العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
ابــرآهيــم وصآلــح من دآعوس الــى هوليود !!~ ( 1 )
ابــرآهيــم وصآلــح من دآعوس الــى هوليود !!~
ابرآهيــم وصآلح اخوآن عآشآ حياهـ قاسيهـ مع الزمن بظــل ظروف والدهــم الصحيهـ عآشآ بدآعوس في حآرهـ صغيــرهـ يسمونهآ حآره المنكــوي وهذا لسبب كثــره الكــي فيهآ ................................................. هالحاره تتكون من : ابو سليمان وهو اللي 24 ساعه مسنتــر عند ابو ابراهيم وسليمان هو فآتن البنآت بالحآرهـ مع انه اصلــع بس حمار صلعتهـ يجلــب الذهل للبنآت بالحآرهـ وخصوصا الوردهـ اللي حآطهآ فوق اذنهـ وهو وابوهـ من اغنى شخصيآت الحاره وبقيه الشخصيآت بتجيــكم .... ابرآهــيم : الحيــن يآصآلح ورى مانكمل الدراسه برآ صآلح : انت تقولهـ صآدز ولآ تمــزح ههههههههههههه انت جب نسبه زينهـ وبعديــن تعال تكلم ههههههههههههههههه ابراهيم : ورآكـ تضحكـ هو نقصن فيني ولآ شـي صالح : هههههههههه الحيــن تبي تقولــي انك تبي تطلع تدرس برآ وابوكـ صآرله منوم 15 سنــهـ ومآفآد فيهـ ولآ ظنــتي بيفيد ومن زود فلوســكـ انت البس زي النآس بعديــن تعال قلي تبي تسآفر ابرآهيــم : ترآك حطمتـن تسذآ صالح : وانت بقى فيك شي ماتحطم حتى ضروسكـ طآحن من قل الاكل ماقد شافت اكل ابد مغير خبزن يآبس وشآي مالح ابراهيم : يآخوي هذآ طمــوحـي صالح : وشو تقعد تقولي طموح وماطموح اقولك اهجد واربض محلكـ قالي بدرس برآ انت لو تروح لندن تدرس كل لندن يجون هنا من ضروســكـ وشكلـكـ قــم قــم نلــف بالحآرهـ بس ابراهيم : يبهـ تبي شي ؟! ابوهم : هآهـ صالح : تبي شي يبهـ غرض ولآ شـي ههههههههه اصلا ما معنـآ فلوس امش يا ابراهيم بس صالح : شف شف موب كنهـ سليمآن الطماطهـ ابرآهيم : اي واللهـ وشف حآطن نبتهـ على اذنهـ فآتن البنآت صآلح : امش امش نروح لهـ هلآ سليمآآن صديقي ابراهيم : هههههه صديقي اجل يالله نلحقهـ نشوف اخرتهـ سليمآن : تعرفني اعرفكـ ؟! صالح : لآبس يعني حبينآ نتعرف وزي كذآ بس اقققعد بس ابراهيم : سلآم عليكم صالح : هذآ ماي سيستر ابراهيم اقعد ابراهيم وراك واقف سيت دآون ابراهيم : اشوفك ياصالح قمت تحتسي انجليزي صالح : التطور يا ابراهيم هو اساس هذا الشئ الى متى ونحن هكذآ منغلقون على بعض سليمآن : الحين جارينن عشان تسولفون ووخر منآك ابقوم ورآي بنآت صالح : بنآت عندك بنآت ؟ ابراهيم : والله اللي بتشوفك يا نحله يافراشه على هالوردهـ سليمآن : اسسمع وش يقول عندي بنات العالم كلهم صالح : صديقي اجلسس اجلسس سولف لنا انا واخوي عن مغامراتك عند البنات سليمآن : اول شي التميــلح لآزم تتمــيلح قدآم البنيآت صالح : اصصبر ششوي يا ابراهيم طلع ورقه وقلم واكتـب تعليمات الشيخ سليمآن ابراهيــم :الحين صار شيخ هاذي الورقهـ ماعندي قلم صالح : اكتب بضروسكـ اي شي سسليمان : هذا قلــم تعرفون لزوم العدهـ قلم صالح : ياللهـ كمـل وانت ابراهيم اكتــب سليمآن : مثل ماقلت لكم التميلــح اهم ششي هو البوابهـ للدخول صالح : التميلــح اكتـبهـآ سليمآن : ثآنيآ النظرآت لآزم تعطيها نظرآت تطيحها على الارض صالح : شلون ذي تجــي ابراهيم : خلن نجرب قم قم صالح وبطالعك وطح سليمان : واللهـ لحآجهـ اقوول وخروا انا فاضي وعندي شغل صالح : منتب فآضين لنا اجل رح رح من زيــنك الحين نسمع نصايحكـ ............................. صالــح يــحب بنت جيــرآنهم موضي ويحآول بآي الطرق يتقرب منها حتى ذآكـ اليوم رآح يآخذ منهم اكــل مدته لهـ جاء ابوهآ ورنجفهـ ترنجف بالشآرع وبعدهآآ ماشافها >> هذا الكلآم قبل 6 سنين ........................ ابراهيم : صالح صالح >> متنح ابراهيم : صالح ووجع صالح : هاه ابراهيم : وراك تقولها بحنيه صالح : تذكرت الحــب ابراهيم : اي حــب انت تحــب من ورآي ؟ صآلح : هههههههههههه طالع وش يقول انا تبت من بعد الرنجفه اللي جتني من ابو موضي ابراهيم : ههههههههههه تذكر السالفه يوم اجي اشيلك من الشارع وانت تصيــح ههههههههههه تقول مووووضي احبتسسسسسس ههههههههههههه صالح : لا تقعد تطنز علي بس هذي ششغلتك انت المعااير ابراهيم : ماودك صالح : اتزوجها ابراهيم : هههههههههه لآلآ نروح نسسافر صالح : رجعنآ للسفر ههههههههههه انت عندك جوآز اصلا ابراهيم : ما ادري صالح : هذاك قلتها ماتــــــدري ههههههههههه يآآولد قم قررت اروح لبيت موضي معك الدفتر حق سليمان ابراهيم : ايهـ معي ليه تبي تطبق صالح : جبهـ والحقن بوهـ ...................................... صالح : الحين وش السوآت لو طقيــت الباب وش اقولهــم ابراهيم : طق الباب واذا طلع لك ابوهآ ولا اخوها الكبير سلم وقل والله مشتاقين لكم واذا طالع البزير قله وين موضي صالح : واللهـ انــكـ جبتهآ خلن اطق طق طق .. خالد >> اخوها الصغير : نعـــــــم صالح : اهلين حبيبي خالد : وش تبي ابراهيم : بل ذا ماعندهـ شديد هالولد صالح : وين اختكـ ؟ ابراهيم : لآ ماودك تقوله جبها تتكي معنا بالحاره صالح : حبيبي خالد اعطيكـ حلآو بس ناد اختك خالد : تعطيني حلاو ؟ صالح : اشريلك الدكان كلهـ بس نآد اختــكـ خالد : دام السالفه بها حلاو طيب صالح : وش فيك انت ؟ ابراهيم : انا صالح : لآ امي انقققققلع مناك زوجتي بتطلع وما ارضالك تشوفها ابراهيم : وانا اللي قايلن لك الفكرهـ صالح : انت رح علمن التعليمات من بعيد ابراهيم : انا ورى الدتسه بقعد واعلمك ................................................. موضي بنت جميلــهـ رقيــقهـ كل عيال الحآرهـ خآقين عليهآ بس صالح متولع بها وهي متولعتن بوهـ وابوها واقف حجر عثره بينهــم ................................................ موضي : صآلح صالح : ايهـ يآحبوهـ ابراهيم : التعليمات الاولى : تميلح تميلح قل كلام حلو صالح : ياكربوجهـ موضي : وشو ؟ صالح : يؤبشني هالجمال موضي : وش قاعد تتكلم انت صالح : بتعئدين اليوم هم اصلا يقولون كذآ اهل الشام ابراهيم : النظره النظره بسسرعه صالح قعد يتلاعب بعيونه وموضي فآطسستن ضضحكـ ابراهيم : انحححححششش ياولد صالح : ابراهيم وش رقم ثلاثه لف صالح على ابراهيم ولا ورآهـ ابو مووضي ويآآآآآآآآخذ لهـ زي ماخذآ وهو صغيـــــــــــــــــــــــــــــــــــــر يمين يسار مسسسسح بوهـ ابو الشآرع .................................................. ................ ابراهيم : ماقلت لكـ انكـ دبششهـ صالح : الحب يسوي بي كذآ ومسستعد اسوي بها اي شي ابراهيم : شكلك تبي تكنس لنا الحاره كلها صالح : ومستعد اكنس جميع البلدان لاجل موضي ابراهيم : يالرومانسي انثثبر مكانك بس محنآ بنآقصين الا اقول صالح : وشو ؟ ابراهيم : ماودك نسسافر صالح : الله يقطعك كم مره تتكلم بهالسالفه واللهـ العظيــم منتب شايف الطياره ابد الابدين ابراهيــم : آعوذ باللــهـ يآخــي خلآص ماني بقآيلكـ شين ابد يآخــي انت تــدري وش يبيــلكـ نجيــب نيوتــن نقومهـ من قبرهـ ونجيــبه جنبــك واذا اخــتـرع نظريآته تقعد تقولــهـ لآ لآ مايصلــح وتريحــنآ وتريح الطلبهـ منهـ صالح : شف شف الجدار ؟! ابراهيم : وشش فيــه ؟؟! صالح : ماتششوف المآي قآعدن ينزل منهـ ابرآهيـم : اي واللهـ وانا اقوول وراها فاتوره الماء غاليه وحنا مانستخدمهـ ابد صالح : قم قم رح جب لك بنششر ولا اي شي يصلحهـ ابراهيم : خلن انا اصلحــهـ ويركب ابراهيــم ويعدل فيــهـ الين ماصلــح عقب غرق بيــتهم .................................................. ......................... ابراهيم : ياللهـ انا بروح ياصالح توصي شي ؟ صالح : وين انت رايحن له ؟ ابراهيم : كالعاده لوزاره الطرق بروح كوود يعدلوون الشارع اللي قدام بيتنـآ هالنــآس لا جو يزوروننا ياخذون خيامهم واكلهم معهم كود يموتون وهم جايينا صالح : اجل خذن معــكـ ابراهيم : لآلآ انثبــر عند ابووك وطالع احتياجاته ووش يبي صالح : يعني هو ابوي بلحالي كانه موب ابوك ابراهيم : يا ذا النششبه يالله امشش صالح : يالله توصي شي يبــه ؟! ابوهم : وشو ؟ صالح : مع السلآمهـ .................................................. ................ ابراهيم : يالاخوو ياالاخوو صالح : ههههههههههههه وراهم مايعطوننا وجه ابراهيم : يالاخو الموظف : هلآ واللهـ ابراهيم : يآخووي حنا مقدميــن علــى طلــب تصلحون شارع بيتنا وتزفلتونه الموظف : والله ما ادري وش اقولك هذا الشي موب من اختصاصي رح للمسؤول هو اللي يعلمك ابراهيم : لييييييييييييه انت ماتشتغل هنااا انت منتب موووظف صالح : يآخووي هد هد لاتطقــهـ خلآص خلنا نروح للمسؤول وبسس ابراهيم : ووين مكتبهـ ؟ الموظف : لف يسار وثالث مكتب يجيك .................................................. ....................... ابراهيم : سلآم عليــكم المسؤول : وعليكم السلآم ابراهيم : ياخوي حنا صارلنا سنتين وحنا ندور وراكم نبي تصلحون الشارع اللي قدام بيتنا المسؤول : وين موقع بيتــكم ؟ ابراهيم : بالشارع المسؤول : ههههههه وين بالشارع ابراهيم : جنب بيت ابو سليمان صالح : يالدبششه هو يعرف وين بيت ابو سليمان ياخي مخطط رقم 3 بيت رقم 27 ابراهيم : ماشاءاللهـ ياصالح تعرف بالعقار صالح : شف وش يقول ماتذكــر يوم ابيع ارض المملكه للوليد بن طلال ابراهيم : هيـــن المسؤول : ابراهيم لك البشارهـ ابراهيم : خلآص بتصلحونه المسؤول : لآ يا ابراهيم ابراهيم : اجل وووشوو دامكم منتب مصلحينهـ انتم تشوفون الحاله اللي .. المسؤول : لآتكمــل شارع بيتكم وبيتكم بيتثمنون بنسسوي جسر فوقــهـ وهالقرار طالع من اسبوع والحين بنعمل عليهـ ابراهيم : يعني شلون وحنا وين نرووح ؟ المسؤول : بنعطيــكم 7 مليون ريال توافقون تتركون بيتكم ؟ (( انتــهى الجزء الاول )) بيوافقون ولا لا ؟ ووش بيصير لهم ؟؟ كلهـ بالجزء الثاني ... |
#2
|
||||
|
||||
ههههههههههههه اخسسسس انا اعجبني يوم يقول : ياكربوجه جد حسيت انه يعرف يغـــآآآزل ههههههههههههه والا سليمان شكلهـ خكري ههههههههه هو وصلعيته قاعدهـ اتخيل شكلهـ ههههه اتوقع يوافقون يأخذون الفلوس اوكي ننتظر الجزء الثـــــــــآآآني بس عبداللهـ تكفىآ لاتحط الفيس اللي يرفع ضغطي
|
#3
|
||||
|
||||
^^
ههههههههههه ابششري مانيب حآطوهـ ابد نورتي يآهــآنم .. |
#4
|
|||
|
|||
اوه جاك يامهنا ماتمنى’’’’’
الحين يقدر ييترزز عند موضي>> بنتظار التكمله والتوليفات,,,
|
#5
|
||||
|
||||
.. حماس والله ..
متى الجزء الثآني ..؟! وهـو أصلاً كم جزء ..؟! << -- مسويه مقابله مع سيد .. أصبر علي ياسيد بس بعد الاختبارات هع بيصير تنافس بيني وبينك < -- الخلىآ .. وترى القصه واجد حلوهـ كمل ..! ’،
|
#6
|
||||
|
||||
حركتآآآآآآآآآآآآآآآآآآآآآآآت
اعجبن حيل وتفاعلت طريقة حلوة وسرد اكثر من رائع يعطيك العافيه
|
#7
|
||||
|
||||
أيوه أيوه آكيد بيوآفقون ويآخذون الفلوس ويسآفرون هوليوود ,,
لكن إبرآهيم يعآند ويسوي فيهآ عآشق ,, ومآيقدر يبعد عن موضي,, بس المشكله موضي ترفضه إذآ جآء يتقدم لهآ ,, ويوم تتقفل الابوآب في وجه يروح مع أخوه صآلح هوليوود ويصير فنآن مشهور ..~>> توهآ شآيفه فيلم هندي ..~ مملوح الوصآيف ودي أكمل القصه بدآلك ..~>> آطلعي برآآآآ ..~ نتتظر المفآجأه في الجزء الثآني ,, على إني متأكده إنك رآح تسحب كالعآده ..~ وتقيييييييييييييم ..~
|
#8
|
|||||||||||||||||||||||
|
|||||||||||||||||||||||
شآكــرين مرورك |
#9
|
||||
|
||||
هههههههههههههههه حسسيت اني بتحقيق شآكر لكـ مرورك برآيفــت لطرطيعه وش نوع خطتس اليي تكتبين بوه لاني عجزت ادوره |
#10
|
|||||||||||||||||||||||
|
|||||||||||||||||||||||
يعآفيكـ |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |