|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
21-08-07, 12:21 AM
|
||||
|
||||
ارتفاع الاسعار اثر على الحياة الفطرية . اقلطوا
يالله انك تحيي المنطلدزين والمنطلدزات بس
علشان سبب كتابة الموضوع بس والمقصود ببس اللي يقول ميواونيو بتشديد الباب مع كم سعبول يقطر مع التشديد بس لو ادري من وين جبت حرف الباء  وخاصة للي مالهم سنون مثل الجحود وضحضح والله من التتفيل مع الحتسي  ماعلينا تبي تقولون وش دخل البس او القطو او الهرة او توم  بالموضوع اقول لكم ياجماعة السوالف وسعة الصدر القصة يوم طلعت من البيت بعد العشاء بروح الاستراحة لقيت ذاك البس المنتهي بايعن الدنيا بتبن ومنسدح وحاطن راسة على كفر السيارة ناوي ينتحر عاد المساكين ماعندهم الا طريقتين للانتحار يايحط راسه تحت كفر سيارة والا يقطع الشارع وهو مغمض يوم شفته قلت اش اش ابيه يتحرك ولا عطاني وجه قلت اكيد انه مغرم ويحب له بسه ومتهاوشين على زبالة سألته وش بك يابس ولا رد ولا قال ولا تسلمة والله لوهو رادن علي تسان حاطن رجلي والى الحين اركض من الخوف ولا كتب الموضوع بس جلست اتمعن بالبس اتضح لي ان اللي بوه جوع عيون البس كانت تقول الله يذكر ايام الرخاء بالخير من اول العالم تشري لنا تونه من الفسق واذا طبيت زبالة لقيت به انواع اللحم الحين ماتشوف الا عظم مكسور واكلين اللي بوسطة صارت الزبايل ماتشجع الايام هذي صاروا السعوديين مشافيح والعالم اخذين بهم مقلب يحسبون الواحد اذا حك ابطه طاحت خمس ميه رحمت البس ورجعت للبيت قلت للوالدة عندتس عشاء قالت بسم الله عليك وش جاك توك متعشي قلت مهوب لي للبس اللي متوسد كفر سيارتي من الجوع قالت ماعندي الا عشاء اخوك الصلحي دبر عمرك انت وبسك قلت مهيب مشكلة عطين عشاء الصلحي وهو يدبر عمره قالت والله انك ماتستحي يابونديم اللي ترحم البس واخيك ماهمك قلت ياميمي مانب صايرن ازين من الحكومة اللي ترحم الهند وبنقلادش وترسل لهم طيارات وحنا اكلين تبن ولا رحمونا الرز ارتفع عقب فيضانات الهند ومشى مع باقي المواد الغذائية اللي ارتفعت ومشكلتنا اذا ارتفع شي لظرف معين مايرجع سعرة البنزين ارتفع قالوا ظرف شهر شهرين ويرجع وقعدنا 15 سنة نحترية ينزل شفتوا وشلون الظرف الله يدفع البلا يوم نزل البنزين ارتفع كل شي مابقى الا الهوى يحسب علينا بفواتير عاد الفاتورة على حسب الخشم اللي له مناخر مثل غرابيل يبي يبحل بعمره نرجع للموضوع قالت ياوليدي انثبر لايسمعك احد مانب ناقصة وش حياتي لو فتحت عيوني ولا لقيتك قلت عسى الله يخليتس لي وكلن يخلي له لا تخافين الحكومة مقدرة تشوف العالم عند القصاب اذا طلبت كيلو يحوم تسبدك بالتلميس كله يخاف يزود غرام يقعد يقطع بالحمة لين تجي بالملي لكن الحين تبين تعطينن عشاء الصلحي والا امشي قالت امش الزم ماعلي وليدي يوم شفت مابه فايدة طلعت وتركيت على كفر السيارة مع البس وقلت لاتشيل هم يبي يجي احد يدبرنا ترى غاية السعادة انك تتعاطف مع البساسه خاصة اذا كان لك سوابق اجرامية معهن وبعد طول انتظار طلع ابوالجيران معه كيس قلت للبس ارزقت ياتعبان قم شف شغلك خل اروح بس البسه طلع لسانه زي تسذا >> اثر السرمادي عارفن وش بالكيس وخابرن ان ماورى بيشه عيشه >> انت ياجارنا جاء ابوالجيران وقال سلامات وش السالفة قلت البس كاسرن خاطري يبي لحمه ماحولك شي بالكيس قال اللحم بروتينه عالي وصل 28 ريال سعرة حرارية ومن ارتفع الرز وانا قايلن للحرمة لو يزيد حبة رز بالعشاء كتبت ورقة طلاقتس بقرطاسة سميت يوم سمع البس هرج جارنا جدع راسه بالارض وراح وهو زعل ناديت البس تعال اعشيك بالبحار مارد علي تعال اعشيك بالضباب نفس الشي تعال بهرفي وقف يوم قلت بهرفي جلس يناظرنا وتسني اسمعه يقول الله لايجعل رزقي على ايديكم وراح وخاطري مكسور اللي ماقدرت اسوي له شي
|
|
#2
21-08-07, 12:30 AM
|
||||
|
||||
|
هههههههههههههههههههههههههههههههههههههههه
مسكين الابس
|
|
#3
21-08-07, 12:34 AM
|
||||||||||||||||||||||||||||||||||||||||||
|
||||||||||||||||||||||||||||||||||||||||||
هههههههههههههههههههههه هههههههههههههههههههههههه اجل بتاخذ عشاء اخوك الصلحي للبس ومشكور يابونديم على الموضوع الرايق
|
|
#4
21-08-07, 12:36 AM
|
||||
|
||||
|
هلا ابونديم
قصة البس هذى جات على الجرح سبحان الله حتى البسوس سارو يعانون زينا خخخخخخخخخخخخخخ مشكور يابونديم
|
|
#5
21-08-07, 12:38 AM
|
||||
|
||||
|
اخس صايرن رحوم
ههههههههههههههههههههههههههههه تسلم اخوى على الموضوع الجميل
|
|
#6
21-08-07, 12:39 AM
|
||||
|
||||
|
ههههههههههههههههههههههههههههههههههههههه
الله يقطع بليسك يا ابو نديم بس بيني وبينك والله انك صادق كل شين ارتفع خابر اول ناخذ حبه مع الرز ب18 ريال والحين 22ريال الله يعين بس
|
|
#7
21-08-07, 12:44 AM
|
|||||||||||||||||||||||||||
|
|||||||||||||||||||||||||||
خخخخخخخخخخخخخخخ وش الابس هذا اللي تسنه نمر اذا مشى
|
|
#8
21-08-07, 12:47 AM
|
||||
|
||||
|
كان ذبحت له بقرة ,,, عز الله تذبح اخوك ولا تذبح بقرة ...
مشكور أبو نديم ,,, الا على طاري أبو نديم ,,, امك تدري انك أبو نديم ؟! ما تهاوشك ؟! طيب كلمة أخيرة ,, بالله إذا شفت شخبوط سلملي عليه كثير السلام ... طيب كلمة قبل أخيرة ,, شفت العثيم وش سوا ؟ خفضوا سعر الرز الشين ينقالهم مسوين بنا معروف ,,, بيمشون سوقه ولا يدرون وش يسوون وجابوا هالخطة ,,, مسوين لنا فيها شهامة ,,, يحسبون الشعب مايفهمون ... الله يخارجنا بس ...
|
|
#9
21-08-07, 12:48 AM
|
||||
|
||||
|
ابو نديم
مساك الله بالخير اخوي وابارك لك على تعيينك مشرفاً بهذا القسم .. لنى مادريت إلا تو والله يوفقك ويكون بعونك نرجع لموضوعك المبرجل قبل كل شي نبي نرسل نسخه لمعالي وزير التجاره .. بأن البساسه حست بما حسينا فيه من زيادة قوت بلدنا على طارى قوت اهل البلد .. ها السنه الفطره معكرونه بتوني وش نسوي الرز غالي ابو نديم انسدة تسبدي يو تذكرت ان الرز غالي . ويعطيك العافيه على ها الموضوع تحياتي لك
|
|
#10
21-08-07, 01:00 AM
|
||||
|
||||
|
يالله انك تحيي المنطلدزين والمنطلدزات بس
الله يحيك يالمنطلز وخاصة للي مالهم سنون مثل الجحود وضحضح والله من التتفيل مع الحتسي يا وليلي يا جحجح ما هنا موضوع الا تشرشح ناديت البس تعال اعشيك بالبحار مارد علي تعال اعشيك بالضباب نفس الشي تعال بهرفي وقف يوم قلت بهرفي خخخخخخ كأني اشوفك انت والبس جالسن بالبحار على هيك كرسي تطلبون عشاء وعليكم السدارة [/quote]
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
