|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
07-06-09, 12:02 PM
|
||||
|
||||
.. الميزٍآآآين ميزٍآآآين .. بقرٍ ولا تيووٍٍٍوٍوٍوٍس .. ( طفوٍلة طرٍطيعهـ ) ..
 بسم الله الرٍحمن الرٍحيم .. .. السلآلآلآم عليكم ورحمة الله وبرٍكآتهـ .. حمودي .. عبودي .. اذا تبوني أخرج من البيت اوقفوا عن بيتنا وغنوا بصوت عالي اي اغنية .. واذا كنت ابيكم انا اصفر لكم خلآلآلآلآلآص .. اتفقنا اتفقنا ..  وفي صبآح يــوم الخميس حمودي وعبودي .. يغنون بصوتاً عالي عند بيتنا .. الميزآين ميزاين .. بقر ولا تيوووس .. قعدت اضحك من قلب .. وقعدت اتسمع عند الباب يجي ربع ساعه وهم يغنون وماخرجت لهم ..  بعد قليل من الوقت .. رحت لأخذ مفتاح الباب من تحت مخدت ابوي .. وانا ادخل يدي تحت المخده صحي ابوي .. وانا انفجعت .. قال : ايش تبين ..  قلت : ابغى ريال .. وابغى اصحيك عالصلاه .. قال : صلاة وشو .. قلت : الفجر .. قال : صليته من زمان انقلعي عني ابغى انا .. وفشلت في اخذ المفتاح من عند ابوي .. وبقي مفتاح ثاني عند امي .. وامي بالمطبخ تطبخ وتغسل والله مدري وش تسوي المهم تشتغل وهي تغني ست الحبايب .. واجيت تكايات واحطها فوق بعض .. واطلع عليها عشان المفتاح فوق الثلاجه .. واخذته والتكايات طاحت وطحت معاها .. امي صاحت علي .. وطراخ على يمين وطراخ على يسار وارجع عند الباب وحمودي وعبودي للحين يغنون .. قلت ليش ما اتسلق السور .. واتسلق السور واطب لهم ..  ترااااااااار << موسيقى استعراضيه .. ومن يوم طبيت وانا ما اشوف الا نجوم وتلطيش منهم .. يقولون : من اول وحنا نصايح جو كل الجيران يهاوشونا عشان ازعجناهم .. قلت : يلا يلا نروح عند شروق وجدان وماجد .. << عيال الحاره .. وحنا قاطعين السكه .. جريت انا وحمودي قبل عبودي .. وقطعنا السكه .. وعبودي خايف يقطعها .. قال حمودي : جبااااان خوااااااااااف .. قال عبودي : لا ماني جبان .. ويجري باقسى ما عنده وتجي سياره مسرعه وعبودي مسرع .. تعرفون المرايه اللي بالسياره البارزه مافيا اشرح .. عساكم تعرفونها .. هالمرايه تخبط كتف عبودي .. من يوم ما خبطته وحنا انا وحمودي نطالع هو مات ولا لسا .. قام خرج الرجال اعطى عبودي عشرة ريال وهرب .. بس يده جت سليمه الحمد لله << امه قاريه عليه .. ووصلنا عند بيت وجدان وشروق وماجد .. ونصفرررررر . ونصفررررررر ونصفرررررررر .. خرج ابوهم الشرطي .. معاه باكور .. يضرب حمودي وعبودي .. ضرب مو صاحي .. بس ماضربني .. قلت بصوت عالي : هيييييه هيييييييييييه .. هذا وانت شرطي مجرم ..  قال : ايش .. قلت : عيش وصحن طريش وياخذك ربي لشارع الجيش .. .. قال : والله اعلم ابوك .. قلت : والله اعلم مذكر عليك .. << مذكر هذا له قصه من ذا الشرطي .. قال : ليش تصفرون قدام بيتنا .. قلت : نبغى شروق ووجدان وماجد .. قال : هذولي كلهم عيالي .. << يتمنن علينا بعياله .. والله مشينا عنه ورحنا نشتري من البقاله .. وعبودي هو اللي معه العشرة ريال .. قعد يشتري يشتري .. وبعدين اخذ الكيس وشرد .. مادفع فلوس .. وقعد يهاوش رآعي البقاله تعال تعال .. ومسكني انا وحمودي  وقال : انتم اخو الحرامي .. قلت : لا لا هذا اخوه انا مو اخته .. وتركني وبقي محمد .. مع الهندي .. ورحت اجري على عبادي قلت : يالحيوان ليه تسرق .. قال اوريه ذاك اليوم ماخلاني اشتري من عنده .. قلت : طيب ومحمد وش نسوي فيه .. قال : الحين نمسك حجار كبار ونهدد راعي البقاله اننا نكسر بقالته لو مايفك محمد .. قلت والله فكره حلوة بس سويها لحالك .. وراح الدلخ يهدد راعي البقاله .. وقال الهندي كلاص كلاص الحين يفك مهمد بس لا يكرب بقالة .. ويفك محمد .. ويهربون كلهم .. ويجي ابوهم في الظهر يصلي ويقابل راعي البقاله ويشتكي له .. وفي الظهر ما اسمع الا صراخ محمد وعبادي اي اي .. توبه اخر مره .. حزنوني .. يوم السبت .. وانا رايحه للمدرسه .. وبمر على بنات عمي في الحاره .. ويمشون معي .. كالعاده .. وانا ماشيه اخو محمد وعبادي .. ياسر الكريه .. يقول : طرطيعه .. طرطيعه .. وانا مطنشه وماشيه وهو وراي بالسياره .. << يازين الثقل يلا نوصلك .. اركبي يابنت .. وانا مطنشه .. وتطلع راسها اخته مشاعل معي بالمدرسه .. طرررررررطيعهـ تعالي اركبي معانا .. قلت : لا بروح مع بنات عمي .. يقول ياسر : مشاعل اخرجي ودخليها .. قال : طيب طيب .. وتخرج هالدبيه وانا مو جاي ببالي انها تبي تشيلني وتحطني بالسياره .. وتقول : يلا يا ياسر اسرع .. وانا ورى مع مشاعل .. دج دج دج طخ ططططرااااااخ  .. << نتضارب .. ونوصل المدرسه ونخرج انا ومشاعل .. ويقول ياسر مع السلامه .. وانا ارفس سيارته . . يقال بكسرها .. واطلع لساني  واسبه .. وتجي مشاعل.. ليه تسبين اخويه .. وكالعاده نتصافق .. .. هذا جزء بسيط من طفولتي .. كان عمري .. 11 سنهـ .. ومشاعل 12 .. ومحمد وعبادي 11 سنه << توأم .. كتب الموضوع في عشرين دقيقه .. وبدون مكيف ,, والبطن فاضي ..
|
|
#2
07-06-09, 12:30 PM
|
||||
|
||||
اولا هلا وغلا طرطيعه ..
كيفك وين ايامك؟؟ الله طفوله كلها اكشن.. بدايه من اذا كانوا يبغونك يغنون بس ليه اذا كنتي انتي تبغينهم تصفرين ليه ماتغنين زيهم ولا الصوت مايساعد هههههههههههه وتعجبني الجحده وانتي تقولين لاانا مو اخته هذا اخوه هههههههههههههه ياعيني على الي يتعززون والناس تلاحقهم عشان يركبون معها.. عوااااااااافي طرطيعه وبنتظار الاجزاء القادمه من ذكرياتك ..
|
|
#3
07-06-09, 12:52 PM
|
|||||||||||||||||||||||
|
|||||||||||||||||||||||
|
هالطفوله تصلح فلم اكشن ودرامي وصدقيني بياخذ المركز الاول خخخخخخ
يا مال اللي منيب قايل، الحين الباء حرف جر تقومين تسوين اللي بعده منصوب؟؟ صدق انك طرطيعه عوافي
|
|
#4
07-06-09, 01:29 PM
|
||||
|
||||
|
ههههههههههههههههههه
طفوله ممتعه انا اتخيل القراعيط>>هي مااطرت قراعيط ياحليله حمود اجل انحبس عند العامل وانتم تبلعون لا وهذاك السروق ههههههههههه توحححححفه ياناس يازين البراءه تقبلي مروري طرطوعه بنت مصقوعه ههههههههههههههههههه تشكراااااااات..
|
|
#6
07-06-09, 02:05 PM
|
||||
|
||||
|
اعوذ بالله من كلمآت الله التآمآت !! الحين وكآد انك بنت ولآ تسويقينهآ علينآآ ؟؟  !! .الحين وانتي بنت تسوين كذآ ؟! اجل لو زلة امك وجآبتك ولد وش بتسوين ! .. ! <<-- احس العبآره يحتآجلهـ صيآغهـ من جديد . وبصرآحهـ وبدون ادنى استحيآء جلست اتخيل شكلك وارسم علآمآت وتقآسيم وجهك استنآدآ على القصهـ !! وقدرت اتوصل انك عربجييهـ ومآتمشين بالشآرع الآ والشمآغ على الكتف وبيديك ولآعهـ وبكت دخآن نوع ملبورو احمر .ووجهك فيهـ شق ومخيوط بثنعش غرزهـ وصفت سنونك توحي ان كل سن يقول للسن الي جنبهـ ترآي مزآعلك !!وطبعآ مشيتك جلست اتخيلهآ انك تسحبين رجليك تسحيب بنعآل نوع قرآرهـ لو تصبخين فيهآ مسلم ارتد عن الأسلآم من كبرهآ وكبر رجلك !! ..!يعني على هآلعربجهـ لو جيت مرهـ ثآنيهـ وبدخل اقرى اي موضوع كآتبتهـ انتي !! لآزم اجيب معي محرم وثنين اشهود وكآتب عدل . اتقآئآ من أهبآلك واهبآل الشرذمهـ الي تكتبين عنهم بآالقصهـ . لعنبو دآرك البنقآلي حق البقآلهـ قريت قصتهـ بآالجرآيد وتبينن آمن اقرآ موآضيعك ولحآلي ؟؟ <<-- تبين تفضحيننآ بآالجرآيد (( كذب كذبة الجرآيد وصدقهآ )) ...................... على العموم .. انآ متفآئل ان الله هدآك الآ مآفيهـ الخير والصلآح وانك صرتي حرمهـ عآقلهـ وفآهمهـ وايآم الطيش عدت وولة ورآح زمآنهآ . والحين احسبك والله حسيبك . انك صرتي تكآنهـ <<--- مآيعرف يقول كلآم مهذب وخآنهـ التعبير . .. واخيرآ اهنيك من كل قليبي على الموضوع الي وسعتي صدري فيهـ وعطيتين مجآل اذب فيهـ على رآحتي لشخصكم الكريم !!وبكل توآضع لكي .. 
|
|
#7
07-06-09, 02:13 PM
|
||||
|
||||
|
يـآهيتس آلحتسي يـآبلى ..!
ينثبت ..! ولــي بـآكـ آفصفص موضوعتس لآني وكمـآ تدرين وآحدن جآي مــن آلدرسه لآقعته آلشمآس ومآلين بطنــه وشآرب طرقوع لبن وودهـ بآلسرير يآلله ،‘ برب
|
|
#8
07-06-09, 02:17 PM
|
|||||||||||||||||||||||||||
|
|||||||||||||||||||||||||||
الى يومكم هذآ امشي واضحك ! .. !!
|
|
#9
07-06-09, 02:29 PM
|
||||
|
||||
|
يستآهل التثبيت ومني التقييم ..
 .
|
|
#10
07-06-09, 05:50 PM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
اتفقنا  << و انتي وش دخلكـ
 << تحمست مع الموسيقى
 مساكين العيال هم اللي ينضربون يا انتس طويلة لسان  و قصصم لو اني مكان ذا الشرطي و قصم لأرضختس 
حنا اذا احد قال ايش قلنا تمر و عيش << طسسي
يققطع اوووم الاجرام اللي تعرفووونه صح انتي صقيقتي << تتمصلح عشان ما تكفخينها
حركتات يا الثقيله انا ما اصدق احد يقولي اركبي و قصم اركب و لا يهمني  خخخخخخ<< طسي
أجل بتكسرين سيارته هاهـ كان ناديتيني اكسرها معتس << طسي
احلفي
كيف سويتيها .. عواافي ع الموضوع رووووووعه تعجبني الطفوله اللي تسذا تصلمين ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ــــــق ][ في رمضآن .,!
.,! 
.gif){kind=icon}
العرض العادي
