العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#151
|
||||
|
||||
ركبوا في الطياره وكان الجو مو مثل الروحة يعني وناسه بس اقل فهده ونهى كان قدامهم عبد العزيز وحمد فهده جالسه تسولف ونهى كانت ماسكه دفترها وقاعده تكتب مذاكراتها وبعض الخواطر عبد العزيز ذاب أذنه أما حمد مسكر عيونه بس ما نام نهى طفشت من فهده وسوالفها هي تبي تندمج بالهدوء وهذي تبر بر نهى: فـــــهده اسكتي فهده:ليش خليني اسولف نهى:اسكتي أنا ما أسمعك أنا أنا اكتب فهده: تكفين أنا من تخلص المدرسة أودع الكتابة وكل بداية سنه أواجه مشاكل أتذكر الحروف والأرقام عبد العزيز وده يقوم يسطر نهى ليش أنها بتسكت فهده حمد كان خاش جو من تكلمت نهى نهى بعجز: فهده حرام عليك والله هذي لحظات حلوه حرام أضيعها فهده: وش حلاها نهى:يا ختي شوفي حنا بين الأرض و السماء ووقت الغروب جاي وقت ولا أروع حمد كان مستغرب إن نهى من ضمن تفكيرها يجي شي مثل هذا متخيلها فرعونه ما تهتم بهالاشياء فهده: سخيفه احسب عندك سالفه نهى عصبت: فهده اسكتي فهده خافت لا تنفجر عليها فهده:زين وين بسم الله لا تتفجرين علينا نهى قامت تطق فهده وفهده ميته ضحك نهى:اجل انفجر هاااه فهده: نهى خلاص هههههههههههه والله شكلك ينكت حمد التفت عليهم وتدخل: حمد: يكفي فضايح شوفوا كل اللي بالطيارة يناظرونكم نهى:قل لأختك التافهة حمد: بس اجلسي نهى وللمرة الأولى تنصاع لأوامر احد غير أمها وأبوها: طيب فهده: الحين يا قليله الخاتمة ساعه أترجاك تفكيني سافهتني ويوم جاء حمد جلستي حمد خاف لا تخربها فهده: حمد:فهوده اسكتي واجلسي وجع بنات آخر زمن عبد العزيز:وش صاير<<لا يشيخ ما تدري حمد: ما تدري يعني وش اللي صار شف أذنك وش كبرها من كثر ما تسمع سواليف بعض الناس ++++++++++++++++ ياسر جالس بين مشاعل وسلمان سلمان يحاول يكلم مشاعل من دون ما يشوف ياسر ياسر:تراك حوومت كبدي سلمان: صدقني مو مثلي ياسر:ليش إن شاء الله سلمان:يا خي أبي اسولف مع زوجتي وأنت كأنك إبليس ياسر:توني بقوم السالفه فيها إبليس منيب متحرك سلمان:لا لا خلاص أنت ملاك بصوره بشر ياسر: والله موب عشانك عشان مشاعل بس ما تحقد علي سلمان: شوكرن ياسر: يا حبك لتمطيط الحروف سلمان عمل اصمخ جلس حنب مشاعل ++++++++++ فهده:نهى سؤال ممكن نهى:اوف بسرعة فهده: ما كلمتي ريناد نهى:يا عمري دايم تتصل علي بس مروان إذا مسك السماعة والله ما يخليها وما عاد اتصلت إذا لقيتها بالماسنجر كلمتها فهده: والله خايسه من زمان عنها وحشتني نهى:أيه والله بداية العطلة عزمتها تدرين وش قالت فهده:وش قالت نهى:قالت خاف أشوف أخوك وأخربها معه فهده:والله مروان موب صاحي يفلها ويخلي العاقل مجنون أحسن من ذا اللي عندي كل ما دورته لقيته يا يرتب الغرفة وإلا ماسك له شي ينظفه عاد تعرفين رامي عبد العزيز ما عجبه أنهم يمدحون غيره عبد العزيز: بنات كم الساعة نهى :أنا ما لبست ساعة فهده:أنا معي ساعة بس ما عرف لها عبد العزيز:ههههههههههههههههههه ما تعرفين للساعة فهده:إيه ما عرف فيها شي عبد العزيز:ابد ما فيها حمد: يا الحبيب كنك زودتها باك باك عبد العزيز:أوف منك حمد:لا تنسى ترى أختي هذا أولا وتدري ليش أنا مخليك على راحتك عبد العزيز: ليش حمد:لأني اعرفها ميب معطيتك وجهه وإلا بتقلب الموضوع فوق تحت اسألني فهده ورمانسيه ما يصلحون +++++++++++++++++++++++ ندى: يمـــــه طفش أم فهد:عندك الشباك افتحيه ونطي منه شسويلك طفشانه العمه لطيفه:هههههههههه والله ندى بتدخلين فيه نواف توه جاي نواف:وشو اللي بتدخلون فيه لطيفه: وأنت وش دخلك نواف:افا يأم نواف هذي آخرتها افاا بس لطيفه:اها عاد لا تكسر خاطري نواف:طيب يمه لو سمحتي يعني قولي لبعض الناس يتغطون لطيفه:ههههههه أنا مالي دخل قل أنت نواف: فشلتنا كل من مر صار يطل علينا ( توضيــــــح: الكلام حول الجدة ما تغطت ) العمه :خلها صدق انك نشبه ندى قامت نواف:على وين ندى ارتبكت من سؤاله: بروح عند خالتي حنان<<أم حمد لطيفه: إيه أنتي وياها ويش يسكتكم ندى تفشلت: يالله بروح راحت ندى لطيفه:هيه هنا وين عيونك نواف: إلا أقول يمه وش رايك ما ودك ناخذ عمره لطيفه:تونا بالطياره ما وصلنا وتفكر بالعمره خلنا نوصل ونريح ويصير خير وبعدين يمكن نايف ما يبي يروح نواف: وش دخله ولا لازم سيح العين ولدك وأنا لا لطيفه:أقول الكلام ضايع بس تدري فكره العمرة حلوه نواف:أعجبك إنا جاء الجد: هاااه وين ساره ليش كاشفه الجده:ما عليك مني حره الجد: تغطي الجدة سفهته الجد: ورى ما تتغطين الجده: هه تغطينا لطيفه:ارتحت الحين نواف:أكيد ++++++++++++++++ مروان:مشعل مشعل الحق مشعل:وشو مروان:رامي ينظف كاساتهم مشعل:هههههههههههههههه كركر يا لبنيه وشو له اشرب والله ما يضر رامي:مالكم دخل خلوني وائل كان قاعد بكرسيه ولا تحرك منه لان ناديه كانت بالكرسي مو اللي بجنبه يعني على نفس الصفه بينهم ممر مشعل:مروان وش في رفيقنا منشي الغتره وقاعد مروان:إيه والله لا ولا فصخ النظارة مشعل:وائـــل وائل: سم مروان:لاااا سم أكيد فيه شي رامي:هههههههه شوف ناديه جنبه مروان:ههههههههههه قولوا كذا وائل فهمت الحركات والتنشيه والنظارات ليش مشعل:خلك ذكي عشان يقز وما تدري عنه مروان:والله السوسه موب هين والله مشعل:مروان تتذكر ذاك الولد اللي كان معنا بالمدرسة مروان:إي مشعل:هذاك النشبه اللي شيبنا فيه مروان:أيه خالد الالتغ<<ما ينطق حرف الراء بوضوح ويدخل معه في النطق حرف الغين مشعل:إيه بس وصلت مروان:يا هذاك أتمنى إني أصير ألتغ مثله مشعل:ههههههههه تتذكر كيف كان ينطق الكاف مروان:إيه يا خي صح الحروف منكسه معه بس شي حركه مره ليتني مثله رامي: ألحمد الله والشكر بس احد يتمنى العاهات مروان:رامي خلنا ساكتين ولا ارجع لكاساتك صح يا ميشو<<اسم الدلع لمشعل مشعل: إيه صح رامي : يا شينكم ما يمديكم تمسكون على الواحد شي وائل: سكوت خلوني اسمع مشعل:خذ هذا اللي نستفيده منه ++++++++++++++++++++ وصلوا للرياض بسلامه وكلاً راح لبيته بعد هالكلام بــ3 أيام فهده تكلم نهى فهده:يالله تعالي أنا أمي قالت لا نهى: والله مدري عن أمي إذا بتوافق نهى:حاولي وتعالي بعدين بيتنا ما فيه احد عكس الأمم اللي عندكم نهى:امم من في البيت فهده:لا تخافين حمد طلع نهى اغتاضت منها: ورامي فهده:لا هذاك بيقعد إن ذا هاوس وأنتي وش عليك منه تعالي من هنا و للغرفة من هنا زين نهى: بشوف أمي يالله سلام فهده:اوكي ردي لي نهى:اوكي سي يو +++++++++++++++++++ نهى:أمي العزيزة مروان: أم المصالح جت أبو فهد:اسكت وراك عليها تعالي أبوي نهى: بابا طلب قلي تم مروان قام :يالله إذا خلص مسلسل الدلع نادوني أم فهد:هههههههههههههههه ارجع ارجع بلا هبال مروان:نفسي يوم تستقبلني كذا والله أول ما ادخل يا توك قايم ولا من وين جاي ولا صب قهوه هذا إذا كنت رايق أبو فهد: أنت رجال وهي بنت مروان:لا أنا طفل صغير نهى:مروانوه اسكت مروان:يالله سكتنا نهى:بابا أنا طفشانه وفهده عازمتني عندها ابو فهد: اها طيب روحي بس بشرط نهى:وشو ابوفهد:ما فيه نوووم مو إذا رحتي قلتي مابي ارجع نهى:لا لا ما فيه ابو فهد: زين خلاص خلي مروان يوديك نهى:إن شاء الله سمعت مروان: أقول يا المملوحه رامي هناك نهى: شكرا مو شي جديد إني مملوحه وعلى كلام فهده إيه رامي موجود مروان:أي كلام فهده أخبارا قديمه خليني بدق على حمد ودي أسوي مقلب فيه نهى أعجبتها السالفه: وش بيتسوي مروان: بحوس غرفته نهى: يمه منك تعرف نقاط الضعف مروان: زين ساعة وألقاك عند الباب ولا ترى بروح نهى:اوكي بعد ساعة وعشر دقايق مروان ونهى بسيارته الكامري مروان:هلا حميدان ايه:..........لا لا تقوله يا ويلك...... خلني استأنس عليه..... وفجائه صرخت نهى وتسكرت الدنيا بهذيك اللحظة بالنسبة لهم +++++++++++++++++++++++++ في بيت العمه لطيفه لطيفه: العنود العنود:هلا لطيفه:ترى اليوم دقت علي مرت عمك العنود:وش تبي إن كانها بتعزمنا بروح توني متقضيه من السفره لطيفه: الله يتكفل فيك بس داقه تخطبك لأحمد العنود:هاه لطيفه:وشو هاه إيه تبي تخطبك كأنك توك تدرين يعني العنود:أنا توني ادري لطيفه: المهم استخيري وردي لي زين العنود: طيب العنود راحت لغرفتها وخذت جوالها العنود:الو نايف:هلا العنود: أنت بغرفتك اطلع لي الغرفه نايف:ليش العنود:تعال --------------------------------------- نايف:طيب راح لها نايف نايف: تدرين فكيتنيني من الترتيب العنود:أي ترتيب نايف:ناسيه أن أول يومين لنا بعش الزوجيه ونسايم فاتحه الشنط وكل شوي ماسكه وحده وعاد أنا استحيت وقلت يا ولد قم رتب شوي العنود:ههههههههههههههههههههههههههههههههههههههههههه نايف:المهم وش السالفه العنود:صح تدري وش صار نايف باهتمام:وشو العنود: احمد ولد عمي خطبني نايف:احسب عندك سالفه أنتي منذ مبطي له وهو لك العنود:يا سخفك نايف:طيب أنتي من زمان عارفه هذا الشي من يومك بالثانوي وعلى فكره ترى هو بياخذ سنتين استشاره العنود:يعني بسافر نايف:إيه العنود:لا لا اجل هونا ما بي أروح نايف: العنود أنتي تعرفين إن احمد رجال وما ينعاب وإذا على السفر سنتين وبس العنود:طيب نايف:العنود أنتي ما تحسين إن نسايم فيها شي ....متغيره العنود:إلا والله نايف: وش فيها العنود: ياخي تسرح طول ما أنا اكلمها سرحانه و ماعاد هي زي أول نايف:كيف مو زي أول العنود:يعني ما تضحك أول نفلها أنا وياها ضحك وطنازه على الخلق بس الحين لا نايف:شي طبيعي تزوجت تبينها تجاريك بضحكك لو تضحك اليوم كله ما راح تجي زيك بس العنود:هذا اللي ببالي أنت ملاحظ شي نايف: هاديه طول الوقت هاديه العنود: والله مدري عنك أنت وحرمتك وأنا وش عرفني بالمتزوجين نايف: تعرفي بتتزوجين العنود انحرجت منه:قوم اطلع بسوي اتصالات مهمه نايف:إيه هين اتصالات تلقينها رهف ولا وحده من صديقاتك ***********************************
|
#152
|
|||||||||||||||||||||||||
|
|||||||||||||||||||||||||
عزمت أحب يسعدني تواجدك ومتابعتك للرواية بس ممكن سؤال ليه فرحتي بهالجزء حييييل يعني وش اللي شدك بالضبط ...... أكتبي لي عشان أحس انكم متفاعلين مع الرواية وان شاء الله يعجبك هالجزء واشوف وش شدك من المواقف
|
#153
|
|||
|
|||
شكرا شكرا غلا واللة اموت فيج احبج استخفيت في مشتشفى مجانين قريب لنا يبي لي اروح عاد ما اطلع الة بالكمبيوتر عشان ادخل اجيك ادا نزلتو شي جديد ان شاء اللة اتنزلين الاجزاء الباقية بسررعة تكفين بسافر قريب عقي يوم او نص من اتلحين او بليز امبي اقرى قدر يكفي انة انا استانس واللة كلة افكر في القصة ولا بنام
|
#154
|
|||
|
|||
باحر بسافر هيهيه اني شدني فية انة نهى تضرب فهدة ام السانين هههههههههههههههههههههههههههه اللة يساعد عبد العزيز
|
#155
|
||||
|
||||
++++++++++++++++++++
أبو فهد رن جواله كان طالع من المسجد: أبو فهد: الوه المتصل :معك مستشفى........ أبو فهد وقف : خير المتصل: عيالك جاهم حادث أبو فهد: ايـــش وين المتصل : وصف له راح لهم أبو فهد بس بعد فوات الأوان كان الإسعاف خذهم أبو فهد راح بيروح للسيارة بيتاكد الشرطي:نعم اخوي أبو فهد:الحادث لعيالي بنتي وولدي الشرطي حس بصدقه : تفضل دخل وبعد عن حشود الناس أبو فهد شاف شنطة نهى مقطوعة جوالها مكسور الصندل حقها طايح بالأرض شماغ مروان وطاقيته ودم بكل أنحاء الشارع واللي زاد منظر السيارة اللي يشوفها ما يتوقع إن فيه احد بيطلع ناجي منها شافها وشاف الدم ملطخها حس بالدنيا تدور داخ بسبب ارتفاع الضغط عليه +++++++++++ أم فهد فجاءه طيحت البياله من يدها فهد: يمه وش فيك أم فهد:عيالي عيالي فيهم شي فهد:وشو يمه وش فيك أم فهد: نهى ومروان يا ربي فيهم شي فهد:صبر بتصل عليهم اتصل على جوال نهى رن مرتين وبعدين تسكر الجوال فهد حس بان الموضوع جد و فجأة رن التلفون فهده :هلا خالتي أم فهد : هلا فهده : خالتي وين نهى من متى وأنا انتظرها الساعة 8 أم فهد: عيالي أنا عارفه فيهم شي هم طالعين من الساعه6 فهده : ايش (خافت من جد) لا إن شاء الله ما فيهم شي أم فهد تركت السماعة ودخلت بنوبة بكاء فهده بكت كانت مره خايفه حمد دخل على فهده حمد: فهده وش فيك فهده: نهى فيها شي حمد: وش خلاك تقولين كذا فهده: حسيت أنهم تاخروا اتصلت وخالتي تقول أنهم طالعين الساعه6 حمد :أنا كنت اكلم مروان وانقطع الخط بس توقعت انه يستهبل فهده بدت تشاهق حست بالموضوع:حمد خاف من كل قلبه شوي ورن جوال حمد ورقم مروان حمد:الو ...مروان المتصل: هلا اخوي والله صاحب هذا الجوال جايه حادث ولقينا جواله بالشارع وإنا ناخذ أغراضهم بس مالقينا شي يدل على شخصيته وأنت آخر رقم متصل عليه حمد جلس على الكنبه من الصدمه المتصل:اخوي ممكن تشرف المستشفى عشان نأخذ بيانات مهمه حمد:طيب بالطريق أنا فهده: حمد وش فيهم حمد طلع ولا قال لها شي وهو بالطريق اتصل على فهد وقاله فهد ما قال للامه راح مع حمد ++++++++++++++++++++ وصلوا هناك حمد راح بسرعة وسئل فهد كان متنح من الصدمة كانت قويه عليه إخوانه و مين نهى و مروان طلع الدكتور طبعا هم ما عرفوه من يكون الدكتور:السلام عليكم حمد:وعليكم السلام الدكتور:معكم الدكتور فواز انتم أهل المريضة نهى فهد تكلم:إيه وش فيها الدكتور :والله مدري شقولكم تفضلوا معي للمكتب راحوا معه +++++++++++++ الدكتور: الضربة كانت قويه عليها وكانت أقوى شي على الرجل وطلع لهم صوره أشعه شوفوا الضربة جت بالركبة ومنها أختل توازن الرجل كلها يعني تقريبا شهر ما راح تمشي عليها فهد: كيف ما تمشي الدكتور:يعني ما راح تتحرك أو تدوس عليها رجلها بخير وما فيها كسور بس الركبة هي اللي فيها خلل وتعرف الركبة مكان حساس وبقولك قبل ما تتفاجاء رجلها كلها بتتجبس فهد: ليش الدكتور:لازم نترك الرجل قائمه مده عشان الركبة ترجع للوضع الطبيعي فهد:لا حول ولا قوه إلا بالله الدكتور: يعني فيه بعض الكدمات والضربات بس طفيفة يعني شغله أسبوعين وهي رايحه بس مو هنا المشكلة فهد:اجل وين الدكتور:والله إحنا حاولنا إننا ما نشيلها بس أنا مدري كيف صحت وصرخت وشرشحت النيرس اللي معي لو ما أعطيناها مهدأ مدري ايش بتسوي فينا يعني الصدمة النفسية كانت قويه شوي وتأثرت أتمنى إنكم ما تحسسونها بهذا الشي حمد كان مصدوم وضايقه فيه الدنيا كل هذا يصير بنهى بين يوم وليله توها قبل كم يوم كانت تتكلم مع أمه و كانت تخانقه حمد حس ببرود بكل أطرافه ما عاد يحس للكون أي أهميه قطع عليه هالجو فهد فهد:طيب اخوي كان معها الدكتور ابتسم: مروان فهد:إيه الدكتور:لا بخير بس هو تعرض جرح عميق ببطنه واضطرينا نعقمه ونخيطه له و مسألة وقت بإذن الله ويندمل الجرح بس لازم يداوم على المضادات فهد:بس الدكتور: هذا ايش يصير لك فهد:مروان اخوي الدكتور :الله يخليه لك فهد:ايش مسوي الدكتور:ابد بس قعدنا وقت عشان نعرف اسمه ..على فكره الوالد هنا فهد وقف: أبوي وش فيه الدكتور:أبدا ارتفع الضغط عليه فهد:عارف عنهم الدكتور :إيه فهد: ممكن أشوفهم الدكتور:ممكن بس أختك إذا شفتها حاول تتعامل معها بشكل عادي فهد ما أستوعب بس ما همه كل همه يشوفها فهد:حمد بتقعد هنا حمد:اشر له كانت الصدمة مآثره عليه للحين فهد دخل بعد الدكتور يوم شاف نهى ما قدر يمسك نفسه كان شكلها مبين فيه الألم كانت نايمه فيه جرح بوجهها قرب فهد وراح لها شاف يدها ملفوفه ثلاثه من أصابع يدها اليمنى لأنها مجروحة والجرح كان عميق شوي يعني ما في بهذيك اليد إلا السبابة والإبهام ورجلها كانت كلها من أولها لأخرها مجبسه وكان الجبس عريض مره من عند أصابعها إلى نهاية فخذها طلع وقلبه تقطع على أخته اللي مبين أنها بتعاني من بعد هذا الحادث راح لمروان ولقى أبوه عنده فهد:هلا يبه شخبارك ابو فهد ودمعته يعنه: تسألني فهد:يبه الله يطول بعمرك ما في شي خطير الحمد الله كلهم بخير ابو فهد:أنت شفت نهى شفت طقتها لو ستر ربك كان ما مشت الحين تدري أنها ما راح تمشي شهر واحتمال المدة تطول تغيرت ملامح فهد وما حب يضايق أبوه زود فهد:إيه شفتها ما فيها شي كلها جروح وتروح طلعت من عين أبو فهد دمعه أبو فهد: بنتي الصغيرة يصير فيها كذا مسكينه ليته فيني ولا فيها فهد:يبه أنت كبير وتفهم هذا قضاء وصدقني أنا توني مكلم دكتورها وقالي كل السالفة إن رجلها مكسوره مع شوي كدمات ابو فهد: إن شاء الله كذا فهد:إن شاء الله التفت يشوف مروان ومبين على شكله انه منهك فجاءه مروان قام يتكلم ويصارخ ويسب أبو فهد:مروان أبوي وش فيك بس مروان لاحياه لمن تنادي كان يتكلم و ساعة يضحك وساعة يصرخ قرب أبوه من عنده عشان يهديه بس مروان ما كان بوعيه مروان: ابعد عني و عطى أبوه كف محترم فهد طلع بسرعه و نادا الطبيب المسئول أما أبو فهد كان يبكي كف ومن مين من ولده ومن دون سبب كل الصدمات اللي تعرض لها بيوم واحد تلخصت بكم دمعه منه بس اللي ما قدر يستحمله الكف اللي جاه من مروان مهما كان السبب ولد يضرب أبوه الفكرة كانت قويه مره وفوق التصديق الطبيب عطاه مهدء: الدكتور:لا ما عليه شر كثير من الناس يتعرضون للصدمة و ترجع عليه مواقف من حياته وهو عايش فيها يعني كله من تأثير الصدمة أبو فهد:يعني ولدي ما فيه شي كان مو بوعيه صحيح الدكتور:لا إن شاء الله ما عليه شر ولا مو بوعيه ولا تشره عليه يا خال ترى هو ما يدري عنك ولا يحس بأحد و إن شاء الله على بكره بيقوم وما فيه شي أبو فهد:طمنه كلام الدكتور ++++++++++++++ حمد طق الباب وفتحه :السلام عليكم أبو فهد + فهد: وعليكم السلام حمد راح لعمه وسلم عليها حمد:الحمد الله على السلامة أبو فهد :الله يسلمك أبو فهد:فهد روح لأمك وعلمها وجبها هنا فهد:بجيبها بكره ابو فهد: ما راح توافق فهد :الله يعيني حمد: عمي أنا بستاذن بروح لفهده فمان الله ++++++++++++++++++++++++++ الكل عرف أم فهد دمعتها على خدها والسكر ارتفع عليها ندى صابتها حاله ذهول مو طبيعيه ساكته أما نسايم ضاق صدرها على إخوانها +++++++++++++ اليوم الثاني:فتحت عينها بتعب لحظه أنا وين هذي ندى بس ليش متغطيه لحظه من هذا وددقت النظر وعرفت انه الدكتور نهى قامت: بسم الله ويني وش صاير ندى:لمتها بقوه وبكت وطلعت حرتها نهى:آآآه وش هذا وخري عني وش فيكم ليش أنا هنا الدكتور: أختي أنتي جاك حادث نهى طالعته باستغراب كبير وبعدين حطت يديها على راسها وكانت لابسه الشيله نهى:من أنت الدكتور: أنا فواز ابعالجك إن شاء الله نهى : وش فيني الدكتور وهو يدخل القلم بجيب البالطو الأبيض: ما فيك إلا الخير طلع وانتبهت على رجلها نهى:اااااااااااااااااااااااااااااااااااااااااااااه فهده: دخلت كانت برى وأم فهد كانت عند مروان أم فهد: وش فيك نهى:رجلي رجلي وش فيها أم فهد: .... نهى: اه يمه يمه يمه صوتي ليش متغير كان تأثير البنج على صوتها دخل فهد فهد: نهى هدي وأنا بفهمك نهى :وشو أهدى ( بدت نوبة غضب) فهد عرف إنها ما راح يسكتها إلا بهواش: فهد: اسمعيني واجلي صراخك نهى: وشو فهد:قال لها كل السالفة نهى: ما راح امشي شهر شهر بقعد عاجزه (نهى نفسها عزيزه عليها يعني بجلس عاله على غيري إذا ما قدرت أمشي ) ( وهذا كل اللي مازمها) فهد: نهى فتره مؤقتة نهى:لا لا أي فتره كيف أنا وشلون وبدت تصييييح بقوه ندى:بس نهى حرام عليك فهده: نهى الله يعافيك لا تصيحين نهى كانت تبكي وأمارات الدهشه على وجهها وهي تطالع رجلها ما تحس فيها كأنها مو رجلها فهد يبيها تسكت : نهى اسكتي مروان هناك يضحك ولا جاه شي ولا صاح نهى:مروان وينه وش فيه فهد:ما فيه شي جرح بسيط و بيطلع بكره نهى سكتت وقعدت تطالع رجلها لأنها كانت مو مصدقه نهى بعد صمت :أنا متى بطلع فهد: تقريبا ثلاث أسابيع نهى: ايــش ورجعت للصياح إلى أن نامت +++++++++++++++++++++++++++++++ نرجع لمروان مشعل جالس جنبه على السرير مشعل: والله خوفتنا عليك الحمد الله على السلامه مروان: الله يسلمك مشعل: يا عمري صوتك ما ينسمع مروان كان يتكلم بس محد فهمه لان البنج مآثر عليه وبالحادث تأثر لسانه شوي +++++++++++++++++++++++++ ندى: يمه أنا بنوم عند نهى وأنتي اقعدي عند مروان أم فهد:لا أنتي ارجعي ندى:لا والله ما أرجع خلاص أنا قاعده وراحت لنهى بالليل الساعه 11 نهى بدت تبكي وهي تقريبا نايمه ندى:نهى نهى وش فيك نهى: رجلي توجعني وأنا ماعرف أنوم على ظهري لازم على جنبي ندى :طيب أنادي الدكتور نهى:لا يوريني وجهه ندى سفهتها ونادت الدكتور الدكتور فواز: سلامات وش تحسين نهى: أنا قلت لك لا تنادينه الدكتور:رجلك توجعك نهى بكت بقوه وصارت تئن بسبب رجلها الدكتور: ما نقدر نسوي شي غير إننا نعطيك مهدئات هذي فتره حرجه ولا نقدر نحرك رجلك نهى سفهته الدكتور نادى النيرس وعطتها مهدىء ونامت بسابع نومه ++++++++++++++++++++++++
|
#156
|
||||
|
||||
حبيبتي ba7raniya من جد أسعدني تفاعلك مع الرواية وصدقيني راح نفقدك وتروحين وترجعين بالسلامة وأنا بنتظارك دمتي بحفظ الله ورعايته غلا قحطان
|
#157
|
||||
|
||||
بعد هذا اليوم الملئ بالاحداث كلن راح للبيته فهده رجعت للبيت وهي مره متاثره بسبب نهى راحت على طول للغرفتها وجلست تبكي وقعدت يمكن ساعتين لانها عارفه ان هالحادث يمكن يسبب خسارتها للنهى حمد كان بغرفته وضايق خلقه مره طلع شوي يتنفس حس انه مخنوق سمع صوت صياح فهده فتح الباب حمد وقف عندالباب فهده يوم شافت ملامح وجهه الكئيبه صاحت بزياده عن قبل حمد:خلاص فهده ترى ماتسوى كلها كسر رجل فهده: وشلون ماتسوي(شهقت) انت ماتدري....... تخيل اليوم جالسه عندها اكثر من خمس ساعات ماجا على بالها تكلمني ولا تسال عني حمد:فهده انتي لازم تعذرينها فهده:اخاف حمد:تخافين فهده:ايه اخاف اعذرها ولاترجع نهى الاوليه حمد(انا ناقصك): لا ان شاء الله بترجع بعدين يمكن ماكلمتك لأن الصدمه ماثره عليها فهده:تتوقع حمد:ماتوقع إلا اكيد فهده:وانت حمد:انا شفيني فهده:مو زعلان حمد:الا اكيد(يبي يضيع السالفه لانه لو تكلم مايدري وش بيصير) فهده ممكن طلب فهده:تفضل حمد: ابيك ماتتركينها بهالظروف هي محتاجه لك فهده: توصيني ياحمد هذي نهى لاتوصيني حمد:طيب الحين نومي عشان بكره اوديك فهده:طيب تصبح على خير حمد:وانتي من اهله طلع من الغرفه وهو مستغرب اللي بينه وبين فهده يتحسن يعني هي دائما ياطلبات ياهواش بس هالايام الحمدالله صايره عاقله +++++++++++++ الصبح الساعه9 ندى مانامت من امس كانت مشتته نفسها ولا عرفت تنوم راحت للحمام وطلعت وصلت وقامت نهى نهى:ندى ندى:هلا صباح النور نهى:كم ساعه ندى:9 ونص نهى:ابي اصلي ندى هنا فعلا ابتلشت ماتدري وش تسوي ولاكيف قاطعهم دخول النيرس جايبه الفطور ندى:طيب الحين افطري نهى سكتت ولفت وجهها عرفت ندى انها مهي متقبله فكره انها تطلب المساعده ندى:افطري نهى مدت يدها اليمني اللي طبيعيا تاكل فيها لقت اصابعها مجروحه والجرح عميق يعني يوم حركت يدها حست بالم كبير ندى خذت الملعقه:نهى كلي نهى:مابي ندى: ليش نهى بحزم: قلت مابي وانا مابي احد ياكلني ++++++++++++++++++++++++++ بيت العمه لطيفه نسايم طول الوقت ساكته ومتكدره على اخوانها وعلى حياتها نايف:العنود ايش قلتي بموضوعنا العنود:اي موضوع نايف:احمد ولد عمي العنود:هاه نواف:بعد فيها هاه من متى وانتي تدرين انه خاطبك العنود:موافقه بس مو قبل مااشوفه نواف:وش رايك تتواعدون بتحليه نايف:نواف عيب العنود:لاجد انا مذكر شكله نايف:طيب قومي البسي عبايتك بنمر نهى ومروان واوريك اياه العنود:وش دخل أحمد ولد عمي نواف:هو دكتور هناك يالفالحه العنود:اها نسايم؟:بروح معكم نايف(اخيرا): طيب البسي عبايتك راحو للمستشفى +++++++++++++++ حمد يطق الباب فهده:ادخل حمد:قايمه فهده:ايه حمد:مانمتي صح فهده تغيرت ملامح وجها حمد:يالله انا ورامي بسياره استعجلي +++++++++++++++++++ ندى سكتت عن نهى لانها تعرف اعند مخلوقات الله هي ++++++++ نايف:نسايم بنوديك عند نهى وبروح اوريها عريس الغفله العنود:نايف استحي شوي تراك تحرجني نايف:اخص والعنود صارت تنحرج والله تطور نسايم دخلت غرفه نهى ولاحظت ان الجو متكهرب شوي نسايم:السلام عليكم ندى:هلا نسايم راحت للنهى:شخبارك اليوم نهى:الحمدالله نسايم ماقدرت تمسك نفسها بكت كان فيه اكثر من ضغط خلاها تصيح نهى صدت عنها نهى:اذا جايه تصيحين عندي وفري دموعك انا مابي احد يرحمني ويصيح عندي نسايم دخلت الحمام عارفه طبع اختها العنيد ومستحيل تقدر تجاريها دخلت العنود:الســـــــــــلا م عليكم ندى:هلا والله عنود العنود:كيفكم ياصبايا ندى:بخير الحمدالله العنود: هاه نهى تسيف الحال نهى ابتسمت على رجتها:بخير ندى:بخير لو انها بس تفطر العنود:ليش ماتفطرين نهى: مابي العنود اخذت صحن الشوربه وقربته عند فمها العنود:افتحي فمك نهى:خير ماابي العنود: من قالك اني اشاورك افتحي فمك نهى تحت الضغوط فتحت فمها والعنود شربتها كل الصحن ندى :الله يعافيك العنود: وشوله ملاعق عصر السرعه نهى ماقدرت انها غير تبتسم نسايم طلعت:وش رايك بعريس الغفله العنود:ايش نسايم: تغير المود اجل العنود:هههههه مالك شغل ندى:نسايم تقعدين هنا بروح للمروان وامي بشوف متى بيطلعون ابروح اغير ملابسي واريح نسايم:طيب العنود:خدني معك بالجو الحلو ندى:اشهد بالله انك زاحفه دخلت فهده: السلاااااااام نسايم:اجل بجي معكم جت فهده فهده:وش السالفه بتنحاشون عشاني جيت ندى:بنروح للمروان خليك معها فهده:اوكي نهى وفهده:جلسو بحاله سكوت فهده قامت من مكانها وراحت للنهى فهده:قربي شوي نهى:وين اروح فهده:قربي نهى قربت شوي بالسرير جلست فهده جنبها فهده:امس نمتي نهى:لا بس عطوني مهدء عشان انام فهده:يعني مانمتي نهى:لا فهده:نهى لو اطلب طلب تنفذينه نهى:وانا بهالحاله ماظن فهده:متاكده انك تقدرين نهى:وشو فهده:طلعي اللي بقلبك يانهى انا فهده طلعي اللي بخاطرك لي نهى كانت تتنتظر مثل هالكلمه من فهده عشان تقدر تخفف على نفسها نهى من دون اي مقدمات قامت تصيح وفهده صاحت معها ضمتها وقعدو يصيحون الين كل وحده طلعت اللي بقلبها من دون كلام الين نامو دخلت ندى لقتهمم نايمين طلعت وخلتهم +++++++++++++++++++++++++++++ ندى طلعت وهي سرحانه بنهى وفاجائه سمعت احد يناديها التفتت نواف نواف:ندى ندى:هلا نواف:شخبارك ندى:بخير نواف:ألحمدالله على سلامه ندى:الله يسلمك نواف لاحظ عيونها المتفخه من البكي وقل النوم نواف:ندى ندى:نعم نواف:أوعديني ندى:بايش نواف:انك تنتبهين على نفسك ندى:ان شالله عن اذنك راحت ولاول مره يكون مالها خلق نواف +++++++++++++++++++++++++++++++++ الدكتور فواز وقت مروره على المرضى طق باب غرفه نهى محد رد فتح الباب ودخل ابتسم على المنظر اللي شافه نهى حاطه راسها بحظن فهده وفهده راسها على الجدارماسكتها وبسابع نومه توقع ان فهده عزيزه على نهى اخذ الاوراق حقت هذا اليوم وشيك عليها وطلع والابوجهه حمد حمد ماسك نفسه:من فيه داخل الدكتور فواز:المريضه ومعها وحده ثانيه حمد:اها....ممكن شوي الدكتور بعد له الطريق وراح حمد كان وده يكفخه كذا بالمزاج مع انه ماسوى شي بس الغيره وماتعمل جت نسايم نسايم:حمد بغيت شي حمد:ايه ابي فهده دخلت نسايم وطلعت مبتسمه نسايم:فهده نايمه حمد:وشو الله يفشلها نامت هنا نسايم:خلها هنا توسع صدر نهى حمد:صادقه اجل اسمعي رامي بيقعد هنا عشان اخويا مروان بيجون العصر فخليها ترجع معه نسايم:ان شالله يصير خير راح حمد توها بتدخل مسكها نايف نايف:شخبارها نسايم:الحمدالله فهده عندها نايف:طيب بترجعين الحين نسايم:لا بقعد معهم نايف:اسمعي خلينا نروح الحين ونريح واذا جا قبل المغرب بشوي جينا نسايم:مدري براحتك نايف:انت وش ودك نسايم: خلاص نرجع ارجعت هي وياه ++++++++++++++++++++++ في غرفه مروان مروان:يمه ام فهد هلا ابوي مروان: متى بيطلعوني ام فهد :بكره مروان:بكغه مشعل:ههههههههههههههههههههههههههههههه مروان:لاتضحك علي مشعل:ماقدر والله ماقدرهههههههه مروان:طيب جيب جوالك بسجل صوتي اسمعه مشعل:طيب خذ وقل اسمك كامل مروان:مروان عبدالرحمن ال......... مشعل:ههههههههههههههههههههههههههه مروان :هاته ياسخيف مروان شغله وهو يسمع وناسه على الاخر مروان:وااااااااي وناسه ياشيخ صرت التغ واخيرا رامي:الحمدالله والشكر بس مروان:غامي اسكت ام فهد:ههههههههههههههههههه الله يهديك اهل العقول في راحه شوي ولا دخل عليهم فارس مروان:فاغس فارس:هههههههههه وش فيك قلبت مروان:ههههه خلني مستانس دخل الدكتور:السلام عليكم مروان:هلا وغلا الدكتور ضحك عليه: كيف حالك الحين مروان:ولا احلى ام فهد:دكتور ماعندكم دوا يهجده الدكتور:هههههه للاسف ياخاله وإلا ودنا نخدمك ام فهد:طيب لسانه موب متعدل الدكتور:الا تقربا من شهر الى شهرين يقدر يرجع يتكلم طبيعي ام فهد:الحمدلله على كل حال مشعل رن جواله وهو بيد مروان مروان:مشعل هذي غهف مشعل:الله يقطع ابليسك كانك خليتنا مراض على هاللهجه مروان سفهه ورد:هلا والله غهف رهف:ألو مروان:هلا رهف:مروان مران:ايه رهف:امداك تصحى من البنج مروان:لاهذا عندي حلاو مص ماياثغ فيني رهف:طيب .........وش في لسانك مروان انفجر ضحك:ههههههههههههههههههههه حلو صحيح رهف خافت لاتكون الاصابه براسه:هاه ايه حلو مشعل:مروانوه لاتهبل بختي فارس:مروان خلك عاقل مروان:غهف غهف رهف:خسك الله خربتي اسمي مروان:هههههههههههههه رهف:عطني مشعل مشعل سحب الجوال مشعل:هلا رهف:اجي ولالا مشعل:خليها العصر احسن رهف:طيب فارس ذاب اذنه يتسمع +++++++++++++++++++++++ رجعت نسايم ونايف نايف:نسايم ممكن اكلمك شوي نسايم:تفضل نايف:ناظريني لو سمحتي انا اللي اتكلم مو التلفزيون نسايم لفت له:امر نايف:انت وش فيك نسايم:انا نايف:ايه لا تقولين مافيني شي بس هذي الحقيقه انا ماعرفك قبل زواج بس اللي يعرفونك يقولون كذا نسايم :من اللي يقول نايف:كل شي فيك يقول سكوتك سرحانك حتى سواليف من تزوجنا ماقعدنا سوالفنا زي الناس نسايم:........ نايف:اذاهذا شي يضايقك الكلام عنه خلاص مو لازم بس ابيك تعرفين لو في شي اقدر اسويه ماتاخرت عليك ولا دقيقه واذا تبين تقولين شي انا موجود نسايم:مشكور نايف ارتفع ضغطه احر ماعنده ابرد ماعندها راح ودخل الغرفه ينوم ++++++++++++++++++++ ساره كانت جايه مع فارس وراحت للنهى ولقتها نايمه هي وفهده طلعت وراحت وهي بالممر ياسر يكلم بجواله ياسر: قلت لا ياسر:جبها هنا........اسرع ....فمان الله ياسر:هلا شيخه ساره ابتسمت نفس الطريقه الاماراتيه ساره:هلا الشيخ السموحه منك بس ماتدري وين غرفه مروان ياسر: الا تفضلي هذاك الباب ساره:ههههههههههه ياسر:في شي يضحك ساره: لا ابدا وراحت للغرفه مروان ياسر شك بنفسيه راح يدور شي يشوف نفسه فيه مالقى غير الزجاج حق الحضانه حقت المواليد عشان يناظر نفسه فيها جت النيرس وتحسبه ابوي لاحد هالاطفال ودقت سوالف معه +++++++++++++++ ساره دخلت مروان:ساغه ساره:هههههههههه هلا مروان: ماعندي سالفه بس اجرب صوتي ساره: الحمدالله عسلامه مروان:الله يسلمك ساره:يالله انا بروح مريت على نهى لقيتها نايمه حمد اللي كان ماخذ زاوييه لنفسه ويفكر من سمه طاريها التفت ساره:انا بروح العنود:خدني معك بالجو الحلو<<معلقه ساره:ههههههه العنود:بجي معك جحدوني جعلهم منيب قايله خذى حرمته وانحاش ساره:مين العنود:نايف ساره:اها العنود:نواف اذا بغيت اجي بتصل عليك نواف:يصير خير العنود:مروان سلم على ربعك مروان:ههههههه يوصل العنود:سي يو طلعت العنود وساره وراحو مع السواق للبيت وارجعت معهم حسنا عشان تجيب اغراض للنهى ومروان دخل ياسر:السلام مروان:ياسغ رامي:والله حظك كل اهلنا في اسماءهم حرف الراء مروان:من قدي ياسر:الحمدالله عسلامه مروان:الله يسلمك الساعه2 الظهر قامت فهده وعيونها ثقال من التعب سحبت نفسها وراحت لبيتهم وخلت نهى الكل رجع البيت ماعدا ام فهد عند مروان بعد ماراحت فهده بشوي صحت نهى على صوت النيرس المزعج كانت جايبه الغدى للنهى نهى ماتبي تاكل جلست الين3 وهي تفكر انطق الباب عدلت شيلتها(الطرحه) الدكتور:السلام عليكم نهى:وعليكم الدكتور فواز كان ملاحظ كره نهى له الدكتور:كيفك اليوم نهى:بخير الدكتور شاف غداها ورفع حاجب:ليش ماتغديتي نهى:مو شغلك الدكتور فواز:الا شغلي اجل ليش انا هنا عشان تطلعين من هنا سليمه ومن ضمن العوامل الاكل نهى:انا مابي اصير سليمه د:فواز:ممكن اعرف ليش نهى سكتت لان ماعندها رد د:فواز:شوفي انسي اني دكتورك اعتبريني واحد مرت عليه تجربه مشابهه نهى:كيف د:فواز:انا مثلا جاني حادث وركبو لي سيخ بيدي يثلاث سنوات نهى:ثلاث سنوات د:فواز:ايه وهذا وانا كنت طالب صبرت وتحملت الين تخرجت من الجامعه ولااثر علي مع اني كنت بغربه مااحولي اهلي نهى سكتت شوي تفكر بكلامه نهى:طيب..من كان عندك د:فواز:ماكان عندي غير واحد من الي يدرسون معي نهى:وشلون طيب د:فواز:كنت مابي اضيع سنوات ابي اتخرج وارجع هنا نهى:اها د :فواز: مين كان عندك نهى:وش مين عندك د:فواز مافهم عليها:يعني مين كان هنا نهى: ماكنك طقيت الميانه اللي عندي اهلي وبس د:فواز: فطس من الضحك عليها:هههههههههههههههههههههههههههه نهى بخاطرها تقول وش هالمهبول يضحك على نفسه الحمدالله دخل ابو فهد:السلام نهى:هلا ابوي سلم عليها وطلع لان الدكتور ناداه ابو فهد:خير بنتي فيها شي د:فواز خير ان شالله بس ابي اقولك شي للمصلحتها ابو فهد: تفضل د:فواز:انا مدري من كان عندها بس جت وحده عندها وخلت نفسيتها تتحسن انا ماودي اتدخل بخصوصياتكم بس هذا للمصلحتها تحسن النفسيه ماشالله اخوها عشان نفسيته حلوه انتهينا من كل شي بسرعه وبكره بيطلع اتمنى انكم تساعدونها تعدل نفسيتها ابو فهد:لاتوصي حريص ياوليدي هذي بتني رجع ابو فهد ابوفهد: نهى اليوم جت عندك فهده نهى ابتسمت:ايه جت ابوفهد(بس اكيد هي):طيب انا الحين بطلع تبين شي نهى:لا متى بترجع ابوفهد:اذا اذن ربي العصر نهى:طيب +++++++++++++++++++++++ مروان زاروه اصدقاءه خالد:مغوان مروان:خالد خالد:كيفك مروان:بخيغ خالد:اااااااااه صغت مثلي مروان:هههههههههههههه ايه وناسه اثغك عايش بهالنعمه وائل: وين القبله من وين مشعل:يمينك وائل:ياارب انك ترفق بعقولنا قولو امين كلهم:امين فلوها الشباب كانو خايفين على مروان بس الصدمه انه مو سع صدري اكثر منهم +++++++++++++++++++++++++
|
#158
|
|||
|
|||
مشكووووووووووووووووووووووره على القصة الرائعة وننتظر الجزء الثاني تحياتي حبيب الحوين
|
#159
|
||||
|
||||
مشكووووووووووره على القصه الحلوه
|
#160
|
|||
|
|||
مشكووووووووووووووووووووووووووووووووووورة
|
مواقع النشر (المفضلة) |
الذين يشاهدون محتوى الموضوع الآن : 5 ( الأعضاء 0 والزوار 5) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |