هالك اليوم

[s.r]

بسم الله الرحمن الرحيم
السلام عليكم ورحمة الله وبركاته
يالله إنك تحييهم وتبقيهم وللجنة تعطيهم ..


هذا أول موضوع لي بهالمنتدى ’’ وأتمنى إنه يعجبكم ’’

كان ياماكان كان في الزمن الغابر << يقالك العصور الحجرية ’’ اخلصي وقولي وش عندتس ’’
هاك اليوم انعزمنا على استراحتن تونس وتوسع الصدر ’’ رحنا له << احلفي ’’ كان عزمتيهم معتس ’’
وجلسنا سواليف ’’ وكل وحدتن من هالحريم تحتسي لنا موقف وقصتن من القصص ’’ واندمجنا مع هالسوالف ’’ وما درينا إلا الوقت صار 11 بالليل << قولي ق طال عمرتس قاعدتن ترطنين وتهذرين وما تبغين الوقت يمشي ’’

وإنا جالسين معنا هاك الشاهي والمستلزمات تبعه ’’
<< نسيت أقول لكم ’’ إنوه الرجال ملوا من هذرتنا وطلعوا عندهم مشاغل وما بقى معنا إلا اللي أعمارهم مابين 16_ 19 سنة ’’ بزران يعني << منتيب تاركتن الطنازة عنه’’ هذا وهو مهوب اللي بعدتس على طول لو إنه بعدتس وش بتسوين بوه ’’

إذ بأحد الأطفال يأتي مركضا << مركضا هذي بتدخلتس الموسوعة ’’ بس أي موسوعة تبغينه ’’

وهو يزاعق <<يعني لج أذاننا من صوته يحسب إنوه كناري
بوه ثعبان وفلان نيم بالخيمة ’’ << وي ثعبان مرتن وحده ’’ ما صدقنا قلنا هلس بزران ’’ بس قلنا بنروح الله من اللقافة تعرفون اللقافة عرقن بالجميع ’’ << ليه طال عمرتس تحسبين الناس مثلتس ’’

وننقز لقسم الرجال ’’ ما فيه أحد إلا هاك البزر اللي قلت لكم إنه راقد وباقي الأولاد حسوا والله العالم إن الاستراحة ضيقة وطلعوا في الشارع يلعبون ’’

قمت
أنا وأميمتي وبنت خالته وخالتو << إلك إنت كل ثانية إلك لهجة اثبتِ دخيلك ’’

دخلنا قسم الرجاجيل << يقالتس ما تخافين أنت وجهتس ’’ إلا الخوف يجري بعروقتس ’’ بس خوفتس على أمتس طير خوفتس على عمرتس ’’
وفجأة جووا كل اللي بقسم الحريم يشوفون هو هاك الحتسي اللي قاله الولد صدتس وإلا لا ’’

دخلنا ’’ وناظرنا المكان ’’ ما لقينا بوه شيء << بلى عيونكم الله يخلف ’’ ماهنا شوف يسوى ’’

الولد اللي مسوي نفسه مخابرات سي ان ان على غفلة ’’ قال والله إني شفته تمشي ولونها مثل التراب ’’ بهاك الوقت أدركت إن الأمر صدز وما هنا في السالفة خراط ’’ خفنا نمشي على التراب وتشوفنا << قولي ق ’’ وين العضلات اللي كانت نافختن عمرتس فيهن أول السالفة ’’

مشينا نفتش بهالقسم ’’ ولازم نطلع الولد اللي نيم بهاك المكان ’’ عشان ما تلدغوه’’

الموهم وإنا قاعدين ننقب << بترول ذا مهوب ثعبان ’’ لقيناه بذيك الزاوية وتزحف على جنبه ’’ عرفته أميمتي جعله بالجنة والله يطول عمرها على الخير والطاعة ’’ وقالت ذي أم جنيب ’’ لأنه تزحف على جنبها ’’ قررنا نذبحه ’’ بس جانا هواش لين قلنا بس ’’ بحكم إننا ما نعرف شيء عن الثعابين ولا نعرف شلون نأدبه << ليه قالوا لتس ولدتس بتأدبينه ’’
وجلسنا نراقبه’’ واكتشفنا إن بوه أربعة ’’ يعني ما جت بالحاله جايتن هي وربعه ’’ بتكشت يقاله وش زودنا إنا نكشت وهي لا ’’

وقررنا نهج وترك المكان لأنه ملغم << أبوك يالألغام ’’

طلعنا كل اللي بقسم الرجاجيل ’’ واجتمعنا بقسم الحريم << أصلا ما كان بوه أحد إلا البزران أنت ووجهتس مسوية فيها حكيمة زمانتس ’’
الموهم الحريم يا حليلهم صدز إنهم خوافات <<وأنت وش أنت طال عمرتس >> عن الهرج اللي ماله داعي ’’

لبسوا عبيهم ’’ وكل وحده منهم زهمت على رجله يجي ياخذه << خربت عليهم الثعابين ’’

ولبسوا عبيهم وجلسوا عند الباب << الخوف وما يسوي ’’ لو إن رجالهم عند الباب كان لطعوهم ساعتن وما ظهروا ’’ لكن عشان الثعابين لبسوا قبل لا يجوون رجالهم ’’

أخوي كان برا الاستراحة ’’ وجاء بيدخل بقسمهم وأمي اتصلت عليه وقالت له السالفة ’’ وقرر يدخل ويذبحهن بس أمي عيت عليه ’’<< قلب الأم أكيد تحب ولده ’’

طبعا إنا الوحدين اللي سيارتنا موجودة وجينا بنمشي ونتركهم خافوا مساكين ’’ وقاموا يقولون لنا ويقنعونا ما نطلع لين يجون رجالهم وياخذونهم ’’ جلسنا عشانهم ’’ ويوم جت سيارتهم كل وحدتن منهم نطت وركبت وركبت أغراضه ومشت ’’

بعدين بعد ما طلعوا تفقدنا الاستراحة وطلعنا ورجعنا لبيتنا << قولي ق وين ناوية تروحين ’’

وخلصت السالفة ’’

ما يستفاد ’’
1/ لازم إذا نزلتوا مكان تقولون أعوذ بكلمات الله التامات من شر ما خلق ’’
2/ لا تخلون عيالكم ينامون بأي مكان تفقدوهم ’’
3/ لا تسوون أنفسكم شجعان ’’ وخلوكم على طبيعتكم ’’

4/ تعلموا شلون تتعاملون مع الثعابين لأنه ممكن تظهر عليكم بأي وقت ’’

وباقي الفوائد واجب طلعوها أنتم ’’
والحمد لله على سلامتي وعائلتي << كيفي ’’
والسلام عليكم ورحمة الله وبركاته

مشاركة هذا الرد في Google Facebook Twitter Digg

أنت معجب بهذا.

[رحمالوف]

8
8
اصبري بجيب دفتري أبو أربعين ورقهـ ..

وبنبطح قدام الكمبيوتر وبحل الواجب برواقهـ ..

طيب لازم تسطير الصفحهـ وتلوين ولا أي واجب ومش حالك ؟إإ

مشاركة هذا الرد في Google Facebook Twitter Digg

أنت معجب بهذا.

[سيف عبدالله]

هههههههههههههه


موقلعه انتى يا اس تى

سولافه زاحفه يعطيتس ربى العافيه

اجل خرشكم الثعبان هههههههههههههههههههههههه

مشاركة هذا الرد في Google Facebook Twitter Digg

أنت معجب بهذا.

[مزيونه مررره]

وعليكم السلام ورحمة الله وبركاته ,,
حليت الواجب ,,,
الفوائد هي كالتالي:
1/ لما يجتمعون الحريم المفروض مافيه ولا وحده تلبس ساعه عشان يمر الوقت والوقت يمضي,, والنكهة تبقى ,,
مدري وشي له يمكن لبتون ولا فيمتو ولاحليب المهم تصلح هنا وبس,,
2/ ان الشرافه ستظل موجوده حتى لو قامت الحرب الأهليه الرابعة عشر للتخلص منها هذا والله اعلم ,,
3/ من محاولة قتل الثعبان طلع هالمثل الخطير >>> إن لم تكن شجاعاً أكلتك الفراشاتُ ,,


يعطيتس العافيه يالشجاعه على هالسالفه ,,, شكلتس كنتي تتابعين وفارس الصغير الفتى الشجاع يصبح الأمل ,,
هذا اللي أذكره من اغنيته ,,,

تقبلي مروري ,,,

مشاركة هذا الرد في Google Facebook Twitter Digg

أنت معجب بهذا.

[الدبة المملوحة]

اقتباس: وجلسنا نراقبه’’ واكتشفنا إن بوه أربعة ’’ يعني ما جت بالحاله جايتن هي وربعه ’’ بتكشت يقاله وش زودنا إنا نكشت وهي لا ’’

خخخخخخخخخخخخخخخخخخخخخخخخ

جايه هي وفروخه

موضوع يهبّل


يستاهل الطنب والنجوووووووم

وياهلا وغلا فيك يا اس آر

مشاركة هذا الرد في Google Facebook Twitter Digg

أنت معجب بهذا.

[s.r]

اقتباس: المشاركة الأصلية كتبت بواسطة رحمالوف     8 8 اصبري بجيب دفتري أبو أربعين ورقهـ .. وبنبطح قدام الكمبيوتر وبحل الواجب برواقهـ .. أبو أربعين ورقة بس ’’ ما أظنه يتسفي ’’ << ناوية كرف ’’ طيب لازم تسطير الصفحهـ وتلوين ولا أي واجب ومش حالك ؟إإ

أفاااا ’’ ما يحتاج ’’ التسطير باليد ’’ والحل بلون واحد ’’ << تحبين النظام ما شاء الله عليتس ’’


حياك الله ’’

سررت بمرورك ’’

جزيت الجنة ’’

مشاركة هذا الرد في Google Facebook Twitter Digg

أنت معجب بهذا.

[s.r]

اقتباس: المشاركة الأصلية كتبت بواسطة سيف عبدالله     هههههههههههههه الله يسعدك دنيا وآخرة ’’ موقلعه انتى يا اس تى ايه ’’ عشاني من كم يوم ’’ تعلمت شلون الهبوط ’’ فقررت أقلع ’’ << لا يكثر ’’ وعن الهرج اللي ماله داعي ’’ سولافه زاحفه يعطيتس ربى العافيه زاحفة << متأثرتن بأخيي الله يصلحه قبله يزحف بالسيارة ’’ << أحد جاب طاري أخوتس الحين ’’ الله يعافيك ’’ اجل خرشكم الثعبان هههههههههههههههههههههههه

بقوة ’’ بس وناسة << ايه لو إنوه لادغتس كان ما حسيتي هالحتسي ’’

حياكم الله ’’

جزيتم الجنة ’’

مشاركة هذا الرد في Google Facebook Twitter Digg

أنت معجب بهذا.

[s.r]

اقتباس: المشاركة الأصلية كتبت بواسطة مزيونه مررره     وعليكم السلام ورحمة الله وبركاته ,, حليت الواجب ,,, الفوائد هي كالتالي: 1/ لما يجتمعون الحريم المفروض مافيه ولا وحده تلبس ساعه عشان يمر الوقت والوقت يمضي,, والنكهة تبقى ,, مدري وشي له يمكن لبتون ولا فيمتو ولاحليب المهم تصلح هنا وبس,, تنصحينن به ’’ أجل بأنفذه اليوم ’إن شاء الله ’’ بس الاساعات اللي باخذه عشان ما يحسون بالوقت’’ منيب مرجعته لهم غنيمة ’’ << هذا اللي تبغينوه انت وجهتس البنية ما قالت لتس تسذا ’’ 2/ ان الشرافه ستظل موجوده حتى لو قامت الحرب الأهليه الرابعة عشر للتخلص منها هذا والله اعلم ,, يا حليلتس ’’ أصلا سبب الحرب الرابعة عشر بتكون اللقافة << محللتن سياسية طال عمرتس ’’ شكلتس كوكتيل ’’ مرتن مترجم ’’ ومرتن محللتن سياسية << البتاع كله << على كلام إخوانا المصريين ’’ 3/ من محاولة قتل الثعبان طلع هالمثل الخطير >>> إن لم تكن شجاعاً أكلتك الفراشاتُ ,, مثل خطنطير ’’ جاري حفظه ’’ يعطيتس العافيه يالشجاعه على هالسالفه ,,, شكلتس كنتي تتابعين وفارس الصغير الفتى الشجاع يصبح الأمل ,, هذا اللي أذكره من اغنيته ,,, الله يعافيتس ’’ تقبلي مروري ,,,

حياتس الله ’’

جزيت الجنة ’’

مشاركة هذا الرد في Google Facebook Twitter Digg

أنت معجب بهذا.

[s.r]

اقتباس: المشاركة الأصلية كتبت بواسطة الدبة المملوحة     خخخخخخخخخخخخخخخخخخخخخخخخ الله يسعدك دنيا وآخرة ’’ جايه هي وفروخه تعرفين قلب الأميمة ’’ ما يهون عليه تجي بدون عياله ’’ << بس تراي ما أدري جاين ابوهم معهم وإلا لا ’’ كان سويتِ معم تحقيق وانت وش دخلتس فيهم الله من الشرافة ’’ موضوع يهبّل يا حبي لتس هذا من ذوقتس ’’ يستاهل الطنب والنجوووووووم تحمست انزل لكم موضوع ثاني ’’ << لا تصدقين عمرتس إنتس تعرفين تستبين ’’ وياهلا وغلا فيك يا اس آر

المهلي ما يولي ’

هلا بتس ’’

جزيت الجنة ’’

مشاركة هذا الرد في Google Facebook Twitter Digg

أنت معجب بهذا.

[¨°я» بنت عـآدية «я°¨]

انتي للحين تبينا نحل الواجب

خلاص رصدوا الدرجات

يعني ماعاد فيه حل

والدفاتر بتنقص


خخخخخخخخخخخخخخخخخخ سولافة رووهيبة

يعطيك العافية خيتوووو

مشاركة هذا الرد في Google Facebook Twitter Digg

أنت معجب بهذا.