|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
12-06-11, 02:21 AM
|
||||
|
||||
من قلبي لتــدوووم سعادتكـــــــــــــم’’’’’’
ماأدري بصراحه من وين أبدأ وماراح أتكلم بالفصحى وأعذروني بس هو كلام بقلبي وأتمنى يطلع من قلبي ويوصل لقلوبكم ويشهد الله علي اني لااريد سوى نفع الجميع .. موضوعي اليوم هام لجيع الاخوه والاخوات الذين يشتكون من كثرة المشاكل ونقص مخزون السعاده وسيطرة الملل والفتور والتعاسه على حياتهم هو الركن الأساسي اللي عليه تبني حياتنا بشكل عام وللأسف الكل أوالأغلب نسى هالركن عشان كذا حياتنا تنهار يوم عن يوم ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا )) الآيه واضحه وصريحه ومايحتاج تفسير نسينا نشكر الله ع نعم كثير في حياتنا الحياة ومشاغلها نستنا ذكرالله عشان كذا حياتنا طفش_ نكد_ ضيق أنا ماراح أتفلسف عليكم بالكلام ورح انقلكم خلاصة تجاربي أنا أقولكم أنا شسويت وربي بوش عوضني علاقتي بربي وكيف أنعكس ع حياتي الزوجيه وحياتي بشكل عام مع الناس ولله الحمد أكتشف كل يوم أنو علاقتي اليوم بزوجي أحسن من أمس ومتأكده 100% بإذن الله أن زوجي بكره بيكون لي أحسن من اليوم ماأقولكم أنا ملتزمه وحافظه القرآن وماأشوف تلفزيون طبعا لا بس ولله الحمد دايم اشغل قران في بيتي وحتى اذا جالي ضيوف مااسكره والحمدلله حفظت سورة البقره والكهف ومريم والقصص بتقولين مشغوله وماعندي وقت أنا أقولك حفظت السور من غير ماأمسك القرآن بتقولي كيف؟ راح أقولكم من البدايه أنا إذا أشتغلت في البيت كنت أشغل سورة البقره وأشتغل وتكرر هالشي يوميا مع مرور الأيام لاحظت أني جالسه أردد مع الشيخ الآيات ومع تكرار التشغيل حفظت سورة البقره ولله الحمد وبعد كذا مع باقي السور هذي أحسن طريقه للحفظ لأنك تسمعين من الشيخ يعني راح تحفظين السوره بشكل صحيح من فتحات وضمات وكسرات وشده وتجويد ويكون حفظك صحيح 100% وربي ان تحسون براحه نفسيه والبيت يهدى وتقل المشاكل وأن ربك قريب منكم حتى زوجي مع أنه موملتزم ويسمع أغاني إلا أنه خلاص صار هو بنفسه يقول شغلي القرآن عشان ننام وربي ماشاء الله حياتي تملئها السكينه والإستقرار الشي الثاني أنو دايم أقول وأردد كلمة الحمدلله وأستغفر دايم لانمت قلت الحمدالله لاصحيت قلت الحمدلله حتى لوزوجي جاب خبز للبيت أشكره ولاراح رفعت أيديني وقلت الحمدالله يارب اذا امي دعت لي قلت الحمدلله لاوداني اخوي ولا زوجي السوق أو مشاني أو لأهلي أو أي مكان قلت الحمدلله لا طالعت لنفسي بمرايه وأني أشوف وأسمع وأتكلم وأمشي قلت الحمدلله لأنو هذي كلها نعم تبي شكر من رب العالمين حتى مره زوجي جاني قال أنا تعبان ضايقتني الديون قلتله قل الحمدلله ناكل ونشرب ومستورين وماشحذنا من الشارع غيرنا يتمنى ربع اللي عندنا ربي عطانا نعم كثيره قول الحمدلله فيقتنع ويقول أي والله الحمدلله طبعا هذا كله أنعكس ع حياتي بشكل عجيب قال تعالى ((وإن شكرتم لأزيدنكم)) ((فقلت أستغفروا ربكم إنه كان غفارا * يرسل السماء عليكم مدرارا* ويمددكم بأموال وبنين ..)) وربي أني لوأقولكم حياتي تملاها السعاده أهلي دايما يفتقدونني واخواني متعلقين فيني ودايم يسألون وش ابي و زوجي كل يوم يصير أحسن من اللي قبله أذكر جتنا فتره مضغوطين من الديون مع كذا كنت أقول الحمدلله وبدى ربي يفتحها علينا لما جاني مره وعطاني 1000 وقال هذي لك أنتي تستاهلين ورفعت يديني قلت الحمدلله يارب وأتفاجأ كل يوم جايبلي شي مره شريحه فاتوره ومره فاجأني بسفره لأنو ولله الحمد أشكر ربي ع كل شي لوزوجي جاب أي شي بسيط وتافه أقول الحمدلله وأستغفر ع طول والله جالس يفتحها علي إذا كلمتني أمي وسألتني عن أحوالي أقولها الحمدلله يايمه أنامرتاحه أنا مبسوطه (مع أنو مرينا بضائقات ماليه كثيره) بس أهلي مايدرون كنت أقول دايم أني مرتاحه رضيت بقضائي وقدري وحمدت رب العالمين عمري ماطالعت لفوق لوأقولكم أن يسويلي أشياء يمكن مافي رجال بالدنيا يسويها لزوجته أنا مومجبره أقولكم وأشرحلكم عن حياتي الزوجيه وسعادتها بس بوضح لكم كيف ربي يساعدني ويفتحها بوجهي يوم عن يوم ورا ح يساعدكم بإذن الله إذا مانسيتوه ذكرت الله في الرخاء يذكرني بالشده حمدت الله ع كل شي وجالس يزيدني وقاعدتي في الحياه (أقتنع بالقليل يأتيك الكثير) وأنا حاسه أنو ربي مع الأيام بيعطيني حياه أجمل وأجمل يعني في هالموضوع ماأقولكم عشان تصير حياتك حلوه افرضي شخصيتك ولا نافخي على اهلك ولاألبسي وتكشخي لزوجك وسوي ليلات رومانسيه أشعلي شموع ولانفخي وسوي تجميل هذي كلها مكملات وقشور لاتنفع ولاتضر قوي علاقتك مع رب العالمين ربي يساعدك حنا عقدنا السعاده بعقد كثيره ركضنا ورى اللبس الكشخه والمكياج الصارخ والكريمات وللزوج نتعلم الرقص وأساليب إغراء وغيرها عشان الزوج يعجب فيني همتنا سطحيات وتوافه الدنيا ونسينا الأساس اللي هو توفيق رب العالمين وهدايته لان الله اذا احب عبدا نشر محبته بين اهل الارض والله يحب الشاكرين والزوج اذا عاملته زوجته بخوف من الله وبحب لو تلبس خيشه على قلبه زي العسل ولوماحبها لوتلبسله لبس من باريس ولندن مايهمه ومنو بيده يألف القلوب ويحببها ببعض هو رب العالمين لولبست وكشخت ولومالبست كله مايأثر أنا أصف الحياة غرفه أركانها ذكر الله وجدرانها سته (القناعه_التفاؤل_الإبتسامه_الصبر _ الحكمه _الإيجابيه) بختمها بموقف حلو صارلي سببه الإستغفار وحمد رب العالمين بس قولوا ماشاءالله كنت مره جالسه أستغفر الساعه 4 الفجر وكان زوجي مداوم شوي إلا جاني مسج يوم فتحته إلا من زوجي مسج غير عن كل مسج طلع من قلب زوجي ووصل لقلبي بسرعة البرق طبعا مسج وسائط ماأقولكم صوره ومكتوب فيها كلام لا طبعا وهو بالدوام جاب ورقه وقلم وكتب بخط يده كلمات حب وصورها بجواله وأرسله لي يعني تخيلي يجيك مسج من زوجك بالجوال بخط يده شتحسين ؟ تحسين أنه فعلا يحبك وعبر فيها بخط يده اخواني أنا كل كلمه كتبتها ماأتفاخر فيها لا أحتسبها لوجه الله تكون كلمه من كلماتي تدخل السعاده في قلوبكم وحياتكم الزوجيه تمنياتي لكم بحيااااة سعيده يملاها ذكر الله دعووواتكم
|
|
#2
12-06-11, 03:20 AM
|
||||
|
||||
|
التجربة خير برهان
أدام الله عليكِ وعلينا الرضى لتدوم سعادتنا .. قرآءة تستحق الإعادة مرات ..فيها من العبر والعظات ما يعين على تحمل مشاق الحياة أسأل الله لكِ الثبات والعون .. وجزاك الله عنا كل خير .. تحياتي وتقديري لكِ..
|
|
#4
12-06-11, 03:28 AM
|
||||
|
||||
|
مشاء الله تبارك الله
الله يزيدك من فضله ويعطيك على نيتك وكلامك هذا كله درر ... والكثير راح يستفيد منك الله يجزاك خير
|
|
#5
12-06-11, 03:31 AM
|
|||||||||||||||||||||||
|
|||||||||||||||||||||||
آمين أختي الميسم واياك يارب وجميع المسلمين جزاك الله خيرا
|
|
#8
12-06-11, 05:29 AM
|
||||
|
||||
|
شكرا جزيلا لك كلامك يفوت للقلب بجد دمعت عيوني قد ماانت عفويه بطرحك
الله يبارك لك فيما حفظتي ويزيدك وان شاء الله تكتبي لنا انك حفظتي القرآن كامل .. شكرا لك مرة ثانيه .. تحياتي ..
|
|
#9
12-06-11, 06:05 AM
|
||||
|
||||
|
جزاك الله خير اختي ابتهاج
اسال الله العظيم ان يزيدك من فضله وان يكتب لك الخير حيث كان
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
