العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
إجابات المتأهلين للمرحلة النهائية ..^ وفالكم البيــرق ^
بسم الله الرحمن الرحيم السلام عليكم ورحمة الله وبركاته .. مسائكم وصباحكم خير .. مدخــل ~~>>>> أقول على شحم أخباركم عساكم طيبين .. الأعضــاء اللي تأهلوا للمرحلة النهائيــة كشكـــول نظــرة الطفلــة بنت تميــم ام عـــــلاوي مجــرد إحساس تذكــار السامـــرة ألف ألف مبروك تأهلكم للمرحلة النهائية .. ماشاءالله عليكم طلعتوا قدهاا بهالموضوع أنا بنزل إجابات الأعضاء اللي أرسلت لي .. وراح يدخل زملاء المهنة .. اللجنة الموقرة .. بالتقييم وإعطاء كل مجهود مايستحقه من الدرجات ... وراح تكون بدون إسم صاحبها .. مع إنه بيكون واضح .. .. نبدأ مع أول مشاركة v v v v مخــرج >>> بتقضبين الأرض ولا شلون يالله حيااكم .. .
|
#2
|
||||
|
||||
,, النموذج الأول ,, ج1 / س2/ الرائحة التي تصدر عند ملامسة جلد الإنسان للحديدهي رائحة تفاعل الجلد مع الحديد فالمفتاح قبل لمسه لليد له لايوجد به رائحةوسبب ذالك: هو ان دم الإنسان يحتوي على الهيموجلوبين وعندما يخرج الدم من اليد يمر على الجلد فتظهر رائحة وهي رائحة تفاعل الحديد الموجود في الهيموجلوبين مع جلد اليد عند ملامستة للجلد أثناء خروج الدم لأن الحديد يتفاعل مع الجلد . ************************** س3/ الفكرة وضع فعااليه خفيفه ومبهجه..تغيرجوو القسم ونحاارب هالخمووول...بعنوان ضحكنا معااااااك الا وهوو قياام العضوو بكتابه اطرف مووقف مر عليه ^_________^ والهدف من هذه المسااابقه الضحك والوناااسه وكسر الروتيييييين ترسل المشاركات الى المشرفين في قسم الترفيهي وتعطونهم مدة محددة عقب ما تنتهي المدة تضعون المواقف بدون ذكر اسم صاحب الموقف والاعضاء هم الي بيصوتون ************************** س4/ يعني اذا عندنا اطفال حركتهم واجد نربطهم ونشوف وش عندهم من علوم هع واختراعات وابتكارات ولد اخوي ورع يحب الالكترونيات مرة في يوم من الايام واهله قاعدين يتقهون وداقينها سوالف حيث اقدم الطفال على قتل توصيلة التلفاز وقصها بمقص وهي موصلة في الكهرب مما ادى الى وفاة التوصيلة وظهور شرار منها << شكلها حاقدة عليه بس رحمة ربي ماشفطتتة هع وانا من رأيحتى ننمي طموحاتهم مراقبة الطفل من حيث طريقة كلامه وسلوكه في البيت موبس تاركينهم يدوجون في الشوارع وبس 2- محاولة الإجابة على جميع الأسئلة التي يطرحها الطفل ببساطة وسهولةبعض الاباء يسفه الطفل ويقول اذا كبرت فهمت 3- عدم نهره على أسئلته.ونقوا انطم يامكثر حتسيك هع 4- محاولة توفير الأدوات التي تساعده على إظهار ميوله كتوفير أدوات الرسم – إذا كان يحب الرسم- أو توفير ملابس التمثيل إذا كان يحب هذا الفن. 5- إشراكه في نادٍ يساعده على تنمية مواهبه وميوله. 6- محاولة عرضه من فترة إلى أخرى على أحد المتخصصين في علم الأطفال لكي يساعده بشكل أكثر على تنمية اتجاهاته. لا تركز على الأشياء التي لا تحبها في طفلك ولكن ركز على مهاراته وقدراته المتميزة. شجع لديه هذه القدرات وامدحه عليها كثيراً. وأخيراً فإن كل طفل بداخله الكثير من الاختلافات، فقد تكون لديه نقاط قوة ونقاط ضعف، وقد يجيد شيئاً ولا يجيد آخر، مثله مثل كل البشر.. فعلينا مساعدته لتنمية قدراته. *************************** س5/هههههههههههههههههه وجيه مغبره...قطع يقطع هالوجيه...هع هع هع اللبناني اللي يحب هريس بالبصل ...شكل امه سعوديه وابوه لبناني..هع هع اما العيش والله انه مخربهااا سبحانه خلق وفرق وبعدين ورى عيالنا ضروسهم متكسره .. ! والله من الشطانة هع رحمالوف : درجة السؤال الأول: 5 لأسباب يعرفهآ صآحب المشآركة درجة السؤال الثاني : 14 لعدم وجود جانب ترفيهي بالرد .. ولا الجواب صحيح .. درجة السؤال الثالث : 8 درجات درجة السؤال الرابع : 14 يآسلام كلام جميل خصوصآ فقرة 2 أمآ فقرة 6 مآفي أمل تصير درجة السؤال الخامس : 10 المجموع : 51 درجة .. درجة تنطح درجة فالتس البيرق تسآهلينهـ .. ــــــــــــــــــــــــــــــــــــــــــــ اترك المآيك يالبلغاري السؤال الاول .. 10 ليه عطيتوها 5 .. فيه شي علموني اعطيها صفر السؤال الثاني اعطيه 13 هالحين الدم يخرج من اليد ويمر عالجلد احمد ربك اللي عطيتك 13 الثالث .. مممم حلو يالله 9 درجات الرابع .. 13 ايه لاتقولون للصغار انطموا عالاقل قولوا زيي .. انا مشغولة الحين ماني فاضيتلك الخامس يالله العشرة كاملة << مابغيتي تحطين درجة كاملة المجموع 55 بالتوفيق ــــــــــــ ((مشتآق حآيل)) آطلقي آلمآيك يآلمصريه وعطينن آلقلم آلآحمر وآلحآسبه ودفتر رصد آلدرجآت <<مشكله آللي مآعمره يصحح آلسؤآل آلاولي 5 ..! آلسوآل آلثآني آبعطيك 14 مآبوه آي حتسي ترفيهي ..! آلسؤآل آلثآلث فكرتن حيلوووه آبعطيك 9 ..! آلسؤآل آلرآبع روووعـه ليت كلن يسويه آبعطيك 15 ..! آلسؤآل آلخآمس آبعطيك 10 ..! آلمجموع: 48 موفقـ/ـه خير .
|
#3
|
||||
|
||||
,,النموذج الثاني,, ><السؤال الاول >< نبدا بالموضوع دغري ماعرف اكتب مقدمه مرتن من المرارير جانا ابوي بالليل وقال لقد قررت انا واخواني> اللي هم عمامي < مايلي >>الله يستر من قراراتهم بكره نبي نطلع للبر وحنا اللي مستانس واللي كشر الموهم جاء من باتسر ع هالفجور الا ابوي ع روسنا قوموا يالله >>يااااااااااالييييييييييل نبي ننام وطبعا ماطلعنا الا عشره ههههههههههههههه وودونا للبر >>لمشار اهل حايل يعرفونه>>ياحووووبي له كله جبال وطلح وشلالات وانهار >>ماتعرف تستذب الموهم طلعنا بمكان ستنه غابه كان موقعنا بين جبلين وفيه اشجار كثيييييييييييره ايه يخافون احد ينفتن بهالجمال >>لايكثر طبعا حنا البنات قمة الهستره هع هع قررنا نستهبل ونجيب اقصى درجات الاستهبال>>متعوب عليه اقصى وقالت وحده من بنات عمي وش رايكم نرقص باستهبال ونقلد هالعجايز عجبتنا الفكره وكنت من اشددددد المعجبين هع هع وحنا نصف تسنا لاعبين المنتخب لاجو يصورون>>هع يازين التشبيه بس وكل وحده تنتظر دوره بالرقص هههههههههههههه وطبعا ابعدنا شوي عن الرجال عشان مايسمعون اصواتنا وحشرتنا امنا نظره ياويل وحدتن تكشف يمكن فيه احد منا ولا منا >>ابوك يالتعقيد وجاء وقت الرقص ونقعد ندور اغنيه بجوال نظره مالقينا >>مسويه فيها دين هي وجهه الموهم ونلقى بجوال بنت عمي اغنيه وقولوا بسم الله على غزالن طب >>أي غزال الا بعارين هههههههههههههههههههه مادريت الا طابتن علينا هايلوكس وطااااااااااااااااايره لدرجه ماانتبهنا له البنات صراااااااااااااااااااااااااااااااخ وركضضضضضضض انا عجزت اركض من الضحك ( qq166)والخوف واسوي نفسي بنات خلاص فضحتنا وانا التفت ع بالي انه بعيده الا هي جنبي ماتشوفون الا غبرتي وسبقت البنات هههههههههههههههههههههه وربي رحمنا الا وهو يغرز يمل السم اللي يسمه وماطلع الا حنا واصلات لاهلنا وانا اقول انزلعن يالسخيفات بغى يخطفني وانتن تركتني البنات\ انتي اللي ماركضتي جالسه تضحكين انا\ وانا اتذكر يوم بنت عمي تخم الشجره وتطيح وتقوم ترجع تركض يحول ماحست من الخوف وانا اقعد اضحككككككككك الين ماقلت بس واقول للبنات ههههههههههههه والبنات تسدحو من الضحك هع هع هع >>ماترك الشماته ههههههههههههههههه ونرجع نكمل استهبال وضحك الين مامشينا هع هع مادرينا الا عمي شطف بناته وراح >>عمي هذا اكبر مفهي والبنات يركضن يبااااااااااااااااااااااه وين رحت تركتنا هههههههههههههه وانا وخواتي متسدحات من الضحك الله يقطع ابليسك ياعمي صدق مهستر وكلن طس لبيته ورحنا كملنا نومتنا هع هع ويالله حتى انتم روحوا نامو ><السؤال الثاني>< الحين انتم كل واحد عنده دم واللي عنده دم به حديد واذا رحت لمست أي حديد راح تطلع ريحه هذي ريحة دمك مو ريحة الحديد يعني دمك له ريحه لذلك قم غسل الله لايهينك وانتهت السالفه وليش التعقيد >>رحمالوف سؤالك هذا جاي عرض ><وجهة نظر><ههههههههههههه ------------------------------ ><السؤال الثالث>< عندي لكم طريقتن عجبتن مرررررررررره وهي انه يكون لمنتدى السوالف وسعة الصدر فرع وكل عضو ينزله موضوع ويكتب يومياته بهالموضوع وكل شي عنه طبعا ماحد يرد ع الموضوع الا صاحبه يعني يكون لكل عضو ركن خاص فيه ويكتب كل شي يخصه مواقف مضحكه – حزينه – صور اعجبته – قصايد وتكون بمثابة ذكريات خاصه فيه هالفكره عاجبتني مرررررره واتمنى تعجبكم .. ----------------------------- ><السؤال الرابع>< الاساس بتربية الطفل تبدا من قدوته يعني لازم نربي انفسنا قبل وغداننا مو اجي اقول حرام التسذب واللي يتسذب ربي يزعل عليه ويقص لسانه ومن هالحتسي ولا دقت وحده من البنات وبصرفه قلت قولوا نايمه وانا موجوده الحين هذي هي القدوه واقولهم لا تتسذبون بعد>>شين وقواة عين وبعدين لازم ننمي مواهب الطفل يعني مو لا شفته يشخبط قمت اصارخ عليه وواسطره يمكن يطلع رسام ولا خطاط >>ابرك منك انت وجهك واهم شي معاملته لان نفس معاملتك مع الطفل راح تكون نفس معاملته مع الناس يعني لا تلفظت عليه بالفاظ مو زينه ولا جيت قدام الناس وقال لك من هالتسلام قلت عيب وياويلك تلفظ بهالالفاظ فشلتني ومن هالحتسي يمل الحسته انت من الاساس عدل الفاظك وسلوكك معه واهم شي لا تضربه قدام اصدقائه اللي كبره هذا اكبر شي يحطم الطفل انا لا شفت وحده تضرب عياله قدام الناس قسم بالله ادعي عليه قهر مايصير تسذا >>عصبت ههههههههههه وبعدين مو لا قالك هالبزر بصير طيار ولا ضابط ومن الحتسي قلت والله وجهك وجه بلدي ومن وراك وش هالتحطيم قل لك كلمه حلوه عشان يكبر طموحه واذا طبقتوا نصايحي راح يطلع لكم بزر وش زينه وش حليله هع هع هع >>واثقه وبقوه ----------------------------- ><السؤال الخامس>< صراحه ماتوقعت فيه بزارين بالسعوديه بهالجمال والكوشخه والاخلاق ووه بس مااااااااالت عليهم قسم تحطيم عند هالسوريين حتى اسماء الاكلات كوشخه عندهم بلاهم من تربيتهم مالت علينا وع تربيتنا حتى بالتربيه مو فالحين هههههههههههه ... بنت عآدية السؤال الأول .. 10 كاملاااهـ هههههههههههه يحول ياللي تخم الشجرة السؤال الثاني .. خطا الاجابة .. ريحة تفاعل الجلد مع الحديد مدري الدم مع الحديد الوكآد انه تفاعل .. مو ريحة الدم طيب انتي فاهمة بس ماتعرفين تشرحين خلاص اعطيك 5 الثالث .. غيرت رايي بالعكس الفكرة رهيبة .. 8 الرابع .. خوش بزر يالله 13 درجة الخامس هههههههههههه 10 المجموع 46 ــــــــــــــــــــــــــــــــــــــ رحمآلوف .. أشوهـ فآآآرقينآ يالمصرية وقومي عن كرسيي ولا أشوفتس جالستن علية مرة ثانية درجة السؤال الأول : 10 كبر رآستس .. أعجبتني بنت عمتس اللي صمخت بالشجرة وقامت وهجت ولا حست بالضربة درجة السؤال الثاني : 6 خلي وجهة نظرتس تنفعتس خخخخخخ بعطيتس 6 درجآت على المحاولة وعلى كلمة ( الدم لة ريحة ) مع إنهآ معروفهـ إن لهـ ريحة .. بس كل اللي أبيهـ منتس إنتس تقولين إن الريحة بسبب تفاعل الجلد مع الحديد مو ريحة الحديد ..وتذكرين إنهآ تشبة ريحة الدم لأن الدم فية حديد ويتفاعل مع الجلد وقت خروجة >> قآم يصحح الجوآ ب درجة السؤال الثالث : 8 يآسلآآآآم فكرة عجيييبة وجميلة جدآ يعني كأنتس تقولين يحطون لكل عضو موضوع نخصص ويصير بمثابة المدونة لهـ .. يكتب فيهآ كل شي يعجبة وبحدود طبعآ .. هذي الفكرة تبي تجيب الأعضاء بالأقسام الثانية لقسمنآ .. أنآ شخصيآ أتمنى تتنفذ فكرتس .. درجة السؤال الرابع : 13 درجات كلام جدآ جميل .. درجة السؤال الخآمس : 8 المجموع : 45 درجة .. فآلتس البيرق .. ــــــــــــ ((مشتآق حآيل)) قم آندزلع ورى آلمصريه وهآت آلكرسي وآلمره آلثآنيه لآتسذب تقول كرسيك ترآه كرسيي ..! آلسؤعآل آلآولي 10 بعين آلعدووو ..! سلميلي على عمتس هآه <<يشبهن بآلفهآوه آلسؤعآل آلثآني آبعطيتس 5 ..!! آلسؤعآل آلثآلث فكره حلوه بس مآتصير فرع من فروع آلترفيهي يصير قسم لحآله لآنه مآيفيد بآلترفيهي شئ وعشآن يشآركون فيه كل آلمنتدى آبعطيتس 9 آلسوعآل آلرآبع كلآمن صحيح آبعطيتس 15 ..! آلسوعآل آلخآمس آبعطيتس 7 ..! آلمجموع: 46 موفقـه خير .
|
#4
|
|||||||||||||||||||||
|
|||||||||||||||||||||
,,النموذج الثالث,, اجابه السوال الاول (ليله مطرزة بالعويل) في ليلتن من الليالي باحدى القصور دخلت طقاقتن سمراء لها عينان ان نظرت بهما انقطع عنك الفرح سنه كامله ذات خشمن تقل مغارة جعيتا وشعرن يحلفون بالله انه تقل عوشزتن بصحاري نجد الحاضرات منشغلات بكششهن وفساتينهن منشغلات بحديثهن المعتاد ناظري بصويلحه :ذا الفستان اللي تقول انوة بثلاث الاف كذبت الكذوب طبق طبق طبق ياذا الحمام اللي سجع بلحون وش بك على عيني تبكيها اربع بناجر في يد المجمول توة ضحي العيد شاريها جن يتناقزن بيطبن اللي تدور حول نفسها واللي تقل ماستها كهربه كلن بتاخذ الصقله فجاااااااااااااااااااااااااااااااااااااااااااااااا اااءة الصرااااااااخ عم القاعه حررررررررررررررريق بالقصر وانا اقمز من الروعه قضبت يد اختي الصغيرة هنوفه بكل شجاعه حتى من زود شجاعتي طاح قلبي ببطني صرخت هنووفه: وش فيه؟ لالا,مابوة شي لاتخافين سويت نفسي شجاعه حتى لايفرط عقل اوخيتي الصغيرة قبل ان يفرط عقلي اناظر يمينا وشمالا لااسمع سوى الصراخ واااااااااااااااااااااااااااا الكل يبي يهج بعمرة كلن يدور لوة مخرج بيطلع باب الخروج زحااااااااام والناس وطت بعضها جيت ابطلع ماقدرت شفت عجيز تدور لها مخرج بتطلع وعباتها على راسها ومعها عصا بيدها وتحرك به بالارض جالستن تهوجس كنها تسترجع شريط حياتها جتها بنت وقالت: تكفين عطين عباتك ابطلع؟العبايات بالقسم اللي بوة الحريق؟ ردت عليها العجيز وقالت:والله ماهوب انا اللي قايلتن لك البسي هاللبس نعنبوا ابليسك كاشفتن ذرعانك ثوبك مايجي شبرين ماتستحين ياحلاة من يلحطك بذا العصا اذلفي باب الخروج للحين زحمه وشلون بنطلع وشلون بنهج صرااااااااااااااااااااااااخ جاك الموت ياتارك الصلاة هنوفه:وش فيه؟؟ لالا مابوة شي الزحمه بدت تخف والباب كن به مخرج ياحظنا ياحظنا هنوفه:قومي انتي وش تقولين؟ انا:وش فيه؟ هنوفه: انتي راقدة وتقولين ياحظنا ياحظنا انا:اشوى الحمدلله طلع حلم الصراخ والعجيز ام العصا والحريق طلعن حلم هنوفه:وشو الحريق؟ لالامابوة شي الخلاصه الحق على عميرك الحين واعمل لاخرتك ترا كلن بيقول يوم القيامه نفسي نفسي ومحدن نافعك غير عملك الصالح :::::::::::::::::::::::::::::: اجابه السوال الثاني: ماهو تفسير العلماء للرائحة التي تظهر بعد لمس جلد الإنسان لمعدن الحديد؟ اذا مسك احد منا حديد مثل المفتاح او اي معدن يظن ان الرائحه ريحه الحديد او ريحه المفتاح لاكن الحقيقه ان الرائحه اللي نشم يوم نقضب المفتاح اواي حديد ماهيب ريحه المفتاح نفسه الرائحه هي نتيجه تفاعل كيميائي مع جلد الانسان فنجد ان المفتاح او اي معدن يعطي رايحه دم الانسان لان دم الانسان يحتوى على الحديد الموجود بالدم اللي يتفاعل مع جلدنا يوم نمسك اي معدن فيطلق هذة الرائحه يعني المفتاح او اي معدن مابوة ريحه ولاشي مثل ماكان نعتقد ان الريحه ريحه المفاتيح او المعادن .............. اجابه السوال الثالث: كل عضو يقول لنا طريقة لتطوير المنتدى حاله الركود اللي بالقسم ماراح تروح الا اذا جت العطله وماعمري شفت المنتدى يدهر الا بالعطله عشان كذا العطله هي الحل المسابقات دايم هي اللي تحرك المنتدى وماشاء الله القسم مابوة مسابقه الا وسواها والله ان ذا السوال عجزن عصرت دميجتي عصر مير ابقول خلاصه عصري لدميجتي اقول لو تسووون مسابقه عبارة عن انكم تجيبون قصيدة من قصايد احد الشعراء وتطلبون من الاعضاء مجاراتها يعني يجيبون قصيدة على نفس قصيدة الشاعر بشرط تكون فكاهيه ومضحكه طبعا الاعضاء ماهوب شعراء يعني مب لازم يجيبون ابيات موزونه ميه ميه المهم تكون الابيات طريفه ومضحكه اجابه السوال الرابع: كيف تخلي هالورع إنسان له هدف وطموح بالحياة وكلاآ كبر يكبر معه طموحة؟ بزرانا حتى لو كان عندهم طموح يموت طموحهم بالمهد وشلون يصير عندهم طموح وهدف بحياتهم وهم اذا تكلموا وجوايبدون رايهم بموضوع اول كلمه بيسمعها من اللي حوله انطم ,لاتهرج حسك لايظهر وحتى نعطي صورة عن بعض بزرانا يسرنا ان نلتقي مع احد بزرانا الصغار هلا وغلا بالدحمي وش طموحك يالدحمي؟ الدحمي:طموحي اكون لاعب كبير مشهور تبي تصير لاعب مشهور ؟ طيب وراي اشوفك اذا جت مباراة الاتحاد والنصر تجيب فنيله الاتحادوفنيله النصر والفريق اللي يفوز تلبس فنيلته الدحمي:تبين بزران الحارة يضحكون على انااشجع الفريق الفايز (نعنبو الخبول وين شخصيتك قابلني ان صرت لاعب مشهور ) عشان نعلم بزرانا كيف يكون عندهم هدف وطموح بحياتهم لازم اول شي نزرع الثقه بالنفس عندهم لان الثقه بالنفس هي اول خطوات النجاح نخليهم يعبرون عن ارائهم ونحترم رايهم ماهوب بس نكعم فيهم ونقول لهم اهجدوا واذا جاء الواحد يهرج ويقول رايه ماهوب ننط بحلقه ونقول : مابقى غير البزارين تسولف نبين لهم الصح من الخطا نحاول نتقرب منهم نحاورهم نشجعهم بالمدح والكلام الزين نشوف وش اهدافهم وش يحبون نتعرف على نقاط القوة عندهم ونميها اذا رسب بمادة مانكسر مجاديفه ونقول له ياغبي ياللي ماتفهم يالرخمه انت ماراح تنجح ماراح تشوف النجاح بعينك نشجعه نحاول نساعدة ونعلمه ان الانسان يخطي ويتعلم ومع الصبر والعمل والجد وثقته بنفسه وبقدراته وتنميه لمواهبه بيوصل لطموحه اللي يبي اجابه السوال الخامس: مشافيح ياقلب العنا مشافيح وش ذنبي انا بزرانا مشافيح بياكلون الماكرفون حتي بالتصوير يتناقزون ومسوين زحمه بنت عادية الله الله .. السؤال الاول 10 الثاني .. 14 لان الجواب مابوهـ جانب ترفيهي الثالث مممم ممكن .. 9 درجات الرابع مرة ممتاز .. 15 الخامس .. 8 المجموع / 56 ـــــــــــــــــــــــــــــــــ رحمالوف .. درجة السؤال الأول : 8 علشآن هنوفهـ >> إيييييية حتى هنوفهـ يوم القيامة بجتحدينآ ولاهي محصلتني أحد يمسك يدهآ الله المستعآن >> دخل جو درجة السؤال الثاني : 14 كلام جميل .. درجة السؤال الثالث : 8 يعني يفصلون الأعضاء علشآن يدهر المنتدى لكن سالفة القصايد والأبيآت اللي بيكسرونهآ الأعضاء حلوهـ درجة السؤال الرابع : 15 كلآم تربوي جدآ جميل .. درجة السؤال الخآمس : 7 المجموع : 52 فآلتس البيرق ــــــــــــــــــــــــــ ((مشتآق حآيل)) ..آلسؤآل آلآولي 10 مآبوه نقآش ..آلسؤآل آلثآني 14 مآبوه حتسي ترفيهي آبد ..!! ..آلسؤآل آلثآلث آمممممم 8 ..! ..آلسؤآل آلرآبع 15 بكل تآكيد ..!
ييييييييه يهآلجمله يآكثر مآسمعته فتحت لي جروح <<كل تبن وهم صآدزين مآتفهم آلسؤآل آلخآمس 7 آلمجموع: 54 موفقـه خير
|
#5
|
||||
|
||||
يآربي متى نصحح ؟ >> نآويهم بالتصحيح هالكور
|
#6
|
||||
|
||||
,,النموذج الرابع,, جواب السؤال الأول (التصميـم ) : جواب السؤآل الثاني (الريحهـ): هذا سلمكم الله شي عويص وسالفتهـ سالفهـ وكم من عالمن ادفنوهـ وهو محتضن لهـ حديدهـ والسبهـ هالحديد وريحتهـ لين جا واحدن يقالهـ جنط بن طنج الماني الجنسيهـ <<< متورط ما يعرف الا جنسيتهـ واكتشف الموضوع وعرف السالفهـ يقولكـ الإنسان كائن عليهـ إفرازات مدري وش تبي واحدن منهن ما يطيق الحديد ومن يوم يشوفهـ تقبس بينهم وتصير هوشهـ وتفاعل كيميائي وتطلعلهم ريحهـ تقول ريحة ميكانيكي منسدح بسيارهـ مقربعهـ وسط الصناعيه الساعهـ 2 الظهر بعز الصيف <<< ابوكـ يالتشبيهـ فالسالفهـ بختصار للي ما فهم هي تفاعل كيمياوي للحديد مع زيوت جلدكـ وهذا اللي يخلي لها ريحتن مخيسهـ مثل راعيها وشكرن جوآب السؤال الثآلث (تطوير المنتدى الترفيهي ) : اسمعوا يا طويلين العمر والله يا اقتراحي ياهو إقتراح الظاهر اني باخذ عليه صفرن كبر رآسي لكن شكوى لله لازم اقولهـ في الحقيقهـ والواقع ومنذ قدم الزمان ومنذ العصور الوسطى << اخلص علينا ايهـ كانت المكافاءت المغريهـ هي الي تخلي الناس تجي على خشومها وتسوي اللي تبيهـ بأفضل طريقهـ وبحرفنهـ كمان << الحرفنهـ معناتها بأحتراف وشكرن فلذلكـ انا اقترح على الإداره الكريمهـ ممثله بمدير المنتدى وصاحبهـ اقترح انهـ يوضع نظام مكافئات بحيث ان العضو يعطى اشياء مميزهـ وتميزهـ عن بقية الأعضاء لكن راح تكون الإدارهـ مضطرهـ انها تركب هاكات جديدهـ اذا بغت التطوير واذا مزريهـ نقط نحن يا أعضاء الترفيهي ونشتري لنا كم هاااكـ حلوو ونركبهـا وطبعا القطهـ راح تكون على المشرفين لأنهم هم المسؤلين وانا مالي دخل حتى ما ابي مكافئات من قال اني ابي <<<واللهـ من اللي يقمط على القرش عندكـ ومثال على بعض المكافئات 1- يسمح له بصوره رمزيهـ اكبر حجم ماهو مصغرينها مثل صورتي صار وجهه عقب التصغير تقول واحدن حسران ويبي الحمام وانتم كرامهـ 2- ينصبغ وجههـ قصدي نكهـ بلون مختلف ويوضع لهـ وصف تحت أسمهـ ولو انهـ عضو ليهـ وش فرقنا عن المشرفين يعني 3- يسمح لهـ بالضهور دون إتصال مثلا وهلم جرا <<< هي صح الكلمهـ؟! وطبعا المكافاءت رآح تكون للعضوا الأنشط بالأنشط والعضو اللي يكتب مواضيع من دميجته راح يكون احسن من ابو نسخ ولصق التجاري وعلى هالحال وبعد كذا رآح تشوفون الأعضاء كيف رآح يرثعون لكم بالمنتدى ويطيرونه فووق هام السحب وان كنتي ثرى مجدكـ لقدام وامجادك ورآ من حكا فيكـ حسادكـ ترآ << راح مع الأغنيه لكن قبل كل شي ياسادات ياكرام انتبهو لا تقولون هذا اقتراح ما ينطبق عندنا وما تعطوني درجتهـ انتم قلتم مبتكر وانا اعطيتكم واحدن مبتكرن وتكانهـ وراح يضبط لو انهـ انطبق على قسمنا الموقر جوآب السؤال الرابع ( اليونسيف وجعل برزاننا لهم هدف بالحياهـ ): ايهـ اجل تقولون لي اليونسيف واللهـ شوفو هو مسألة انكـ تجيب واحد من اخوانك السرابيت او اي ورعن من الشارع وتقول ابي اطورهـ واخلي عندهـ هدف بالحياهـ فهذي بعيدتن على شواربك انت والسلنتح اللي بتطورهـ ويبيلها تدخل من الإستخبارات الأمريكيهـ والأنتربول ووزارة الدفاع والطيران العام بعد لكن ما فيهـ شي مستحيل ابد ابد وانا من ناحيتي رآح اتكلم عن طريقة إجاد طفل له هدف بالحياهـ وجعلهـ ادمي له تأثيره وقيمته بالحياهـ كالتالي اولا : شف ياعزيزي القارئ والبايعها يوم انكـ جاي تدور التطور عندي قبل كل شي يلزمك تختار الزوجه السنعه الشرقديهـ اللي تجيد تربية بزركـ وتخليهـ رجال واثقن بنفسهـ ومايطلع زلابهـ مثل ابوهـ والسبب في هالشي ان ولدكـ يجلس مع امهـ اكثر منكـ وبعض الامهات تحب التدليع وتطلع ولدكـ دلوع وتخليهـ واحدن كمخه ما يعرف الا يماااهـ يماااهـ وما يعرف يعتمد على نفسه حتى يحدد هدفه بالحياهـ وطبعا انت عارف انكـم يالزوج والزوجه لازم انكم تتفقون على طريقه وحدهـ بالتربيه حتى ما يصير تعارض بالجدول << متأثر بالجامعهـ الله لا يبلانا قصدي ما يصير تعارض بينكم وبين طريقة كل واحد منكم ويطلع بزركم مذبب وضائع في دوامة ابوهـ الزلابهـ وامهـ الكمخه ثانيا : يآخي مدري متى يتطورون السعوديين ويعرفون متى وقت تدخيل الريال بمكينة الببسي يعني 90 بالمئه من السعوديين ما يشربون ببسي الا الساعه 2 الظهر لذلكـ فإن 90 بالمئه من السعوديين يجون مقرد << إكتشاف خطير فلذلكـ اسمع يابو الشباب اختر الوقت والجو والمكان المناسب لشراء الببسي ويمدحون الفجريهـ ودايم ورعان هالوقت يطلعون اذكياء وطخمان مثلي بسم الله علي ثالثا : بعد ما دخلنا الريال بمكينة الببسي علينا انتظار الببسي << مطول على سالفة الببسي والمكينه يابو قصدي علينا إنتظار البيبي والان بعد ما اصبح عندكـ بــيــبــي ننتقل للخطوهـ الأخرى <<< احسه واحد يشرح طريقة تثبيت برنامج عليكـ بتوفير بالبيئه ثم البيئه ثم البيئه المناسبهـ لتجعل منهـ انسان سوي يعني لا تروح تطشهـ بمدرسه مخلينها الوزراهـ تقول سجن غوانتانامو ويجمعون فيها جميع ابو الزحيف والمفصولين واللي عليهم تعهدات وسوابق وتقول ابيهـ يطلع انسان له هدف وانسان مستقيم رابعا : واخير ماودنا نطول ولا واللهـ ياهو موضوعن شيق حاول دائما التقرب من ولدكـ وأعرف وش يحب ووش يكرهـ ما هو حاذفهـ ومسبلهـ وتقول انا اعامل ولدي بديموقراطيهـ اشترلهـ هدايا حلوهـ وتكون مسليه ومفيدهـ بنفس الوقت <<< انا ودي اعرف ابوي ليهـ مشتري لي مسدس ودرزن فشق انا واخواني ويقول العبو مع بعض وحنا صغار خامسا : وعاد والله انها صدق اخر شي خلاص اهم شي والأكثر فعاليهـ واللي هو نظام المكافعات قصدي المكافئات يعني مثلا قلهـ اذا حفظت من القرآن جزء وديتكـ لملاهي الحكير ولا دريم لاند وطقتها يعني مكافئه حلوهـ ماهو تقولهـ احفظ واشتري لكـ عسكريم ثم واللهـ ان ليسحب عليكـ ويروح يحفظ كم اغنيه لبو نورهـ ويجي يرددها عليكـ وعلى فكرهـ ترى اهم شي وافضل شي وهو اللي يجعل من ولدكـ او اخوكـ او ورع جيرانكم لهـ قيمه وهدف بالحياهـ هو تربيتهـ على هدي المصطفى عليه الصلاة والسلام مثل ماعلم الصحابهـ رضي الله عنهم وفهمهم وأدبهم وجعل منهم عضماء اصحاب همه وهدف وقيمه بالحياهـ <<< جملهـ جادهـ وعاااد الله يعينكم يا اخواننا المشرفين على قراءة هالجواب وانا عندي احساس كبير كبير انكم بترقعوني صفرن كبر راسي على هالإطالهـ وشكرن جوآب السؤال الخامس والأخير (مقطع عيال الشام وعيالنا ) : ههههههههههههههههههههههههآآآآي يآخي انا اناشد الأخ رحمالوف واسألهـ باللهـ كيف رضى يبقي على السؤال الرابع وهدف وماهدف ورعاننا بالحياهـ بعد هالمقطع ما اقووول الا قطع يقطع هالوجيهـ اللي عليها غبر اجل ياكل عيش لنعبوا حظهـ عنز ماهو ادمي عني لو انه سائلن الثاني ليقول برسيم خخخخخ ولا شف الضروس المنقزه بس ! تقول فاتحن بوابة العثيم مول بفمهـ الله لا يبلانا اقووول لبى ابو قصيصهـ ولبى المكرونهـ هذي الوجيهـ اللي ودكـ تطورها وتخلي لها هدف وبلنتي وفاول بعد اجل عيش جعلكـ ما تعيش على هالمقطع هههههههههههههههههآآآآي ------------------------------------------------------------------- واخيرا انتهيت اتمنى اني ما اتعبتكم معاي وكثرة كلام واشكركمـ على الجهد اللي تبذلونهـ بنت عادية كوسشن ون .. عشرة يافنان كوسشن تو .. 15 خايسة مثل ريحة حديدتك كوسشن ثري .. منتاز الاقتراح يالله اجمع القطه ..بس لاتسرق منها لااعلقك مع رقبتك 10 الرابع .. والله ياانت خطير احسك بتفوز سراحتن .. 15 الخامس .. 10 فل مارك .. 60 ــــــــــــ عمك رحمالوف درجة السؤال الاول : 10 كفو يالعرابجة .. أجل إن ما أخذت البيرق بالرضاء بتآخذهـ بالغصب درجة السؤال الثاني : 12 وشو زيوتة ؟ نعلبوآ بليسك تشتغل ببنشر أنت ؟ درجة السؤال الثالث : 10 ولوفية أكثر تسآن عطيتك يآرآقل وست ستآت درجة السؤال الرابع : 14 كلأآآآآآم جدآ جميل كشكش >> هذآ دلعك ولوزودت كلمة (عليك) صآرت مسبة درجة السؤال الخآمس : 10 جعلك مآتعيش أنت يالتبن المجموع : 56 درجة
فآلك التبن .. قصدي البيرق ــــــــــــــــــــ ((مشتـآق حآيل)) آلسوعآل آلآولي 10 موبدع .! آلسوعآل آلثآني 15 ..! آلسوعآل آلثآلث10 وعلى فوكره ترى حتى انت تقدر تحط ظهور دون آتصآل آلسوعآل آلرآبع 15 بعين آلعدووو آلسوعآل آلخآمس 10 .! آلمجموع: 60 موفق خيـر
|
#7
|
||||
|
||||
,,النموذج الخامس,, 1 / ( تصميم صورة .. رسمة باليد .. موضوع من راسك )؟؟ ج/1 هكآليوم يومني صعنطوطه<<طوووط تسآن عندي سيكلن متحلي وفآزتن بوه مآآحد قدي <<بلآك خبله وكآن كل عصير تجينآ بنت جيرآنآ آلدبيه هي وآخيه وهذيك آلسآعه منطلدزه عنزي ويجي ولد جيرآننآ فهد ويآخذ سيكلي انا :آنزل عن سيكلي<<آلله وهآلسيكل عآد فهد:حررره مآني نآزل انا :آقولك آنزل <<تهدد بعد فهد:مآني نآزل<<صآمل آلآخو وآنآ آجي وحوآجبي لآصقآت ببعض من آلتعصيب وآخذلكم هذيك آلرضمه<<قصدتس البلكه انا:تبي تنزل والآ اشوتك فهد:آتحدآك انا :لآتتحدى<<يآقوي عينتس تهددين ولد فهد:آتحدآك وآجيك حآملتن كل طآقتي وآشوته بآلرضمه آللي معي آلآهو يتزند من آلبتسي ودمآنه تصبصب آختي وآخته رآحن علمن علي آمي وجتك آمي طآيره ومعه آلمكنسه تسنه سآحره آللي بتوم وجيري<<آعقلي يآبنت وآحترآمي آلشديد لآميمتي وتقعد تصآرخ علي وتلآحقن بآلحوش وركض ومرآكض بآلحوش تسننآ بمرآثون آلموهيم عجزت آمي تمسكن وتركتن آوومآ فهد زينآ جرحه ومآبوه آلآآلعآفيه هذآ هو حين يرزق 2 / ماهو تفسير العلماء للرائحة التي تظهر بعد لمس جلد الإنسان لمعدن الحديد؟؟ ج /2 آللي جنن آكثر هو ليه يبقى ريحه الحديد بآلدم يقولون على هقوت وآحدن من آلخبيرين آلآلمآن يقول آن آلريحه آللي نشمه مآهي ريحه حديدهي شكلن من تفآعل كيميآئي مع زيوت آلجلد آللي بآليد وهو نفس آلتفآعل آللي يصير آذى لمس آلدم آلجلد لآن آلدم بوه حديد ويقول ديتمآر جليندمآن((آن ريحه آلحديد آللي يلمس آلجلد نوعن من آنوآع جسم آلآنسآن)) 3 / كل عضو يقول لنا طريقة لتطوير المنتدى ( إية تطوير المنتدى الترفيهي طبعا ) ؟؟ ج/3 فكرتي لتطوير آلقسم: أ]يعني كل مآ تخلص مسابقه نبداء بمسابقه مثل: تكون المسابقه الجايه جغرافيآ تكون كل الاسئله تتكلم عن الجغرافيا عن المواقع وندخل به الترفيه مثل:نكتب سؤال لوكنت بماليزياء<ونزل صوره بحر او أي شي ونكتب وش راح تسوي اوصف لنا شعورك ؟ ....الاسئله ....الخ ب] والمسابقه اللي بعده أفضل مصور:يعني هو اللي يصور الصور ويكتب نبذه قصيره ومضحكه عنهن ......الخ ج]والمسابقه اللي بعده يكتبلنا شي من الخيال بس انه مضحك ويكون الموضوع قصير مثل:مره ركب السياره همن فجأه طارت به او وحده تقول وانا اتمشى مادري الا ذاك الأهدناصور قدمي هع ومن هالأحداث ......الخ وياكثر المسابقات والافكارا اللي بالي بس ماراح اطول عليكم اجابتي واذا تبين افكار عن المسابقات مالك الا كل ماتخلص مسابقه يطلعلك فكره جديده .. 4 / نبي نشوف الجانب العقلاني فيكم؟؟ ج/4 حطيت عيني على ولد خالتي اصغير لأنه ملقوف وعنده خيال بشكل ماتتصورونه لدرجه يقلد الفركتين والحيونات كلش شي يقلده وانا اروح اطارده إللين مسكته طبعا اعطني كمن بقس<اشكوى الله همن ربطته قدامي وعطيته كمن تسف يعدل مسمعه انا :طلال اعقل واسمعن زين وخلني اعرف وشلون اخلي لك طموح ياماللجهاد طلال:كـــــــــــــولي تبن <<هذي البدايه انا :طلول مايصير تتكلم هالحتسي خلك رجال طلال:اخلصي وشتبين انا :ابسألك عن الطمو حاتك ومشاريعك المستقبليه طلال:وشو طموح بلاسخافه خلينن اروح العب انا :اللعب مهو طاير اجلس بس شوي ابسولف معك طلال:اخلصي علينا انا :وشو طموحك يآكبرت..؟ طلآل:آرمي رضمه على وآحد آطيره على هآللمبه آلحديديه انا :مآتخآف يبلغ عليك آلشرطه..؟ طلآل:آهرب بسرعه 100<<مآآدري وشئ انا :طيب ]آكبرت وش تبي تتوظف طلآل::آبتوظف مهندس معمآري وآزين لي بيت حلو وآحط بوه منآظر وريآحين شذيه وآكتب على بيتي ((آلله))<<لزوم آلدين هههههه ثمن آتزوج لي مزيونتن حآطتن كشخه <<وشلون تجي خخخخخ وآروح آتسمع لي بآلآبتوب اناشيد طيور آلجنه <<دآخلن عرض وبعد مآآتسمع آروح لم مدينه آلعآب آنآ وزوجتي ونشتري لم آلبيت ونشتري هم همي<<يقصد بلع يآمآ للبآلوع آللي يبلعه هو وزوجته وبعدين آرجع لم آمي وآشتري له من آلبقآله حلآو<<بوه رجآ مآنسى أمه آروح آذبح لي ذبيحه بآلعيد وآعزم نآس وخويآنآ وآشتري صآروخ آكتب عليه آسمي ورسمه بيت وقرد انا :خلآص يكفي بلآ هذره زآيده يعني هآلحين طموحك صآرمهندس معمآري ((وهذآ كل كلآم طلآل نقلته لكم بآلحرف آلوآحد وآخيرآ كل هآلدجه عنده طموح آنه يصير مهندس معمآري <<مآهو هين)) 5 / شوفوا هالمقطع لمدرس الظاهر إنه بمدرسة أهلية؟؟ ج/5 ههههههههههههه آيه هآذي آلوجيه آللي ترد آلروح آقول لآيطوفكم رآعي آلمكرونه هو وصوته تسنه رجل آلي<<ترى آنعم منتس وآلآسنونهم تسنهن لؤلؤ مصفوف وآلبيآض وآلشعر وآللبس آلمرتب وش آخلي وش آقول ونجي لم آلشهبآن آللهبآن آلمنقعين بآلغبآر عليهم فقت خشه مآخلق ربي مثله آبد وآللي يبدبل آلتسبد آنهم متجمعين على آلكآميرآ ولآ زود على آلشين قله حيآ يطلعون آلسنتهم يآمآ للقص ومآآحد مدتزي بهم غير آلمدرس ... بنت عادية السؤال الاول .. 10 لا يهالمجرمة تبينه يموت بعد .. اوما امك ساحرة الثاني .. 15 الثالث .. 10 كاملة والله مخك نظيف ماشاالله الرابع .. هههههههههه فلة هالطلال بس نكبك هالسؤال .. ماقلتي لنا شلون نخلي له هدف وطموح بالحياة يعني اعطيك 9 من 15 الخامس .. هههههههههه 10 المجموع/ 54 ــــــــــــــ رحمالوف درجة السؤال الأول : 10 ههههههههههههههههه مهبولة وقسم بالله يحول يآفهد يمدية للحين الوسم بآين بجبهتهـ درجة السؤال الثاني : 14 أربع تعش درحة السؤال الثالث : 9 كلآم جميل درجة السؤال الرابع : 8 نفس ملاحظة المصرية .. درجة السؤال الخآمس : 10 فرق السماء عن الأرض .. قطع يقطع هالوجية مجموع الدرجات : 51 درجة فالتس البيرق
ــــــــــــــــ ((مشتآق حآيل)) آلسوعآل آلاولي 10 وعزي لوه فهد تلقينوه مآنسآه للحين سببت لوه عقده بنت تضربه آلسوعآل آلثآني 15 بعين آلعدوو آلسوعآل آلثآلث 10 كآمله مآبه كلآم فكرتن حلوه وتحرك آلقسم ..! آلسوعآل آلرآبع 9 ليتك كتبتي وشلون نخلي عندوه هدف بس آكثر شئ ضحكن هم همي آلسوعآل آلخآمس 10 وآنتي صآدزه وجيهن مغبره ..! آلمجموع: 54 موفقه خيـر
|
#8
|
||||
|
||||
,,النموذج السادس,, 1 /( تصميم صورة .. رسمة باليد .. موضوع من راسك ) طبعاً هالسؤال شيب براسي .. حتى صديقاتي خبيتهن معي ودفتري الأدب خلصن أوراقه من كثر ماأقطع من هالأوراق طلع معي هذا .. عسى يعجبتس 2 / ماهو تفسير العلماء للرائحة التي تظهر بعد لمس جلد الإنسان لمعدن الحديد .. أصلاً الحديد مابوه ريحه الريحه تطلع منك أنت يالإنسان بأوضح أكثــر عشان تفهموون يعني جلد الإنسان بوه زيوت بعد ماتلمس الحديد تتفاعل وتطلع هالرييحه المخيسه ونفس الشي مع الدم والحديد لأن الدم بأصلوه بوه حديد هااهـ لجنة التحكيم عسى فهمتوا .. ترى ماعندي مشكله أعيد وأوجز الدرس << ماأقلــد أحد 3 / كل عضو يقول لنا طريقة لتطوير المنتدى ( إية تطوير المنتدى الترفيهي طبعا ) سممي يابعدي طبعاً أنا من وجهة نظري مشرف يبقى لأكثر من سنه أو سنه ونص غلط .. موب نقصاً فيكم .. لا والله .. بس كنوع من تجديد الأفكار .. لأنه طبيعي المشرف بيمل أو بتجيه فترة ركوود لذلك تغاضياً لفترة الركود ذي يتم تغير المشرفين بشكل سنووي ... يعني تصير دورات إشرافيه .. أعطيتس مثاال.. 1/1 من كل سنه بداية دوره إشرافيه جديده ونهاية دوره وكل واحد وجهوده بذي الدوره يمكن يترقى لمراقب أو أو .. << أحسكم ودكم تكوفنونن بس والله هذا رأيي 4 / نبي نشوف الجانب العقلاني فيكم .. ( 15 درجة ) منظمة اليونسيف : هي منظمة هدفها الرئيسي مسآعدة الحكومات لتحسين نوعية حياة الأطفال ..(التعريف بإختصار ) يعني من ضمن أهداف المنظمة إنتاج وراعين لهم هدف بالحياة .. المطلوب : هات أخوك الصغير ولا أي ورع موذي من الشارع وحطة قدامك ولاتنسى تربطة علشان مايهج واكتب لنا بطريقة زآآآآحفة وترفيهية كيف تخلي هالورع إنسان له هدف وطموح بالحياة وكلاآ كبر يكبر معه طموحة .. مو مثل وراعينا داجين هاجين ..طموحة سيكل ولا إن تطور يبي سوني .. خخخخخخخخخخخخخخخخخخ سألت ولد أخوي عمرهـ (4سنوات) وش ودك تصير إذا كبرت قال لااعب .. قلت بأي نادي .. قال النصر أحسن شي ... قلت قم طس الله يخلف على أمن وأبو جابوك شوفي يابعدي أنا بالتربيهـ صففر عشان كذا أفكر أعنس ولا أجيب لي دشيير توذي العالم والناس بدايه بسأله وش طموحه .. وأساعده يحقق طموحه وكل اللي يبيه بعطيه إياه .. ايه يابعدي هذا وولدي مو حيا الله مثلاً لو كان يبي دكتوور مع أني ماأظن بطس أنا وياه للديره اللي هو يبي يدرس به وبنترك أبووه يوولي .. وش علينا منه بعد .. أهم ماعلي ولدي وبحفز الولد معنوياً ومادياً << الله من الدجه بالولد وأمه أما تسانه يبي لاعب يطس لأي أكاديميه لو الأهلي ماعندي مشكله .. وربنا يوفأهـ .. طبعاً ماأقدر أطس معه زيني معه بين هالرجال .. بس بدعي له .. ويقولون دعوات الأم مستجابه << وهـ بسس يازيني أنا وولدي 5 / المطلوب / أجمل تعليق على هالمقطع .. إنشاءالله كلمة وحدة تكفي ..طبعا بإسلوب ترفيهي بحت .. تؤبروني والله ياعيال السعوديه شو أجمل عم تضحكوا عـ شبابنا ياحييف عالمشرفيين والله ياللي آعادين معك ومازعلوا ياحييف والله ياحييف بنت عادية السؤال الاول .. خطك حلو يابت 8 من 10 الثاني .. فهمنا .. يالله ادي الـ 15 كولها الثالث .. اجل تبين تشيلينا هاه صفر من 15 هههههههههههه موافقتك يابعدي بس المشرفين مو كل شي .. لذلك 7 من 10 الرابع .. ماشاالله ام حنونة .. 15 الخامس .. ايه تؤبرينهم ائبريهم من رادك وهذي نتيجة الأبرة 9 من 10 المجموع/ 54 ـــــــــــــ رحمالوف درجة السؤال الأول : 9 لوكتبتي أسمي تسآن عطيتس الدرجة كآملة >> يآشين طس درجة السؤال الثاني : 13 إلا الحديد اللي بالدم حديد سآبك ولا الرآجحي ؟ درجة السؤال الثالث : 9 آيآ قليلة الخآتمة .. تبين تسوين إنقلاب علينآ أنآ أأيد كلامتس والله .. مع إن العلم كلة على الأعضاء لأن المشرفين ينشغلون بأشياء كثيرة أمآ الأعضاء المفروض التفكير يكون عليهم .. وأنآ أول وآحد يتنآزل عن الإشرآف لو طبق هذآ الكلام .. درجة السؤال الرابع : 13 علشآنت مآسمحتي لهـ يلعب بالنصر من زين الهلآل عآد >> قلب التصحيح هوشة أقول لاتعقدين الولد ولجاب طآري الدرآسة خلية يروح يدرس لحالة ويعتمد على نفسة ترى أمي معقدتني بهالنقطة درجة السؤال الخآمس : 9 إية عليتس بالنحلة ترى هي اللي حآطة المقطع .. يآحيف بس يالنحلة مجموع الدرجات : 53 درجة درجة تنطح درجة قآلتس البيرق ـــــــــــــــــــــــــــ
((مشتآق حآيل)) آلسوعآل آلاولي ليه مآكتبتي آسمي معكن <<جآك آلسفيه آلثآني ترى آلاول آلبلغآري آبعطيتس 9 آلسوعآل آلثآني 14 ..!! آلسوعآل آلثآلث آيآ آلخآينه خلينن آتهنى بآشرآفي آبعطيتس 8 ..! آلسوعآل آلرآبع 14 آلله يعين آبو ولدتس يآنتي تبين تغربلينه ..!! آلسوعآل آلخآمس7 آلا وش معنى آئوبريهم آلمجموع: 52 موفقه خير
|
#9
|
||||
|
||||
,,النموذج السابع,, بسم الله الرحمن الرحيم يالله انك تحيي لجنتنا الموقرة>>>تلزق خخخخخخخخخ ------------------------------------------------------------------------------- ]بسم الله الرحمن الرحيم هذي اجابات الاسئله يارب انك تنجحن وتوفقن شادتن حيلي لي شهر وانا اذاكر>>>>والله لو انتس مصريه هالصورة تعبر عني وعن خواتي وحالتنا بالبيت لاجينا نتهاوش على الابتوب نبي ندخل على قصيمي نقعد نتضارب ونتماعط الشوش وتجي الديهب انت الغلا وتستغل الوضع وتاخذه ------------------------------------------------------- السؤال الثاني: العلماء قالوا ان الرائحه مو رائحة الحديد مثل ماحنا فاكرين بل الرائحه رائحة الانسان نفسه طبعا تبون تقولون وشلون؟ انا اعلمكم وشلون دم الانسان مكون من ماذا؟ شكله سؤال محرج خخخخخخخخخخخ مكون من عدة عناصر وبلاوي من ضمنها الحديد فإذا لامس الانسان الحديد ظهرت رائحة الحديد اللي بجسمه>>>والله لو دريت ان هذي ريحة الحديد اللي بجسمي والله مالمس الملاعق والمفاتيح ومرة ثانيه نصيحتي لكم اشربوا عطر عشان يمتلي دمكم عطر ولا لمستوا العطر تطلع ريحتكم معطره خخخخخخخخخخخخخخخخخخخخ ------------------------------------------------------ السؤال الثالث: عندي اقتراح واتمنى انه يعجبكم اقتراحي يقول ياطويلين العمر اني ملاحظة ان اغلبية الاعضاء بالترفيهي عندهم مهارة في كتابة القصص واساليبهم ممتعه وشيقه اقتراحي ليش مانسوي مسابقه لاحسن قصه وافضل كاتب قصة طبعا قصه مضحكه مو يجيب لنا قصة روميو وجوليت ومن هالخرابيط طبعا بكذا انتم تدعمون هالاعضاء وتشجعون هالمواهب ومنها يكون منتدى قصيمي نت مصدر للقصص المضحكه والمسليه اتمنى انه يعجبكم هالاقتراح ------------------------------------------------------- بالنسبه للطفل: أولآ نغرس فيه حب الله وحب الصلاة ويكون عن طريق القدوة الحسنه يعني التربيه تبدأ من عندنا حنا لان الطفل لايعي مايقال له بل يقلد فقط بعض الناس يمسك ولده ويضربه ليييييييييين يقول بس بحجة واضربهم عليها لعشر >>>>يمال الضارب اول شيء انصح نفسك ةبعدين عاقب الوغد ويهاوش ويعاقب عشان الوغد يروح يصلي وهو يتبطح كنه ضب ومايروح للمسجد الا اذا اقام>>>مالت عليه خوش قدوة بهالطريقة الغبيه الطفل يكره الصلاة يمال التبن ولايصلي وهالشيء الاحظه على اغلب الشباب الله يهديهم تلقا الواحد مايصلي الا ليلة الاختبار خخخخخخخخخخخخخ ثانيآ: مثل ماقلت الطفل يقلد فقط ولايمكن انه يسمع الكلام وهذي فطرة فيه المشكله حتى حنا يالكبار مانسمع الحتسي الشكوى لله طيب الطريقه تبدأ من القدوة بحيث لاينهى الأب أو المربي عن سلوك ويأتي بمثله مثلآ نهاوشهم ونقول عيب تتابعون الافلام وحنا نتابعهن ثالثآ: نعطيه من وقتنا نسمعه وهو يحتسي صدز بعض السوالف هلش ونصب وزلخ بس ميخالف هذا يدل على ان خياله واسع ومن هنا يبدأ هدف الطفل بالحياة بحيث نعرف من خلال هذرته وخرطه وش يحب وش هواياته ويجي دورنا كمربين ونحاول ننمي هالهوايه فيه مثلآ يحب يلعب كورة نروح نشتري له كورة >>>وخلوا عنكم البخل تراه بعشرة ريال ومو نقول لا مافيه كورة هذا يكسر علينا البيت لا نعلمه النظام ونقول ياوليدي لاتلعب بهذا العب بالحوش الله يصلحك>>>ياعليتس اسلوب ياحظ ودانتس بتس رابعاَ : وهذا أهم شيء عدم تلقيب الطفل بألقاب ومعايير غير لائقه مثلا نقوله ياحمار وتسلب >>>وانت وش انت؟ لان الطفل يصدق كل ماقيل له فلو قلنا له انت فاشل وانت صاقط يحس انه فعلا فاشل ومو قادر يعمل شيء ابد يعني حنا نهدم مستقبل اطفالنا بهالكلام اللي مال امه داعي ---------------------------------------------------- السؤال الخامس: ايه هذي التربيه مو تربيتنا مالت علينا وعلى تربيتنا شوفوا كيف يتعاملون مع الطفل وشوفوا حنا شلون نتعامل مع اطفالنا هذولا اللي يستاهلون الاطفال مو حنا يعني لاصاروا اهلك قد عاملوك معامله قاسيه لاتعامل وغدانك به حرام مالهم ذنب ماشاء الله عليهم اهل الشام يستاهلون مني ثلاث نجمات وانتم يالسعوديين ولاتذوقون مني ولانجمه>>>ميتين عليتس وعلى نجومتس . يالله ان تحييها السؤال الاول .. 10 ترفقوا على بعض بس الثاني .. اوما عطر .. ناويتن تقضين علانا .. 13 الثالث .. حلو 8 من 10 الرابع .. صادزة والله طيب 13 الخامس .. هههههههههههه وراتس عليتا .. 10 المجموع / 54 ــــــــــــــــ رحمالوف درجة السؤال الأول : 9 هههههههههههه مجرد تآكل إسطوآنآت ؟ ورى أنت الغلا صلعآ يآدآفع البلا درجة السؤال الثاني :11 تبين العآلم تسكر من هالعطور درجة السؤال الثالث : 7 فكرة مش بطآلة .. درجة السؤال الرابع : 15 ووالله لو فية أكثر لأعطيتس .. يآسلآآآآآآآآآآآآآم أستمتعت بصراحة وانآ أقرأ كلام جدآ جميل خصوصآ إن الطفل لايعي مآيقال لهـ لكن يحآكي مآيرآهـ .. أهنيتس على كلامتس وفكرتس الرآقي .. درجة السؤال الخآمس : 8 يآ أم نجوم تكفين عطيهم مجموع الدرجآت : 50 درجة ـــــــــــــــــــــــــــــ
((مشتآق حآيل)) آلسوعآل آلآولي 10 مآعليه كلآم هآلتصميم آنفدحت تسبدي من آلضحك عليه آلسوعآل آلثآني 14 ترينن شربت عطر ومآسكن شوكه آبجرب حتسيك صدز وآلآ لآ <<مشكله آلثوآره آلسوعآل آلثآلث 9 ..!! آلسوعآل آلرآبع 15 بكل تآكيد آبصم لتس على شهآده آنتس تبين تصيرين آمن مربيه آجيآل يحتذى بهآ عآد طبقي هآلحتسي آللي تقولينه مآهو بس تكتبين على ورق آلسوعآل آلخآمس 10 يآرآعيه آلنجوم ..!! آلمجموع: 58 موفقـه خير
|
#10
|
||||
|
||||
انتهىآ
يالله تحيي اللجنة .. تعالوا شرشحوهم ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |