العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
|||
|
|||
متعب نفسك وهااااااااااذي اخرت الهديه
مساءكم 7 7 7 7 7 اكيد تقولون ويش عند سكري حفله ولا ايش ويش هالورود والدببه والحركااات اللي مو متعودينها عليه وعااااد اقول لكم السالفه يوم الاربعاء اللي طاف بس عااد مدري عن التاريخ خلينا نعد نشوف التاريخ ونقولكم امس السبت تاريخ 25 والجمعه 24 والخميس 23 والاربعاء 22 بس لقطتها وهي طااايره على باله الحين جايب ايقونه جديده ياحلو ايقوناتنا بس تهبل خلي منك الايقونات الخارجيه هلا والله خاصه هااذا اللي يتشقلب المهم صار يوم الاربعاء تاريخ 22 /6/1432هـ وخير يعني جبت شي جديد متعبنا ومغلبنا والنهايه جايب لنا تاريخ يوم الاربعاء المهم جاني اتصال مزعج من اهلي يقولون ان ولد اختك صدمته سياره ونقلوه بطياره الاخلاءالطبي الى الرياض من يومين وودوه للعنايه المركزه ,,,,, وهو بخير يقولون الخبر هااذا صار له يومين بس مابغينا نعلمك الخبر عشان ماتنزعج ... او تسمعه من واحد ثاني الحقيقه انزعجت وقررت السفر الى الرياض وكنت قبلها مانمت وتعبان جدا وماقدر اسوق السياره وحتى لو رحت على الطياره بجيهم هناك مرهق وحالتي حاله وقلت مالك ياسكري الا القطار حبيب الملايين عشان تمدد رجولك وتنااام رحت يم القطاار ورحت للموظف وقلت ابي احجز للرياض قال تبغى درجه ممتازه ولا عااديه قلت اها ماشاء الله عندكم درجه ممتازه عااد قلت خلاص احجز لي درجه الضيافه عاد قلت يمكن يعطوني فراش عندهم واتمدد وقلت يمكن الدرجه الممتازه مثل الصور هاااذي هاااذا اللي جاء في مخيلتي وأول مادخلت القطاار اصابني الدهشه سبحان الله ماتغير ماشاء الله عليه عشان مأحسده اتذكر اخر مره ركبته اكثر من عشرين سنه ونفس الشكل نفس النظافه ونفس البوفيه على بالهم قمه التكنولجيا وحتى نفس الصوت الموسيقي للقطار راااحت فيها اذوني الوسطيه مادري على ايش حاطين درجه ممتازه ودرجه اولى بس تبون الصرااحه دورات المياه حقتنا انظف شوي وفيها طشااش مويه هم ماعندهم الا الفااااين ... خلونا ندور عليهم العين هاااذا ونمسكها عليهم عشان اذا صاارت فيه مقارنه بينا وبينهم سكري بلاش تتكلم في السياسه الحين هااذا كلام في السيااااسه اعذروني وقتها كنت مانمت وشفت القطار وطير النوم من عيني زين ماشيبت بعد في القطاااااااااااااااااار وطلع لي شيبات في خمس سااعات المهم تسندت على المقعد وتلطمت بغترتي وحطيتها نووومه الين قال المذيع الداخلي للقطار حضراات المسافرين ترااانا قربنا من محطه الرياض خذو اشناطكم ومع السلامه يوم نزلت قلت لصاحب اللموزين ودينا لمستشفى المشاري قال اخد منك 70 ريال قلت الحين جااي من الدمام ب50 ريال وتوديني بالقيمه هااذي قال تبغى ولا اجلس شافني مضطر والناس كثاار واخر الليل قلت خلاص مايبي لها ودني بس بعدين اشكي عليكم هيئه الرقابه والغش احنا وين وهيئه الرقابه ياخي خلص علينا وخلصنا من الموضوع تراانا طفحنا حدنا وبعدين قلت لراعي اللموزين ودني اقرب مكان ورد سكري المره هااذي بياخذ معه ورد اول مررره اخذ ورد لمريض مادري ويش السر في المره هااااذي مرينا مكااان الورد وخذيت هاااذاك الورد الطاازه اللي من بعيد يشمها اي واحد يمر وعقب مادخلت المستشفى رحت للأستعلامات وعلموني برقم الغرفه وطلعت لهم بالاسنسير ودخلت وحصلت اختي وزوجها عنده وسلمت عليهم وسلمت على ولد اختي وكان فيه كسر في الساق وكسر في الجمجمه وحالته تحسنت كثير وبداء يتكلم لانه جلس يوم مغمى عليه والحمدلله الحين صحته بخير وعافيه وصااار يتكلم ابشركم والحين مابقا الا الكسر اللي في الجمجمه انشاء الله انه يطيب ودعواتكم له طبعا الورد في يدي الحين ماحطيته لاني شفت الغرفه كلها حلويات والعااااب ودببه واشياء خااصه للطفل كلها هااذي هدايا من اللي جاو يزورونه .. صرااحه انصدمت لاني ماعرفت اختاار الهديه لان الطفل عمره خمس سنوات وانا جااايب الورد والغرفه مليااااانه من كل الالعاااب اللي فيها ريموت وانواع اخرى حلووه جدااا وحطيت الورد بعيد شوي عشان مايشفونه يافشيلتك ياسكري جااي من الدمااااام واخرتها تجيب لطفل عمره خمس سنوات ورد عاااد الطاامه الكبري يوم يقول الولد لامه ويش هااااذا اللي جاب خااااالي عااد انا اغير الساالفه اقول الحمدلله صحته طيبه الحين وتبون الصرااحه الورد زين لزياره مريض كبير في السن ويعرف قيمه الورد لاكن الصغير هاااذا اللي يبغا هديه معنويه تنسيه المه وهو في المستشفى المهم جلست معهم نسولف والحمدلله كااانت صحته بخير وعااافيه بس مثل ماقلت لكم كل ماشوف الورد حالتي النفسيه تزوود وعلى فكره هو الورد الوحيد الموجود في الغرفه وطبعا كاااتب عليها كتابات وحركااات من زود الفن المهم قربت الزياره تنتهي الساعه 12 بالليل مستغربين من الوقت هااذا اللي صااار مادري ويش هالزيارات اللي لحد 12 الليل عشانه يمكن خاص مادري عااااد انا الحين متفشل وبطلع الحين قلت مع نفسي طلع محفظتك وعطه فلوس عشان تداري هديتك قلت فكره حلووه وطلع المحفظه قدامهم وهم يطالعون ويش بسوي عااااد صرت ادور الألوان الخضر الخمسين ماحصلتها .. وتهقويت قلت خلني ادور الحمر ام اميه مالقيتها .. عاااد ماشوف الا الازرق يسطع قلت في نفسي ياكرهي للون هاااذا يعني مافيه فايده لازم اطلع شي للولد والولد واهله يطالعون في المسرحيه اللي قدااامهم لاني اقلب المحظفه يمين وشمااال وفي نهاايه المسرحيه طلع اللون الازرق مادري بيسبب لي هااذا اللون العقده من جديد المهم خذيتها وقلت خد عشان ماقدرت امر السوق اجيب لك هديه وعاد اهله يقولون ليش هااذي كثيره قلت يتسااهل وترااني عطيته من طيبه خااطر بس اتغشمر معكم وزين طرت علي الفكره هااااذي واتمنى الشفاء العاجل لابن اختي ودعواتكم له بظهر الغيب ....... مايستفااااد من الموضوع 1- زياره المريض واجبه وحتى لو سافرت وتعنيت له ولك الاجر الكثير 2- اختيار نوع الهديه لابد تكون ملائمه للشخص اذا انت جبت هديه واذا ماجبت احسن لك مو مثلي 3- أذا انت تعبان ومجهد لاتستخدم السياره وروح للقطاار وادعسها وفلها نومه حتى توصل 4- وهااااذي اهم نقطه في الموضوع اذا جيت تبغى تعطي طفل فلوس تأكد ان معك صرف ولا بتوهق مثلي سؤال الحلقـــــــــــــــــــــــــــه : اذا انت مسااافر في السياره ومرافق مع واحد يسوق تدعسها نوووومه حتى توصلون او مايجيك النوم وتصير قلقان على الي يسوق او شي من هااذا القبيل او تقعد تسولف معه عشان تسليه وتطير منه النووووووووم او تسترخي مثلي بس مااااتناام |
#2
|
||||
|
||||
اول شي آلحمدلله ع سلآمته...
مآيشوف شر......تكفى طلبتك بوسه كان ودي تعضه بس حرام تعبآن خخخخخ ياليت كل شخص يتورط مثلك ويعطي الزرق صحيح الهديه مو ب قيمتها ب معنآهآ<<<<<برى
|
#3
|
||||
|
||||
الحمدلله على سلامة ولد اختك ومايشوووف شر ان شاء الله
وبعدين ياسكري ايش هي الزرق؟؟؟؟؟؟؟؟؟؟؟؟؟؟ وانا لو بسافر مع واحد بالسيارة انام بس صراحة مارتاح بالنووم ههههههه والله انك تحفه انت ومواقفك القميلة ياقميل يامقمل كل حاقة هههههههههههههههههههههههههههههههههه تحياتي وتقبل مروري |
#4
|
||||
|
||||
الحمدلله على سلامة
ومايشوف شر ان شاء الله يعطيك العافيه أخوي
|
#5
|
|||
|
|||
يعني اقصد من كلامك ان الورد كاان يكفي من غير فلوووووس ....... كلاامك واقعي بس الولد مايعرف ويشهو الورد على العمووم شكرا على المرور وعلى زياره المريض وتحميده بالسلامه واتمنى لك كل توفيق ...... |
#6
|
|||||||||||||||||||||||
|
|||||||||||||||||||||||
بس وانا اخوك انصحك اذا سافرت مع احد لاتنام اجلس سولف معه .... ال ايش ال مارتاح بالنووووم هههههههههههههههههه يعطيك العافيه اخوي خالد ومشكور اوي |
#7
|
|||||||||||||||||||||||
|
|||||||||||||||||||||||
الشر مايجيك مشرفتنا الوحيده وتسلمين على المرور وعلى الزياره |
#8
|
||||
|
||||
الحمدالله ع سسلااامته ومايششوف شر ....
الهديــه مو ميزتــه أهم شي جبت معــاكـ شي أهو صحيح اذا كان طفل تجيب لعبـــه او شي يستفيد منه لكن تعـــلم ... المرهـ الثانيـــه جبلـــه لعبـــــــــه >>> براااا
|
#9
|
|||||||||||||||||||||||
|
|||||||||||||||||||||||
الله يكفينا شر الحوادث انشاء الله تكون المره الاخيره اللي يدخل فيها المستشفى ,,,,, اوووه يعني قصدك ازوره للمره الثانيه توه فهمها ... لاخلاص ماني زايره وخلاص يمكن يطلع اليوم من المستشفى شاكرين لك المرورو |
#10
|
||||
|
||||
هههههههههههههه مواقفك مضحكه
الحمدلله على سلامة ولد أختك الورد وش فيه هديه لجميع الاعمار فري سايز اما النوم لا يمكن يجيني في السياره تلاقيني
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |