العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
~| حادث اللكزس |~ << حادث حصل لي فريش طازج(اليوم )
السلام عليكم ورحمة الله وبركاته
مرحبا بكم ترحيب الأجواد وعد ماصاذ الصقر في البراري <<كان ودي اكمل تأليفها بس انت مو انت وانت جيعان يااااااهو زمان عن مواضيعي احس اني افتقدت الدعسه على موضوع جديد رمضآن وأنا .. قصة فريده من نوعها لاتحكى إلا في مقامات الأمراء / / / / الله يسلمكم اليوم جيت من صلاة الجمعة وفرحان ابي اخذ لي قيلولة لكن كالعاده اول ما اوصل تنهااااال علي الأوامر يافلان جيب ويافلان هات وارجع لسيارتي واروح للدكان او السوبر ماركت او المخبز على حسب طلبات الشيف منال العالم عاد اليوم الله يسلمكم رحت للمخبز اجيب توست وشوية اغر اض منا ومناااا المهم جيت اصفط سيارتي على جنب وإلا سيارة ارمادا ..تريوس (ترجع ) على سيارتي انا احاولت انحاش من الضربه وتقدمت على قدام لكن هيهاآآآآت هيهآآآت جلست اتحرطم في السيارة وانا ادعي على اليوم اللي حذيت فيه رخصة قيادة ونزلت من السيارة وانا مكسور الخاطر أجر ورائي اذيال اليأس وتوجهت لصاحب الأرمادا ففوجئت بام عبائه سو دااء تخرج خائفة مذعورة فقلت في نفسي ( ياااااليل مطولك الحين تجيب لنا الشرطه وتسوي سالفه عريضه ) ام عبايه : السموحه منك يا الاخوو والله ماشفتك وماكنت مركزة انا : - للمعلومية ما اعرف اكلم نسوان : حقرتها ومارديت عليها ونزلت اشوف سيارتي (العنود) لبى قلبها آآآآه ياقلبي لما شفت الصبغ رايح منها كان ودي اخم ام عبايه بطراااق يعلمها السواقه ام عبايه بترجي : والله آسفه بس انطر شوي اتصل بزوجي واخليه يكلمك انا بصبر : مايحتاج توكلي على الله وروحي بيتكم .. ام عبايه : لاو الله ما اتحرك من هنا إلا معطيتك فلوس علشان تصلح سيارتك انا بقلت صبر : يا اختي توكلي على الله الوقت ظهر ومايصح نجلس في الشمس وحنا صايمين ام عباية وفيها بكوة : طيب بعطيك رقم زوجي تكلمه انا جلست افكر اخذ رقم زوجها ولا لا وبعدين لو خذيته وش بقوله : زوجتك اصدمتني وابي قريشات خخخ ماتصير فقلت لها : طيب انتي قدمي سيارتك على قدام علشان الناس تعرف تمر ام عباية بخوف : لا ما احركها لحد ماتجي الشرطه وتخطط الحادث .. انا : هللحين اهي الغلطانه وتبي تخطيط للحادث قلت لها : يابنت الناس والله اني مسامحك في ذا اليوم الطيب روحي لبيتكم وانا رجال مستعجل ام عباية : طيب اعطيني رقمك علشان زوجي يتصل بك انا : طيب سجلي معك ******9<< لو واحد من الهيئة شافني بيقول اني جالس ارقمها خخخ الحمدلله ماشفت حولي جمس وارتحت ام عباية : مشكور وآسفه عاللي صار توكلت ام عباية وانا اشتريت الاغراض وفي درب الرجوع للمنزل جاني اتصال المتصل : مرحبا معاي راعي اللكزس ؟؟ انا " يالبى اللكزس ايه المتصل : قبل شوي زوجتي اصدمتك كيف كم تقدر التصليحات ؟؟ انا وتضايقت من السالفه : يارجال حصل خير مافيه اضرار المتصل : مايصير لازم نعوض لك الغلط مننا انا وكأني مشبه على صوت الرجال : مافيه بس الصبغ شوي راح المتصل : وين الاقيك ؟ انا : انا هللحين قدام بيتنا خلها وقت ثاني المتصل : بيتكم وين ؟ انا وبنفاذ صبر : جنب الحديقه العامه رقمه *** المتصل يضحك : هههههه هذا انت يااافلان ومسويلي فيها مؤدب اقول طسس عني لو قلتلي من ساعه انك انت ماكان اتصلت ولاشي خخخ انا باستغرابوبضحكه مصطنعه :ههه ماشاء الله عرفتني من تكون يالطيب ؟ المتصل : ههه ماعرفتني انا ولد جاركم القدي ولد سليمان انا z) انت ماغيرك هههه اجل جيب 200 ريال يالله ابي اصبغ سيارتي المتصل : اسمع فطوري اليوم عندكم وبنتفاهم هناك وناخذ علومك انا : طيب حياك /// // / ومر الحادث بسلام واها أنا الآن انتظره للفطور وقلت له يجيب بطاقة البنك الفائده لاتوقف وراا حرمه لو يكون اللي يكون نصيحه لاتخلون حريمكم يسووقون والله انكم مرتاحين كذا يالسعوديين نحن نص الحوادث سببها النساء
|
#2
|
||||
|
||||
كان عطيتها كف هدية
قبل لا تمشي ، ومسويه راعية واجب والله ما أمشي إلا حتى تأخذ حقك , أكره هذا الموقف تحبس أنفاسك بالله معوض خير ومرة ثانية لاتمشيها إلا والأستكر بخشتها والحمد لله على السلامة
|
#3
|
|||
|
|||
مميز يالضب الكبير ولابه جديد’
جمعتك مبروكة وفطورك انت وولد سليمان عندي وسلامتك,
|
#4
|
||||
|
||||
الحمد لله على سلامتك يا صديقي ,,
ومن جد موقف لا تحسد عليه بالنسبه لي مستحيل اوقف ورى أحد سواء رجال والا حرمه ادور وادور على المحل لين يطلع أحد << لو تشوفني تقول وش فيه ذا يطوف بس المشكلة لما يجي واحد يوقف وراك وساعه ما تقدر تتحرك من مكانك مثل قبل كم يوم كنت في مطعم وموقف بموقف سليم وطلعت بعد ما تسحرت الا واحصل سيارة واقفه وراي اشغل سيارتي وانتظر ما جاء .. واطلع جوالي اتصفح النت وقصيمي وتويتر وانستقرام وواتز اب وكل شي بعالم النت المهم الغير مهم وبرامج الجوال وابو الشباب ما جاء بدون مبالغه أكثر من نص ساعة خلاص ما بقى شي ع الفجر وانزل آخذ رقم لوحته وادخل المطعم قلت صوت لي ع هاللوحة قال للأسف ما عندنا مايك واللي يشتغلون حالتهم حالة محد معطيك وجه قلت مالك الا تدور ع الجلسات يا ضوء وتسألهم من صاحب السيارة << عااد تعال شف الإحراج ما بقى في وجهي ماء << وفيه ناس يتعاطفون معاي اللي يقول حياك تسحر معنا واللي يقول اصدمه قلت وين اصدمه انا الخسراان المهم ما حصلت ابو الشباب وانزل للسيارة وألقى ابو الشباب يدخن مع اصحابه عند سيارته << انا قلت يارجال تعوذ من ابليس ماله داعي مشاكل مع اني قافله معاي ع هالموقف البايخ منه قلت يابوي اذا بتوقف وراى احد ع الأقل حط رقمك ع السيارة اتصل عليك مو كذا لي اكثر من نص انتظرك ؟؟ عااد اعتذر ومشى وما وصلت البيت الا بعد الفجر أذن وأنا بالطريق ما لحقت اشرب ماء
|
#5
|
||||
|
||||
اهلنن ضبضوب الا اصلا المواضبع لها شهؤين عن هالقسم
الظاهر كلنا ناسيين مكان موضوع جديد هههههههه بس الحمدلله دلينها بعد موضوع المافيا خق سكري بصراحه مساله الحريم وسواقتهن شي ثاني ومصيبه عظمى هي بدون سواقه بثره وابثرت العالم كيف لو تسوق لو انا منك صرخت بةجهها مثل زئير الاسد ولعنت خيرا لين تبكي هههههه وش مطلعها بالشوارع كان انثرت في بيتها وصلحت فطور ابو عيالها بلا تصدم لكزس صقيقنا
|
#6
|
||||
|
||||
تم التثبيت
|
#7
|
||||
|
||||
غريب الماضي
اهلن بك وان شاء الله تكون مشاركانك هنا فاتحه خير لتشارك معنا بكل المواضبع <<<<<¥ موضوع نجومنا جاب نتيجه غريب ههههاي ^_^
|
#8
|
||||
|
||||
وعليكم السلام
هالحين تصدمك ولا تفطر زوجها بعد
|
#9
|
||||
|
||||
مررحححب بالقائد الفذ المهيب خخ وشلون طلعت من السجن اللي فسويسرا هعععع كنت بعطيها بس اللهم اني صائم خخخ ماعليك المره الجايه انا اللي بجيب الشرطه تسلم عالمرور الملكي
|
#10
|
|||||||||||||||||||||||||
|
|||||||||||||||||||||||||
تــــسلم ماعليك زووود الله يبارك ايامك خلاص تم افتح الباب جاي وجايب معي الحاره كلها <<علشان تتوب تعزمن تسلم عالمرور
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |