العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#201
|
||||
|
||||
سلامة+موزة: هاهاهاهاهاهاهاهاهاها.
مريم بعصبية: ليش اضحكن؟. موزة: بعد ما فات الفوت ما ينفع الصوت. مريم: منو قالج ان ما ينفع الحين انا برجع البيت. موزة: منو بيردج؟. مريم: غانم بيردني. سلامة: اسميج تحلمين , غانم متحيل يردج. مريم: انزين مب لازم يردني بتصل بالدريول وبرجع البيت. موزة: بفستانج بتروحين؟. مريم: لا بغيره. سلامة: شو بتلبسين؟. مريم: على ما اعتقد الشنطة موجودة بغير وبروح. سلامة: حبيبتي الشنطة شلها غانم و حطها فسيارة سيف. مريم بخوف: انزين بلبس لبسج اللي يايه فيه. سلامة: نزلت الكيس مع غانم وحطها فسيارتنا. مريم: أنا أكرهج انتي وياها. سلامة+موزة: هاهاهاهاهاهاهاها. واتصلت سلامة بغانم. غانم: الو. سلامة: هلا غانم, تعال فوق عشان تنزل مريم. غانم: اوكي دقايق والحين ياينكم. سلامة: واستعد تراها ينت تبى ترجع البيت. غانم: هاهاهاهاهاهاها اوكي باي. سكر عنها. سيف: ليش تضحك؟. غانم: مريم تبى ترجع البيت. سيف: شو ترجع البيت؟. خليفة يبتسم: والله عادي مريم تسويها. سيف: ابوي روح شوف اختك وقولها خلاص ماشي رده للبيت. غانم يطالع سيف بنظرة: يبالي اوديها البيت واخليك تترجاني اردها الفندق مرة ثانية. خليفة+عبدالله: هاهاهاهاهاهاهاها. سيف: حشى هو و اخته نفس الشي. بوغانم: غانم. غانم: نعم ابويه. بوغانم: متى بينزلون اختك؟؟ الناس بتروح. غانم: الحين رايح انزلها من فوق , تراني بتصلبك هي حالفه ما تدخل بدونك. بوغانم: خلاص بندخلها انا وعمومتك وخالك. راح غانم عند مريم. مريم: غانم ارجوك ردني البيت. غانم بهدوء: مريم ماروم اردج الحين. مريم: ماريد انزل. سلامة و موزة يضحكن عليها. سلامة: هاهاهاهاها يلا مريوم بلا دلع بنات. مريم طالع سلامة بحقد: يعلج يا سلامة ريل احول اذا ما قمتي عني. سلامة+موزة+غانم: هاهاهاهاهاهاها. سلامة: وهو أحول ليش اخذه هاهاهاهاهاا. غانم: يلا مريوم. مريم ترتجف: ماريد. غانم: ليش؟. مريم: بس ماريد ماريدأعرس. صاحت. غانم تنهد وقعد عدالها يهديها. موزة بهمس: سلامي خلينا نحن ننزل. سلامة: اوكي , غانم نحن بننزل. غانم: منو بينزلكن. سلامة: بروحنا. غانم: لا لاتنزلن بروحكن. سلامة: اوكي عيل بتصل بخالد. واتصلت سلامة بخالد ونزلهن عند امهن مسلمن على الحريم , وخلو غانم مع مريم يهديها ويقنعها , وبعد ربع ساعة غانم اتصل بسلامة وقالها انهم بينزلون مريم , وسلامة خبرت امها وام غانم ودخلت مريم مع ابوها وعمها سيف وعمها سالم وخالها, وكانت خايفه وترتجف من فوق لين تحت والكل يطالعها باعجاب ,, وقعدو مريم على الكوشه وسلمو عليها اوبها وعمومتها وخالها وظهرو وعقب و قامن البنات يسلمن عليها واللي ريحها ان كل ربيعاتها موجودات ,, وبعد ساعة. غانم: سيف ما بتدخل. سيف: لازم أدخل؟؟. غانم: أشهد ان لا إله إلا الله وأشهد أن محمدا عبده ورسوله خلصت من حرمته الحين دوره. سيف: انزين انت ليش ما اطلعها بنروح فوق بنتصور وعقب بنروح. خليفة: ليش ما تبى تدخل من الصبح حاشرنا شوفيك الحين. سيف: مافيني على الحريم يتمن يطالعن. خليفة: انزين شوفيها. سيف: منو يحب يقعد والناس كلها اطالعه تقول كائن غريب والا حيوان. الكل: هاهاهاهاهاهاهاها. غانم: يلا سيف فكنا ادخل. سيف: وانت ليش مستعيل على الدخله؟. غانم يتمصخر: صراخه انا قايل لسلامة ادورلي حرمه وأكيد لقتلي وحده والحين ابى ادخل عشان اشوفها. سيف: عيل غياظ ما بدخل. ويووهم بوغانم وبومحمد. بومحمد: يلا ابوي سيف ما بتدخل عند حرمتك. سيف: الحين بدخل عمي. دخل سيف مع غانم وجاسم وخالد , سلم سيف على مريم وعقب غانم وجاسم خالد سلمو عليهم وطلعو وبعد خمس دقايق دخل بوغانم وبومحمد و بوعبدالله و بوعبيد سلمو عليهم وتصورو وطلعو وقعدو سيف و مريم ساعة وعقب طلعو وراحو فوق يتصورون و ام عبدالله وام غانم وغانم راحو وياهم. والناس بدت رتوح بعد ما طلعت العروس. سلامة: وين امي؟. روضة: امي روحت مع ابوي وخالد. سلامة بصدمه: ونحن منو بيردنا. روضة: شدراني فيج , مب انتي قايلتلي لا اروح عنج بنروح رباعه. سلامة: انزين يعني اقصد ان نرجع مع امي , تراني انا يايه مع غانم. روضة: والحين شو نسوي؟. سلامة: بتصلبهم. موزة: لا تتصلين هذوه خليفة هنيه, بتروحن ويانا. سلامة: لا بتصل بأمي. موزة: لا تتصلين قلتلج نحن بنوصلج والا تراني بزعل عليج. سلامة: اوكي خلاص. طلعن من القاعة وشافن خليفة يترياهن. خليفة: انروح؟. موزة: هيه. خليفة: منو هاي الاميرة اللي وياكم؟. روضة: شكرا شكرا. خليفة: هذي روضة ما عرفتج. روضة: أدري اني حلوه. خليفة: هاهاهاهاهاها. موزة: لحظة خليفة نسيت تلفوني داخل بروح اييبه. ردت موزة داخل القاعة تيب تلفونها وسلامة وقفت عدال خليفة وهو رد على ورا وسلامة طالعته بستغراب ليش رد على ورا؟؟ وهو لف عنها يكلم روضة. خليفة: هااا رويض ما خبرتيني شو العرس؟. روضة: والله كان عجيب وخاصة ان الكل كان يطالعني باعجاب بس فيه ناس خربو علينا شوي. خليفة: والله منو هذيلا اللي ما يستحون يخربون عليج؟. روضة اطالع سلامة: سلامي فاله شعرها والحريم كلهن يطالعنه , لو ما كانت فاله شعرها محد كان بيطالعها. خليفة: لا عاد جيه انتي ظلمتي سلامة – ولف يطالع سلامة فعيونها – حتى لو ما كانت فاله شعرها عيونها بتذبحهم. سلامة استحت ونزلت راسها وفخاطرها: صدق ان ما يستحي. روضة: مب جني أنا أختها. خليفة يبتسم: أعرف انج اختها. روضة: عيل كيف تتغزل باختي جدامي. خليفة: هاهاهاهاهاهاها مشكلة اليهال يوم يدخلون فاشياء ما تخصهم. روضة تخشن صوتها: سلامي يلا خطفي جدامي يلا. سلامة بعصبية: انتي وياه ما عندكم سالفة. خليفة: هاهاهاهاهاهاهاها. موزة مبتسمة: الله يديم ها الضحكة إن شاء الله. سلامة: خلونا نروح يكون احسن. مشت سلامة و روضة مشت رواها. موزة بصوت واطي: شوفيها؟. خليفة بهمس: مادري. موزة: أعرفك انت السبب. خليفة براءة: أنا شو سويت هاهاهاهاهاها. موزة: ليش تسالني انت ادرى. خليفة: سلامة روضة صبرن وين رايحات. ركبن السيارة مع خليفة و فالطريج رن تلوفن سلامة. سلامة: الو. خالد: هلا سلامي. سلامة: أهلين. خالد: وين انتو؟. سلامة: فالسيارة. خالد: مع منو؟. سلامة: خليفة و موزة. خالد: اوكي باي. سلامة: ليش شو تبى؟. خالد: أمي حشرتني اوين اتصل شوف خواتك وين متى بيردن. سلامة: الحين نحن جدام الباب. خالد: خلاص باي بروح اتسبح. سلامةك باي. روضة: منو؟. سلامة: خالد. روضة:شو يبى؟. سلامة: يبى يعرف نحن وين. روضة: نحن جدام الباب. سلامة: قتله. روضة: مشكورين و تصبحون على خير. خليفة و موزة: وانتي من اهله. نزلت روضة. سلامة: تصبحون على خير. و نزلت بدون ما تسمع ردهم , ونزل خليفة وراها. خليفة: سلامة. لفت سلامة اطالعه وهو اتقرب عدالها. روضة: شو تبى تقول؟. خليفة: انتي بعدج ما رحتي داخل. روضة: لا ما بروح ريلي على ريل سلامة. خليفة: رويض روحي داخل وفكيني. روضة: شو تبى سلامة؟. خليفة: ما يخصج. روضة: أي شي يخص سلامة يخصني. خليفة: روضة روحي بقولها شي. روضة: اريد اعرف. خليفة: روضة قتلج شي ما يخصج. سلامة بعصبية: يا تروحين يا انا اروح مب متفيجتلج انتي وياه. خليفة: لا والله. سلامة لفت ويها صوب الثاني. روضة: لا تعصبين انا بروح كنت بس امزح. راحت روضة. خليفة: زين جيه زعلتيها. سلامة: إذا موقفني عشان تحاسبنس أحسلي أروح. خليفة: انتي شو فيج؟. سلامة: ما فيني شي. خليفة: ليش معصبة؟. سلامة: مب معصبة. خليفة: كل هذا ومب معصبة عيل يوم بتعصبين شو بتسوين؟. سلامة: خليفة لا طفربي قتلك مب معصبة وخلاص. خليفة: انزين شو فيج؟. سلامة: يا الله ما فيني شي. خليفة: كيف ما فيج شي وانتي من كنا فالفندق وانتي مضايجة شو فيج؟. سلامة: أنا شوفيني والا انت شو فيك؟. خليفة: انا الحمدلله ما فيني شي. سلامة: هيه صح , مادري منو اللي بس تقربت شوي عداله ابتعد عني تقول باكله والا فيني يرب , أنا ما كنت متعمدة اوقف عدالك من وقفنا نتريا موزة لا شعوريا وقفت عدالك , والله لو كنت اعرف انك تكره وقوفي عدالك والله الغظيم ما كنت تقربت عدالك , بس صدق حز فخاطري من ابتعدت من عدالي. خليفة يبتسم: الحين انتي هذا اللي مزعلنج. سلامة: ليش انت تعتقد ان هذي الحركة ما تزعل , أنت قولي شو بيكون شعورك لو شفت ربعك كلهم قاعدين ومن ييت انت بتقعد قامو كلهم بدون ما يكلمونك شو بيكون موقفك قولي؟. خليفة: بسألهم ليش قامو ما بزعل شراتج. سلامة بتحدي: اوكي ليش ابتعدت؟ز خليفة: بقولج بس لا تزعلين من رمستي. سلامة: قول ما بزعل. خليفة: سمعي المشكلة مب فيج ولا أنا , المشكله كلها فأفكاري أنا طول اليوم افكاري تروح و ترجع لج ,,,, طول الوقت أتخيلج قاعدة وياي والا تسولفين والا أضحكيلي و أفكار وايد ماقدر أقولج عنها , فما بالج فجأة تكونين قريبة مني و بدرجة رهيبة لو بس حركت ايدي كان من الممكن اصكج , صدقيني سلامة لو ما ابتعدت عنج الله يعلم شو كان بيصير واللي زادني أكثر انتي لو وقفتي جدام المرايه وشفتي عمرج زين بتعذريني , فكان أحسن ابتعد عنج , والحين عرفتي ليش ابتعدت عنج. سلامة تلون ويها بكل الوان الطيف ماقدرت تقول شي ماقدرت الا انها رتوح داخل , خليفة ابتسم وركب السيارة. موزة بعتاب: ليش ما خليت باب السيارة مفتوح عشان اسمع شو تقولون. خليفة يضحك: هاهاهاهاهاها لاني ما باج تسمعين. موزة: خاطري أعرف شو اللي خلى سلامة تستحي بهذي الطريقة أنت شو قلتلها؟. خليفة يبتسم: أسرار. موزة: هاهاهاهاها يا عيني على الاسرار من الحين. وصلو البيت وكل واحد راح حجرته عشان يرقد يس سلامة مارامت رتقد كانت تحس بحراج وقفطه كبيرة من كلام خليفة و فنفس الوقت فرحانه تحس بشعور غريب و حلو , أما خليفة فكان عكس سلامة رافد وهو مطمن. و أما مريم وسيف وهم فطريجهم لدبي. سيف: بس عاد مريومه من طلعنا وانتي تصيحين والحين بنوصل وانتي بعدج تصيحين اللي يشوفج بيقول مغصوبة. مريم: ....................... سيف: انزين ممكن اعرف شو يصيحج؟. مريم:.................... |
#202
|
||||
|
||||
سيف: ما بتردين علي , اوكي لا تصيحين و وعد مني اني ما اغلسبج ولا بكلج صدقيني مريومه أنا انسان مب حيوان ولا وحش والله ما اعض. مريم مسحت دموعها. سيف: ابوه توج حرمه الحين كلميني لا تصيحين. مريم ما نطقت بحرف: .................... سيف: لا تمين ساكته جيه قولي شي والا ضربيني سبيني نازعيني سوي اللي تبينه بس لا تسكتين. مريم بهدوء: يعني تبى تقول اني دفشه وما اعرف اتصرف والا ارمس شرات البنات. سيف: هاهاهاهاهاهاهاهاهاها ابوه هذي مريومه اللي اعرفها مب الصياحه. مريم: انا مب صياحه. سيف: ليش كنتي تصيحين؟؟. مرمي: لوايد أسباب. سيف: مثل؟. مريم:................. سيف: ما بتقولين. مريم: لا. سيف: ع راحتج مب لازم الحين اعرف انتي بروحج عقب بتخبريني. مريم: ..................... سيف: يوعانه؟. مريم:لا. سيف: متأكدة؟. مريم: هيه. سيف: تراني انا متعشي يعني مب يوعان اذا انتي يوعانه قولي من الحين بعدين اذا قلتي يوعانه لا تحاولين ما بييبلج عشى. مريم بعصبية لفت عليه: قتلك مب يوعانه وحتى لو يعت بعدين و غصبن عنك بتروح تيبلي عشى فاهم. لف سيف يطالعها: والله ما شتغل عندج , بسم الله الرحمن الرحيم شوفي شكلج شقايل غدى. مريم بخوف: قول والله. شلت مريم شنطتها وطلعت مرايه وهو يبى يضحك من الخاطر ومن شافت شكلها. سيف: هاهاهاهاهاهاهاهاها. مريم: سخيف والله انك سخيف. وضربته بعصبية وسيف مسك ايدها. سيف: ايه ترانا بندعم هاهاهاهاها. مريم سحبت ايدها: انت ما تتغير شو هذي الحركات. سيف: قلت اعدل من مزاجج شوي. مريم: تعدل من مزاجي ما تلقى الا شكلي تعايب عليه وتروعني , والله على بالي صدق شكلي يروع. سيف: ليش كنتي تصيحين؟. مريم: قلت ما تبى تعرف الحين. سيف: عاد انا اريد اعرف قولي. مريم: يعني ليش كل بنت تعرس تصيح ؟ ما تعرف. سيف: أعرف بس مادري ليش أحس انج ما كنتي تصيحين لانج بعيدة عن اهلج عشان شي ثاني صح؟. مريم نزلت راسها وبدن الدموع يتجمعن فعيونها:................... سيف بهدوء: كنتي تصيحين على محمد و موزة. مريم صاحت وسيف ما عرف شو يقولها هو بروحه مضايج وكل تفكيره بمحمد و موزة اللي كان لازم يكون عرسهم وياهم , مسك ايدها وحبها وتم ما سكنها لين ما هدت. وبالباجر الساعة 4 العصر سلامة ترمس موزة. سلامة: وشو سويتي اليوم. موزة: ماشي من الصبح احاول افتح كتاب المنطق عشان ادرس ومب رايمه. سلامة: حتى انا مب قادرة ادرس يوم الاثنين عندي منطق طبعا وياج ويوم الثلاثاء عتدي امتحان علم النفس التعلم. موزة: صعب علم النفس؟. سلامة: لا واااايد سهل بس مالي خاطر ادرس. موزة: ومتى الامتحان بيكون؟. سلامة: فنفس وقت المحاضرة. موزة: زين, انزين شورايج تين بيتنا اليوم وبنقعد ندرس منطق مع بعض. سلامة: موافقة بس اول بقول لامي اذا طاعت بييكم بعد صلاة المغرب. موزة: لا شو بعد صلاة الغرب تعالي الساعة 5 . سلامةك شو الساعة 5 انا مب متفيجتلج. موزة: سلامي عاد تعالي الساعة5. سلامة: ترجيني أول. موزة: بتين غصبن عنج. سلامة: جيه يترجون. موزة: أنا هذي طريقتي هاهاهاهاها. سلامة: اوكي بقول لامي, صح قبل لا انسى اتصلو المعاريس؟. موزة: هيه اتصلو بأمي. سلامة: والله وشو أخبارهم؟ز موزةك بخير الحمدلله. سلامةك اوكي باي بسير اقول لامي. موزة: اترياج باي. نزلت سلامة تحت ولقت امها وابوها قاعدين يتقهوييون. سلامة: السلام عليكم. بومحمد+لم محمد: وعليكم السلام والرحمة. سلامة: امايه بروح بيت خالوه. بومحمد: شو تسوين؟ز سلامة: بروح ادرس مع موزان. بومحمد: روحي. ام محمد: متى بتروحين؟ز سلامة: بعد شوي. ام محمد: بس لا تتأخرين. سلامة: إن شاء الله . وراحت سلامة فوق عند خالد ولقته يدرس وطلبت منه يوصلها بيت خالتها وهو وافق , وهم فالسيارة , سلامة تفكر بأمها وأبوها اللي حالهم من يومين متغيرة. سلامة فخاطرها: ما الومهم المفروض كنا نفرح بعرس محمد الله يرحمه , الله يرحمك ياخوي. خالد: سلامي وين رحتي؟. سلامة: ولا مكان معاك. خالد: والله معاي ؟ قولي شو كنت اقول؟. سلامة بحراج: اسفه. خالد: ما عليه , بس اللي ماخذ عقلج. سلامة ابتسمت و وصلو بيت خالتهم. سلامة: بتنزل؟. خالد: بسلم و بروح علي امتحان. سلامة: اوكي يلا. دخلو سلمو على خالتهم وريل خالتهم وروح خالد البيت وسلامة راحت فوق عند موزة تدرس وياها وعلى الساعة 8,30. سلامة: يلا نزلي وياي الحين بيي الدريول؟. موزة: لا تروحين باتي عدنا. سلامة: طالعو هاي صدق ما تنعطين ويه أوين باتي عدنا تبين امي تجتلني؟ز موزة: انزين شوفيها. سلامة: ما فيها شي بس انتي تعرفين أمي ما كانت تخليني ابات عدكم يوم كنا صغار فما بالج الحين بس اذا قلتلها بتجتلني. موزة: انزين أنا بفقولها بتشوفين اذا ما وافقت. سلامة: حتى لو طاعت انا ماريد أبات عندكم. موزة: ليش يعني بيتنا مب قد المقام. سلامة: مب هذا قصدس بس ماريد ابات عدكم. موزة بخبث: أعرف ليش. سلامة باستخفاف: ليش يا الذكية؟. موزة: عشان خليفة صح. سلامة استحت: خطأ. موزة: لا تنكرين ما تبين تباتين عدنا لانج تستحين من خليفة. سلامة: بلا سخافة تبين تنزلين يلا ما تبين زولي. موزة: هاهاهاهاهاهاهاها. نزلن تحت و موزة تغلس بسلامة. سلامة بعصبية: بس عاد. عبدالله: شفيكن؟. سلامة: ما شي بس أختك شكلها خرفت. عبدالله: ليش؟. سلامة: مادريبها سألها؟. عبدالله: موزة ليش خرفتي هاهاهاهاهاهاها. موزة: مادري هاهاهاهاهاهاها. منى: سلامي لا تروحين بيتكم باتي عدنا. سلامة: شفيج انتي وعمتج تبني ابات عدكم اليوم. منىك حرام سلامي لا تروحين. سلامة تبتسم: انزين وين بترقديني؟. منى: عند عموه موزة. سلامة: لا انا اريد ارقد وياج. منى: اوكي انا شبريتي واااااااايد كبيرة تعالي شوفيها. سلامة: حبيبي ماقدر ارقد عدكم امي بتنازعني. منى: انتي قوليلها وهي ما بتنازعج والا بقول حق يدوه تكلمها. سلامةك ماقدر حبيبي. عبدالله: انتي ما تستحين تكسرين بخاطر بنتي باتي عندنا. سلامة: صراحة انا مب متنازله عن راسي عشان خاطر بنتك. عبدالله: انزين شو يعني الا راس ما يغلى على بنتي. سلامة: لا والله. ام عبدالله: صدقهم باتي عدنا انا برمس امج. سلامة: خالوه ماقدر باجر عندي دوام وبعدين هذي فترة امتحانات مرة ثانية ان شاء الله. بوعبدالله: الا خليفة وينه. ام عبدالله: فديته طلع بعد ما نقعت راسه هالبنيه طول الوقت لاصقه فيه. سلامة: وصل الدريول بوقم اروح مع السلامة وتصبحون على خير. الكل: وانتي من اهله. عبدالله: الدريول بروحه ياي؟. سلامة: لا خالد وياه. موزة: صبري سليم بوصلج. سلامة: يلا. منى بحزن: سلامي لا تروحين بنطالع نبمو. سلامة تبتسم: عيوني يوم الخميس بيي اطالعه وياج انزين. منى: اوكي بترياج. طلعت موزة مع سلامة عند الباب. موزة بخبث : حليلهم ناس ماشفو خليفه سلامه ما عطتها ويه موزة : حتى خليفه حليله يوم بيعرف ان ناس كانو هنيه و ماشافهم بيزعل لفت سلامه وهي معصبية : السانج يباله قص موزة : ههههههههههههههه بقوله انج تسلمين عليه سلامه : حشى علي ما قلت موزة : و بقوله انج زعلانه عليه و انتي يايه بس عشان تشوفينه سلامه تخرطفت وبغت اطيح على ويها بس الله ستر . سلامه : خيبه تخيبج يا موزة زين ماطحت على ويهي والله اذا قلتي لخليفه هذا الكلام ما تلومين الا نفسج موزة : يعني شو بتسوين ؟؟؟؟؟ سلامه : ياويلج يا موزة والله ياويلج صدقيني بزعل عليج و طول عمري مابكلمج . موزة : هههههههههههه ركبت سلامه السياره و هي واصله حدها من الغيظ على موزة و موزة دخلت داخل و هي فرحانه و على الساعه 11 فالليل خليفه يدق الباب على موزة موزة : منو ؟؟؟؟ خليفه : انا موزة : ادخل الباب مفتوح فتح خليفه الباب خليفه : السلام عليكم موزة : و عليكم السلام خليفه : شو تسوين ؟؟؟؟؟؟ موزة : ماشي اطلع لبس حق باجر خليفه : تعشيتي ؟؟؟؟؟؟؟ موزة : لا اترياك خليفه : اوكي يلا نروح نتعشى نزلت موزة وياه يتعشون خليفه : اتصل سيف ؟؟؟؟؟؟؟ موزة : هيه اتصل بامي خليفه : زين موزة : صح سلامي تسلم عليك خليفه كان يشرب ماي و شرق موزة : بسم الله عليك شوي شوي خليفه : رمستيها اليوم ؟؟؟؟؟؟؟ موزة : هيه رمستها اليوم و كانت عدنا من الساعه 5 العصر خليفه باسف : والله خساره موزة : ليش خساره ؟؟؟؟؟ خليفه : لا بس كنت اريد اسلم عليها قبل لا اطلع .... و شو قالت بعد غير انها تسلم علي ؟؟؟؟؟؟ موزة بخبث : يعني لازم تقول شي غير انها تسلم عليك ..... و بعدين هي ما قالت سلمي على خليفه قالت سلمي عليهم قام خليفه : صدق انج غلسه موزة : كمل عشاك وين رايح ؟؟؟؟؟ خليفه : بسني سديتي نفسي موزة : انا سديت نفسك حرام عليك راح خليفه و هي تضحك عليه . و بالباجر بعد ما ردت سلامه من الجامعه تغدت و قعدت تدرس و على الساعه 4,30 اندق باب حجرتها . سلامه : منو ؟؟؟؟؟؟؟ روضه : انا سلامه : دخلي دخلت روضه روضه : سلامه شو تسوين ؟؟؟؟؟ سلامه : ادرس روضه : انزين غانم يباج على التلفون سلامه بتعجب : غانم!!! شو يبى ؟؟؟؟ روضه : مادري راحتسلامه ترد عليه و روضه وياها سلامه : الو غانم : السلام عليكم سلامه : و عليكم السلام و رحمة الله و بركاته غانم : شحالج سلامي ؟؟؟؟ سلامه : بخير الحمدالله ..... شحالك انت ؟؟؟؟؟ غانم : الحمدالله تمام سلامه : شو اخبارك ؟؟؟؟؟ غانم : الحمدالله ...... اكيد مستغربه ليش متصل صح ؟؟؟؟؟ سلامه : الصراحه هيه غانم : متصل ..... عشان اسلم عليكم __________________ |
#203
|
||||
|
||||
سلامه : الله يسلمك من الشر
غانم : اوكي سلمي على عمي و عمتي و خالد . سلامه : يبلغ ان شاء الله غانم : توصيني على شي قبل لا اسكر ؟؟؟ سلامه : سلامتك غانم : مع السلامه سلامه : الله وياك باي روضه : شو يبى ؟؟؟؟؟؟ سلامه : ماشي بس يسلم روضه : انزين عادي اقعد وياج اسولف و الا تبين ادرسين ؟؟؟؟؟؟؟ سلامه حست بفرح من زمان روضه ماقعدت مع حد تسولف سلامه : تعالي بتريحيني شوي من غلاسة الكتب ابتسمت روضه وراحت تقعد مع سلامه تسولف . اما غانم فاتصل لانه متروع على سلامه غانم : اريد اعرف معنى هذا الحلم و ليش سلامه بالذات .... ليش اتصيح و تترجاني اردلها اخوها و ليش كنت كل ما اتقرب منها تبتعد و هي تزقرني اساعدها بس من شو اساعدها ؟؟؟؟؟ شوها الحلم السخيف الي شاغلي بالي و انا ليش متروع هذا الا حلم ان شاء الله سلامه ما بيصيبها شي .......... بدال مب حابس عمري فهاي الشقه احسلي اسير اقعد مع فهد و باباجر فوقت الغروب مريم و سيف قاعدين جدام البحر و سيف فعالم ثاني سرحان يفكر بمحمد لو كان بعده عايش و كيف الايام كانت بتكون و شو بيسوون ووين بيسافرون ...... انا مريم فكانت تتامل سيف و على ويها ابتسامه هاديه و عيونها تلمع من الفرح و السعاده و فخاطرها تحمد ربها ان عطاها ريال مثل سيف وحطت ايدها على ايده عشان ينتبه و لف سيف عليها و ابتسم . مريم بهدوء : مب بسك من التفكير ... الله يرحمه تنهد سيف : الله يرحمه مريم : انا يوعانه و انت ؟؟؟؟؟ سيف : ميت ........ ووقف و مد ايده عشان يوقفها . سيف : بنصلي المغرب و بنطلع نتعشى و بندخل السينما شورايج ؟؟؟؟؟؟ مريم : ما عندي مانع . مسك ايدها وراحو حجرتهم . سيف : ادخل انا اول اتسبح و الا انتي ؟؟؟؟؟؟ مريم : اول انت ادخل لانك فعشر دقايق تخلص تتسبح سيف : اوكي مريم عقت الشيله و فتحت شعرها مريم : اووووف حر سيف يطالها : يعني شو تغايضين ؟؟؟؟ مريم براءة : ليش ؟؟؟؟ اغايظ ؟؟؟؟ سيف : على بالج بس انتي شعرج ناعم حتى انا ما شاء الله على شعري بس لو اتحرك طار من النعومه مريم : ههههههههههه سيف : ليش اضحكين ؟؟؟؟؟؟ مريم : هههههههههه وينه الشعر هههههههههه سيف : انا براويج اضحكين علي ....... تقرب منها و كشش شعرها مريم : سيف لا سيف : لا تخافين لو اسويبه جيه من اليوم لين باجر بيتم ناعم و ما يحتاي مشط مريم : قول ماشاء الله لا تحسده سيف : انا لو اطول شعري بيكون انعم عن شعرج مريم : هيه صح سيف : ليش ما تصدقين عيل الا اطوله وراويج النعومه كيف تكون مريم : لالالالالالا طوله انا ما احب الريال الي شعره طويل تقول بنت خلك جيه صدق ريال . ابتسم سيف : سمعي ياويلج اذا بناتنا ما طلع شعرهن شراتج مريم : و الله هذا الشي مب بايدي سيف : انا ما يخصني بايدج و لا لا المهم حذرتج يا الفلبينيه مريم فرت عليه المخده و هو دخل الحمام بسرعه مريم : فلبينيه فعينك يا الغيار وسمعت ضحكته فالحمام و ابتسمت مريم : اووووووه صح باتصل بسلامي كلهم رمستهم الا هي فديتها . شلت تلفونها و اتصلت بسلامه الي كانت تدرس و من شافت رقم مريم فرحت من الخاطر سلامه بفرح : هلاا والله بالعروس الغاليه مريم : ههههههه اهلين سلامي سلامه : شحالج مريومه و شحال سيف ؟؟؟؟ مريم : والله الحمدالله نحن بخير ..... انتي شو اخبارج ؟؟؟؟ سلامه : والله زين انتو بعدكم ما سفرتو ؟؟؟؟ مريم : لا ان شاء الله باجر الساعه 12 بنسافر . سلامه : قالج وين بتروحون ؟؟؟ مريم : هيه بنروح استراليا سلامه : يا سلام استراليا واااايد حلوه بس مب جنها بعيده ؟؟؟؟ مريم : وااايد بس تستاهل سلامه : الله يعينج على قعدت الطياره مريم : ما عليج بطفر بسيف و الوقت بمر سلامه : صح خبريني شو سيف وياج ؟؟؟؟؟ مريم تنهدت : آآآآآآآآآآآآآآآآآآآآه شو اقولج يا سلامه ؟؟؟؟ سلامه ابتسمت : ما يحتاي تقولين خلاص هاي التنهيده خبرتني كل شي مريم : والله يا سلامه فحياتي كلها ما شفت انسان بهذي الطيبه و الحنان صدقيني يا سلامه ماعرف شو اقولج لو اقول من اليوم لين باجر ما اوفيه حقه يا سلامه يهتم فيني و يخاف علي بدرجه رهيبه و طول عمري ما بندم اني حبيت سيف صدق انه يستاهل هذا الحب و اكثر _طلع سيف من الحمام _ سلامي كيف يوزتوني هذا الريال صدق انه لا يطاق خلاص ما اقدر اتحمله انا صارلي يومين ما اعرف و ين يروح يطلع من الصبح ولا يرجع الا فالليل و طول الوقت يصارخ و ينازع و تصدقين يا سلامه وصلت انه يمد ايده علي خلاص سلامي مااتحمل ارجوج خلصيني منه قولي لغانم و الا اي حد يفكني حرام ماتحمل اكثر و صاحت . سلامه : ههههههههههه شو هذا التمثيل تستحقين جائزة اوسكار عليه مريم تحاول انها ما تضحك .... و سيف فاتج عيونه بصدمه و متاجئ من كلامها سيف : حشى يا الجذابه من وين يايبه هذا الجذب كله الحين انا اضربج و انازعج ؟؟؟ مريم : سلامه لا تصدقينه الا يبى يبين جدامج انه طيب سيف : قعد عدال مريم سيف : ايه سلامه لا تصدقينها تجذب عليج و سحب التلفون سيف : سلامه لا تصدقينها سلامه اونها معصبه : افا يا سيف تضرب حرمه طحت من عيني والله صدمتني سيف : سلامه انا ما ضربتها لا تصدقينها والله العظيم احلفلج اني ماضربتها و مستحيل اضربها مريم و سلامه : هههههههههههههههههههه مريم : مريم: حلو المقلب صح هاهاهاهاهاها. سيق: صدق انج سخيفة و متفيجة انتي وبنت عمج. سلامة: أنت صدقتها؟. سيف: شكيت بعمري بس أنا براويج. مريم: هاهاهاهاهاهاها – مسك إيدها وعضها – آآآآآآآه يعور. سيف: تستاهلين. سلامةك شو سويتبها. سيف بنتصار: عضيتها. سلامة: هاهاهاهاهاهاهاهاها. مريم: ليش تعض؟؟ يعور شوف شو سويت. سيف: حمدي ربج سويتلج ساعة. مريم: هاهاهاهاهاهاها. سلامة: إيع انت وحرمتك أنا مب فاضتلكم علي امتحان. سيف يعايب: أوووو عليها امتحان روحي روحي درسي. سلامة: انا كنت ادرس قبل لا حرمتك تتصل. سيف: اوكي خلاص بنخليج وبالتوفيق إن شاء الله , تبين شي من استراليا؟. سلامة: هيه أريد سلامتكم وأي شي؟. سيف: شو يعني أي شي؟. سلامة: يعني هدية. سيف: هيه إن شاء الله. سلامة: لاتنسى. سيف: انزين ما بنسى. سلامة: يلا مع السلامة. سيف: مع السلامة وسلمي عليهم. سلامة: يبلغ إن شاء الله. مرن الايام وخلصت سلامة الكورس و روضة خلصت امتحاناتها وطلعت النتيجة ويابت نسبة 95,4 , وغانم سوالها الحفلة وأكثر شي فرح روضة الحفلة البسيطة اللي سوالها اياها أمها وابوها وخوانها يعني كانت بس من بينهم , وبعد الحفلة باسبوع كانن كلهن متجمعات فبيت خالتهم عشان عيد ميلاد منى. موزة: سلامي جمعتي اليهال؟. سلامة: هيه وعاد جنه من كثرهم الا سته موزان وشماس بنات عموه و سعيد و مايد عيال عمج خالد و عبدالله وعليا عيال عمج جاسم. موزة: المهم يهال إلا مريوم وين؟. سلامة: شدراني يمكن فبيتها مع ريلها. موزة: لا سيف رايح مع خليفة ييبون الكيك , اتصليبها شوفيها وين؟. سلامة: اوكي . اتصلت سلامة بمريم. مريم: الو. سلامة: هاا العروس وينج؟. مريم: وراج. لفت سلامة: بسم الله ساحرة انتي مسرعج طلعتي جدامي. مريم: هاهاهاهاهاها إلا أقول يابو الكيك. موزة: لا بعدهم. مريم: حشى هذيلا شو يسوون لو رايحين بوظبي جان ردو. سلامة: حتى ما كملو ساعة من ظهرو. مريم: وانتن ليش مخليات ميرة بروحها عيب يلا نروح عندها اليهال لعوزوها. سلامة: روحي انتي و موزة انا بروح عند اسما أشوف منى. موزة بخبث: تعالي ويانا بنسولف مع ميرة. سلامة: مشكورة ماريد اسولف و ياكم وما فيني على سخافة بنت عمج يكفي اني بتحملها ساعتين بعد تبيني اقعد اسولف وياها صدق انج ينيتي. مريم+موزة: هاهاهاهاهاهاهاها. مريم: ميرة مب سخيفة انتي تغارين. سلامة: يا حسرة على شو؟. موزة: تغارين على خليفة. سلامة بغيظ: مابرد عليج بتجاهل كلامج السخيف و العبيط. موزة+مريم: هاهاهاههاهاههاها. راحت سلامة عند اسما. أسما: سلامي ساعديني هذا من صوب يصيح وهذي من صوب. سلامة: منى الحلوة ليش تصيح. أسما: أوين ما تبى تلبس فستان. سلامة: ليش حبيبي. منى: ماريد فستان اريد بنطلون عشان ألعب. سلامة: بس نحن مسوين حفلة وكل البنات لابسات فساتين وحلوات وانتي بعد لازم تلبسين فستان عشان تطلعين أحلى وحده وأميرة الحفلة. منى: بس أنا فستاني مش حلو. سلامة: أشوف وين فستانج راويني اياه. منى: اوكي. راحت منى تييب فستانها. أسما: صدق هذي البنت بطرانه ماخذتلها احلى فستان و بعد مب عايبنها صدق فيها خقة عمها. سلامة: منو من عمومتها؟. أسما: خليفة منو غيره. سلامة: يعني تبين تقولين إن أبوها مب خقاق. أسما: لا حشى عليه عبدالله مب خقاق هذا خليفة خقاق. سلامة: وسيف؟. أسما: فيه شوية خق بس مب شرات خليفة. سلامة: ما عليه اذا ما خبرته. أسما: خبريه أنا دايما اقوله ان خقاق عادي ما يضايج بالعكس يفرح. ابتسمت سلامة. منى: هذوه فستاني شو رايج؟. سلامةك يا سلاااااااااااااام وايد حلو مثل فستان سندريلا. منى: سندريلا جيه فستانها. سلامة: هيه يلا لبسيه عشان تكونين أحلى عنها بعد. منى: اوكي. لبست منى فستانها: شوفو حلو. أسما+سلامة: وايد. سلامة: تعالي بمشط شعرج. منى: امايه سلومي راقد. أسما: لا بعده مارقد. عبدالله بصوت عالي: وينج؟. أسما: هنيه فحجرة منى تعال. عبدالله: انتن ما خلصتن, هلا سلامي شحالج؟. أسما: خلصنا. سلامة: الحمدلله بخير. اسما: يابو الكيك. عبدالله: هيه وكلهم هناك يتريونكم , يا سلاااام منو هذي الاميرة لا يكون بنتي؟. منى بفرح: هيه بنتك. عبدالله: ما شاء الله شو هذي الحلاه تعالي عطي أبوج بوسة كبيرة. منى: اوكي. وباست أبوها. عبدالله: حبج العافية عيوني. منى: انت حبيبي. عبدالله: وانتي عمري كله. أسما: بدينا الحين. سلامة: هاهاهاهاهاها. عبدالله: اوووه نسيت بدت الغيرة , سلامي روحي برع انتي ومنى. سلامة: ماريد هاهاهاهاها. عبداللهك مب بكيفج يلا روحي برع. سلامة: قتلك ما بروح برع أنا ريلي على ريل أسما. عبدالله: خيبة يا الغلاسه. أسما: دوك ولدك ويلا نسير. عبدالله بحنان: فديتك أنت وأمك محلاك – شل ولده وحبه ع راسه – يلا لا تحشرنا موزة. طلعو واتصل عبدالله بخليفة. عبدالله: ترانا جدام الباب ندخل؟. خليفة: هيه دخلو. عبدالله: اوكي باي. منى: ليش ما ندخل. عبدالله: دخلو. سلامة: منى حبيبي فتحي الباب. منى: اوكي. فتحت الباب وانصدمت الحجرة كلها ظلام بس ضوء الشموع اللي على الكيك يساعدها على انها اطالع كل الل يداخل واليهال كلهم واقفين ورا الطاولة و يغنولها. أسما: حيبيي دخلي. منى: هذي حفلتي انا؟. اسما: هيه حبيبي روحي شوفي الكيكه كيف شكلها. منى مسكت ايد أمها: تعالي وياي. أسما: يالله يا المستحى. |
#204
|
||||
|
||||
راحت وياها و وقفت عدال الكيك و تخبلت منى عليها كانو مسويلها كيكتين وحده حاطين عليها ماروكو والثانية عليها صورتها وصورة ستيتش , وسلامة وقفت عدال روضة وسارة ما وقفت عدال موزة و مريم لان ميرة عدالهن.
منى: لا تقصون ستيتش حرااام لا تاكلونه. سيف: يعني ما تبين حد ياكل من كيكتج. منى: هيه. سيف: بعدين محد بيحيج كلهم بيوقلون عنج بخيلة. منى بحزن: خلاص قصوها انا مب بخيلة انا طيبة. خليفة: أنت شو تباها لازم تزعلها حبيبي ما بنقطعها بنقطع الكيكه الثانية. منى: لا قطعو ستيتش لأني مب بخيلة. و صاح سالم وعبدالله يحاول يسكته: أسما شوفيه ولدج؟. أسما: يبى يرقد. عبدالله: انزين رقديه. اسما: أنا ما باه يرقد الحين بينشلي الفليل وانا مب متفيجة اقعد وياه لين الفير. عبدالله: انتي روحي رقديه وأنا بسهر وياه ما يهون علي أشوفه جيه يصيح. أسما: برايه خله يصيح بروحه يسكت. عبدالله مسكها من ايدها: يلا انروح انا وانتي لازم ترقدينه. أسما: والله عبدالله ما بطيع يرقد أمس فليل سهرانه وياه والله ماروم أسهر أكثر. عبدالله: قتلج أنا بسهر وياه. طلع عبدالله مع أسما عشان يرقدون ولدهم. خليفة: منو بقطع الكيك؟. مريمك انا. خليفة: يلا تعالي وانا بساعدج. مريم: اوكي. مريم اتقطع الكيك وخليفة يحط حلاوا ويوزعه على اليهال. خليفة: مريم يلا قطعي عشان اعطي الباقين. مريم: تراني قطعت هذوه. خليفة: وينه؟. مريم: هذوه عدالي – استغربت – وينه انت خذته. خليفة: ماخذت الا ثلاث صحون. مريم: انا حاطه صحنين هنيه وين راحن؟. خليفة: شدراني انزين قطعي غيرهن. مريم: والصحنين هذيلاك وين راحن؟. خليفة: يلا يا مريم خلصينا اليهال يتريون. مريم: اوكي. قطعت مريم وحطت الصحن عدالها و قطعت الثانية وحطتها فصحن ثاني ولفت تحط الصحن عدالها , مالقت الصحن الاول و رفعت عيونها على خليفة اللي ياكل حلاوا ولفت وراها و شافت سيف يرمس موزة وميرة ,, وسلامة ماسكه موزة بنت عمتهم اللي تصيح و وردت مريم تقطع مرة ثانية ومن بغت تحط الصحن عدالها مالقت الصحن الاول اللي حاطتنه عدالها استغربت وردت اطالعهم كلهم اذا حد شله بس محد كان ياكل كيك وطالعت خليفة اللي نزل عيونه وماسك ضحكته. خليفة: هاتي الصحن. مرميك لا خله عدالي بقطعلهم كلهموعقب انت خذ الصحون و وزع عليهم اوكي. خليفة: انزين. وردت مريم اتقطع بس كل انتباها على الصحن اللي عدالها وشافت ايده ولفت بسرعة وضربته على ايده بقو و طاحت الكيكه. سيف: آآآآآآخ يعور. الكل: هاهاهاهاهاهاهاهاهاهاهاها. مريم: تستاهل صدق انك سخيف وأنا أقول منو يشل الكيك عثرك انت. سيف: حليلي قلت بعد بساعدج بس انتي ما تستاهلين حد يساعدج شفتي شفتي شو سويتي طيحتي الكيكه يلا نظفي. مريم: ما بنظف انت نظفه انت اللي وسخت. سيف: انتي السبب انتي ضربتي على ايدي وطاح الصحن , الحين نظفي. مريم: ما بنظف ازقر البشكارة تنظفه. سيف: ما بزقرها انتي بتنظفينه. مريم: عيل غياظ والله ما بنظف. موزة: ههاهاهاهاهاهاها انتو طول الوقت تتغايظون أنا بزقرها. محمد: عمتي أنا بزقرها انتي لا تروحين. موزة: مشكور حبيبي. خليفة: انزين خلصونا وتعال ساعد حرمتك. سيلإ: اوكي. خليفة خذ حلاوا وراح صوب سلامة. خليفة: شوفيها الحلوه تصيح. موزة تمسكت بسلامة بقو وماردت عليه , وقعد خليفة جدام سلامة يرمس موزة و سلامة متقفطة. خليفة مد ايده يمسح دموع موزة: ليش تصيحين؟. موزة بصوت واطي: أريد امي. خليفة: الحين بنروح عند امج لا تصيحين. موزة:اريد امي. ولصقت فسلامة اكثر وصاحت بصوت واطي. سلامة: خلاص حبيبي الحين بنروح انا وانتي وشموس عند ماماه بس لا تصيحين اذا صحتي ما بنروح. موزة تحاول تسمت: بنروح عند امي. سلامةك هيه بس اول روحي لعبي مع شموس. موزة: ماريد أباج. سلامة: اوكي بنلعب انا وانتي انزين. موزة: انزين. خليفة: وانا ما بتلاعبوني وياكم. موزة بصوت واطي: لا. خليفة: خيبة فالويه. سلامة: هاهاهاهاهاهاها. و رفع عيونه على سلامة وهي نزلت راسها لأونها تكلم موزة وقف خليفة ومد ايده لسلامة وسلامة طالعته وبعدين طالعت ايده ابتسمت وخذت الحلاوا و ابتسم خليفة وراح عنهم عند منى ويت عين سلامة فعين ميرة اللي اطالعها بكره وحقد وابتسمت سلامة بخبث ولفت ويها وشافت موزة اطالعها ومبتسمة بفرح وسلامة ردتلها الابتسامة , واما سيف ومريم يلعوزون باليهال مسويلهم مسابقات وعاد سيف يغلسبهم وما يخلي حد يفوز وفالاخير وزع عليهم كلهم هدايا. سلامة: الحمدلله بعد يوم عطيتهم هدايا صدق لعوزتهم من الخاطر. سيف: هاهاهاهاهاهاها حلو يوم تلعوزين باليهال وهذي الغلسة أقولها تعالي لعبي بعطيج هدية ولا طاعت. روضة: ماريد ألعب وياك وبعدين انا مب ياهل مثلك. سيف يعايب عليها: وبعدين انا مب ياهل مثلك , مريوم نروح نمشي شوي واايد كلت. مريم: يلا. طلعو سيف ومريوم يمشون ومنى تلعب مع اليهال و ميرة واقفه ترمس خليفة ,, وسلامة موزةوموزة. سلامة: صدق بنت عمج عليها حركات. موزة مبتسمة: انتي شو تبينها. سلامة: خيبة كيف تحب ادافع عن بنت عمها. موزة: مادافع عنها , صح ان حركاتها ما تعيبني بس أنا أحبها وبعدين ميرة أحسن عنج. سلامة: لا والله. موزة: شوفيها شقايل تحاول إنها ما تخسر اللي تحبه مب انتي تسوين اي شي بس عشان تخسرينه. سلامة: والله نحن مب من عاداتنا نربع ورا الرياييل جيه عيب. موزة: انزين ميرة ماربعت وراه بس كل ما تلاقيه تحاول تفهمه انها مهتمة فيه مب شراتج برود تام. سلامة: عاد انا كيفي هذا طبعي. موزة: خليج مثل ما انتي وبتندمين. سلامة: ما بندم وبيتشو............. صاحت موزة وحاولت سلامة تسكتها وما رامتها وشمسة نفس شي ما قدرت عليها تصيح تبى امها. خليفة: انزين نسير نوديها البيت. موزة: صح سلامي وديها البيت. سلامة: روضة اتصلي بالدريول. خليفة: انا بوديها. شغل خليفة السيارة و موزة حاشرتنهم بغيمها واصل لاخر الدنيا , وركبت سلامة مع خليفة وشمسة وياهم و وصلو بيت عمة سلامة ونزلو سلمو على ام شمسة اللي الحين ( أم سعيد ). سلامة: بنتج صدعه. ام سعيد: أنا قتلج انها ما بتقعد طول الوقت بتباغم بس انتي ما طيعين الرمسة راسج يابس شرات ابوج. خليفة: فهذي صدقتي صدق ان راسها يابس. سلامةك وين سعود. أم سعيد: فالحجرة راقد. سلامة: أريد أشوفه. ام سعيد: روحي داخل شوفيه. قامت سلامة تشوف سعيد. ام سعيد: وشو اخبارك خليفة؟. خليفة: الحمدلله. ام سعيد: مب ناوي تعرس؟. خليفة: ناوي بس مب الحين. ام سعيد: متى إن شاء الله. خليفة: خليها اول تخلص ما باقي شي إلا سنة بصبر. ام سعيد: وليش تصبر سنة , أخطبها الحين. خليفة: ودي بس ما بطيع. ام سعيد: أنت اخطبها مرة ثانية و صدقني ما بتندم. خليفة: و اذا ما وافقت اعرفها سلامة عنيدة ما تغير رايها. ام سعيد: أنا مناكدة ان سلامة ما بتردك مرة ثانية. خليفة: وشو يأكدلج؟؟ هي خبرتج؟. ام سعيد: لا يا ريت بس انا اعرف سلامة زين وصدقني ما بتردك. خليفة: محد بيوديني فداهيه الا انتي و موزة. ام سعيد: موزة بعد تقولك تخطبها؟. خليفة:هيه صدعت راسي أقولها بعد سنة , تقولي الحين وانتي نفس الشي أخاف اطيع شوركن وتفشلني سلامة , عاد هذيج الساعة بجتلج انتي و موزة. ام سعيد: لا تخاف انت توكل على الله وصدقني ما بتتفشل. خليفة: بفكر – ويت سلامة – نروح. سلامةك يلا. وهم طالعين سلامة وقفت توها استوعبت انها يت بروحها مع خليفة و موزة وشمسة بنات عمتها وهي نولتهن و بقت بروحها وياه. خليفة: شوفيج؟. سلامة بصدمه: ما فيني شي. خليفة: يلا عيل ركبي. سلامة ما ركبت ولفت اطالع بيت عمتها. خليفة: نسيتي شي؟. سلامة بتردد: هيه. خليفة: اروح انا اييبه والا انتي بتيبنه. سلامة فخاطرها: أحسن اروح انا واقول لعموه اني ببات عندها , بس مب جنها فكره غبية ريلها موجود و الحين شو أسوي؟. خليفة: سلامة؟!!. سلامة: لا لا خلاص اذكرت ما نسيت شي. خليفة: انزين ركبي. ركبت سلامة وخليفة ابتسم عرف ان سلامة توها انتبهت انهم بروحهم وهي منحرجة تركب وياه بروحهم – وفالسيارة – خليفة يسوق ب بطىء وسلامة قلبها يدق بقو و ميته غيظ ليش يسوق جيه. خليفة: وين تبين تروحين؟. سلامة بعصبية: وين بعد؟؟ بيتكم. خليفة بغلاسه: مافيني اروح البيت. سلامة: انزين ودني بيتنا. خليفة: بعد مافيني اروح بيتكم الحين. سلامة: لا والله وين تبى تروح. خليفة بخبث: شورايج نروح كارفور والا العين مول. سلامة بعصبية أكثر: لاو الله أحسن نروح دبي شورايك. خليفة يبتسم: والله فكره مب بطاله اذا كنتي تبين رتوحين ولا يهمج الحين بوديج. سلامة: خايفة عن الغلاسة. خليفةكاي غلاسة انتي قلتي تبين تروحين دبي وانا ما بخليها فخاطرج. سلامة سكتت عنه تعرف ان يمزح بس شوي انتبهت ان هذا الطريج ما يودي لبيت خالتها ولا لبيتهم. سلامة باهتمام: خليفة وين رايح؟. خليفة بجدية: دبي ورايح بعد. لفت سلامة عليه وبصوت عالي: شووو؟. خليفة:بسم الله ليش تصارخين؟؟ وشو اللي شو؟. سلامة بغيظ: وين رايح؟؟. خليفة: دبي ما تسمعين. سلامة: عن الخبال وردني البيت. خليفة: عاد انا طلعت من العين ما برجع. سلامة: مسرعك طلعت من العين!! لا انت بعدك ما طلعت هذي شوراع العين , ردني البيت. خليفة: منو قالج هذيلا شوارع العين انتي في مرة شفتي هذيلا الشوارع؟. سلامة: لا مب شايفتنهن بس أنا متأكدة انهن شوارع العين. خليفة: عيل أنا أأكدلج ان هذيلا مب شوارع العين. سلامة بدت تخاف بس هي عندها احساس انهن شوارع العين ويعني مب بهذي السرعة بيطلعون من العين , بس بعد بدت تشك هي مب متأكدة لانها واول مرة تشوف هذي الشوارع. سلامة بهدوء مزيف: خليفة استهد بالله و ردنا البيت. خليفة: لا تحاولين ما بردج البيت. سلامة: انت تخبلت, انزين خبرني شو بنسوي فدبي؟. خليفة: وايد أشياء. سلامة: انزين انا ماريد اروح وياك نزلني. خليفة: اي حد يركب سيارتي امشيه بكيفي. سلامة: انزيم وقف السيارة. خليفة: ليش؟. سلامة: بنزل و بوقف تكسي وبرجع البيت. خليفة بستهزاء: هاهاها تبيني اكسرلج ريولج. سلامة: عيل وقف خبالك و ردنا البيت. خليفة بجدية: اي خبال؟؟ بعد مودنج دبي أمشيج تقولين خبال. سلامةك انزين انا ماريد اروح دبي, وماريد اروح وياك, ولو رحنا متى بنرجع؟ وأنا شو بقول لأمي؟ والله لتجتلني حرام عليك خليفة بس عاد من المصخرة يلا نرجع البيت. خليفة: ومنو قالج اني اتمصخر وياجانا صدق رايح دبي. سلامة: خليفة الحين انت تتكلم عن جد. لف خليفة عليها وطالعها فعيونها وسلامة انصدمت. سلامة: يعني ما تتمصخر. خليفة فخاطره يبى يضحك: الحين فهمتي الحمدلله. سلامة تفكر بخوف وبسرعة وفكرت تتصل بسيف بس اذكرت انها ما خذت شنطتها وتروعت , بس انتبهت انهم فحاره. سلامة بتردد: خليفة انا اذكر ان الطريج من دبي والعين مافيه حارات نحن شكلنا بعدنا فالعين , بس شو هذي الحاره وين ؟؟ وين يايبني هنيه ؟ و شو هاي الحاره اللي تروع حتى مافيها ليتات. طالعها خليفة وابتسم ابتيامة خبيثة و شريرة وفهذي لحظة سلامة طاح قلبها فريولها من الخوف وماقدرت تقول شي الا انها تصيح , خليفة ارتبك ما توقع انها تصيح وسرع بالسيارة وهو يرمسها. |
#205
|
||||
|
||||
دانة القصيم
أشكركِ على طرح الجزء 21 وبانتظار الجزء القادم تقبلي تقديري وشكري
|
#206
|
||||
|
||||
تابع الجزء الحادي والعشرون خليفة: سلامة لا تصيحين ولا تخافين اتمصخر وياج والله مسوي فيج مقلب هذوه بيتنا لا تصيحين. سلامة مارفعت راسها تصيح بخوف:..................... وخليفة وقف السيارة جدام بيتهم: سلامة لا تصيحن رفعي راسج هذوه البيت والله العظيم هذي حارتنا بس من ورا , انتي ولا مرة شايفه حارتنا من ورا؟؟ والله انا كنت متاكد انج بتعرفين اني اقص عليج والله مادري انج مب شايفه الحاره من ورا , لا تصيحن والله كنت متعمد اوديج شوارع مب شايفتنهن من قبل عشان اغلسبج والله مب قصدي اصيحج. سلامة مب رايمه اتصدقه تخاف ترفع راسها وتنصدم , خليفة اتصل بموزة. موزة: وينكم؟. خليفة: موزان تعالي برع سلامة تصيح. موزةك ليش؟. خليفة: انتي تعالي عقب بخبرج بس لاتقولين لاحد اوكي. موزة: ان شاء الله , الحين يايه. سكرت عنه. ميرة: وينه خليفة؟. موزة ماردت عليها وطلعت بسرعة وشافت السيارة برع اتغشت وطلعت برع وتقربت من السيارة وراحت عند باب سلامة وفتحته , وسلامة اول ما انفتح الباب صرخت. موزة تروعت: خيبة تخيب العدو روعتيني ليش تصارخين؟. سلامة طالعت موزة ولفت اطالع البيت وبعدين خليفة. موزة: شوفيج ليش تصيحين؟ خليفة شو سويتبها؟. خليفة: ركبي بقولج. ركبيت موزة وخليفة حرك خليفة السيارة ومشى فالحاره وخبر موزة عن المقلب. موزة: هاهاهاهاهاهاهاهاهاهاهاهاهاها عجيبة الحركه. خليفة: هاهاهاهاهاهاا. سلامة معصبة: عجيبة فعينج , والحين ردني البيت أنا مستحيل اصدقك مرة ثانية و التوبة اركب وياك , صدق انك سخيف الحين لو مت شو بتسوي؟. موزة: من شو بتموتين؟. سلامة: من حركته السخيفة والله العظيم اتروعت من الخاطر والحين أكيد شعري شاب كله. خليفة: هاهاهاهاهاهاهاهاها. سلامة: ولك عين تضحك. موزة+خليفة: هاهاهاهاهاهاهاها. سلامة: وقف السيارة خلني انزل. خليفة: يعني ما تثقين فيني؟. سلامة: من اليوم انعدمت الثقة من بينا. موزة: حشى بتسوينها فلم هندي يابوي خذيها بروح رياضية. سلامة: ما عندي روح رياضية حليلي كنت طول الوقت حاسبة ان يتمصخر بس من شفت هذي الحاره السخيفة تروعت عنبوهم ليش ما يكبون ليتات عادي حد يرتكب جريمة ومحد بيدري. خليفة: انزين طاح الحطب؟. سلامة: لا ماطاح. خليفة: هاهاهاهاهاها انزين كيف اطيحه. سلامة: ما بخبرك ردوني البيت. موزة شهقت: خيبة خليت ميرة بروحها محد وياها. خليفة: وين مريم؟. سلامة: شو نسويلها. خليفة لف يطالع سلامة بس هي كانت لافه الصوب الثاني و موزة تجاهلت كلام سلامة. موزة:مريم طالعه مع سيف حليها سألتني وين خليفة وانا مارديت عليها طلعت بدون ما اقول شي. سلامة بغيرة وبدون حاسية: شو تباه ليش تسأل عنه؟. خليفة مستغرب من سلامة. موزة بخبث: بدت الغيرة. سلامة انتبهت على اللي قالته وانحرجت: ما عندج سالفة وأحسن لو تسمتين. موزة تبتسم:انزين بسكت وبنزل. نزلت موزة وسلامة بغت تنزل وراها. خليفة: سلامة. سلامة: نعم. خليفة مبتسم بهدوء: تغارين من ميرة؟!!. سلامة بارتباك: انا اغار من ميرة؟!!!! من شو ان شاء الله. خليفة يطالعها فعيونها: انتي تعرفين من شو اقصد تغارين. سلامة نزلت عيونها بحراج وتلونن خدودها وقبل لا تسكر الباب. خليفة: لا تلوميني يوم اغار من اي حد. سكرت الباب وراحت داخل واتصلت بالدريول و روحن هي و روضة البيت,,, وبالباجر يوم الخميس الساعة 2,30 الظهر فبيت مريم وسيف,,, سيف يترجى مريم تقعد وياه. سيف: عاد مريومولا ترقدين والله العظيم ملان. مريم تغطي راسها بلحاف: وأنا شو تباني اسويلك؟. سيف: تعالي قعدي وياي بنطالع فلم والا بنلعب باللعبة. مريم بغياظ: مب متفيجتلك انا تعبانة وارد ارقد. سيف يسحب اللحاف عن راسها: انتي ما شبعتي من الرقاد؟. مريم: لا ما شبعت اذا انت حضرتك كنت تسولف لين الساعة 12 وعقب شغلت التلفزيون وتميت اطالع لين مارقدت وانا ماداني ارقد على الحشرة ومن رقدت أنت الساعة 1,30 بندت التلفزيون وحاولت ارقد ماقدرت , تميت اتجلب لين الساعة 3 وعقب رقدت ونشيت الساعة 7,30 , بعكس ناس تمو راقدين لين الساعة 11,30 , عشان جيه ما يحسون بتعب راقدين حتى الشبع. سيف: وانتي منو قالج تنشين الساعة 7,30 ليش مارقدتي؟. مريم: عيوني عيب الحرمة ترقد لين الساعة 11 و 12 لازم تكون واعيه قبل ريلها و مجهزة الريوق وتقعد تترياه لين ما ينش,, وانا هذي حالتي. سيف: انزين وعيب الحرمة تخلي ريلها قاعد بروحه و ملان , لازم تقعد وياه وتونسه وترفه عنه. مريم: لا زالله حد قالك ان الحريم مهرجين. سيف: مريوم عاد بلا استهبال يلا قومي نسير نلعب. مريم: ماريد العب وياك ابى ارقد. سيف: حرام عليج انا ملان وطفران أريد اسولف مع حد ماريد اتم بروحي. مريم: ليش مارحت دبي مع غانم وخليفة؟. سيف: ماريد اروح وياهم المفروض تحمدين ربج انا فضلتج عليهم شفتي ريال يودر ربعه ويقعد يجابل حرمته الا غيري انا و بس انتي ما فيج خير لو رحت وياهم وخليتج بروحج لين بالباجر. مريم: خيبة لو رحت دبي ما كنت بترجع فنفس اليوم. سيف: لا ببات فدبي. مريم: هيه تروم!!. سيف: شو على بالج ماروم اتروع منج؟؟؟. مرمي: اصلا ما اهون عليك تخليني بروحي. سيف: اذا قعدتي وياي ما بتهونين واذا ما قعدتي هيه تهونين. مريم: سيف انت وايد تهذرب ممكن تخليني ارقد؟. سيف: يعني ما بتقومين؟. مريم: لا. سيف: اوكي برايج رقدي , بس ماعليه ان ما خليتج ادوريني فكل مكان وتترجيني بس تبين نظرة مني وبعد ما بعطيج ما بكون سيف. مريم: قبل لا تطلع خبرني منو بتكون اذا ما سويتبي شرات ما قلت خلني اتعود على الاسم من الحين. طالعها سيف بنظرة قهر وسكر الباب بقو. مريم: هاهاهاهاهاهاها محلاك وانت معصب. وقامت , وسيف شغل اللعبة وحط فلم طيارات وقعد يلعب وهو مضيج عليها وبعد عشر دقايق طلعت مريم وقعدت عداله وهي تبتسم وهو ما لف عليها ولا سوالها سالفة كمل لعبة وهي حطت ريل على ريل وطالع كيف يلعب. مريم: أريد ألعب. سيف:....................... مريم: سيف أريد ألعب. سيف:.......................... مريم: يا ناس أريد ألعب. سيف:........................ وحطت ايدها فشعره تلعبه : سواف حبيبي ابى ألعب. سيف: ما باج تلعبين وياي. ابتسمت بانتصار, وبدلع: افا أنا مريومه ما تباني ألعب وياك ليش حبيبي؟. سيف خوز ايدها عن راسه: خوزي ايدج ولا تتكلمين بهذي الطريقة روحي رقدي. مريم بدلع: ماريد أرقد أريد اقعد وياك , عادي ألعب وياك؟. ابتسم سيف وطالعها بطرف عينه وكمل لعبه, ومريم ابتسمت وركبت الجهاز الثاني وبندت الفلم بتحط غيره. سيف بهدوء ( يبى يغايظها): ليش بندتيه؟. مريم: لاني ما احب افلام الطيارات. سيف: وانا شو يخصني ردي فلمي. مرمي: مابرده انا ما احبه. سيف: عيل لا تحطين هذا الفلم اكرهه. مرميك انا ما احب العب بغيره. سيف: هذي والله مب مشكلتي. ونزل عدالها وسحب الفلم عنها. مريم: هاته. سيف: ماريد. مريم بتهديد: سيف عطني اياه. سيف: ماريد. مريم: انزين انا براويك. قامت اضاربه تبى تاخذ الفلم عنه وهو ميت ضحك عليها. سيف: ما بترومين تاخذينه. مريم: بخذه يعني بخذه. ورن تلفون البيت. سيف: قومي ردي على التلفون. مريم: مابى انت رد على التلفون. سيف: روحي انتي. مريم: انت روح. سيف: مريوم روحي ردي. مريم: قتلك مابرد. سيف: صدق انج عنيدة. عطاها الفلم وقام يرد على التلفون وهي حطت الفلم بسرعة وشغلته ولعبت. سيف: الو. موزة: هلا سيف. سيف: أهلين الموز. موزة: شو تسوون لا يكون راقدين؟. سيف: لا مب راقدين. موزة: عادي اييكم. سيف: تعالي بتفكيني من صدعت بعض ناس. مريم: مادري منو فينا الصدعه أنا والا انت؟. سيف: أكيد انتي. موزة: انتو ما تقدرون تقعدون دقايق بدون ما تتغايظون. سيف: لا مانقدر اذا ما تغايظنا عرفي نحن زعلانين. موزة: اوكي الحين انا بسكر وبعد ربع ساعة بكون عدكم ان شاء الله. سيف: نترياج. وسكر عنها وقعد عدال مريم. مريم: تبى تلعب؟. سيف: لا بشوفج كيف تلعبين. مريم كملت لعبها وسيف يلعب بشعرها. سيف: مريومه. مريم: عيونها. سيف يبتسم: قصي شعرج لين جتوفج. مريم طالعته بعصبية: هذا اللي ناقص بس, انا ما صدقته يطول و يغطي ظهري الحين تقولي قصيه, ليش مب حلو؟؟. سيف: لا والله بالعكس وايد حلو ما شاء الله عن لا تقولين حسدته, بس شعرج وااااااااايد واااااايد ناعم ومن بتقصينه شو بيطلعين عجيييييييبة. مريم: خلاص ان شاء الله باجر بقصه. سيف: والله؟. مريم: والله. سيف: انزين ممكن الحين تقعدين تحت. مريم: ليش؟. سيف: بمشط شعرج وبعقصه. مريم: انت ما تعرف تعقص. سيف: انا ما اعرف اعقص؟؟؟؟ حليليج انتي قاصين عليج انا احسن واحد فالعالم يعقص طلبي اي نوع من العقوص وبسويه , اذا تبين هذا العقص الفرنسي والا الفلبيني بسويلج اياه بسهوله. مريم: مشكور ماريد الا عقص عادي. سيف: متأكدة؟. مريم: هيه متأكدة. سيلإ: أحسن لان مالي خاطر اسوي غيره. مريم: هاهاهاهاهاهاها قول لانك ما تعرف تسوي غيره. سيف: انزين صح ما اعرف اسوي غيره. قعدت مريم تحت وقام سيف وياب المشط وعقصها. سيف يدعي: إن شاء الله يارب يطلعن بناتنا شرات شعر أمهن إن شاء الله إن شاء الله يا الله ياكريم يكون شعر بناتي شرات شعر أمهن يا رب يا رب. مريم: هاهاهاهاهاهاهاها شياك صرت شحات. سيف: أدعي لبناتي. مريم: يجهز القماط قبل الولد. موزة: السلام عليكم. سيف بصوت عالي: وعليكم السلام و الرحمة. موزة: وينكم؟. سيف: تعالي فالصالة اللي فوق. موزة: شو تسوون؟. مريم: تعالي بنلعب انا وانتي. سيف: وانا عطيني الصحن اللي فإيدج وخبريني شوفيه؟. موزة: كيك. سيف: غايته. خذ الصحن عنها وكل بدون ما يعزم عليهن وهن يلعبن وسيف يساعد موزة ويخليها تغلب مريم اللي تعصب وتغتاظ منه. مريم: انا ما لعب انتو غشاشين. موزة: انا اغش؟؟. مريم: انتي ما تغشين هذا سيف. سيف: انا فشو غشيت. مريم: ليش تاخذ الجهاز وتلعب عنها ما يوز حتى انا لازم تاخذ الجهاز عني وتلعبلي. سيف: اوكي يلا لعبن مرة ثانية. مريم: خلاص ماريد العب عافت الخاطر. سيف: دوج كلي كيك. مريم خذت الصحن: هاته. موزة: يعني ما تبون تلعبون. مريم+سيف: لا. موزة: عيل ببندها. بندت اللهبة وقعدت عدال سيف اللي يطفر بمريم وما يخليها تاكل. مريم: اوووف منك خلني اكل. سيف: كلي مب ماسكنج. مريم: صدقني يا سيف اذا سحبت الصحن بتشوف شي ما شفته. موزة: هاهاهاهاهاهاهاها. سيف سحب الصحن: يلا شو بتسوين.شلت كوب العصير و جبته على كندورته. موزة: هاهاهاهاهاهاهاهاهاها. __________________ |
#207
|
||||
|
||||
مشكورة على الجزء
وننتظر الباقى
|
#208
|
||||
|
||||
دانة القصيم
أشكركِ على طرح تكملة الجزء الحادي والعشرين مع احترامي وتقديري
|
#209
|
||||
|
||||
مشكوورة وننتظر الباقي
|
#210
|
||||
|
||||
مشرفنا العزيز حسن خليل
أختي عاشقة الحب أختي only girls مشكوريـــــــــن جميعا على المرور والرد.. وأعتذر عن التأخــــر عليكم.. سلمت يمناكم.. |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |