العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الزواج من الشامية بين سؤال الخال ابوحمد وصمت ابوضاري
حقيقتن اعجبتني حلقة اليوم واللي هي الحلقة الرابعة عشر
في هذا المسلسل في ذلك الجو الربيعي فوق السطح وجلستن من اللي يحبها قلبك وابوضاري يقهوي الخال ابوحمد وفتحوا موضوعن ذوشجون وهو الزواج من الشامية وجددوا ماكنا قد ذكرنها عن الشاميات في هذا المنتدى سابقا وشلون تحول ابوضاري اللي مايهتم بروحه ولا بلبسه الى رجالن يلبس ثيابن مغسوله ونظيفة ومتسويه وحتى وجهه زان وصبغ اللحية كل هالشيء صار له عقب مااعرس على هالشامية وبحلقة اليوم ابوحمد خابرن ابوضاري قبل السورية وعقبها ومير يسئله وهم يتقهون وشلون العرس من الشاميات ويقوم البناخي ابوضاري ويعطيه من هالحتسي يابعدحي وياعزوتي بهالشاميات حتى جت اللحظة اللي خلتنا بصمتن رهيب يوم نشد ابوحمد ابوضاري هو انت تنصح بالعرس من الشام ومير يدمشقها ابوضاري ويسكت ويصرفه بطريقته وهذه حقيقتن حركتن ذكية من كاتب السيناريست فهو انحاش من السنة الصحافة بكره لو انه قايلن ايه الوكاد هيضونا اليوم وحنا ماتهيضين من بليا من حلقات باب الحارة من اللي معرسن ثنتين وكل وحدتن تقول له تئبرني بنعمي والله ان هالكلمة اخطر علينا من اقوى الرشاشات كلمتن لمني سمعتها ينتفض جسمي كله وانا اشهد انه مافيه مثل الشاميات بتعاملهن مع رجالهن بالحتسي او الاحترام والوكاد في الاخير رغم اني تهيضت وتمنيت الشاميات ماننسى بنات ديرتنا اللي فيهن الخير كله وعزالله انهن مايقصرن لمنه جاء وقت الجد وسلم لي على الشام واهلها من المسلمين الموحدين وبس وسلامتن تسلمني لحالي وبس وماعلي من احد
|
#2
|
||||
|
||||
يلومنوني فيك يا دكتور
دايم اقول اني باخذ لي سوريه ويقولون ليش، وش فيهن بناتنا؟؟ ما فيهن شي، الا على العين والراس لكن اتمنى السوريه وصدت والله، كلمة تؤبرني لحالها تكفي دكتور، وش رايك، ناخذ لنا خوات انا وياك؟
|
#3
|
||||
|
||||
يالفارس عسى الله يحفظك من كل شر ويرزقك بنت الحلال من بنات الوطن والا شامية وحقيقتن والله انها ماهي شينه اخذت الخوات بس المشكلة ان صارت وحده منا زينها والثانية شينه وقامت تقبس الشر بيننا واخرتها نتمعاط الشوش الا خلنا بعيدين لانهم يقولون الاقارب عقارب وسلامتن تسلمك وغاليك وبس وماعلي من احد
|
#4
|
|||||||||||||||||||||||||
|
|||||||||||||||||||||||||
اللهم امين الله يهنينا باللي عندنا الحين ويرزقنا بثلاثن مثلها وبالنسبة الملامه ايه فيه ملامه وهناك فرقن كبير يابنت انتن تركضن وراء الشواذ بسبة جمالهم وهم نصارى بعد ليتهم مسلمين وحنا نحتسي عن التعامل مع الزوج ماهو مسالة الجمال ولو غايتنا الجمال ماعجزنا نحصله في ديرتنا بس الوكاد مع ذلك فيه من بنات الديرة اللي تسوى وزنها الغالي والنفيس لذلك ليتس ماكتبتي مداخلتس وشبهتي بنفستس يوم اعلنتي اعجابتس بالنصراني مهند وسلامتن تسلمني لحالي وبس وماعلي من احد
|
#5
|
||||
|
||||
من زين تعاملكم مع الحريم بعد تتدلعون وتبون شاميه !!!!
لو انك تبي تعامل صح مع زوجتك ماتقول لها بعد كرفها في المطبخ شغلك مو سنع والمفروض تراعي مشاعرها وتقدر تعبها بغض النظر طلع طبخها حلو او لا ( اتكلم عن ردك في موضوع سؤال وجواب عن طبخ الزوجه) الزبده اذا كنتوا كويسين مع حريمكم وهم ماعطوكم وجه ذيك الحزه اطلبوا انكم تعرسون بس صعب جدا انك تتطلب وانت ماتعطي سلااااااااااااااااااااااااااااااااام
|
#6
|
||||
|
||||
السلام عليكم ورحمة الله وبركاته
يامجرم غير بنت البلد لا تدورر بنت البلد هى الخير والبركه وفيهن من الدلع والرومنسيه بس يبن واحدن يحترم مشاعرهن ويعطيهن على جوهن واذا سويت لهن اللى يبن صدقنى تعطيك احلا من السوريه وغيرها لا تسرع بالحكم والمسلسلات ترهن صف حكى ياخى الدليل ان الوحده تمثل وهى لعنه الشيطان على وجهها من المكياج والملابس الغاليه وهى تشتغل بالمطبخ وعليها الكحل والمحل هذا يعقل يا جماعه
|
#7
|
|||||||||||||||||||||
|
|||||||||||||||||||||
اختي ريم انا للآن ما تزوجت ان كانت من بنت الديرة، وهذا اللي بيصير، خير وبركة وان شاء الله مو مقصر معها لكن اتمنى سوريه بس مو معناته اني ما اقدر بنت الديرة ولا احترمها مثل ما قلت، على عيني وراسي هي
|
#8
|
|||||||||||||||||||||||||
|
|||||||||||||||||||||||||
وليه مشكي انا عندتس وبعدين الى متى وحنا نجامل ملينا من كثر المجامل من حقي انتقد اي شي اشوفه مثل ماهو من حقها تنتقد اي شي تشوفه مني والا تبون الناس تصير جامدة على روتين واحد مايتغير لا الدنيا حلاتها بتغيرها ولو هي تدوم على حالها ماوصلت لنا وسلامتن تسلمني لحالي وبس وماعلي من احد
|
#9
|
|||||||||||||||||||||||||
|
|||||||||||||||||||||||||
وعليكم السلام ورحمة الله وبركاته ياراعي النفود وش دخلني بالممثلات يومك تجلس تقول تراها صباغتن وجهها انا مااتكلم عن الجمال الجمال شي طيب بس ماهو ضرورة ملحة انا اتكلم عن تعامل السوريات في كلامهن مع ازواجهن في تعاملهن معهم في حياتهم الزوجية وانا عايشت قصة شفتها قدام عيني مع عمي الله يرحمه وسبق اني ذكرتها وهي اللي خلتني فعلان اتهيض كل ماحل طاري العرس من الشام وسلامتن تسلمني لحالي وبس وماعلي من احد
|
#10
|
||||
|
||||
اقوووووول يا قلبـــــــي بس
على زوجتتك والا انــــــت اللــه يخلــــــف والله يرزقك بزوجتن تقوللك ابن عمــــــــــي 00
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |