العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
وربي اللي يدخل .. ادعي له بهاليوم الفضيل
اول شي صباحكم ورد وكادي عن جد بكتب لكم شي غريب معكر حياتي كلهــا وعن جد لو اقولكم هالشي بتستغربون مني صحيح يقولون الشكوه لغير الله مذلهـ ( بس انتم فيكم الخير والبركه ولو ما ارتحت بالمنتدى هذا ما كتبت اللي بخاطري نبدأ بدت تغير حياتي من اكثر من سنه صارت مالها طعم الحياه عندي ودايم عندي صداع خفيف وضيقه من اي شي يعني مثلا لو ابي اسوي لو ابسط حاجه احسن بضيقه بصدري بتقولون حاول تنساها .. حاولت وربي كل ما احاول اني انسى ترجع لي .. مع ان حالي مع الناس تمام واجتماعي واطلع دايم بس مشكلتي هالاشياء اللي تجيني يعني ع سبيل المثال .. قبل لا بغيت اسافر او اطلع لاي مكان اكون طاير من الفرحه ومبسوط وشوي واطير .. الحين عادي .. ويجيني صداع وضيقه لو ابي اروح لا مكان او اسافر .. مع ان لما اروح للمكان عادي عن جد تعقدت .. اقول كيف تكون حياتي وانا متزوج .. حتى بالزواج اقول انا ما اقدر اتزوج مو لاشي لا سمح الله .. بس ما ادري بالضيقه والصداع اللي يجي لما ابي انوي اسوي اي شي ما ادري كيف اوصل لكم اللي احسه فيه .. يعني لا تقولون لي ارقى نفسك وحاول تنسى جربت وربي .. وما ني معترض ع كلام الله .. ونعم بالله .. بس ما حسيت بشي ما ادري فيني مرض عضوي .. مع اني فحصت اغلب الاشياء سليم .. يعني هل هذي الاعراض لمرض معين ولا انه مرض نفسي .. اكتئاب ولا وسوسه ولا قلق ولاعين ولا سحر لاني وربي للحين ما ني عارف وش فيني .. مثل اللي عايش بدوامه ومو قادر يطلع منهاا حتى اهلي لما اقولهم اللي فيني يقولون انت ما فيك الا العافيه من اللي يشوفونه فيني .. بس ما يحس بالنار .. الا واطيهاا هذا بشكل مختصر اللي احس فيه .. ياليت من اي انسان مرت عليه هالتجربه .. وطلع منها ما يبخل علي لو بمعلومه خالد
|
#2
|
||||
|
||||
يعني انت لمى تقدم على اي خطوة تحس بضيق
ها الشي متى لاحظته على نفسك انت تحسه رهاب اجتماعي صاير للك صدمه من وقت قريبب حاس انك كنت طبيعي وبعد مناسبه او حدث تحسك تغيرت فيه كثير علامات استفاهم وصعب تنبؤء الى لمى تشرح اكثر لنربط الااحداث نسال الله الشفاء العاجل للك عليك بالقرب من الله وقرائه القران سوره البقره فيها اسرار كثيره ومريحه للنفس صلاه ااوتر
|
#3
|
||||
|
||||
رووح عند شيــخ يقراء عليــك
يمكن عندك عين ولا مسحور لا قــدر الله
|
#4
|
|||
|
|||
السلام عليكم ورحمة الله و بركاته أخوي الله يعينك والله كانك تكلم عن حالي الحين والله انا مثلك أحس بضيقه وخوف وماأحس براحه أحس كأن شيء كاتم على صدري مهما اسوي ماأرتاح والله أني تعبت من حالتي بس انا لسبب لأني اعاني من رهاب أجتماعي ومن سنوات بدون مبالغه ماطلعت من البيت الا لضروره القصوى جداً جداً يعني يمكن ماتجي طلعاتي في الشهرين الا مره وحده ويكون لشيء ضروري مثل مستشفى حتى صلاه ماأطلع اصلي بالمسجد طبعا من الوحده لحالي بالبيت تعبت نفسيتي أكثر والله الآن مثل ماقلت قبل خوف وبس افكر بالموت تفكيري كله صاير سلبي ولو أسمع اي خبر سيء لو أنه شيء بسيط أتعب ونفسيتي تتعب أكثر وعندي خوف بزياده من كل شيء ومثلك الأهل مافي اي اهتمام ويقولون مافيك شيء طبعا مايحسون بالي أحسه داخلي المهم انا قريت بالنت كثير وحاولت أكتب مشكلتي بس الي فيك هو الحين أتوقع أكتئاب فيه ماده بالمخ ناسي اسمها لكن هي الي تعطي الأنسان الشعور بالفرح والسعاده وعند المريض يضعف أفرازها لكن فيه أدويه تخليها ترجع طبيعيه وتحس أنك مبسوط بعد ماتستخدمها ودك تسوي كل شيء أخوي أكتب بقوقل منتدى الحصن النفسي راح يفيدك ان شاء الله هناك ناس متخصصه ويعرفون مشكلتك ويعطونك حل لها ان شاء الله الله يسعد قلبك ويبعد عنك الهموم ان شاء الله والله أني حاس فيك لأني اعاني مثلك لكن الحمدلله على كل حال وبدعي لك ان شاء الله ربي يبعد الهم عنك وحاول أنك تزور طبيب نفسي راح ترتاح وأدعي لي
|
#5
|
|||
|
|||
الله يشفيكم ويشرح صدوركم
اذا احس الانسان بشي المفرووض اول شي يسويه الفصحوصات السريريه اذا طلع سليم يتجه لطبيب نفسي ويتكلم معاه مافيها شي وممكن هالامر يكون سر بينه وبين الطبيب ويتابع معاه العلاج ومايمنع انه يرقي نفسه ويداوم على الاذكار لكن حنا كأعضاء صعب نعطي العلاج الله يلبسكم لباس الصحة والعافية
|
#6
|
||||
|
||||
الله يشفيكم
عليكم بالاذاكر والتحصينات والتقرب الي الله بالطاعات واهم شي الصلاه في المسجد لاتتركونها روح لوغصب عن نفسك اجبر نفسك والدعاء الدعاء الدعاء سهام الليل لاتخطي والصدقه بنيه الشفاء دعواتكم لي
|
#7
|
||||
|
||||
أخي أول شيء أتمنى أنك لا تنسانا من دعواتك و أنت حلفت في عنوان موضوعك .
ثانياً يا أخي نصيحة لوجه الله عليك بالمداومة على قراءة سورة البقرة ولو تقراها كل ثلاث أيام مره وإن كنت تقدر تقراها كل يوم فهو أفضل والله والله والله العظيم أن لها تأثير عجيب ولكن أقرأها بتدبر و أقرأ بعدها سورة الفتح لأن فيها آيات السكينة . ولا تنسى سورة الفاتحة و المعوذات و آية الكرسي أقراها دائماً وحافظ على أذكار الصباح و المساء . مادام أنك تقول ماعندي شيء عضوي وكل شيء سليم فطبق اللي ذكرته في الأعلى وبإذن الله راح تحس بنتيجة وتغير كبير .
|
#8
|
||||
|
||||
يا اخي ما فيك الا العافيه وانصحك بالصدقه لا توسوس ترا لو رحت لدكتور نفسي بيقول لك اكتئاب انتبه تروح تراهم بيعطونك ادويه لها اول مالها تالي انا اقول لك راجع سجل حياتك وشوف انت وش اذنبت فيه والله انه ذنب ولا فيه شي غيره استغفر الله وتوب ومثل ما قلت لك الصدقه ثم الصدقه ثم الصدقه
|
#9
|
|||
|
|||
أخي الفاضل خالد حفظك ربي ورعاك
السلام عليكم ورحمة الله وبركاته وبعد : يقول الله سبحانه وتعالى في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]. ويقول أيضاً : (ولقد خلقنا الإنسان في كبد) أخي الحبيب فتش عن نفسك، وعن الأشياء التي تجلب لك الضيقة والهم، هل تؤدي الصلوات المطلوبة على أكمل وجه؟ هل أنت بار بوالديك كما ينبغي، أكثر من الصدقة، أكثر من الاستغفار، وقد يكون هذا امتحان لك من رب العزة والجلال ينظر مدى لجؤك إليه وانذلالك له، وثق ثقة تامة إن الله سبحانه وتعالى قريب لمن دعاه، ولا تيأس، سوف تعيش حياتك على أكمل وجه، لا تفتح للشيطان طريق، وانظر لحياتك نظرة أمل مشرق. أسأل الله العظيم رب العرش الكريم أن يشرح صدرك ويزيل همك ويجعلنا وإياك من السعداء بالدارين.. وتقبل خالص تحياتي وتقديري.،،، أخوك مرتاح لك
|
#10
|
||||
|
||||
الله يشفيك ويرفع عنك
اقراء سورة البقره وايات الشفاء وان شالله وباذن لله تتشافى والف سلامه لك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |