|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
13-09-06, 05:16 PM
|
||||
|
||||
كبسة بالسكر .. التفااااصيل بالداااخل ..
السلام عليكم ..
مرحبا بأعضاء منتدى الترفيهي .. بما إنه أول موضوع اسدحه في ذا  أبي منكم تركزون معي >>> قلب درس رياضيات وحنا ما ندري .. المهم إن ذات يوم وفي وقت مضى خرجنا إلى البر >>> البر هذا مركز صحي لمرضى النفسية هههههههه يعني كشتة الزبدة يا أبو الشباب .. إن كلنا نقرب لبعض >> وبعض ما يقرب لنا يعني ذاااااابين أبو الميااانة .. من المواقف اللي حصلت >>> الرز مجمع بصندوق الهايلوكس ..>> صندوق الهايلكس هذا يا طويل العمر من أدوات المركز الصحي للنفسية .. وأيضا حصل لنا .. كبسة بالسكر وهي الزبدة في موضوعنا هذا ..>>> هي كبسة ولا زبدة .. آخر كلاااام .. المهم يوم إني اعتلينا برأس النفود >>> وذلك لإجراء العملية للمرضى خخخخ وشبينا الناااار وقهوة وعلوم رجال ..>> والرياضيات خلينها في قسم النساء قلت : ما راح أحد يسوي العشاء إلا أنا .. >>> مسوي فيها أحسن طبااااخ  طبعا ربعنا يوم دروا إن الوضع انتهى فسلموا واستسلموا للواقع .. طبعا سدحت اللحمة في القدر وحطيت البهارات والحوسة ذي كلها .. وربصت الرز وحطيته فوق صندوق الهايلوكس >> رافعه عن المقاريد لا يكبونه ولا يطيح فيه رمل .. المهم جلسوا العيال يلعبون بلوت وراعي الهايلوكس ما يعرف يلعب وأنا مشغول بهالكبسة >> أول مرة أطبخ كبسة  تدري إنها لك عليها .. راعي الهايلوكس مل من القهوة ولا أحد عطاه وجه .. قااااام وشغل الهايلوكس ورااااااح يطعس >>> البلاء إن الرز على التانكي >>> التانكي هذا وعاء يحطونه الماء يوضع على جوانب صندوق الهايلوكس .. المهم ناااااسين الرز .. راح يطعس وينوفر ومن هالكلام .. يوم أخذنا شوي تذكرنا الرز معااااااه ندق عليه ما يرد .. مشغول بالتطعيس .. وش السواة معه ؟ ندق ما يرد المهم ما رد علينا أبد يوم جاء نناظر الرز ما هو موجود على التاااانكي >>> الله يستر لا يكون طاااااااح طبعا الوقت ليلا .. إي والله طااااااح ولكن طاح وين ؟ طاح بالصندوق >>> الحمد لله جت سليمة قلنا لراعي الهايلوكس يجمع الرز اللي كب >> يوم جمعه وغسله وجابه لنا من جديد .. قااااايل لكم حوووسة .. وهنا الداهية الكبرى .. بعد ما كبينا الرز وبدأت الريحة تزكم الخشوم .. شوي وأناظر الماء ناقص شوي ..يعني يبي له زيااادة .. طبعا العيال يلعبون بلوت ما دروا عن السالفة وما بغيت أشغلهم ناظرت إلا به إبريق شاااهي مفوحينه على بالهم يبون يسون شااهي .. وأصب لي بيالة .. وأشوف إلا هي موية .. بس ما شاء الله حصلنا موية قريب >> متيعجز أروح للتانكي وأزيد من الموية على الرز .. >> أثرهم حااااااطين السكر وما بقى إلا الورق ولا دريت عنه توقعته بس موية .. يوم التفت علي اللي حااااط السكر وقال : صبيت من هالابريق قلت إيه .. قااال حاط فيه سكر  .. >>> يؤؤؤؤه دورني ذيك اللحظة وأنا أقوله اسكت لا أحد يدري ..  طبعا العيال من اليوم وهم يلعبون بلوت ..يوم خلصت الكبسة .. وننتسبها على الصحن إلا ما عندك أحسن من ريحته وشكلها .. وطعمها بعد لولا السكر  .. ويوم أكلوا أعجبهم الطعم بس قال واحد : تسلم يدينك ..  أنا استانست يوم قال هذا النكبة : ترا فيها سكر  .. واللي يضحك واللي يتريق ويستهبل واللي ساكت >> جوعانين .. بعد ما شبعوا قالوا .. ممتازة لو ما جاءها هالسكر ..بس أعلمكم ممتازة طريقة إضافة السكر .. جربوها لا تفوتكم >>> أقول عساك سالم وكانت من أروع الطلعات .. ماضي يذكر ولا يعود .. عاااااااد لا تفشلوني .. الله الله بالردود ..
|
|
#2
13-09-06, 05:43 PM
|
||||
|
||||
|
ههههههههههههههههههه وش قصة السكر هاليومين نفس سالفتك صارت لي.. اختي حاطه السكر في البريق وناقص الورق عجزه افوح ماء للقهوة حطيت الماء اللي في الأبريق وصارت قهوة بسكر انصحكم جربوها خخخخخخخخخخخخ وكبستك لو ماقلتلهم كان حكو القدر بعد .. انصحك اذا اغلطت مثل كذا او زودت الملح مثلا لا تقول لأحد كل حاقه حتتوكل اول رد ياحظيييييييييي 
|
|
#5
13-09-06, 09:35 PM
|
||||
|
||||
|
[align=center]اما كبسة بالسكر هذي انما ايه.. بس اللي حولك شكلهم جوعانين حيل عشان كذا ماحسوا ..اشوى انك ماحطيت السكر بدال الملح ولا كان الطعم بياضح اكثر والمبسة ماراح تتوكل[/align]
|
|
#6
13-09-06, 10:33 PM
|
||||
|
||||
|
خخخخخخخخخخخخخخخخخخخخخخخخخخخخخخخخخخخخخخخخخ
هههههههههههههههههههههههههههههههههههههههههههه يابيلي اجربه خخخخخخخخخ
|
|
#8
14-09-06, 02:13 AM
|
||||
|
||||
|
هههههههههههههههه
السكر مضيقن عليكم لهالدرجه
|
|
#9
14-09-06, 08:21 AM
|
|||||||||||||||||||||||||||
|
|||||||||||||||||||||||||||
يسلمووووو على المرور >> ولا الجوازات خخخخخ نورتينا .. كل يوم تعااااالي ..
|
|
#10
14-09-06, 08:29 AM
|
|||||||||||||||||||||||||||
|
|||||||||||||||||||||||||||
نورتي الموضووووع >> صارت نجفة وحنا ماندري ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
