|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
25-12-11, 04:04 AM
|
||||
|
||||
اضحك مع مجموعة اليــــــــــــاقوت
السلام عليكم ورحمة الله وبركاته
كيفكم يا جماعة الربع وش لونكم وش أخر علومكم ؟ زي ما انتم عارفين قدر الله علينا وشاركنا في مسابقة الإبداع للجد والإقلاع طبعا بصفتنا مبدعين>>أقول اخلصي علينا ههههههه  وفكرنا و فكرنا و فكرنا وأخر تفكيرنا وقع >حشا ذوبانه ماهو تفكير. المهم قررنا ننزل لكم وحده من قصصنا الاجراميه راح نبدأ وبالله التوفيق...... تحت مسمى / لصوص مصرف قصيمي نت  خلاص وقفوا وصلنا المكان المطلوب,وقفوا الثلاثة سياراتهم وكونوا شكل مثلث >على أساس انه اجتماع مغلق  نزلوا مع بعض وكانوا لابسين اسود فاسود يقلدون العصابات اللي فيTV >اخص يا العنقليزي حركات أعجبكم احم احم واللي مايفهم اللي كتبته قبل شوي اقصد العصابات اللي يطلعون في التلفزيون. وكان من بينهم وحده مغطيه وجهها.نزل الاول من دبة السيارة (الشنطه) البساط وبعض لوازم الاجتماع من شاي وفص فص >ماصار اجتماع الله يخلف عليه.ونزل الثاني من سيارته الكاميرا واللاب والأوراق وأقلام الرصاص .نزلت الثالثة ومعها مخطط خاص بالعملية القادمة وخيزرانه >>هههه ناوين يستخدمونها في الشرح .وقفه راح نعرفكم فيها على أبطال قصتنا احم احم  في البداية: أبو وريف ـــــــــــــــــــــــــ الرأس المدبر للسرقات / نمر العتيبي ـــــــــــــــــــــــــــــــــــــــــ المدير المالي والمسئول عن المعدات. العضو الأنثوي أخت خالد ـــــــــــــــــــــــــــ مستودع المسروقات والمسئولة عن تصريفها >اللي مضيع شي راح يلاقيه عندها هههههههه  وباقي الشخصيات راح يتوالى ذكرهم في طيات القصه>>تكفين يــــــــــــــا ماركيـــــــــــــــز  نرجع للاحداث جلسوا على البساط >لا ياشيخه يمكن فوق السيارة اخلصي علينا.وتحت ضوء القمر >لاتفرح ياضوء السحر مو أنت وكالعادة اللي بدا الكلام أبو وريف :ياشباب عمليتنا هذي المره غير>اللي اعرفه إنها جده غير لكن مع أبو وريف كل شي ممكن >حشي ولا إعلان لمكتب استقدام شغالات هههههههههههه  نرجع لمحور حديثنا>حركات يا فيثاغورس محور ولا زاوية. تلقفت أخت خويلد كالعادة كيف غير طال عمرك؟أجابها أبو وريف قلتي لي كيف أنا راح أجاوبك>لا يا فهيم السؤال موجه لك من راح يجاوب الحيطة مثلا.  راح نقوم بسرقة مصرف قصيمي نت وزي ما انتم عارفين الحراسة عندهم مشدده في كل وقت والاداره دوافير .تكلم نمــــــــــــر بعد صمت دام طويلا طيب يا أبا وريف لماذا لا نحول عنهم فنحن لسنا بحجمهم فقد قال الشاعر سكته أبو وريف بنظره منه وكمل كلامه إحنا راح نتكتك صح وراح نسد كل الثغرات ونحط كل الاحتمالات وان شاء الله ماراح نطيح في يد عذبه وsmile و شتات والفيصل وأبو عجاج .(ادارة المصرف) ملحوظة كلهـــــــــــــــــــــم دوافير . قاطعهم نمــــــــــــر وهل نحن من سيقوم بالسرقة.جاوبت أخت خالد لا راح ناخذ قرض يا فهيم حنا شاردين للربع الخالي ليه >مسويه فاهمه .خذ خذ نمر جايبه لك معاي دفتر كشكول اكتب فيه قصيدك ليـن نأخذ رأيك .  وكملو اجتماعهم اللي كانت نتايجه اللي توصلوا لها كالتالي:1 /راح تكون السرقة بعد اسبوع يعني يوم الأحد الموافق23/1/1433هـ الساعة الثانية ليلا 2/المخطط راح يطلعون عليه قبل تنفيذ العملية بيوم لان أخت خالد اكتشفت إنها جايبه معها تصميم فستانها بدل المخطط من زود الفهم >هههههههه 3/ممنوع لبس الشرقي و الشباصات و الا حزمه وكل ماهو مؤهل للسقوط. ممنوع اصطحاب الجوال والبيجر وجميع وسائل الاتصال  وفـــــــــــــــــــــــــــــــــي يوم تنفيذ المهمة طلعوا مع بعض للمصرف المعروف في وانيت نمـــــــــــــــر حسب الاتفاق المسبق>ههههههه وتوقفوا خلف المصرف وقام أعضاء العصابة بالنزول >لا ياشيخه جلسوا فالوانيت .  طــــــــــــــــــــــــع صوت شي طاح طالعو ورآهم بسرعه يدورون مصدر الصوت قالت أخت خالد أكيد هذا كونان الفاضي ولا الجاسوسات الله يأخذهم  .قال نمــــــر خطف أبا وريف هيا نعود إدراجنا بسرعهجاهم صوت لا لا تعودون الله ياخذكم أنا هنا طايحن فيذا .اكتشفوا ان مصدر الصوت أبو وريف متعثر في رزمة فلوس طايحه من أميرة الليل لما جات تيدع الفلوس اللي كسبتها من البسطات تبعها >>ههههههههه .  ودخل أبو وريف الفلوس في الوانيت و اكملو المسير نحو الباب الخلفي للمصرف.طخ طرخ طخ طرخ بحلق(أي نظر بقوه) أبو وريف في أخت خالد لأنها كانت مصدر الإزعاج تدرون ليه ؟الأخت لابسه الله يكرمكم صندل كعب وكاشخه على أخر درجه حشا رايحه عرس مو رايحه تسرق>>خايفه يقبضون عليهم وتطلع في الTVبدون ماتكشخ . فلق رأسها أبو وريف بالكعب وتابعو المشي وقلوبهم ترقــــــــــــع من الخوف طع طيع طاع طرب طع طع طططع طربع >هههههه صوت ضربات القلب . قام أبو وريف بتعطيل صفارات الإنذار وكاميرات ألمراقبه بسبب خبراته السابقه .  وقام نمــــــــــــــــر بأعمال التكسير . وقابلهم عدد من الحراس في أثناء دخولهم مثل رجـــــــه المرجوجة و محدن عرف لي وملكة الغلا وعســـولة شمر وفسقان وسكري زيادة وشوهيدا الحتسي والعيونك وغيرهم الكثيـــــــــــــر وقامت اخت خالد بالتغلب عليهم كلهم لانها كانت تحمل في شنطتها اسبريه مثبت للشعر وقامت بتثبيتهم في اماكنهم >>ههههههههه . وتخطو الصعاب الى ان وصلــــــــو باب الاداره حسب المخطط اللي ماشين عليه وفتح أبو وريف الباب ولكن سرعــــــــان ماشهق هــــــــــــــــــــــــــــــــــي ارجعوا ارجعوا ورى واخت خالد ضاعت علومها كلها و انحاشت بس سحبها نمر قالها يا مرجوجه انتي تركضين في مكانك >ههههههه وقام نمر بسؤال أبو وريف وش بلاك ؟قالهم أبو وريف العم smileداخل المكتب ما بعد راح. جاوب نمــــر لا أنا متأكد انه في بيتهم شايفه بنفسي داخل ومعاه مطبق ومعصوب للعشا الظاهر ان أنبوبة الغاز مخلصه من عندهم>>هههههه نمر المسئول عن مراقبة الأعضاء .دخلوا المكتب واكتشفوا إنها ما كانت الا صوره مكبره لـ smileعلى المكتب .وبعد بحث وعنا تحصل نمر على مفتاح خزنة الفلوس وتوجهوا الى المكان المشار اليه في المخطط .أبو وريف الباب الزرق على يدك اليمين يا ألرفله يكلم أخت خالد جاوبته ما أرفل الا أنت يا قاطعهم نمر اسكتوا بتفضحونا فيذا تضاربوا برى ودخلوا الى الخزنة المطلوبه وجمعوا الكثير من الفلوس والأموال وبعض المستندات الخاصه بالبنك في الأكياس اللي جابتها أخت خالد.وهم راجعين باتجاه الباب سمعوا صوت كأنه انفجار نووي طلعت قلوبهم من الخوف قالو طحنا في يدينهم لا محالة وبعد ثواني من البحث اكتشفوا إنها أخت خالد متعر قله في شباصه العضوه نواره الله يصلحها >ههههههههه. واكملو المسير باتجاه الباب صرخت أخت خالد ااااااه اااااااااااه ااااه>>حشا صوت نهيق حمار مو صرخة ههههه . من النذل اللي كب على مويه أف الله ياخذك خربت مكياجي ااااااااااااااه جاها كف محترم . فتحت عيونها من هول الصدمه>ويحك يا أبا العتاهية . ولقت قدامها أختها بيســـــــــــو وفي يدها كاس مويه قالت أخت خالد وش جابك فيذا يا مجنونه ؟ تكفين لا تقولين لأحد عن السرقة كله من نمر و أبو وريف والله ما سويت شي.طالعت بيســـو فيها  وقالت الحمد لله والشكر قومي قومي عذبه تنتظرك على الخاص تسألك عــــن قاطعتها أخت خالد لا تقولين عرفت عن السرقة رحنا وطي اهههاااااا(تبكي) وأختها تطالعها بصدمة وش سرقته يا غبية ؟ كنتي تحلمين وعذبه بتسئلك عن الموضوع متى راح تنزلينه. وما بقي الا اسبوع.  قالت أخت خالد افففففففففففف الحمد لله انه طلع حلم و جات سليمة >خليها تدخل ههههه وزي ما انتم شايفين طلع كل شي مجرد حلم ومافيه لاسرقه ولا قرض . أتمنى تكون قصتي أعجبتكم ونالت على رضاكم وأتمنى ما تنسوني من التصويت . واعتذر لكل من ذكرته اسمه في موضوعي اذا كان هذا يضايقه بس ذكرت الأسماء من باب الاخوه لا أكثر. فلكم مني كــــــــــــــــــــــــل الشكر والامتنان.....  مرشحتكم في المجلس البلدي اقصد مسابقة روح الإبداع للجد والإقلاع من مجـــــــــــــــــــــ الياقوت ــــــــــــــــــــــــــــموع ابـــــــــــــــــــــو وريف نمـــــــــــــــــــــر العتيبي أخت خالـــــــــــــــد
|
|
#2
25-12-11, 04:22 AM
|
||||
|
||||
|
ابدعتي اخت خالد
هههههههه اما كل هالسرقه والكعب والمكياج كان حلم هههههه الظاهر هبلت فيك هالمسابقه اخت خالد إبداع جديد من القروب المشارك بالمسابقه ننتظر ابدع القروبين الباقيه
|
|
#3
25-12-11, 04:25 AM
|
||||
|
||||
|
أتمنى تكون قصتي أعجبتكم ونالت على رضاكم وأتمنى ما تنسوني من التصويت
اخت خالد اخت خالد سمعتي صوتي
|
|
#4
25-12-11, 04:52 AM
|
||||
|
||||
|
هههههههههه اخذتو فلوس بسطتي رجعوهن
حراميه ومكياج اخرررر شي حلمممم الله يعافي الي كبت الماء ولاكان علوووم يعطيكم العافيه بتوفيق لكم
|
|
#5
25-12-11, 06:05 AM
|
||||
|
||||
|
ابدعتي اخت خالد
هههههههه اما كل هالسرقه والكعب والمكياج كان حلم هههههه الظاهر هبلت فيك هالمسابقه اخت خالد إبداع جديد من القروب المشارك بالمسابقه ننتظر ابدع القروبين الباقيه ههههههههههههههه لا بالعكس لا هبلت فيني ولاشي واسألو ابو وريف ونمر بالعكس متعوده على هذي الاجواء>>جاكم الهياط شرفني مرورك يالغلا
|
|
#7
25-12-11, 06:15 AM
|
||||
|
||||
|
هههههههههه اخذتو فلوس بسطتي رجعوهن خلاص برجعهن لك بعد ماننتهي من التصويت واكيد بشرط انك تصوتين لمجموعتنا >>شفتي النصب كيف  حراميه ومكياج ليه والحراميه مو انسانه ههههههههه  اخرررر شي حلمممم ولا كيف راح نكون مميزين لو ما سوينا تغيير في اجواء القصص >>دخلت جو على بالي الصحافه مسويه معاي لقاء ههههههههههههه الله يعافي الي كبت الماء ولاكان علوووم علوم ولا رياضيات ههههههه  يعطيكم العافيه بتوفيق لكم يارب وماننحرم من تواجدك اميرتنا الغاليه
|
|
#8
25-12-11, 03:03 PM
|
||||
|
||||
|
هههههههههههههههههههههههه ونــــــــــــاسه رايحه للربع الخالي واخرتها حلم؟الله يسعدك يوفقكم في المسابقه يارب
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
