الطنــازهـ مد باليد ...!!

[الشيخـــــه شجـــــون]

اقتباس: المشاركة الأصلية كتبت بواسطة @اسمـــراني     الطنازه بمعنى " التريقه " دائماً يقولون العوام لا تتطنز يبلاكـ ربي في اللي تتريق عليه مثلاً واحد من الشباب له كرش ودوم احط عليه طبعاً مزح وضحكـ والا واحد ثاني له خشم طويل تحلف انه يد مو خشم ماقد سلم المسكين من التعليقات مني والا من غيري .. تذكرت قول العوام الطنــازهـ مد(ن) باليد وان مآيمديها تروح الا صايبك مثل اللي تتريقت عليه او على شكله .. طيب لو اتريق على الوليد بن طلال والا احد التجار اللي عليهم العلم مادياً تتوقعون ربي يبلاني واصير الوليد والا راجحي س2؟! صباحكــم احلى من الشهد

لا ماراح تكون مثلهم تاجر الا ان اتريقت عليهم مثلا وقلت التجار حراميه ونصابين

هنا راح تصير نصاب وحرامي بس من غير ثراء

وانتبه من لسانك ولو اني حاسه ان ذريتك بتطلع كلها كروش وخشوم حسب عمايلك

يعني بيطيحون بوجهك وبيصيرون طنازه وبيعيد التاريخ مجده مع عيالك

فلا تتريق الا على صايم ومصلي

مشاركة هذا الرد في Google Facebook Twitter Digg

أنت معجب بهذا.

[أخت القمر]

انا من النوع اللي اشوف عقوبة شماتي على طووول
علشان كذا تبت وبس اقول الحمد لله الذي عفاني مما ابتلاك به وفضلني على كثير ممن خلق تفضيلا

ومن ضحك بأخيه المسلم عاقبه الله

وقريت بكتاب ديني ان اللي يضحك بالناس يعتبر عند العلماء سفيه
وانه مايموت الا وهو شايف عقوبة شماتته
علشان كذا اذا شفتوا مصيبة احد
قولوا(الحمد لله الذي عفاني مما ابتلاك به وفضلني على كثير ممن خلق تفضيلا)
وبأذن الله مايصيبكم اللي اصابه
وانا اكثر شي اضحك عليه
اللي يمشن بالسوق ويصبخن بيبان المحلات يحسبن الباب مفتوح
وكل مااروح السوق استغفر ربي وادعيه انه مايفشلن
واخلي اختي تدخل قبلي
علشان الضربة تجي به ولا بي

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: سارة2 حلوووووووووووو التريقه على الصبح يسعد صباحك

بس كثير مايقبل التريقه على الصبح يقوم نفسه شينه وعلقم


يسعد يومكـ...

مشاركة هذا الرد في Google Facebook Twitter Digg

أنت معجب بهذا.

[سيمار]

اقتباس: المشاركة الأصلية كتبت بواسطة نــَوَال     لآتضحك إلا من صايم ومصلّي <<من أقوال آمي الله يحفظها

امين وفعلا كلام امك

والله اوقات مو يكون قصدنا تريقه ولا شي لكن استغفر الله نبتلي فيها
مثلا اشوف بزر قايل كلمة شينه وانقد عليه وبعدين ما ادري الا ولدي قايلها

صرت على طول اذا شفت الناس ولا المواقف اقول ( الحمدلله الذي عافانا مما ابتلاهم به وفضلنا على كثير من خلقة تفضيلا )

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: المشاركة الأصلية كتبت بواسطة * jun1n     صبااَاَاَح البهجه والسرور انا وحده بس دخلت بس اصبح مالي ومال الحش في خلق الله

احلى دخله ..ماقلنا حشي ولا روي << مستحيل يفهمها الا اهل نجد

حياكـ ربي..

يسعد ايامكـ بالخيرات والمسرات ..

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: المشاركة الأصلية كتبت بواسطة منــــــال     انا اؤمن بذا الموضوع بشدة وكثير حوادث مرت علي أثبتت صحت المثل الدارج من القصص اللي خلتني في حالت ذهول قصة بنت من اقاربنا فصخت خطوبتها من ولد عمها لانه كان مستهتر وترك وظيفته وكثير مشاكل صارت بينهم .. المهم البنت ذي ما سلمت من لسان وحده من جاراتهم ما خلت مكان ما تكلمت عليها انها ما تستحي وتركت ولد عمها ..واهلها ما يستحون تركوا الولد عشان وظيفة حشت فيها الين شبعت والله ما مر فترة يمكن سنه او اكثر شوي الا نفس القصه بكل تفاصيلها متكررة مع بنتها خطيب بنتها مدرس في منطقة نائية وكان ما يداوم وانفصل وتأجل العرس وصار له مشاكل مع عمه حول الوظيفة وغيرها وفسخوا الخطوبة والقصة الثانية حصلت لي زمان اتريقت على قصة شعر حقت بنت .. وطحت في كوافيرة خبله سوت لي نفس القصة الغبية مع اني ما طلبتها ....وسبحان الله اول ما شفت البدعة اللي سوتها في شعري تذكرت فلانة قلت ربي اخذ حق الضعيفة

الحريم بالذات مستحيل يخلون هالصفه ..الحش مو الطنازهـ لان ماوراكــم شغل غيرها ..يمكن بعض المتزوجات تكون القصه عليهـا مأثرة علشان ماتخسر زوجهــا ..والا الحش انتم اقدع نــياسين فيه

سالفتكـ الثانية حقت شعر البنت ليت الكوافيرة خلت رأسكـ كأنه رأس افريقي راجع من الحج ويالله احصلت له الحجه عشان تتوبي << امزح

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: المشاركة الأصلية كتبت بواسطة الجارح 10     هلا بالفرخ حق قصيمى نت هههههههههههه أعرفكـ ما تزعل لانكـ وسيع بنايد صراحه الطنازهـ بخلق ربي ماهى زينه ومثل مافي الناس عيوب انت مليان عيوب يالى تتمسخر فيهمـ فالمفروض الواحد يحمد ربهـ ولا يتطنز بالخلق نصيحه يا اسمرانى انتبه تطتنز بأحد ترى عاد انت مو ناقص دامكـ مروق مع هالصبح بهديكـ هالاغنيهـ والله لا يبلانا ولا يبلى المسلمين بما أبتلى بهـ الكثير من خلقهـ ***** ف المقطع يافا

عادي يابعد عيني لكـ وللإخوه هنا والاخوات تراني ما اشيل مثل غيري ومن اقفل جهازي انسى كل شي ..مجرد استمتاع اعيشه واستمتع بحاوركــم وبعض المرات هواشكم
فقل عني ماتقول << هنا احلام الطقاقه

كيف تهدي لي اغنية مااشوف لهــا أثر ؟!

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: نــَوَال لآتضحك إلا من صايم ومصلّي <<من أقوال آمي الله يحفظها

الله يخليها لك ويدوم عليها بالصحة والعافية..

اقتباس: فيه مواقف حصلت تبين صحّت هذه المقوله وحده ضحكت من وحده وانه زوجها بيتزوج عليها بوحده جميله معروفه من الجماعه وماتمّت سنه إلا الضاحكه تزوج عليها زوجها نفس تلك المراءه ياسبحان الله ضحكت فبلآها الله ..

الله يرزقني وحدها راعية طنزهـ مثل هذي عشان تكون الثانية احلى من الاوله ادعو وقولو آمــين

اقتباس: ووحده معنا في الثانويه ضحكت من بنت عرجاء عرجها غريب جدا فما برحت حتى اصابها نفس ذاك العرج واصبحت نسخه منها بسبب ضحكه او كما قلت..( ترييقه) تحيتي

انتبهي فيه فرق بيني وبين سالفة الثانوية انا كل ما اتريقت من اصحابي ما يطلع من عندي الا اني سامع منه تراكـ بحل يا اسمراني ..مايطلع الا محللني خوفاً من العواقب ..

لكـ تحياتي ,,,

مشاركة هذا الرد في Google Facebook Twitter Digg

أنت معجب بهذا.

[@اسمـــراني]

اقتباس: المشاركة الأصلية كتبت بواسطة @ملكة الورود@     تفسير سورة ويل لكل همزة

اقتباس: المشاركة الأصلية كتبت بواسطة @ملكة الورود@     بسم الله وَيْلٌ لِكُلِّ هُمَزَةٍ لُمَزَةٍ (1) الَّذِي جَمَعَ مَالا وَعَدَّدَهُ (2) يَحْسَبُ أَنَّ مَالَهُ أَخْلَدَهُ (3) كَلا لَيُنْبَذَنَّ فِي الْحُطَمَةِ (4) وَمَا أَدْرَاكَ مَا الْحُطَمَةُ (5) نَارُ اللَّهِ الْمُوقَدَةُ (6) الَّتِي تَطَّلِعُ عَلَى الأَفْئِدَةِ (7) إِنَّهَا عَلَيْهِمْ مُؤْصَدَةٌ (8) فِي عَمَدٍ مُمَدَّدَةٍ (9) .------------------------------------------ --قال الطبري رحمه الله" يعني تعالى ذكره بقوله: ( وَيْلٌ لِكُلِّ هُمَزَةٍ ) الوادي يسيل من صديد أهل النار وقيحهم,( لِكُلِّ هُمَزَةٍ ) : يقول: لكل مغتاب للناس, يغتابهم ويبغضهم, كما قال زياد الأعجم: ويعني باللمزة: الذي يعيب الناس, ويطعن فيهم. ------------------------------- ثمّ عقب على ما روي عن مجاهد ( وَيْلٌ لِكُلِّ هُمَزَةٍ لُمَزَةٍ ) قال: الهمزة يأكل لحوم الناس, واللمزة: الطعان. وعلى الرواية المختلفة عنها " عن مجاهد ( وَيْلٌ لِكُلِّ هُمَزَةٍ ) قال: الهمزة: الطعان, واللمزة: الذي يأكل لحوم الناس. بقوله ". وهذا يدلّ على أن الذي حدث بهذا الحديث قد كان أشكل عليه تأويل الكلمتين, فلذلك اختلف نقل الرواة عنه فيما رووا على ما ذكرت. ----------------------------------------------- ثمّ قال رحمه الله " قال ابن زيد, في قول الله: ( وَيْلٌ لِكُلِّ هُمَزَةٍ لُمَزَةٍ ) قال: الهمزة: الذي يهمز الناس بيده, ويضربهم بلسانه, واللمزة: الذي يلمزهم بلسانه ويعيبهم. والله تعالى اعلم

سبحان الله على قل الفهم ...اختي مطفوقه

انا اقول طنازهـ بالوجه وانتي جايبه لي تفاسير ومجلدات عن الغيبه ..؟!

مدري وش جاب طاري الغيبه ..انا اتكلم ومثلت للطنازهـ وجهاً لوجه ماجاء للغيبه في موضوعي ذكر..
وانتي اشتغلتي شغله ناس الله يهديهم دوم ظنونهم قشرا ..

مشاركة هذا الرد في Google Facebook Twitter Digg

أنت معجب بهذا.

[خجل انثى]

والله انا عني احب التريقه ع قولت الأسمر
من يوم وانا اعرف نفسي
بس الله يهديني
ماهب زينه والله
ذنوب ع ذنوب ومنحنآآ نآآقصين

موضوعك رآآئق

مشاركة هذا الرد في Google Facebook Twitter Digg

أنت معجب بهذا.