العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
البهاق + زواج = عدم التفكير في البهاق انتهى
سلام عليكم ابي مشاركتكم انا متزوج والحمدالله من زمان بس افكر بيني وبين نفسي يعني لو بنت او رجل في بهاق قليل الانتشار او كثير منتشر او كامل شنو يعني اهم شي يفكر الواحدة في مستقبله او البنت مستقبلها هل راح يتوقف علي مجرد بياض او بقع مشوها اليد او الوجه اوغيره اكيف حالي الله عطانا مرض حميد جدآ في ناس فيها امراض الله يكفينا شرها الحمدلله بلعكس في ناس يشوفونه مرض جمالي حلو انا مره شفت ولد صغير في بقعه مغطيه نص وجه لما شفته صراحه ابتسمت لانه ماعرف احس انه حلو عليه او بنت مره كبير تلبس ملفع شكلها حلو حتا قعدت اركز علي شكلها بغض النظر علي البهاق الي في شكلهااااا المهم مابي اطول عليكم هل في ناس لما يتقدم لبنتهم ولد في بهاق مشكله ورفضونه ؟ او هل سمعتم انه في بنت قعد حضها بسبب بهاق او برص؟ معني خالتي تقولي في بنت جيرانهم جميله بسبب البرص وبنت جريئه وطيبه وعندها اعيال الله يوفقها المختصر المفيد معني ماخليت مجال للمختصر البهاق او البرص مرفوض للزواج وخاصة البنات لانها تنطر الحبيب المنتظر وابي ردودكم ؟
|
#2
|
|||
|
|||
اكيداخوي جاسر الانسان مايكون ضعيف علشان سبب بسيط يخليه يدمر حياته ومايتزوج انا عن نفسي مخطوبة ولا رفضني اللي تقدم لي علشان مشكلة البهاق ولاانا رفضت علشان هالمشكلة عندي يمكن فيه شباب يرفضون او بنات يرفضون شخص مصاب بالبهاق لكن الرسول صلى الله عليه وسلم قال بما معنى الحديث 00تنكح المرآه لاربع لمالها ولجمالها وحسبها ونسبها فاظفر بذات الدين تربت يداك 00 وهذا دليل ان كل شي يزول واللي يخلي الحياة الزوجية تستمر وتنجح هو تمسك الزوجه والزوج بدينهم00 فاين نحن من حديث الرسول صلى الله علية وسلم
بعدين الزواج قسمة ونصيب فيه بنات جميلات وماكتب الله بهم الزواج وشباب كذلك وانت مثل ماقلت فيه ناس احيان يكون بوجهم اي عيب خلقي او بهاق ومع ذلك تجد الجمال والنور بوجههم هذا هو جمال الروح الذي يبقا 0 واللي بياخذ شخص علشان جماله بس اول مايزول الجمال بيدور غيره 00 الله يكتب السعادة للجميع ومشكور على الموضوع
|
#3
|
||||
|
||||
حياك الله أخي جاسر
طولت الغيبة عسى ماشر بشرنا عن اخبارك |
#4
|
|||
|
|||
حيااك اخوي جاااسر
انا بالنسبه ماعندي مانع لو يتقدم لي شاب فيه بهاق وماعتبره عيب مولانه فيني انا بهاق؟؟بالعكس وربي ماعتبره عيب حتى البهاق اللي فيني مع انه مو باين الحمد لله بس برضوه ماعتبره عيب وواثقه بنفسي ولااحد يهمني لان هالشي من ربي والحمد لله انا افضل من غيري مافيني مرض مايخليني انام الليل من الوجع بالعكس كل يوم تزيد ثقتي بربي وبنفسي..... بس تبي الصراااحه ...!! انا متخووفه من مسالة الزواج واذا تقدم لي احد لازم اصارحه انه فيني ولا اسكت<<<<هذا اللي مخوفني لان الناس ترى فهمها للمواضيع تختلف يعني احد يعتبره عيب واحدماعنده مشكله والله يسهل كل صعب ياارب ويشفيني ويشفي الجميع ياارب ^_^
|
#5
|
||||
|
||||
انا عن نفسى مع ان البهاق الى معى مو باين خصوص انى مهتم بسالفه الميكب الطبى يعنى بالقليل الى يدقق مره يعرف انى مصاب
وحاليا افكر بالزواج بعد ممسئله اخذ ورد ولا احس انو هذه المسئله ياخوى جاسر عائق اذا كان الى بتتقدم لهم ناس متفهمين وعلى درايه بنوع المرض هذا عن نفسه يحس انه جنتل زمانه <<<وواثق كل الثقه توكل على ربك ياخوى وتزوج خلنا على اقل شى اتنكس فى عرسك ههههههه بالتوفيق يارب ويارب يشفى الجميع
|
#6
|
||||
|
||||
هلا والله بهنوف ومضيع الطير وشواقه وطاغي يامرحبا ياهلا مشكورين ع المشاركه مضيع الطير ماشر ان شالله كنت مشغول بدنيا اختي شواقه علي قولتج الله يسهل كل صعب ووفقج ان شالله ويرزقج ابن الحلال وتخلفو صبيان وبنات والله تأملي من الله خير اخوي طاغي والله انا اشتريت المكياج ترو كفر جيد اقول كأني فاطمة علي المكياج موجاسر المهم تزوج لاتفكر علي طول عسالله يوفقك وعزمنا تراا بجيك
|
#7
|
||||
|
||||
اقول اخوى جاسر وشو نوعيه المكياج الى تستخدمه ياليت تكتبه لى بالانقليزى عشان ادور عليه
|
#8
|
|||
|
|||
أرى ان الي ردو بهاقهم مو واضح ( مشاء الله ) مب اذا وضح الله لايقدر تقولون حسدتنا
وعلى ما اعتقد ان اغلب المصابين بيكون رأيهم مختلف قليلا وخصوصا اللي بهاقهم واضح وهم في حالت وسط وهم ( مب قادرين يتعالجون منه ولا يبون يبيضون ) ورأي انا انه البنت تواجه صعوبه في الزواج اكثر من الولد لان الولد هو اللي يختار ويقدر يدور ويدور لين ما يلقى البنت اللي بتوافق ( وبيني وبينكم هالايام البنات يبون يتزوجون بسرعة الله يهديهم ما يعرفون ان الزواج مسؤولية همهم انهم يستانسون وبس ) اما بالنسبة للبنت : الولد اللي يتقدم لها يقدر يقول لا مب لازم هي في غيرها والبنات هالايام اكثر من الاولاد>> غلبناكم وعلى قولت شواقة انها متخوفة من الزواج وانا نفسها صراحة >> صدق صدق البنت اصعب المهم : اصلا الزواج قسمة ونصيب واذا الله اراد ما في شي يقدر يمنع
|
#9
|
||||
|
||||
ماشاء الله موضوع جدا مميز
واسمحولي يستحق التثبيت ايه يامضيع وياسناء خلو الناس تقراء ردود الناس الواثقة الله يثبتهم ويشفيهم ويشفينا بالنسبة لي اخي جاسر الله يوفقك ناوي اتزوج قريب--- وصحيح ان البهاق اللي عندي بسيط بس انظر له من زاوية ايجابية>>>تدري وشي>>>>>ان هالمرض الحميد ولله الحمد احس انه قربني من ربي أكثر الحمد لله............وصدقني احس انه جمالي بعض الاحيان>>>>فلو فكرتو ياناس >>>>فالبهاق مرض حميد ولاهو معدي ولا مؤلم اللهم لك الحمد...........وأملنا بالله كبير .........فهو الشافي والمعين أخواني تقربوا لله .... أكثروا من الدعاء....واعملوا ولاتهنوا ولاتملوا... وجربوا التالي:- 1: كثرة الاستغفار. 2: المحافظة على الصلاة بوقتها. 3:الصدقة ولو بريال بالشهر. 4: بر الوالدين. 5: قيام الليل. 6:التداوي بالطب النبوي. 7: التداوي بالطب الحديث. تحياتي
|
#10
|
|||
|
|||
ماشاء الله اشوف الشباب ضاربينها مكياج ؟!!!
لا يكون فيه روج وضل بعد
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |