العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
هذا ماحدث يوم 15 /9 /1430
مسهم بالخير ياسرع ارمضان ويازينوه الله يعيده علينا وعليكم بالخير والعافيه مااصدق اننا صرنا بنصوه <احد يعطيني كف ع شان اصدق بس مايكون كف قوي > وع ان ارمضان شهر فضيل والمفروض نستغلوه وحنا مغير مفتحين اعيوننا بالتلفزيون ونتابع من هالمسلسلات ولابعد ونتأثر بهن وحنا ندري انهن كذب انا تابعت ام البنات وقسم بالله اكتئاب ولا مغير انطامر للاسواق وبذات حنا يامعشر الحريم <الفاضلات> مانكتفي بروحه وحده لازم ثلاث او اربع مرات فلان بدلتوه قصيره وفلانه بلوزتها ضيقه وفلانه الجزمه ضيقه عليها واغلب الي يرجعنوه الضيق وهذا الشي الطبيعي لان رمضان بدال الناس ماتنحف بالعكس تسمن وهذا للي ماياخذون الاحتياطيات الازمه مثل الشاي الاخضر والظاهر اختي نظره خلصتوه عنكم كل يوم تصلح ابريقين تقول مانبي نسمن بس اذا مالقيتوا شاي اخضر عليكم بخل التفاح ويوم نروح حنا يامعشر الحريم لسوق ودنا نبكي من الفرحه اما الرجال ودك بس تجلس وتضحك ع اوجيههم تقلب ألوان والي واصله معوه وللي احس انوه ودوه بيكي من القهروهو يعطي حريموه فلوس وللي يدخل بطاقة الصراف ثمآ ايرجعها متردد يسحب ولا لا والمدام جنبوه بس تعطيه نظره قويه ومن الخوف يسحب كل الي بصرافه اما ابو هنود فاتح كشرتوه طبعآ كلوه من زود الوناسه الدرجه تشوف ضرس العقل اما انا مثل حالة ارجال واصله معي وانا كالعاده لازقه لامي والوالده تعودت ان الاكياس مايشيلهن غيري تخيلوا تحاسب وثمن انت الغلا شيلي الاكياس ياربي احس ان امي تشوفني افغاني حمال اكياس والمشكله امي تخلص اغراضها خلال ساعتين ماغير تروح لم محل جلابيات وتشتري كم غرض وباقي الوقت تفر بالمواعين وانا الضحيه واذا شرت اقدور تصك بوجهي الارض وقبل كم يوم كنا بسوق وهي تدخل محل ابوريالين وتاخذ من المكانس و المساحات وانا مغير ابحلق بعويناتي وبيني وبين نفسي اقول لايكون بس انا الي بشيلهن ويوم خلصت امي من عند المحاسب وتلتفت لي وراك ماتشيلين الاكياس واقول ياربي وش لون اشيلهن هالحين المساحات والمكانس اطول مني ويازين شكلي وانا اشيلهم وهي توصل معي والا ابوهنود يطالعني هووريحتوه الله يقرفوه تقل ريحة فطيس حتى المساحات والمكانس صارن مثل ريحتوه الا يطالعني بنظرات شفقه ورحمه من كثر هالكياس الي اشيلهن ويوم طلعنا اقول لامي شيلي معي من الكياس تعبت وانتي دبا وانا نحيفه ماتحمل ولااطالعني وتقول ماتشوفين ظهري يعورني ورجليني احمدي ربك اني رايحه معك ولا ربي يرحمني وشوف ولد معوه عربيه واخليه يروح مع امي وحط الاكياس بالعربيه وقلت لامي بروح مع خواتي قالت طسي عاد انا وامي تقل رقم عشره هي واحد بس سمين وانا صفر اشكالنا غلط وحنا مع بعض وبعدين وانا ادق عليهن وحنا نلتقي وانا امشي وشوف واحد عبد لابس بنطلون اصفر وبلوزه سوداء والبلوزه حفر وشعروه مسويه كدش المهم شكلوه يخرع وامر من عندوه واسمي ويوم وصلت المحل الي بوه خواتي واول مادخلت وتطيح عيني ع النضرات مادري ليش اموت عليهن وحنا نطلع وكان المحلات زحمه حيل وحنا نمشي بطريق كل الناس يطالعون لنا بنظرات غريبه كل مامرينا من عند رجل ولا مره الا يطالعون لنا وانا ونظره قدام ومجرد واختي الصغيره ورانا واكثر شي ايطالعون لوه مجرد واختي الصغيره وربي شكيت بنفسنا واقول النظره وراهم يطالعون كذا وقالتلي من اول مادخلنا اسوق وهم يطالعون مادري ليش والتفت وراي وياليتني مالتفت شفت شي تقشعر منوه الابدان شي يخرع ويفشل بنفس الوقت شفت وحده لابسه عباه قصيره والبنطلون احمر لونوه يجيب الهم وطالع نصوه ولا البرقع الخط الي بالوسط صاير ع نص العين وماسكه العباه وربي تقل امخرعه طبعآ هذي اختي الي اصغر من مجرد اول يوم تلبس العباه هي صغيره بالمتوسط بس مشكلتها انها طويله طالعه ع امي وربي يوم شفتها كان احد عاطيني كف ع وجهي امشي بدون شعور وسكت ماعلمت خواتي هن ماشفنها لان السوق زحمه ماعندنا الابرزان مبني من الف وربع ميه وحطبه ولاحد الحين ماوسعوه وسماح سنتر مالقينا بوه شي حلو والكمخه اختي شاريه عباة راس طول عباة الكتف الي كانت تلبس هاذا من زود الذكاء الي عندها وقلت ألخواتي بروح عند امي واصير رقم عشره ولا اروح معهن ويوم خلصنا جولتنا بسوق وحنا نوصل عند السياره وقلت بنات طالعوا وراكم ياكمخ وهم يطالعون وحنا تجينا حالة ضحك ماهي طبيعيه فرغت كل الطفش بضحك وهي مغير اتنافخ علينا وتكلم علينا وتسبنا وانتهت الجوله رقم اثنين بسوق بقى الجوله رقم ثلاثه واربعه والله يعين الوالد علينا والله يعيني ع شيل الاكياس |
#2
|
||||
|
||||
..اثريكن رحتن لسوق
قبل السبوع تقريبا اقول لكن رحن لسوق فيه بضاعه جديده وحلوه وتهبل وانت جالسات مدري وش تنتظرن شفن اجل الاسوبع اللي يجي شكله بتنزل بضاعه جديده اخرن روحتكن شويه ههههههههههههههه وحتى انا يمكن اليوم بروح لسوق سوارات اللي تكل سلوك طيحاتنبه البنات ..ماشالله الحين امك دبا وانتي نحيفه هههههههههههههههههههههه ههههههههههههههههههه يقطع بليسك والله انك زيي هاك المره ماما اشترت فراش جديد لسريره وقالت لي شيليه وانا اعيي قلت من زين شكلي قدام الله وخلقه واناشايلته ههههههههههههههه وبنهايه ماما شالته ههههههههههه لالا انا محب اروح مع خواتي لسوق كلن معه فلوسه وتشتري على كيف انا احب اروح مع ماما علشان هي اللي معه البطاقه ماغير بس اشتري وهي تدفع <خليك زيي ذكيه هههههههههههههههههههه اي والله متى يفتح سلمى مول طفشنا من اسواقنا ماعندهم ماعند جدتي شوفي اذا مالقيتي شي بسماح وبرزان روحي لم سنبل روعه مايحتاج امدح فيه عوافي غلاتي وننتظرجديدك ..
|
#3
|
||||
|
||||
هههههههه اما عباية اختس حركه
يعطيك العافيه
|
#4
|
|||
|
|||
ههههههههههههههه حماله الاسيه
|
#5
|
||||
|
||||
ههههههههههههههههههههههههه
مطيعه والله لاهرب انا فاضيه اشيل مكنسه ومسحه اخلى اختى اوما اختس بنطلون احمر يآآآآى جذابه <<طسي تصدقين ودى البس عبايه قصيره <<انثبري بس وشوله التسحب بالارض ثمن تجيك عربيه وتدوس عليها وتنسحب العبايه وانواع التفشل عاد الستر زين يسلموؤو انت الغلااا قيمتك
|
#6
|
||||
|
||||
ههههههههههههههههههههههههههههههههههههههههههه
ههههههههههههههههههههههههههههههههههههههههههه ياربي قمة الاغراء اختك كان لبست نقاب استر من البرقع عشان الخيط اللي بالوسط ههههههههههههه .. اما انتي اللي تشيلين لامتس كفو بنيتي اثريتس قرماء ههههههههه .. وااااااااوك عاد امتس مااشترت الا المكانس وازين شكلتس وانتي شايلتهن .. كان وصت احد يشتريله من اقرب بقاله لبيتكم وخلصنا .. يعني بالله اخواتس وين عقولهن ماانتبهن لاختس ولا من الدجه والفهاوه ماانتبهن .. انت الغلا يسلموا ع هيك موضوع ..
|
#7
|
||||
|
||||
المشكلة كل هالزحمة والمصاريف علشان ساعات معدودة وبعده الله يعين الوالد
يعطيك العافية اختي الغالية
|
#8
|
||||
|
||||
..مسه بالنور ههههههههههههههههههههههههه
ايييييييييه ياان السوق هذا مسببلي اومه مااطيقه ماجي الا ورجليني متورمه من كثر الفرفره بس كلش ولااروح مع امي هههههههههههههههههههههههه دايم اهج واخليك انتي تطيحين به ههههههههههههههههههههههههه بس حرام عليك امي نحفانه نازله كيلوين عاد طسي ماهو من سمنته بس انتي تبين تنحفين نفسك غصب هههههههههههههههههههههههههه واللهي يوم اتذكر اختي هي وبنطلونه الاحمر اموووووووت ضحك وليته عاد متسنع الاخت رايحه للسوق ببجامه ههههههههههههههههههههههههههههههههههههههههههههه عوافي الغلا ع الموضوع النااااااااايس اكثر شي حلو به اسمي ههههههههههههههههههههههه
|
#9
|
||||
|
||||
أنآ أهون علي أودي كل يوم وحدهـ من خوآتي وأجلس اسبوع أتردد على السوق كل يوم بوحدهـ ..
ولا أخذهم مرة وحدة تقول مسيرآت أصلآ تتوهق فيهم .. فلآنة خلصت وبآقي فلآنة .. طيب وأنتي ؟ تقول أنآ أغرآضي بالسوق الثآني وبالأخير تحصل نفسك مشيت 13 كيلو كعآبي لو هالمشورة مقضيهآ بالطوآف والسعي بهالشهر الفضيل أبرك لي بتقولين لي طيب نزلهم وطس .. بقولتس معصي .. صرت سوآق فلبيني بتقولين وجودك مثل عدمهـ بقولتس : ظل رآقل ولا ظل حيطة
|
#10
|
||||
|
||||
هههههههههههههههههههههههههههههههههههه
اووووما احمرررر حلووووووووووووووووووووووه يسلموووو انت الغلاااا بس الشله كلها راحت ولا انتي وخواتك...<<ههههههه انفع محقق
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |