العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
اناقصيمي وافتخر لاتقصمنت
(بسم الله الرحمن الرحيم) احبتي ادارة ومشرفي واعضاء منتديات قصيمي نت,, السلام عليكم ورحمة من الله وبركاته واسعد الله او قاتكم بكل الخير,, بدعوة من اخي وصديقي وشاعري المفضل,الاستاذالشاعر(فــهد العتيبي)سلّمه الله تشرفت اليوم بالتسجيل هنا. وذلك لاستفيد واتعلّم من شعراءهذاالصرح الشامخ. والبركـــــــــــــــآ ن,,حقيقة رجل (كريم,,يمتلك صفات الصديق الصدوق الوفي) حيث قدم عن شخصي المتواضع صورة,ولا اجمل اتمنـّى من الله ان اكون عند حسن ظنه, واليوم اتشرّف ولاوّل مرة في مصافحتكم احبتي اخوتي واخواتي شعراء قصيمي نت,, واقدم اليكم مصافحتي تلك وهي عبارةعن ابيات متواضعه من بوح وكتابة هذه الساعة,, اتمنى ان ترتقي لمستوى ذائقتكم المتميزة,,وهي بكل امانه مخصصة لقصيمي نت,, حيث اخترت لها هذه التسميه,,((انا قصيمي وافتخر لاتقصمنت)) قلت,,.. ســلام للموقع قصيمي على النت تحيـّـة الاســــــــلام مني تحيّه لك ياقصيم الجــود تكرم ولاهنت انت القصيم أنت الاصل ماعليّه انا قصيمي وافتخر لا تقصــمنت ابوي وجدي والجــدود الأبيــّـه لآطرٌّوا اسمك فزِّمافيني واذعنت قمت انتخيبك واستحث الهويّه مهمامدحتك في قصيدي ودونت تقصربيوتي ياقصــــيم الحــميّه وبخيمة الشعارانا جيت واعلنت سلام لأهل الشعر,حيّـه وحيــّه واثنيه للبركـآن واقول كيف انت عساك طيّب ياكــريم السجــيـّه يافارس الفرِّيس اليآجيت هيمن جتنا براكينــك حمــمها لضيّه وان هلّت غيومك ترانيـــم لحّنت احلى القوافي واللحون العذيّه وبمجلس الشجعان شفتك تمكنت بالصدرتجلس ماقبـلت الرديـّه من نسل عتابه وانت منهاتكوّنت بين القبايل صيتها رأس حيـّه في مهجتي لك جزلهاحيث ماكنت عذبات شعري والنـوايا نقـيـّه حيثـك وفيًّ وللرفـــاقات ماخنت ويكرم جنابك عن خيانة خويـّه وافي ولوشان الدهرفيك ماشنت شرواك نادر فـالسنين الرديـّه يستاهل التمجيد مثلك على الن بدع المثـايل سقتها لك هـديـّه
((وسلامتكم)) بقلمي المتواضع جدّاً اخوكم /فهد بن زيد \ \ \ \ \ (احبتي رجاءاً لا أمراً لا اسمح بنقلها نهائياً لانها مهداة لمنتدى قصيمي نت,,)
|
#2
|
||||
|
||||
صح لسانك ملااااايين أخوي فهد
إبداع واضح وأبيات رائعة قصيدة جزلة حياك وبياك في منتداك قصيمي نت فتواجدك شرف كبير للخيمة دمت ودام إبداعك
|
#3
|
||||
|
||||
صح لسانك ملايين
واللي يمدح القصمان يستاهل الصح أبدعت الله يعطيك العافية
|
#4
|
||||
|
||||
هلا والله وغلا بابو زيد في أول حضور له
وقصيدة رائعة جدا من أبن القصيم لمنتدى القصيم صح لسانك يا بو زيد ويا هلا فيك
|
#5
|
|||
|
|||
هلا وغلا بك ايها الشاعر الكبير فهد بن زيد
وبيض الله وجهك ووجه الاخ فهد العتيبي عندما دعاك الى منتدانا الجميل
|
#6
|
||||
|
||||
الله الله الله صح لسانك ياشيخ قدح جزل يالجـــزل وكلنا ثقه بأن البركان .. لايختار إلى النجوم صح لسانك مرة اخرى يــا شعر دمت بعــــز
|
#7
|
||||
|
||||
لك ياقصيم الجود تكرم ولاهنت انت القصيم أنت الاصل ماعليّه انا قصيمي وافتخر لا تقصمنت ابوي وجدي والجدود الأبيّه لآطرٌّوا اسمك فزِّمافيني واذعنت قمت انتخيبك واستحث الهويّه مهمامدحتك في قصيدي ودونت تقصربيوتي ياقصيم الحميّه صح السانك وحضور جميل ومشرف
وهلابك في قصيمي
|
#8
|
||||
|
||||
ارحب ارحب ارحب ارحب وصح صح صح قلبك وكلك اخوي وشاعرنا الغالي/ فهد بن زيد جزلة من راس جزل ويستاهل غالينا ـ البركان الثائر ـ كل طيب وتستاهل منطقة القصيم كل خير وافية من وافي شآمخة من شآمخ هلا بهذا الحضوور الجزل صح لسانك حتى ترضى وافر التحايا والتراحيب
|
#9
|
|||
|
|||
ارحب ثم ارحب ثم ارحب يالله حيه عد السيل شاعرنا واخينا الوافي الصادق الصدوق الكريم ابن الاكرمين ها هنا لقد اكرمتني وشرفتني بجميل قولك وجمال شعرك فالبستني ثوب السعاده والفرح فلا استطيع ان اقول شيء لكن اسمح لي بهذه الابيات بسم الله الرحمن بالله وامنت =الواحد القهار مرسل نبيه عزالله انك يارفيقي تسلطنت = ماهي غريبه من وجيهً نديه اهلا هلا بك في قصيمي تفننت = عشق الحروف العاليات ابجديه سويت لك قافً كريماً وعنونت = اهل القصيم اهل الكرم والعطيه بدعت لك قافً جزيلً وسننت = راس المعاني والبيوت القويه سقت المعاني عسرها لين لينت = لين انها صارت سواة المطيه ابعقلك الراجح للاشعار وازنت =في ليلة قمراء هوى سامريه طيبك مع اخلاقك معزه تكونت= يابن الحرار الغانمه صيرميه تمشي على درب الوفاء عز ثم صنت= نفسك ولا تقبل تجيها خطيه وانا معك ياصاحبي ما تلونت = وقت السعه والا نهار اكرهيه
|
#10
|
||||
|
||||
لاني قصيمي وفتخر ليتني كنت=من صلبهم أهل الفخر والحميه يامرحبا بك شاعر القاف لاهنت=إسمح لمقروش(ن)يقدم تحيه مرحباً مليون بشاعرنا سعدنا بالإطلاع على قصيدتك الرائعه ومنكم نستفيد في هاذا المنتدى الراقي وشكراً للأخ الشاعر الكبير فهد العتيبي (البركان الثائر)على دعوتك تحياتي للجميع مقروش
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |