|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
30-06-07, 03:01 AM
|
||||
|
||||
أقول في نفسي وأنآ أعآيد النآس .. متى أشوفك تكتمل أفرآح عيدي ( الموضوع قطية )
عيدوآ حب هآي الليلة النآس معيدين .. لو إنت ويآي الليلة العيد بعيدين  ^ ^ يالله صبآح خير .. تفلت إبليس  مبروك عليكم عيد الفطر المبآرك وكل عآم وأنتم ومن تحبون بألف خير .. والله يعيدهـ عليكم أعوآمآ عديدة يآرب .. الموضوع هذآ مثل مآتشوفون قطية بين الأعضاء ..  كل وآحد يبي يعيد علينآ بدل مآيكتب موضوع وش كبرهـ ولافية إلا كلمتين يجي يعآيد هنآ .. وكل موآضيع المعآيدآت بندمجهن هنآ لأن المنتدى تحول لمصلى عيد إلا شوي ..  مآتسمع إلا كل عآم وأنت بخير ومن العآيدين وتبويس ومصآفق خشوم لكن اللي يكتب موضوع منسق ومرتب ومدعوم بالصور هو مصورهآ ويغلب عليهـ الطآبع الترفيهي مآرآح ندمجهـ هنآ .. بنتركهـ حتى يآخذ حقة من المشآركآت .. لكن أصحآب الموآضيع اللي دمجنآهآ هنآ أعذرونآ لأن موآضيعكم عبآرة عن سوآليف وبدل مآكل وآحد يتكلم من جههـ جمعنآكم بمجلس وآحد حتى اللي يتكلم يستمعون لهـ البقية وإذآ سكت يهرج الثآني  واللي يطول بالهرجهـ بنسحب عليهـ وبنتركهـ يسولف لحآلهـ .خخخخخخخخ . ترى كلنآ عندنآ سوآلف مهوب بس هو ..  ومن غلآكم حشرنآكم .. وقبل شوي أكتب معآيدة بخط يدي حتى أنزلهآ وبلشت مبطن عن الكتآبة وحست الورقة كل مآكتبت كلمة يطلع فيهآ حرف معآق ويحوسهآ .. عآد يوم قفلت معي رحت صورة كل الصفحة وجبتهآ لكم  وهذآ الكشكول يوم أسوي بروفآت .. على طآري كشكول .. كل عآم وآنت بخير يآبو وينك مآتدق على عمك تعآيدهـ 
|
|
#2
19-09-09, 08:25 AM
|
||||
|
||||
[[ اهــلآ اهــلآ بالعيــــد مارحـــب مارحـــب بالعيـــد ]]
صبــــــــــــــاح الخيـــــــرات والليــــرات والدراهـــــم >> عشان العيــد بس
كيــــــف حـــالـك>> عارفه مافي احد رح يرد علي  بمناسبه ان اليـــوم يمكن يكون اخر يوم في رمضان ويمكن ما يكون اخر يوم في رمضان ((لاتقولون بطه قالت اخر يوم وتفطرون بكرى واخذ ذنبكم ترى ماعندي استعداد اخذ ذنوبكم )) ان شاء الله ربي غفر لنا في رمضان وتقبل صيامنا وقيامنا وطاعاتنا ((قولــوا آمــــيــن)) وانا اليــوم جالسه منسدحه << كيف تجي جالسه منسدحه هع تذكرت سنه من السنوات في عيــد الفطر الصباح كنت مررررررة حايسه اجري يمين ويسار وادور الاستشوار وادور البكلات والشباصات والف لف في البيت ومعصبه واهاوش شويه كذا جاتني امي وقالت لي بطه يلااااا بنروح نصلي صــلاة العيـــد وانا اقول لها اصبر بس خليني احط لي مكياج الحين اروح هناك الحريم كلهم حاطين وانا لا وجهي كله زيت  مايصير قالت لي امي بكيفك زيت شحم بنزين خخخخخخخخ امشي وخلصينا والا ترى رح نروح قلت لها طيب وانا جالسه في الحوسه حقتي وقليل كذا واني ما اسمع والا صوت عرفت انهم خرجوا وبسرعه اطق عبايتي وادور الجزمه(( الله يكرمكم )) ادورها وانها ظايعه الحيــن وقته تضيع واروح اخذ جزمه قديمه واخرج وان ابوي لسى ماحرك السيارة واطلع وانا ارتجف طبعا ارتجف من الفرحه اني لحقتهم لاتفسرونها شي ثاني هع ونروح للمشهد طبعاً المشهد المكان اللي نصلي فيه صلاة العيـــــد وادخل وان الحريم علبه الوان ازرق واصفر واحمر وانا جايتهم بزيتي هع المهم جلسنا ندور لنا مكان نصلي فيه وندور يمين يسار حريم على بعض تقول السعوديه كلها هنا في المشهد عاد الامام قال الله واكبر امي كبرت في مكانها وانا جالسه اتلفت يمين ويسار وكبرت زي امي وجالسه انظر فيها >> بنت مطيعه  واشوف امي تتكلم وانا جالسه اقرا الفاتحه وصورة صغيرة وكبر الامام مرة ثانيه وركعت كان امي تسحبني وشفت الحريم كلهم واقفين ووقف زيهم وكبر وكبر وكل التكبيرات واحنا واقفين وبعدين سلمنا كمان واحنا واقفين وسألت امي قلت لها الحين انتي وش تقولين يوم انك تتكلمين قالت امي افااا بطه ماتعرفين لصــلاة العيــد وبعدين ليش ركعتي فضحتيني  قلت في نفسي اشوا اللي ماعطتني شوته خخخ قلت لها انا ماعمري صليت صلاه العيــد اول مرة  لقالت لي طيب مادرستوها قلت لها انا الدراسه ما اعتبرها شي من اول ما تروح ورقه الختبار انسى كل شي  وبعدين واحنا راجعين سألت امي ســؤال قلت لها الحيــن صــلاة العيــد لازم نتوضأ قالت لي امي : وش رايك يعني صلاة هي مافي صلاه من دوم وضوء !! قلت لها: طيب انا ماتوضيت جلست حايسه في نفسي وخرجت بسرعه وماتوضيت تجوز صلاتي قالت لي امي الحين انتي قلتي شي في الصلاة يوم تقولين تجوز والالا المهم رجعنا للبيت وبسررررررعه بسررررررعه اكمل لبسي ومكياجي وشعري وخلصت وجلست ... وهذاك اليوم امي خرجت من البيت بدري وقالت لي بطه الحين انتي الكبيرة وامسكي البيت عني انا مارح اطول دقايق وارجع قلت لها طيب وانا جالسه واني اسمع الجرس يدق وانقز من الخوف قلت يؤؤؤؤؤ هذي حرمه الحين كيف اسوي امي ماجات  ؟؟واجلس افكر وافكر قلت خليني اطنشها ما افتح الباب تجي وقت ثاني تعايدنا مو الحين والبزران يصارخون في البيت يعني شي طبيعي الحرمه رح تسمع صوت البزران وتعرف ان اهل البيت فيه وانا اقول لهم اسكتوا اعطيكم حلاوة وان البزران مطنشين خلاص شبعانين من الحلويات واروح افتح الباب للحرمه وانا ارتجف من الخوف <<< اللي يشوفها يقول بتاكلني واقول لها ترى امي ماهي فيه قبل ما ارد السلام >> يعني لادخلين قالت لي طيب دام اني وصلت بيتكم فأنا رح اتقهوى عندكم وسلمي لي على امك قلت لها طيب ودخلت الحرمه وانا ارتجف دخلتها للغرفه حقت الحريم وجالسه معاها شويه وقمت بأصب لها القهوة وارتجف وارتجف وينكب نص من الفنجان والحرمه تضحك علي وانا خلاص من قوة الخوف رح يغمى علي عندها<< ما انلام اول مرة استقبل حرمه لوحدي ودقايق وان امي داخله علينا في الغرفه واني من قوه الفرحه وادي اطير  ويوم جات الحرمه بتروح قلت لها اجلسي عندنا شويه خخخخخخخخخ خلاص امي جات وجاتني الشجاعه محد قدي هع وفي الاخير ما ودي اطول عليكم وراكم تنظيفات للعيــــد واشغال ومشاوير وبتشترون الحلاوة والحريم رح يحطون الحناء قلت خليني اخفف عليكم اليــــوم <<< ياشيخه مرة خففتي انا لضغطت على زر موضوع جديد تخر علي مواضيع وكلام واشياء واجلس اكتب واكتب لين ما اقول خلاص طولت عليهم الحين ماحد يقرا موضوعك اللي مثل مثل ماني قايله هع مايستفاد من الهرجه اللي فووووووق  يعني اذا ماقريتوا الموضوع اقروا مايستفاد من الموضوع بس رح تستفيدون  1- لازم تجهزون اغراضكم من بدري وكل شي من الليل عشان لاجاء الصبح وان كل شي جاهز ومرتب ماتحوسون حوستي اللي زمااان 2- اذا كنتي ناويه تروحين لصلاة العيــد اكشخي من بدري عشان ماتتوهقين وتروحين وانتي شكلك غلط تستحين تفتحين وجهك هناك هع 3-لاتنسن تتوضين وانتي رايحه لصلاه خخخخخخخ 4- راجعي كيفيه صلاه العيـد عشان ماتتلخبطين وتقولينها صح وتاخذين الاجر 5- خليك ريلاكس يوم العيد حتى لو يجيك بوش يتقهوى عندكم عادي اهم شي مايكتشف الضيف انك خايفه منه 6- عودو بناتكم انهم يستقبلون الضيوف عشان مايصير فيهم اللي صار فيني وفي الختام قبل ما انقلع كــل عــام وانتم بخـيــر اختكم : بطه لابسه شنطه 
|
|
#3
19-09-09, 08:53 AM
|
||||
|
||||
|
أول طش
احس انك حوسه في حوسه كل حيااااتك كذا <<<الله يعين زوجك الا خليه يدخل معانا في المنتدى يشوف خفايا بطه والبلاوي الي براسها وليه تخافي من الحريم <<<<تقولي محطوطه على الهزاز اتخيل شكلك وانتي راكعه والكل واقف ههههههههه تسلم شويخطاتك العربحيه 
|
|
#4
19-09-09, 02:35 PM
|
||||
|
||||
|
هلوين بطبوطة كل عام وأنتي بخير
ههههههههههه أتخيل شكلك وأنتي راكعة واللي جنبك أكيد بتقول وش جاب الخبلة هذي كان انطقت بالبيت وخليك حرمتن سنعتن لاجاء حريم وأمك ماهي موجودة طلعي أحد صغير ولا الشغالة وقولي مافيه أحد خخخخخخ
|
|
#5
19-09-09, 04:04 PM
|
||||
|
||||
|
|
#6
19-09-09, 04:34 PM
|
|||||||||||||||||||||||||||
|
|||||||||||||||||||||||||||
الله يسلمك شكرا على المرور منور موضوعي 
|
|
#7
19-09-09, 05:28 PM
|
||||
|
||||
|
بطه وانتي بصحه وسلامه يارب يا حياتس كلها كراكيب في كراكيب وشوله التكشخ والمكياج للمسجد خخخخخخخخخخخ خليتس على طبيعتس احسن  وآذى رجعتي حطي حرتس بالي تبين  شوفي قريت موضوعتس بس مقطع اخاف يآذن علي وآنا ما خلصت فقمت اقرا صطر ورآ صطر بس فهمت كل شي من ما يستفآد  وآبشرتس استفدت حآقات كتيييييييرهـ وآولها اني اكون ريلاكس بالعيد بطبق نصايحتس وآشوف وش آخرتها معتس موضوع فيري نايس شكرآ بطتي قصدي بطةهذاك مدري شسمه 
|
|
#8
19-09-09, 05:44 PM
|
||||
|
||||
|
وانتي بصحه وسلامه بطوطه
هههههههههههههههههه اجل رحتي تصلين بدون ماتتوضين والله من الدجه بهالراس ههههههههههههههههههههههههههههههههههه عوافي بطه يالله بروح وراي اشغال وخلطات ههههههههههههههههههههههههههه
|
|
#9
19-09-09, 07:15 PM
|
|||||||||||||||||||||||||||
|
|||||||||||||||||||||||||||
والله ياهالبزران اللي عندنا مفضح مرررررة تخيلي ممكن انه يروح للحرمه ويقول لها بطه تقول لك مافي احد وش وجهي بعدين  تعرف ان بطه موجوده وهي اللي راسله البزر يالله بس الحين صرت حرمه سنعه مرررررة اعجبك لوتجيني منورة موضوعي ياخياله الريف شكرا على المرور ياعسل
|
|
#10
19-09-09, 07:20 PM
|
|||||||||||||||||||||||||||
|
|||||||||||||||||||||||||||
لا عاد مو كلها بس الكركبه اللي تصير اسدحها هنا لان بعد كل كركبه يحصل لي موقف لابس الحريم كلهم كاشخات الا انا احس شكلي غلط  وانا سويت كذا امي اجبرتني اني اطلع بدري من البيت  اهاا يعني قريتي موضوعي مقطع  وفهمتي زين ايوة اهم شي انك تطبقين اللي في المايستفاد ورح تستفيدين شكرا على الموضوع منورة موضوعي
|
|
| مواقع النشر (المفضلة) |
| الكلمات الدلالية (Tags) |
| مصافق خشوم, تفلت ابليس, جالسه منسدحه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
