العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
على الركاب المسافرين التوجه للبوابه رقم 7
السلام عليكم ورحمة الله وبركاته
عساكم بخير وصحه وعافيه ومأجورين ......والسلامه اسمعو الشاعر هالكلمات يا كثر ما تناسب هالزوجات هاليومين مع هالاجازه ....وخصوصا هاللي ازواجهن يبون يسافرون برا ... صراحه كلنا نعرف النظام المتبع عند معظم العوائل السعوديه الزوج بمجرد ما يجي الصيف الا هو يترزز بمكاتب الحجز هو واخوياه علشان يحجزون من حقهم طبعا بعضهم يقول لزوجته الحقيقه ..واكثرهم لا والله يكذب عليها ويقول انا عندي انتداب اسبوعين من اجل العمل <<<يا كثر الانتدابات بالصيف كل زوج عندما يتقرب الصيف على طول يردد كثير كلمات الاغنيه الشهيره حان وقت السفر ..........................والعين عيت تنام الى هنا نتوقف طيب نجي للزوج ونقوله يا فلان ليش تسافر بالصيف وتترك زوجتك وعيالك صراحه يكون رده مقنع كثيرا يعني معظم الازواج يقول يا اخوي انا احدى عشر شهرا وخمسة عشر يوما وانا في خدمة هالاسره وقضاء حوائجها ...وجب وود وهات وخذ .... يعني مو من حقي اروح مع الشله اسبوعين .....العمر فاني ..وغثاء البزارين واجد ..من حقي اروح اوسع صدري واستانس ... كل زوج يقدم اجازه شهر في الصيف اسبوعين لنفسه يروح فيها يتمشى هو واخويااه ..واسبوعين للمدام اظن ان منطق الازواج جدا رائع ومنصف ... نجي للزوجه بعض الزوجات لديها حس امني رهيب وتكون دائما الثقه منزوعه في الزوج ..بمجرد ما يقولها ابي اسافر مع اخوياي اللي هي راكبها ابليس ..ومشغله كل صافرات الانذار في البيت وبعضهن تدعي المرض والا تخلي واحد من عيالها يمثل انه مريض كل هذا علشان ما يروح هالزوج المسكين يشقلب ويشوف ويمتع نفسه البعض الاخر مجنونه رسمي تروح تقول لأبوه او امه ان ولدهم يبي يسافر ..اذكر واحد مره هون قبل السفره بيومين علشان زوجته اتصلت بوالده وقالت الحق يا ابو فلان ولدك ملتف على سرابيت ويبون ياخذونه يدشرونه برا ..طبعا الشايب اتصل بولده وخلا اللي ما يشتري يتفرج يعني يا جماعه والله فشله ما يصير رجل عاقل وناضج ويبي يسافر ..طب وين المشكله اعوذ بالله بعض الزوجات تبي تدخل مع الزوج لو بحجر نمله ...وش ذا المنطق الحين واحد من الزلاء الولد ونيس وفرفوش وينحط على يمناك تزوج قبل ثلاث سنين وكل سنه وحنا بلشانين في تدبير تصريفه له عنده وحده الله لا يبلانا ....بمجرد ما تجي الصيفيه الا هي مسويه خطه خمسيه كله علشان ما يسافر صحيح هي بنت رجال وسنعه ومهنيه زوجها وماشيه برضاه ..لكن اعوذ بالله حرمتنا منه بهالسفر (تراني حاقد على كل زوجه ما تخلي هالزوج المسيكين يتنفس شوي ) بالله وش رايكم في هالموضوع وش بلاء هالحريم ما يتركن ازواجهن يروحون يتمشون مع اخوياهم برا ويكتشفون الاثار وجمال الطبيعه ..وعلى ما قالو في السفر سبع فوائد .... بالنهايه لو سمحت عطني المايك ابي اهدي كم اهداء احلى تحيه لمكاتب خطوط طيران الامارات ...والقطريه واحلى احلى احلى تحيه لعموم الطيارين والمضيفين والموظيفات بالطائرات المرابطون في طائراتهم ايضا احب ابلغ اجمل تحياتي لعموم موظفي الجوازات واشد من ازرهم وترانا شايفين مجهوداتكم والله يعطيكم العافيه كان معكم ظغط عاالي كتبه وهو يقيس الجنز اللي شراه بعد المغرب من سيتي بلازا
|
#2
|
|||||||||||||||||||||||||
|
|||||||||||||||||||||||||
ارحم يا مسلم ترى الجنزات اللي بسيتي بلازا كلها مضروبه وتقليد على كل حال احييك تحية اجلال واكبار بل تحية محبة وتقدير واحترام على صراحتك المتناهيه وانصافك اخيك الرجل في شتى المحافل السفرية منها والصيفية فـ لله درك يا فتى ما أجملك مافيه أحسن من التفاهم ومنذ البدايه عطله لي مع الشباب (طبعا كلهم متزوجين) وعطله معها والامور ماشية زي الحلاوه (حلاو بقر ) بالإضافة طبعا لبعض المميزات الاضافيه الاخرى للزوجة لدوام هذا الاتفاق وعدم نقضه من قبلها تخبر مالهم امان حريم هاليومين واحلى تحيه لضغط عالي
|
#3
|
||||
|
||||
ههههههههههه
تراهم غيروا أسمه الحين صار سنتربوينت مو ستي بلازا أشتريت لابو محمد سروال رياضة منهم ابغاه يريح فيه في دبي و رجعنا وهو جديد يقول ما بقى البسه الا في دبي الله يخليلي الثوب يكفي البس البدل في الدول الاجنبية بس تبي الصراحة قهر الزوجة والعيال ينتظرون الاجازة طوال العام ويسافر في النهاية لحاله صح البزران غثى في السفر بس هم عيالنا ومسئولين منا أحلى شيء يسافر الزوج وزوجته لحالهم وممكن يعوضون اولادهم بسفرة داخلية للعلم بعض الحريم هي ترفض السفر اما خوف أو ما تبغى تبعد عن أهلها وفي النهاية الرجل يحصل اللي يبغاه بالحيلة أو الغصب
|
#4
|
||||
|
||||
ههههههههههههههه اما اللي اتصلت على ابوه ما عندها وقت
خيييييييييييييير ان شاء الله بزر عندها جد عاد تصرف ارعن وغير محمود العواقب يعني بظنها زوجها بيعديها لها حتى لو هون عن السفر نرجع لمحور حديثنا طبعا عند اغلب الزوجات سوء الظن مقدم على كل شي تخاف يطيح ببلاوي متلتله ومعها حق لو كانت السفره لهالشي لكن لو يقول بروح للصمان واجلس شهرين قالت هالحين اجهزلك اغراضك بس تضمن انه للصمان موب لكازا بلانكا المهم من حق الزوج انه يروح وينفه عن نفسه بشرط انه يقوم بحق بيته اولا لانه مسئول عنهم تحية اكبار لك ضغط على وقفاتك المستمره مع بني جنسك
|
#5
|
||||
|
||||
الله محيي اصلك اخوي وعلى راسي من فوق الجنز ماااش وانا اقول ليش كنه مغبر اثره موب ماركه ...بس لا يغرك اخوك ذيب الحزام تهورت وشريته بخمسه وثلاثين ريال جلد اصلي ..وراعي المحل يقول ما يصلح تلبسه الا على الشاطي ..عاد انا يوم شريته وركبت السياره قلت يا ولد كيف البس شورت على الشاطئ واطق بالحزام ....ورجعت قلت الظاهر يا ولد انها الموضه تراني حريص كل الحرص على تتبع الموضه معك حق يا المميز لازم فيه اتفاق ...بس يا اخوي بعضهن ينقض العهود والمواثيق الدوليه ماش يخورن بمجرد ما تقول ابي اسافر يا حليل هالحريم الاجنبيات ..وين ما يسافر الزوج تقوله الله يوفئك ابن عمو موب اللي عندنا تواجدك شرفني حياك
|
#6
|
|||||||||||||||||||||||||
|
|||||||||||||||||||||||||
يا هلا ومرحبا ام محمد حياك ولك فقده بالقسم منوره وراه ما يلبسه الله يهديه بالعكس اصلن الواحد ما يخش جو السفره الا لين يلبس افرنجي .....صحيح الزوايد تبي تبان والكرش تبي تصك للركبه بس ترا حشرن مع الناس عيد حنا ما قلنا شي يا ام محمد الزوج يمشي وغدانه وزوجته وبعدها يفل اوم اومها مع الشله لا ضرر ولا ضرار ... بس بعض الحريم ماااش لا فكتن من جحا ولا غنيمتن منه حياك ام محمد عن جد منوره
|
#7
|
|||||||||||||||||||||||||
|
|||||||||||||||||||||||||
هههههههههههههههه اما الصمان عز الله تبي تبذل مجهود في تجهيز اغراضه هاللي اتصلت على ابوها ...اشوا من اللي تقول طلقني وتقلب البيت عليه فوق تحت .....الله من سقامة عقولهن يا اخوك تخيل تضحي بعيالها وبيتها بس علشان مجرد شكوك براسها وسفرة وخرابيط يا ابن الحلال عندنا شي يقهر في مفاهيم الحريم قاعدة يمشن عليها الزوج يبي يسافر يعني خلاص يبي يرتكب انواع المحرمات من جد شغله تدبل التسبد حياك شاعرنا
|
#8
|
||||
|
||||
وقسم بالله احلى وحدة اللي اتصلت على أبوة وربي أنها عجبتني كفووو والله
اجل تلبس جينز ومدري أيش حركات فيه تطورات اجل طيب ضغط بالله وين بتسافر>>ام اللقافه ترى مافي ازين من مكه والجنوب والطائف تبون الصراحه اني مرات افكر اقول شاب موب متزوج ويسافر برى وش عنده>>يعني أكيد فهمتوها حتى المتزوج ليش يسافر بروحه ..وش يبي يروح بروحه اكيد عنده شي وانا مااعمم على الجميع..بس هذا اللي ينشك فيه لما يقولون فلان سافر برى
|
#9
|
||||
|
||||
، ما لها حق الزوجة تمنع زوجها من السفر،، لـــزوج كل الحق في السفر مع ربعه الى آي دوله لتمتع بطبيعه على قولتك،، ولكن متى يكووون هذا الحق؟؟؟؟ آذا آعطى زوجته وعياله حقهم آيضاً في السفر وتغيير الجو من ضغوطآت العام الدراسي،، ولكن يسافر ويستانس والزوجه منثبره في الديره ..هنا الزوج آناني ومايهمه الا نفسه،، ويسعد مسااااك ياضغط،، بشر من علومك ماعرست........
|
#10
|
|||||||||||||||||||||||||
|
|||||||||||||||||||||||||
اصلن انتن كل حياتكن شك ...وهذا سببه عدم الثقه بالنفس تخبرن الوحده منكم ما تبي الزوج يشوف غيرها ...لانه اذا شافك وتكلم يبي يحصل انه دافن عمره بالحياء حياك الله طالبه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |