك واغليك مهما كان قسم بالله ماقــبــلك حـد لاجله بـكت عـيـني عطاك الله من اوصاف الجمال الطاغي الفتان وعطيتك معظم شعور الغلا من دون تعطيني تعبت اراقبك واطرد سرابك تايه وضميان اسوق الرجل واقدار الزمن صوبك توديني ودريت انك لغيري وانفجر وسط الصدر شريان رحلت وقلت يانبض الغلا وينك وانا ويني بموت من الحزن ومن الفراق ومن جفا الخلان لكني لو بـمـوت اهـون ولا طـرد المقـفـيـني فمان الله هاك اخر قصيده مالها عنوان ولكن طـالـبـك لا اقـفـيـت عني لا تخليني http://safeshare.tv/v/ss5783778f2b294 صالح آل مانعه
|
#1627
|
||||
|
||||
والله لا أقفّي عنْك .. أستغفر الله
ماهو بكفوْ الوقت حبك يمحّيه
ياللّي تخاف صروف الأيام تمحاه (حتى ولو بتغيب ذكراك .. تكفيه ياواحدٍ تكفي عن الناس ذكراه ) حبّك على رمْلة خفوقي مواطيه ورياح عذلي عنْك ما تمسح خطاه والّلي يِعَذل القلب عن درب غاليه الله بما يبلا المواليف يبلاه أخفيه يابا الفيت والحال يبديه أدناة واحد ينظر الحال يقراه مِخفيه فيه ومعتنٍ به وحاميه من كلّ عينٍ ودّها تنزل حماه قلبٍ يحبّك والهوى الذرْب ماليه كانك مكذّبني .. بعينك تحلاّه شرطٍ تشوفك فيه .. منت بحواليه ويمكن تشوف ديار وآماكن إرعاه وبتشوف به تمثال والوقت هاريه وبتشوف زرعٍ ميّت وواقفٍ ماه (وبتشوف جرحٍ فيه سكين راعيه راح ونسى السكين والجرح ينخاه) وبتشوف حصنٍ عجّ الأقدار سافيه وبتشوف باقي بيت راعيه خلاّه !! لا تنزعج هذا خفوقي وباقيه ولا تضايق من تصدّع زواياه (قد زلزله فرقى .. وهزّت عراويه والله ستر .. والحظ عانه وعافاه) وكانه صلح لك .. وأعجبك زيد تبنيه إبنه وجهّز للمقابيل مبناه أبغيك بسّ من المفارق تداريه وإزهل من يداري شعورك ويدراه وحلّل وحرّم فيه .. ياأبرك بلاويه وحلّه وراع رضاي ورضاك ورضاه جعلك بعد بعض الوجيه ... أمحق وجيه ناسٍ مراتعها الرفيق بتقفّاه أنواع .. وأخطر نوع .. ماني بناسيه نوعٍ على تفريق الأثنين مسعاه تلقاه دوم وكلّ يوم تلاقيه وإلى بغيته صدق ما عاد تلقاه ولاّ أنت ردّك كلّ ما أدعيك .. لبّيه أنا أشهد إن منتوب في عيني أشباه منتب مع العالم ولا تقول لي .. ليه ؟ أنت آدرى منّي ووش جوابي وفحواه كذيه .. ومن الله .. يازين واليه وأغلى طروش القلب ودواه من داه الحلم ياتيني بزولك وأراعيه وفي كلّ حلم آقوم قبل آتحفّاه أعشق سميّك في البزارين وأدعيه وأقبل خطاه إلى خطى وآتلقّاه (وإسمك يروّعني إلى مرّ طاريه وآحبّ ملقوفٍ يسولف وطرّاه) وآمرّ بيتك من بعيدٍ ولا آجيه وآنا لو إنّه في يدي .. ما آتعدّاه حتى ( تواير ) ( موتري ) تلتفت فيه تبغي تلفّ ويستحي العقل والجاه وصلْك يخيط الصدر والبعد يفريه ويابري حالي كان صدّيت برياه ويلي على .. ( أدري حبّنا ويش تاليه ؟ ) وويلي على ( أدري وش ورى الغيب ؟ ) ويلاه عشان أشوف إذا محبتك .. ترفيه والله لا أقفّي عنْك .. أستغفر الله بن فطيس فارس جهينه معجب بهذا.
|
#1628
|
||||
|
||||
حسبي على دمعة لرضاك هليتها !!
يا من ذبحت المحاني من غلاك الجموح
مرابطك في خفوقي (ليه .. خليتها !!) نسيت مفلاك في ضلع الغلا والسفوح اللي على طارف اضلاعي تخطريتها فوحت دلة غلاتك .. والمشاعر تفوح وبن الهوى يحيي الاذهان ويميتها !! وصبيت لك من بهار الطيب "فنجال روح" ونثرت صبة يميني .. يوم مديتها !! اوجعتني وانت ما تدري .. لو انها مزوح وفهمت وش مقصدك منها .. وقاسيتها (يا ليت جرح الهوى لحظات عقبه يروح ما كان نفسي على فرقاك .. حديتها !!) عواصف الحزن هدت من جفاك الطموح في كلمة (ن) لا وصلت إلها .. تعديتها !! أسكّت الحزن في .. وتنطق العين بوح حسبي على دمعة لرضاك هليتها !! خلاص باح العزا لو كان قلبي سموح يا أول وآخر أماني قد .. تمنيتها !! الحب ماهو بغصبا !! تبغي تروح روح ذبلت ورود المشاعر وأنت ما اسقيتها قد قلت لك .. والقسى في عين صدك يلوح حدك معك بالجفا .. وما كنك اوحيتها !! مبدا المحبه غرام ومنتهاها جروح !! هي هكذا .. تجربتها .. يوم عانيتها !! ما كنك اللي عرفته !! يا الغزال الذبوح حيرتني باربع اشياء .. ما تهقويتها حبك / وداعي غلاك / وغيرتك / والوضوح ماتت من الحزن ولا وين وديتها !! ان رحت عنك تجي .. وان جيت يمك تروح يا تنهي المسأله ولا ترى انهيتها !! كرامتي مالها .. إلا استاذنك بالنزوح فإجمع خطايا الغرام .. وشب كبريتها حمد البريدي
|
#1629
|
||||
|
||||
ماحكيت
|
#1630
|
||||
|
||||
رد: قَلْبْ طْفلَة
شسولف لك ؟!!
بعد طول الغياب اللي كلا ضلوعي وباح الحزن .. ودموعي تبي اكذب / واقول بخير انا ويني ووين الخير ..!؟ لو احلف لك .. شسولف لك !! عن آخر ليل جمعنا ؟ وعن الغصة وموادعنا وعن الذكرى وبقايا عطر يذكرني بدفى وصلك (لو إنك عامل بأصلك) شسولف لك ..!! تعبت أجامل أوجاعي وصارت حالتي صعبة لاني بميت ولا الناعي امانه "هي كذا اللعبة"..!!! أعيش بداخلي غربة ؟ ياليت أقدر ووصف لك واسوولف لك ... شسولف لك ...؟ أنا مليت أسولف لك ... فيصل العدواني
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |