العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
وااخالداه...قصه مؤثره بين صديقين الجزءالخامس
الجزء الخامس ((اتصل سامي :هلابندر...فرحت بكمالمته كثيرذكرتي بالجمعات فلاستراحه ...هلاااااااااسامي وش الاخبار...تسلم ,وش دعوى يارجال وين الناس اشتقنالك ...تشتاقلك العافيه ...فاضي نمرك اليوم بين عشوين ؟؟السلعه المباركه حياكم الله ..اجل نشوفك اليوم ان شاالله,,,جوالشباب على موعدهم رحت وفتحت لهم الباب ماشاالله الكل جاي ماادري وش الغلااللي جاني فجأه,ولمااكتملت المجموعه قبل لااسكر الباب دفعه وحده فتحته بسرعه وقبل مااشوف مين قلت :السموحه ياخوي ماشفتك ياااااا...كان خالد!!!!ماعرفت وش اسوي في هالحظه كنت بطيرمن الفرحه بداخلي وانااحاول اني اخفيهاواني ماانط عليه واحضنه,ابتسم ابتسامته المعروفه واللي وحشتني ؛؛فتح يدينه بيضمني لكني بكل جمودمديت يدي وصافحته بدون اي كلمه!!الشباب سبقوناعالمجلس ,,اصلاواضح القصدمن الزياره اكيدخالدهواللي جابهم ,توجهت للمجلس لكنه سحبني من ذراعي بقوه وبصوت هامس:معقوله ماوحشتك؟؟مارديت وكمل :لمتى يابندربتظل تتجاهلني ,كلمني رد علي,هزئني,اضربني اناراضي واستاهل لكن لاتسوي فيني كل هذاحرام والله اني تعبان وفهمت غلطتي وعارف اني مااقدراعوضك لكن هالعقاب والله فوق طاقتي انت يابندربالذات تدري مالي غنى عنك...
كان قلبي يقول لي:ياخي خذه بحضنك وانسواهالالم لكن الله يلعن الشيطان؛؛الكبروالعنادوالموقف اللي بالاستراحه قدام عيوني ,قلت بكل برودواناابعديده بكل هدوء:جعل يدي تنقص قبل لاامدها عليك اناماضربتك يوم حنا صغارتبيني اضربك الحين؟! كانت نغزه على حركة الاستراحه يالله الشباب يستنون داخل ...نزل راسه ودخلنا,,واضح انهم كانوايحاولون يلقطون شي من اللي صار..لكن اول مادخلت كل واحدالتفت على الثاني وسوى روحه متعمق بسالفه. بديت اصب القهوه ومسك خالدالدله الثانيه ,كانت هذي عادتنا نفزع لبعض بس هالمره ماكنت ابي منه مساعده واللي زادقهري ان خالدخلانافرجه للعالم ومحل شفقه..قلت لماجداول واحداصب له وانااعض على اسناني :قله مانبي مساعده منه مشكور...سمعت ماجد يقوله:هات عنك يارجال ...لاارتاح تسلم اناابي اصب مع رفيقي ,,,وشددعلى الكلمه الاخيره يبيني اسمع لكن بمزحه بايخه وقويه ... ردماجد:هذااول يالحبيب زين انه سمح لك تدخل بيته هات عنك بس.... وقعد يضحك حسيت انه تعمد يجرحه ولولااني ماحكمت عقلي وقتهاوانه في بيتي كان صفقته بالدله ,صحيح ان ماجدعربجي ومايسب لكلامه لكن موفي هالظروف!!! المهم سويت حالي ماسمعت وكملناصب وجلسنا,,اللي يسولف واللي يضحك الااناوخالدكنت امررعيني عليه كل شوي ؛؛ولاني فاهمه من عيونه انه يستنى الشباب يمشون..اذن العشاءوقامواالشباب الاخالدوكنت متوقع هالشي ودعتهم,,عندالباب قالي سامي:والله انكم مفضوحين الغلاواضح فيكم حتى لوحاولتواماتبينون والله الله في خالدوانت عارف اكثرمني ان مافي مثله اصلايحز في نفسي اني اوصيك عليه وانتم من اول ماكن حديقدريتكلم في حدمنكم والثاني جالس,,كنتم احلى صداقه شفتهالاتخلون شي تافه يهدمها...شكرته وقلت :قلبي ياسامي مايزعل وانت عارف خاصه على خالدبس الاموراحياناتطلع من يدالواحدوالله يخليك لاعادتفتح معي هالموضوع لانه علي اصعب مماتتصورون..مع السلامه.. لماالتفت لقيت خالدواقف عندالباب الداخلي يستناني ,قربت منه ودون اي كلمه وكتفت يديني,بدى باكلام على طول:بندرسامحني ياخوك تكفى ترى كل اللي قاعدتسويه ماله داعي ,,اناتهورت وقلت كلام ماكان لازم اقوله ,وجيت اليوم اعتذرواحب راسك بعد"تكفى"خل عنك العنادوريح بالي ترى ماصارت المسامح كريم يالغالي ...سكت فتره اول مره اسمع كلمة تكفى منه كانت طالعه قويه لكني حاولت اختاركلماتي قبل مااقوله شي:آسف ياخالدصدقني مااقدرانت حطمت كل الاشياءالحلوه اللي بينا بعدماسمعتني ذاك الكلام اللي زي السم واتهمتني باطل بدون ماتحسب لصداقتنااي حساب ... اذانسيت تراي مانسيت واذكركل كلمه وتترددفي بالي كل لحظه,ياخالداناللحين حاس اني بحلم ماني مصدق ,انت من بدهالعالم تبيعني في لحظة ؟؟!!ماكان العشم والله..وبصوت حزين:يعني ايش يابندر 16سنه مالقيت لي لحظه تشفعلي عندك؟؟بعدهالكلام انهمرت الذكريات من كل جهه لكني تجاهلتهاوانفجرت:اسأل نفسك لمااهنتني ذاك اليوم قدام البشريه بدون ماتعطيني فرصه ادافع عن نفسي انت ياخالدحتى ماحاولت تظن فيني خيروبعتني بسهوله ,نسيت كل شي ,ياليتك قدرت معزتي ومحبتي لك,حركت يديني بعصبيه:ياخساره ياخالدانابس لبي اعرف ذنبي قلي ليش سويت معي كذا؟عمري غلطت عليك بكلمه؟اوضايقتك بحركه؟ليش واقف ساكت تكلم ياخوك؟!المشكله ان الغلطه جت من غالي هذااللي يخليني مااقدر امشيها...لماشفت ملامح وجهه تتغيرعضيت على شفتي ..تجاهلته وكملت:تدري وفرعلى نفسك اللي بتقوله لانه ماعادينفع الحين اللي انكسرمابيتصلح ماعادلك بقلبي مكان ليتني ماعرفتك ياخالد...كنت اقول هالكلام رداعلى اللي صاربالاستراحه وداخلي يقول :يامكبركذبتك يابندرانت لوحدسأوش دنيتك ميجي في بالك غيرالاهل وخالد....سكتناشوي وخالديهز راسه وعيونه تتلامع والف صوت في داخلي يقوله :تراي مثلك يالغالي عزيزوداخلي منهار,وعشان انهي هالمشهدقلت:في بيت شعرسمعته مره يقول.."الجرح لاجامن اغراب عادي ..لاكن الجرح موت الجرح لاجامن احباب"لاجامن احباب ياخالدوانت ماقصرت كفيت ووفيت فهمتني البيت بطريقتك. ماودي اقول اني نادم على الماضي لاني فعلاماندمت لكنك خيبت ظني فيك ....رفع راسه وقرب يده من اذنه من قسوة الكلام..كافي يابندر اناعارف انك دايس على قلبك وانت تقول هالكلام ,واذاكنت تبي تثبت لي شي تراك اثبته, واذاكنت تحسنك مخدوع فيني اومصدوم فأنت الحين بأصرارك على الزعل تسوي مثلي ومهماصارغلاك في قلبي هوالاول ,وبالنسبه لك انااكثرواحد فاهمك عشان كذاباصبرعليك لكن ماراح استسلم وعافك مهماتقسى وتبعدطيبتك وحنيتك بترجعك ,, همست وعيوني للارض:وش اللي يخليك متأكدلهاالدرجه؟؟ مثل ماهنت عليك في يوم بتهون علي اليوم؛؛؛طالعني بنظره يائسه ..الله يسامحك والله ماظن انه يفرحك انك تجرح خويك..اذاكنت قادرتلغي احلى سنوات من عمرك فأنت بتقدرتنساني اماانامااقدراستغني ولولحظه من ذكريات عمري معك لاني مااقدر انسى عمري كله... رديت بسخريه:واللي سويته وش تعتبره؟!مثل مانسيت اللي بينا بسوءفهم انانسيته بهالجرح ,واناادري انك ماتستحمل ان اي حد ممكن يزعل منك لكن انا..قاطعني ..انت مو اي احدوراك تكلمني كذا؟فتح عيونك اناخلود...فعلاانامواي حد والدليل سواتك فيني..ابتسم ب؟بألم:لاحول ولاقوة الابالله ,على كل الموضوع صاربيدينك وتقدر تحكم فيه بطريقتك بس اتمنى انك ماتسوي فيه شي تندم عليه.. شوي قامت الصلاه وودعنابعض بعدهالموقف حسيت براحه لاناصرنامتعادلين والحين ماعادفيني صبرعلى فراقه واكيدحس بغلطته وهذهاللي ابيه وقررت اني انسى كل اللي صارواردعليه اذادق واسامحه ويسامحني بعد,وقررت انانسافرنعوض الايام اللي راحت علمت ريم بالسالفه وهي مستغربه وهي تسمعني:تصدق يابندرهاذي والله العالم انهاعين وصابتكم اجل كل هذايصيربينكم ويف انك ماتسامحه!!ضحكت انتي من جدك مابسامحه اصلامنااول ماشفت اسمه في جوالي وانامسامحه وقلبي ماقوى يزعل عليه لكني كنت امثل على نفسي قبل لاامثل عليه..وبعدين المسأله كانت رداعتبارموزيكم يالبنات الوحدلغلطت على الثانيه جت تعتذروالثانيه تسامح احنايالرجال عندناالكبروالكرامه تغلب العواطف ,خلاص ماعادفيني صبراستنيه يدق واردعليه,, طالعتني بتعجب:صدق انك غريب طيب ليش ماتدق انت؟؟؟ اوووه انتي غبيه ولاتستغبين وش قاعد اتفلسف عليك اقولك مااقدرصعبه علي وبعدين قالي بيصبرعلي شوي اكيدبيدق.. عطتني نظرات غريبه وقالت:الحمدلله لحديسمعك بس بعدين لاتسوي روحك فاهم البنات لان ماعندك سالفه بس لوالوضع كان العكس وش كان بيسوي خالد؟؟!! وطلعت ...جلست افكرفي كلامهاواللي اجابته واضحه لان مواقفخالدمعي وانه دايم يسامحني .. مركم يوم وخالدمادق علي لكني يوم الاربعاءشفت ميه مس كول من طلال ودقيت عليه قلت اكيدخالديبيه يتوسط له عندي ودقيت وانافرحان ...مرحباطلال... هههه...هلابندرصوته ماعجبني ...طلال خيرعسى ماشر,معليش ماكن الجوال عندي وش بغيت؟ الرجال بدى يتنهد::بندرانالي ساعه احاول ادق عليك لكن_ طلال لاتلعب باعصابي وش فيكم؟؟ اناذاك الوقت هوجست قلت ابوهم توفى لانه كان كبيروتعبان ولااخوهم تركي الصغيرصارفيه شي لان كان معه ربو,وطول الوقت افكرفي خالدبيتقبل هالاشياءبس اني عزمت اوقف معه وانسى كل شي كل هذاقبل لاينطق طلال بحرف::خالديابندر......!!حسيت ان قلبي طاح وبصعوبه:خ..خا..لد..وش فيه حراااام عليك تكلم؟؟؟خالديطلب منك الحل,,ادعي بالرح...وخنقته العبره,اماانافكنت ساكت,ولاعاداشوف شي قعديتكلم مافهمت من كلامه شي الا ان صارعليه حادث وتوفي بالمستشفى والظاهرانه كان نتوجه لبيتي ... قفلت الجوال كنت واقف وبحركه بطيئه قعدت على الارض وبعدين انسدحت وجلست اطالم السقف فتلره طويله ويدي على راسي فقدت الاحساس ,لادموع,ولاكلام.. طلعت بسيارتي بدون هدى فالشوارع ماوعيت الاوانافي المجمعه ديرة خالدويامازرناها,وقفت سيارتي قدام فلتهم اللي يروحونهافي الشتاء ,,لماجاالليل رجعت .. دخلت البيت وقعدت اتقلب في فراشي تصورواكل هذابدون احساس الظاهرماستوعبت ,لماجاالصبح رحت لبيتهم وقبل لااوصل دق علي طلال .....الو....هلابندر,اذاتبي تسلم عليه قبل الدفن تعال للمغسله قبل العصر. مارجعت البيت رحت للمغسله وسألتهم قالوابعدماجا,كان عندي امل ان السالفه كذب زي حال الكل وقت المصايب واني بشوف خالدبعدشوي ,,قعدت عندالباب الى الساعه 2.30والااشوف الاسعاف جاي وسيارات اخوان خالدوراه,وقف الاسعاف ونزل اخوانه وفتحواالباب ويوم شفتهم طلعواشي ابيض شهقت ورحت اجري فالشارع وجلست على رصيف واحد من البيوت ,,لماهدت نفسي شوي رجعت كانلازم اواجه الواقع .. دخلت وشماغي على كتفي وماسك عقالي ,لقيت موبس اخوانه حتى اعمامه خواله وزوج اخته,الكل كان يعرفني لماشافوني تغيرت وجيههم وحضنوني بحراره .حتى واحدمن اخوانه مارضى يتركني كنه كان يحس انه مع اخوه والغريبه انهم كانوايعزوني بدل مااعزيهم ..جاني طلال وهومتأثر:ادخل معك؟؟قاطعته:لابدخل لوحدي..كانت هذي اول جمله نطقتهافي المغسله حتى يوم عزوني مارديت.. تعوذت من ابليس ودخلت ؛؛كانت الغرفه فيهاروايح غريبه الريحه اللي قدرت اعرفهاريحة الصابون والمسك,الظاهران الرجال اللي كان بالغرفه المغسل وقفت في مكاني جنب الباب ..قرب مني وكانشخص يميل للقصر.ابيض ,لحيته طويله وصاحب ملامح سمحه حط يده على كتفي وحس بالرعشعه اللي تهزني كنت اطالعه بنظرات استغاثه ...وبصوت وقور :عظم الله اجرك ياولدي والله يلهمكم الصبر,قبل جبهته وادع له كنت اطالعه وانااشهق بدون دموع وطلع.. شوي شوي قربت منه وشفت منظر ماقدشفته في حياتي ,حسيت الدم واقف في عروقي ,,ماادري شلون اشرح الوضع كانواحاطينه على شي زي الطاوله مرتفع شوي عن الارض ,مغطين جسمه بشراشف بيضاءالاوجهه وجزء من صدره ,كانت عينه وجزءمن جبهته متحوله للون الازرق من الصدمه اماخده ورقبته فيهاجروح بسيطه ,,,, لكن قوة وتركيزالصدمه جت على الصدر.كان زي النايم بس بلااثر للحياه والظاهراني ماصدقت الخبرلين شفته,فقدت اعصابي وصرخت صرخه مريعه,حضنته بين يديني وقعدت اصيح زي الاطفال دخلواعلي اخوانه وحاولوايفكونه مني لكني كنت متمسك فيه ..يابندرقل لااله الاالله لاتسوي في نفسك كذامايجوز...وانااصرخ احس اني فقدت عقلي ..اتركوني خالدياخوك كلمني ,كلمني ياخالد,طلال ليش خالدباردليش ماغطيتوه ؟؟حرام عليكم ..نزل راسه وانسابت الدموع منه ..تعال معي يابندرتعوذمن ابليس وخلنانطلع ..وانااحاول اكلمه .ياخوك وين رحت وتركتني !! انامن لي غيرك ؟؟واخوانه يحاولون يفكونه مني .. وبعدجهداخذوه مني بعدمابين اثرضغطي على جسمه ,وانامنهاركل لحظه انادي فيهابأسمه .جابوالي كرسي وجلسوني ؛؛واحدمن اخواله شيخ كبيروصالح قعديقراعلي لين هديت ,شوي ناظرت فيه :خالدصدق راح ياخال؟شدعلى يدي وهزراسه ورجعت دموعي ويديني على راسي وانااهزعلى الكرسي...مايصيرياخال والله مايصير..قعديستغفرواناعلى حالي ,رحنانصلي عليه كان المسجد مليان اللي برى اكثرمن اللي داخل كان الله يرحمه اجتماعي ... على المقبره رحت بعيدعن الناس وتلثمت بشماغي ولبست نظارتي عشان محديشوفني .جاني تركي واللي كان له غلاكبير عندخالدوكان يقول انه برغم صغره الاانه ذكي ,,كان عمره ذاك الوقت 12سلم علي وحضنته وكان يشبه بندرقال لي :بندرخالدكان يعزك كثيروكلهم مجتمعين حوله الاانت مايصيرتتخلى عنه بهالوقت !!كانت كلماته عظيمه ورحت وانااللي حملته ونزلته القبر ومعي واحدمن اخوانه كان ودي لواجلس معه واسمع صوته لكن عرفت ان شمسي غابت خالد((الرمت))غاب من حياتي... بعدوفاته رجعت ذاك الطفل المنطوي ...ابتعدت عن الناس واللي يحز في خاطري انه توفى وحنابعيدين عن بعض يعني 16سنه ماتفارقناوفي اقل من شهرعلى وفاته نفترق !! اللهم لااعتراض بعدعدة اسابيع عطاني طلال دفترله يوم شفته تذكرت يوم كنت اناوهو بالمكتبه نشري اغراض للجامعه وشاف الدفتر وعجبه قلت له:مايصلح للمحاضرات ياعمي قال عارف بس تدري وش باستخدمه فيه بكتب فيه ذكرياتي الاحداث المهمه ضحكت عليه وقلت له انت من جدك؟!والله ماتصلح لك هالحركات .. ((يالله باروح انام ماعد اقدربعدين اكمل))
|
#2
|
||||
|
||||
ابصراحة قصة مؤثره ابكيتني ننتظر التكمله ان شاء الله انها نهايه سعيدة
|
#3
|
||||
|
||||
الله يعطيكم العافيه جميعا......
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |