|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#1
12-06-10, 10:08 PM
|
||||
|
||||
ابشركم تخرجت والمصيبه حفل تخرجي في جامعه العيال!!!!!!!!!
  ::::مدخـــــــــــــــل :::: {.. على طاري الفرح نحكي,,,, حكاية حفلنا الليله حكاية عن طموح كبير,,,, في رؤيتنا تفاصيله قصص وايام عشناها,,,, تعبها وفرحها حلوين نعيش اليوم ذكراها,,,, سنين وكأنها يومين ..} {.. معلمنا صنع أجيال,,,, صياغة عقدنا فنه تواريخ وأدب وأمثال ,,,, يا ربي ترزقه الجنه في رؤية تهدي الأبصار,,,, تعلمنا وتربينا كبرنا والأماني كبار ,,,, وحققنا أمانينا ..} {.. تخرجنا ورفعنا الراس,,,, حمدنا الواهب المنان وفرحنا أحب الناس ,,,, وتحلى الفرحة بالخلان على طاري الفرح نحكي ,,,, حكاية حفلنا الليله حكاية عن طموح كبير,,,, في رؤيتنا تفاصيله ..} وهذا فديو للي ما يعرف يقرأ  <<< براااااااا ابشركم اني ولله الحمد تخرجت وكان عندي حفل تخرج يوم الخميس الموافق 27/6/ 1431 هـ ايه هذا طال عمركم انا من الخريجات <<<<<احلفي يالله نبدا بقصه تخرج اختكم تخيــــــــــــــــل ..؟ يوم الثلاثاء اللي طاف كنت عند وحده من استاذاتي وورتني بطاقه الدعوه لحفل تخرجنا <<شف النذاله حنا ما كنا ندري عنه وعطو الاستاذات قبلنا  وانا اللي اروح واعلم صديقات وانقهرو مثلي انا  ويوم الاربعاء رحنا اخذنا بطاقات الدعوه المهم حصلت على الشعار او اشارب<<<ما ادري وش اسمه بس ما عليكم جبت لكم الصوره هع 7 7 7  <<<تراه ينحط على الاكتاف وحصلت على بطاقتين دعوه <<وكنت افحط ابي اخذ الثالثه وكرشتني الابله<<خخخخخ من زمان عن هالكلمه 7 7 7 7  ترا الحفل براعايه حصه الشعلان حرم الملك عبودي الزبده جلست انا وصديقاتي نتشاور هو حنا نروح ولا نجلس نذاكر لاختبار يوم السبت وتجي اختكم تخيل وتنصحهن ياخبلكن هذي فرحتنا ليش ما تروحن ما حنا بمتخرجات غير هالمره خلنا نروح نهيص <<<بلا فخر اكيد اقنعتهن  جانا اليوم المنتظر اللي هو يوم تخرجنا وكشخت كشخه لا قبلها ولا بعدها وفليت القراعيط ونفشت القذله ودعجت عيوني<<صارن تقل عيون بسه بتالي الليل ولطخت الروج على براطمي على قوله اختي المحروسه <<<غدي حصيص تخطبي لولدها وجت الساعه 6 المغرب وشمينا لجامعه العيال اللي بالدرعيه <<<تخيلو والله اني رحت لجامعه العيال  وحنا نجي للبوابه الرئيسيه اللي فيها قاعه الشيخ جابر يا هو كان فيه سرا تقولون هالامم جايين يقدمون معروض للاميره حصيصه المهم ونوقف ويجي ربع ساعه مني مناك ما قدرنا ندخل ويفزع لنا الشرطي روحو مناك ترا فيه بوابه ثانيه يا هي فاضيه روحو مناك احسن لكم ويمشي محمد يدربي راسه ويطلع من الزحمه ويروح للوسع الله لا يوريكم وش قد فحطنااا عشان نوصل <<حاسنا الشرطي الله يصلحه ووصلنا لكليه التخطيط والاعمار وسألنا واحد وقال امشو سيده مع السيب ذا ومشينا مشي مشي وانا اللي لابسه كعب وامشي شوي وينهد حيلي وانزل نعيلاتي هههههههههههه واكمل حافيه هههههههههههه <<ما تذكرت الا السعي وشتان بين هاتين المهم دخنت من الحر وخربت قراعيطي وضاع مستقبلي ههههههههه ما عاد حصيص بخاطبتني لولدها وحنا نوصل للقاعه المنشوده وقبل نقرب لبست نعولاتي ههههههههه ودخلت القاعه على الساعه 8 وربع وعدلت كفشي وصليت ورحت الا يطير مخي يوم قالو يالله يا الخريجات المسيره بدأت  جت المسيره بتاعتنا كانو حاطين لنا بساط احمر مثل قوله لا تتعدونه ونمشي اثنين اثنين مثل الغنم والبساط هو شبكنا وحنا نمشي ندربي روسنا ودخلنا القاعه الاولى وانا منزلتن راسي مستحيه غدي حصيص تخطبني<<<قاعه الاميره على فكره حصيص ما جت جت الاميره صيته نيابه عنها ومشينا ورحنا قاعه ثانيه <<قاعه الاهل ومشينا طبعا على البساط الاحمر هع المهم فجأه كذا لقيت نفسي برا القاعات ويخلص البساط الاحمر  وانا اللي فهيت و سألت وفمي مفتوح على كبره خلاص خلصنا وهم يقولون ايه وانا اللي اطق قهر  وين الدرع وين التكريم اقل شي تشوفني صيته وتخطبني لاخوها ولا ولدها اااااااااااه يا القهر نافشتن قراعيطي ومدهره بحالي وهذي اخرتها شبك غنم واااااااع ااااااااااه يا حسافه بس ضاع مستقبلي وتعبي لا وازيدكم من الشعر بيت سألت اختي هاه شفتيني قالت لااا ياربي بغيت انجلط تدرون عاد وش اللي غبني جامعه العيال اااااااااه يا حسرتي علينا بس العيال كل ما طلعو من جامعه راحو للي احسن منها وتركو لنا الفضله ::::مخـــــــــــــــــــــرج:::: خريجة أمضي ودربي ساطع تشدو به الآمال في وجداني خريجة أرنو إلى درج العلا بعزائم الإقدام والإيمان إني قطعت العهد أن أرقى السما أزهو وروح الجد في شرياني يالله الحمد لله اهم شي تخرجت وافتكيت من الدراسه وهمها عاد لا اوصيكم بالدعوات ابي معدل حلو عشان اختار امتيازي بالمكان اللي يعجبني ::::ملاحـــــــــظات:::: #ابشركم اول مره اعرف اكتب مدخل ومخرج #ايه والموضوع تحت اشراف اختي تراها معيه تعلم اسمها تقول اكتبي اسمي نميش<<لميس هههههه #كنت ابي اكتب الموضوع بوقته بس كان عندي اختبار وما مداني حتى اذاكر عدل #عنوان الموضوع للجذب لا اكثر #التقييم والردود لا هنتو
|
|
#2
12-06-10, 10:35 PM
|
||||
|
||||
|
مبروك التخرج عقبال الوظيفه يارب
|
|
#3
12-06-10, 10:42 PM
|
||||
|
||||
|
مـــــــــــــاشــــــــــاء اللـــه
كلوووووووليششششش أأأأألف مبروووووووك التخريج عقبال الوظيفه
|
|
#5
12-06-10, 11:00 PM
|
|||||||||||||||||||||||
|
|||||||||||||||||||||||
|
أمآ انكم بجامعة العيال
طيب العيال مشوا معكم بالمسيره ولا لا >> بالله احد يفهمها  .. وهاللي لابسينه هههههههههههههههههههه تقل حق قبطان طرالي نامق بعدين وراهم الناس هالسنه على النيلي والكحلي .. ماشاء الله عليتس ..الصراحه تحطمت منول طاغيتن بروحي اني بتخرج ويوم شفت موضوعتس حسيت بانتكاسه  .. احس الفرحه صدق بالتخرج من الجامعه موب فطافيط الثانوي
هالعباره أثبتت انتس خريجه جامعيه بالله كم قعدتي وأنتي تألفينه اقول ياحسافة كد القراعيط اجل ماخطبتس الاميره لولده  .. راحت عليتس ان شاء الله تعوضين .. الجايات اكثر .. وألف الف مبررررررروك التخرج >> توه تفطن تبارك ..عقبال الوظيفه السنعه والبعل السنع 
|
|
#7
13-06-10, 12:13 AM
|
||||
|
||||
|
ياناس التسذب هاليومين زايد
وشو تخرجتي لاقينا منتس والى من نوير وش لون تتخرجون والاختبارات مابدت ياناس يرحم والديكم اقنعوني تراي الى الحين مااقتنعت<< الاولى تقولي تخرجت وهي عنده اختبار رياضيات يوم السبت وش لون تتوقع انه تقيموالثانيه تقول تخرجت من الجامعه عشانهم قالوله خوذي كرت دعوه ترى فيه فرق بين الخريج والمتوقع تخرجهم ممكن انتي من الي متوقع تخرجهم <<تحطمتو
|
|
#8
13-06-10, 12:51 AM
|
||||
|
||||
|
مبروك مقدما وبتوفيق
|
|
#9
13-06-10, 02:50 AM
|
||||
|
||||
   ألف ألف ألف مبروووووك التخرج وعقباااااااااال العرس لأن الوضايف مشي بووووزك منها <<< مجربه قبلها واحمدي ربك أذكروكم بحفل تخرج احنى مافكرو فينا لا بجامعة عيال ولا حتى في حوش غنم  كنهم ماصدقو نتخرج يبون الفكه  المهم ألف ألف ألف مبروووووك مره ثانيه والله يوفقك ان شاء الله في الاختبارت الله يكون في عونكم
|
|
#10
13-06-10, 04:25 AM
|
||||
|
||||
|
مبروكيشششن ..
وعقبآل شسموه ذآءه الوظيفه السسنعه .. رآح علييك أجل ولد الامييره =(
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
