العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
سفرررر وطـــــفش وحـــــريم يجـــــيبون الهـــــم
بدون مقدمات وبدون حركات بنخش دووغري
على الموضوع السالفه ومافيها انا الحين في اجازه خاصه وبعيد شوي عن الشغل ومشاكله وترا ماخذ هاذي الاجازه مو عشان العمل عشان المنتدى ابي ارتاح شوي لعنبو ابليسك ياسكري اربع سنوات وانت مواصل ماركدت مفروض ادارة المنتدى يعطونا اجازه غصب عنا عشان الواحد يرتاح من هالمراكض في هاالاقساام وعلى قوله المثل ترتاح ويرتاحون العالم منك وماتدري يمكن بعد لو عند المنتدى صلاحيات كان عطوني المنتدى تقاعد مبكر عشان يفتكون مني ومن هذرتي ويسووون موضوع ويثبتونه تقاعد مبكر للعضو سكري زيادة بناء على طلبه المهم عااااد خذيت الاجازه وكنت مرتب انا واحد من الزملاء نروح لام الدنيا مصر نسلم على ابو الهول ونرجع ولاكن على قوله الشاعر تجري الرياح بما لاتشتهي السفن عااد مادري هااذا شعر ولا مثل بس حبيت اطلع مهاراتي وثقافتي عشان تعرفون ان السفر له سبع فوائد وزاد اطلاعي ومعرفتي في البحور السبعه عادي شباب لاتنحرجون اذا مافهمتم البحور السبعه انا حتى عن نفسي باقي مافهمتها يبيلها بس شوي المهم كان الوضع في مصر شوي متوتر وخفنا وعزمنا انا نكسل الروحه لمصر ونستبدلها بدبي دار الحي .. واليكم هااذا الحوار الي صار بيني وبين زميلي الي كان بيروح معي الو هلا سكري وشلونك سمعت يقولون مصر فيها مشاكل قلت احلف ... قال ويش رايك بس نروح لدبي قلت خلاص دبي دبي قال تراااا بيروح معنا عديلي اخو زوجتي قلت ويشهو من لحيه قال شروا ومن يسمع قولوا معي انت يالي تقراااا شرواك الطيب ... تراااا عاد هااذي فيها قبايل وعلوم رجاجيل تحسون شي ان ثقافتي ارتفعت شوي واضح من الكلام وعلوم الرجاجيل ..... امحق سافرنا لدبي انا وزميلي وعديله وصلنا هناك قالوا خلاص نبي نقط من اربعه الاف ريال وتصير معك يابخيت قلت لهم ترااا لو جات الفلوس معي بصرفها في ليلتين رجال ماحب اكاسر واحب الهيصه ويمكن ترووح في غمضه عين المهم قررنا نعطيها لعديل زميلي خالد المهم طلع رجال ممتااز في عمليه الأدخار والتموين وبعدين القى خالد كلمته بعد تعيينه منصب المدير المالي للرحله ,,,,, وقال في كلمته اسمعوا هااذي القطه ترااااها للسكن والاكل والطلعات الخفيفه والاشياء الاخرى ترااها خارج القطيه كل واحد يدفع من جيبه الخاص قال كلام غير مفهوم هاذا البند مايدخل في القطه ومادري ايش قال يعتمد على المكان الي بنروح فيه .... قنا ابشر طاال عمرك انا عااد ابغى امازحه شوي قلت انت تنفع يعينوك مستشار لوزير الماليه عشان اقتصاد الدوله المهم جلسنا عشره ايام بلياليها هناك ورحنا ولفينا واستمتعننا وكان ودي اجيب الصور بس قلت مالها داعي دبي معروفه بالتطور الي فيها ومايجهلكم فيها شي . وذات يوم قررنا ان نشوف الأراء وين نطلع الليله قال المدير المالي اليوم بنرفهكم شوي ونطلع على القرية المائيه يسمونها الواد وادي قال خلاص نمشي الحين ونشتري على حساب القطيه ملابس سباحه قلت انا عن نفسي جاهز انا ملابسي وفوطي الخاصه بالسباحه معي في الشنطه مجهز الاخ ترتيباته وقلت له مايحتاج ترهق ميزانيه القطه عشان ملابس سباحه رحنا للقرية صراحه كنت اسمع فيها وكل واحد راح لدبي بمدح في هالقرية وتحمست عشان كذا جهزت نفسي وخذوا منا دخول حوالي 800 ريال وصراحه الوضع فيها ماهو زين مرررره اجانب وعالم لاعت كبدي منهم دخلنا نص ساعه وقلنا خلونا نطلع منهم ... لاني سمعت عن هالقرية في قلت اكيد فيها شي خياااال ... بس ياخسارة 800 ريال الي اندفعت لهم مقتطفااات من الرحله ومايستفاد منها 1- زميلي عبدالله وعديله خالد حطوا حريمهم عند اهلهم يعني هم ماخذين اخوات وكل شوي حريمهم يتصلون عليهم عيال عبدالله ضربوا عيال خالد وماراحوا للمدرسه والثانيه تقول عيال خالد كسروا العاب عيال عبدالله .... صرااحه انا طفشت تقولون كيف عرفت ياخي صراخ حريمهم بالتلفون اسمعه وكلام قوي ... حتى مسكين خالد من الطفش خرب الميزانيه يوم يقول خلونا نروح نفلها في القرية المائيه المهم كل حرمه تتصل على زوجها وتقول الوضع ماينسكت عليه تعالوا خذونا من بيت اهلنا خلونا نروح لبيوتنا ... الحين عرفت المقوله الشهيرة ان كيدهن عظيم ..... والله اعلم انهم يبغون ينكدون على ازواجهم في الرحله مايبغونهم ينبسطون ابدااا انتم ماتبغون تصدقون هااذا الي صاار وكل يوم على هالحاله ..... عااد انا اقول في نفسي ياحليل زوجتي كل ماتصل عليها تقول وشلونك عساك طيب وحتى اني مرره اتصلت عليها تلفون وأول ماردت علي قلت لها ياحليلك ويش زينك قالت اسكتوا يابزارين خلونا اسمع ابوكم شكله مصخن لانها تفاجئت بأول ماكلمتها قلت لها هالكلمتين الغريبتين الي في اول المكالمه قالت انت وينك لايكون طالع برج خليفه قلت انا بوه بالحديقه يزعط اني اتكلم اماراتي ماتدري ان هااذي لهجه قصيمي ولو الود ودي كان جبت احداث الرحله كلها بس الموضوع بيطول عليكم وتكثر الهذرة الي مالها داعي وبتملون واختصرتها مراعاه للذوق العام ... على فكره ترااا هااذي من الكلمات الي اكتسبتها من الرحله كان معكم سكري زياده من برج خليفه / الى اللقاء |
#2
|
|||
|
|||
منهو الي ثبت الموضوع يمكن تثبت اليا واكلينيكيا
على العموم الشكر موصول له |
#3
|
|||
|
|||
ايوه ويش بغيت اقول لكم من ضمن الرحله رحنا نتسوق في السوق الصيني وفيه كل ماتبغى ... عبدالله وعديله خالد كل واحد يطالع الي يشتري ويقلد ويشتري مثله عشان تعرف حريمهم اخوات واكيد كل وحده بتشوف ويش جايب زوج اختها لها .... وانا اطالع وساكت وشايف الوضع واحد خذا شنطه الثاني خذا نفس الماركه وحتى نفس اللون وحتى العاب الاطفال نفس الشكل والمضمون وأذا واحد شراا شي غالي قال ياخي ويش تبغى تشتري هااذي عشان مايتوهق الثاني ويشتري مثلها ويمكن بعد هااذي توصيات من زوجاتهم كل وحده تقول لزوجها انتبه يشتري اكثر منك صارت منافسه بينهم وغيرة حتى بين خالد وعبدالله اما بخيت محاكيكم اخذت اغراضي مرتاح البال والضمير ومافيه منافس لي |
#4
|
||||
|
||||
ههههههههههههههههههههههههههههههه
اول شي حمدلله على سلامتكم وبخصوص الحريم ياليل مطولك حتى بالسفر ناشبات لرجالهن واتوقع كل نهايه يوم يعطون حريمهم تقرير واتوقع والله اعلم ويمكن ما عرفتلهم انهم يحطون كل شي براسك وهم ما شاءالله عليهم مسالمين ويغضون البصر على فكره ترى الزوج هو اللي يجسر زوجته على هالشي ولو معلمها من الاول ما تتصل الا للشي الضروره فقط وانه هو اذا فضى يدق عليهم ويتطمن , بس وش السواه دام الرجال ما يقدرون يعطون حريمهم صامت والا مكالمة لم يتم اعطائها وجه ههههههههههه . يعطيك العافيه سكري وان شاءالله نشوفك بالسفر الثانيه الا ما ودك نسافر لأندونيسيا يقولون عندهم ربيع يهووووووووول خخخخخ
|
#5
|
||||
|
||||
الف الححمدلله ع السلاممه..انا اشووف غياابكك طول طلعت مسافر..هههههههههه صرااححه موووضوع روووعه .. العنووان لحاله سالفه هههه<<لاازم تكتب موضوع مدحح للحريم بعد هالموضوع خخخ>>واححلي مافي السفره انكك عرفت ان زوجتكك مافيه مثلها وتتمسك فيها وماتزعلها .. اما الحككايه تشبه قصه نااس اعرفهم بس سافروا مو لدبي ...انا دخوولي قليل لاني ادخل من الجوال .. بس شفت موضووعكك وقلت الا ادخل واشكركك ع الموضوع الجججميل يستاهل التثبيت..يسلمووو..
|
#6
|
|||
|
|||
لاتهيض المشاعر تراااا اخوك بيصدق .... ولاتنسى تجيب الشوزن عشان الغزلان بس مادري غزلانهم فنس مثلهم ولا تختلف عن الغزلان العربيه يعطيك العافيه سكري وان شاءالله نشوفك بالسفر الثانيه الله يعافيك يابو وريف واشكرك على الشكر على تعطير الموضوع بنسماتك |
#7
|
|||||||||||||||||||||||
|
|||||||||||||||||||||||
تو مانور الموضوع بدخولك وانا الي اشكرك على الشكر على المداخله اللذيذه وتحياتي لك ايتها الزعيمه |
#8
|
||||
|
||||
ههههههههه افااااا ياااسكري تروح دبي وما تعطيني علم كنت بجيك وبستقبلك عند منفذ البطحاء وامشيك في دبي دار الحي واوديك متاحف الشارقه منها لابو ظبي وعالم فيراري واوديك للعين دار الزين ومنها تتعشى معاي في البريمي داري ومرباي خخخ شف كيف جدول الرحله ماعليه زود ...
اما على طاري الحريم فأنا تعلمت درس من رحلة صلاله في العيد الماضي انك ومهما حدث ولو انقلبت البحور السبع خخخ ماتروح مع رجال متزوج ...تحس انك طبيب نفسي ومحلل ومشاكل اسريه هع . عموممممممااااااااا ان شاء الله تكون رحلتك الجايه للسلطنه ويكون لنا شرف ضيافتكم ... تسلم عالموضوع الزاحف
|
#9
|
|||||||||||||||||||||||
|
|||||||||||||||||||||||
سلمك الله وشاكر لك على دعوتنا للزياره وشاكر لك على المروور الزاحف |
#10
|
|||||||||||||||||||||||||
|
|||||||||||||||||||||||||
ههههههههه انا بس ماعندي حروف عشان ارد الحمدلله ع السلامه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |