العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
الشعر يحكي حالة القناص
لا شك حب الطير شارك عيالي = ولو ما أتسلى بالولع كيف أبا أعيش والله ماني عن غلا الطير سالي = لو نطعمه من بارد الخبز والعيش ولو كان للخارج نشد الرحالي = وندفع على شانه ضريبه وبخشيش ياما بقلبي من هواجيس وافكار = وأفز ليجا للمقانيص طاري اذكر زمن فراع وأيام مختار = أيام يوم إنا نصيد الحباري في خايعٍ كله زبيدي ونوار = والسيل توه في مطاويه جاري ناطى الروابي مع عذيات الاقفار = نمشي النهار ولانهاب المساري من خشم منزا ليعكشات وايسار = مهاوي للصيد فيها محاري دارٍ سقاها السيل من سحب الأمطار = مدهال ريمي الخلا والعفاري يازين فيها هدة الطير ليطار = تالي نهار وفي حلول الصفاري طلع على جولٍ به كبار وصغار= وسقنا وراه وساق معنا المباري ودوّر ووقع بينهن تقل محتار = لكن اهو متزهبٍ لأي طاري وجينا وشفناهن تحت قوع الأشجار = صاقرهن اللي لأبرق الريش فاري وثار الدخن قدامنا والسعد ثار = وتوفّقت من بين بايع وشاري وعند المعشى ماحلا شبة النار = في ساقية جوٍ لقشعه مذاري ومعنا مشاكيلٍ عزيزين وأخيار = الكل منهم للمطاريش ضاري ربعٍ سوالفهم لذيذات واقصار = وكلٍ على حشمة خويه يداري وشوف الطيور مركزاتٍ بالأوكار = عقب الهداد مطلملتها الحباري في ساعةٍ تسوى ملايين دينار = عندي تجيب فلوس بنك التجاري يوم الطرب والكيف لأهل الولع دار = محدٍ عن هموم الليالي مداري نمسي بنوروتطلع بأسرار = في وسط ريضانٍ وعشب وخباري واليوم شمسٍ حامية والهوا حار = والطير مربوطٍ سوات الجباري مثل السجين اللي على الغبن صبار = يرجي الفرج مابين صبح وعصاري وتمت وصلى الله على سيد الأبرار = عد الجراد وعد رمل الذواري ماني مسود لحيتي لو غدت شيب = ولا ني مغير بأسود الصبغ شيبي لا عاد لا عاشق ولا ني بخطيب = حقي من الخفرات حاشه نصيبي البيض مالي من وراهن مطاليب = مالي بهن لو جوّدني بجيبي وطرد الهوى مابه ملامة ولا عيب = ليا صار بحدود الشرف مايعيبي وأنا غرامي رفقة الطير والجيب = وشوف الحباري وقع ولا هريبي ومد النظر في نايفات المراقيب = وقص الأثاري مع جناب الشعيبي مع الرجال مكملين المواجيب = ما ارافق الا كل رجلٍ نجيبي أنا على المقناص قلبي يرفي = فتره ونرجع يم أهلنا مناكيف بديار لفروق الحباري تلفي = جنوب من حزم الجلاميد وطريف الطير هو غاية مرامي وشفي = أقدره تقدير الأجواد للضيف من كبر قدره شايله فوق كفي = وأرعاه تسع شهور بالقيض والصيف ياللي طلبتم نبذةٍ من قصيدي = عن واقع المعقول لا أنقص ولا أزيد أنا غرامي وأنبساطي وعيدي = تفريعة القرناس بأرضٍ بها صيد لا شطب الصيحان روس الزبيدي = والعشب جاء له بالمثاني عناقيد والبدو ما يبدى لهم بالشديدي = تسعين ليلة ما حكوا بالمواريد الجيب جاهز وللمقناص مشتاقي مشتاق وقت القناص متى يذيعونه وين انت يالي بطرد الصيد عشاقي زان القناص يوم طاح الوسم بحتونه يا زين ممشاه مع ستر الله الواقي حيث المطافيق مالزموا دركسونه يزرع اسرور الضماير بقصى الاعماقي لا جا الشبح مشط الخبة على هونه ما فوقه إلى نشاما ذوقهم راقي نوم الضحا بالمدينة ما يعرفونه نعطيه أما الله خفت نفس وخلاقي خويهم عن غثا الدنيا يسلونه يمشون ممشا عقل ماهو بالارهاقي والفرض لا حان وقته ما يخلونه لا هدّو الاشجار الي فيه مزباقي لا شافه الخرب جوه يختلف لونه يامــــاحلا عـقب البطـا نــقـلة الطيــر **** لا زلّت أيــــام المقيض وغثاهـــــــــــــــــــا وشيلت من الربطه حــــرار ٍ مغاتيـــــــــر **** لا زيّن سـهـيل الجنـوبي سماهــــــــــــا وكلن دعى طـــــيره بروس الشناظـــير **** وغيّر سـبوقه عقـب قـيضٍ وطاهـــــــــــــا يازين تمـسـيـحه وتقليبه اعصيــــــــر **** لاهب نسناس الشمـــال وشذاهــــــــــــا وألفــن مع القـمرا عبورٍ مباكيــــــــــــــر **** هـن منــوة اللي كيفته مانساهــــــــــــــا يفـــرح بها من عذّبته التفاكيـــــــــــــــــر **** والقــــــيض كلّه قــزّره فـي رجاهــــــــــــا ماهمـــّه الكشخه وبيض الغناديـــــــــــــر **** ولا فــكــــر بدنياه والا غناهــــــــــــــــــا يســـوق في شفّه كبار المخاسيــــــــــــــر **** ونفسه على المـقناص تطــحن رحاهـــا يفــرح اليا منها لفّت دون تأخيــــــــــــــر **** لاذعــــذع الغـربي بعتـمة سمــاهــــــــــا وفي حـروة المقناص رحنا مــــــداوير **** وكل ٍ نواقــــــص عزبته قـــــد مـــــلاهـــــا رحنا لدار ٍ للحبــــــــاري معابيـــــــــر **** دار ٍ عسى الوســـمي يعجل حيـــــــاهــــا جينا وركـّـزنا الطيـــــــور الحواشيـــر **** والكـــــل منا ركـــبته مــــــا ثنــــــــــــاها مـــــن بيننا تلقى معـــــــــزة وتقديـــر **** وخـــــوينا نفســــه تفـــــارق عنـــــــاها وتسمع لشايبنا مـــــع الصبـــــح تكبير **** وراعي الحــــــطب قـرّب دلاله ومـــاهــا و أشعل حطبها من جروم العثاميـــر **** وكثــّـــــــر حــــطبها لين بيــّـن سناهـــــــا ضو الحطب ماهي بضو الدوافيــــــــــــر **** هشيم رمثٍ تطــرب اللي شــعاهـــــــــــا ومــــن فوقها صف الدلال المباهيــــر **** و قدوعنا مــــن حلـــو تمرة حســـــاهـــــــا والصبح لامــن بان للشمس تنويــــــــــــر **** يازين شــوف الجــــيب يتبع اخطاهـــــــا وحطّيت فوق السيت جمل التصاويـــــــر **** نادر طيور ٍ غــالـي ٍ مشــــتراهـــــــــــــا مخلوط مابين الشياهين والجيــــــــــــــــر **** خلطه ولاكــــلٍ يسوي سواهـــــــــــــــا من مركزه جاني وجاء معه تقريـــــــــــر **** وشهادة المنشأ ورقــمــه معــاهــــــــــــا هـذاك هـو منوة جميع الصقاقيــــــــــــــر **** اللي يحبـــــّون الهــــدد في خلاهـــــــــــا وربطت سبقه في حديد المداويــــــــــــــر **** وكشفت عـن عـينٍ بعـيد مداهـــــــــــــا وســاعة تلفّت في عيون ٍ محاذيــــــــــــر **** اومى براسه محـــري ٍ في عشــاهــــــــا طارت من اقصى الروض والكـف بالقير **** ورجليٍ على الدوســــــــــه خذت منتهاهــــا ومن فتحة الموتر طلّــع كنه الزيـــــــــــر **** يومي بجنحان الســـــــعد واقتفاهـــــــــــــا واليوم ماضني تفـيد المعاذيــــــــــــــــــر **** من يوم طار وتل سبـــقه وجـــــاهـــــــــــا اقفت تقلّب قلت يالله عسى خيــــــــــــــــر **** الله يعقله عقب ماقــفــا وراهـــــــــــــــا روّح عقب ما أرخيت من كفـي السيــــــر **** اقــفا وهــي بالجو جــاها بلاهـــــــــــــــا لاقفى مع الربد الطيار المدابيــــــــــــــــر **** شفت اختلاف طـــــيارها لانـــواهـــــــــــا قلت اثبتوا تكفون ياأهـل المناظــــــــــــير **** وكلٍ يشرّف فـــــوق عالي وطاهـــــــــــــا وأطلب لها بالجـــــو من دون تقصيـــــــــــر **** واومى عليها ليــــن نثر ادماهـــــــــــــــــا اليا ضربها شــــفت ريش ٍمناثـــــــــــــــــير **** يلعب عليها لين يمــــــزع حشــاهـــــــــا والـيا قضبها بالـحــــداد الـــبـــواتـــــــــــير **** حــوّل بها والريـش قاعــــه كساهـــــــــــا وصكوا عليه من القــــروم المناعـــــــــــير **** اللي شقا المقناص جملة هــواهـــــــــــا كلن يسوق الوصف في زيــــن تعبيـــــــــر **** والطــير كفــــه بالثنادي ملاهــــــــــــــــا وسمعت بالكنود علوم التباشـــــــــــــــــير **** من طيب فعل الطـــير تسمع نداهــــــــا احدٍ يبارك يوم شــــاف الهدد غـــــــــــــــير **** وأحدٍ من الفرحــــه شماغه رماهــــــــــا وتشوف للنومـاس فيني تعابيـــــــــــــــــر **** ومن طيب فعله جــاء لنفسي منــــاهــــــا ومادامها خوة وجيهٍ مسافيـــــــــــــــــــــر **** والله لامـوت وخاطــري مانســـاهــــــــــــا ويبقى هــوى المقناص والبر والطيـــــر **** هــواية ٍ راعـــي البــلد مــا لقاهـــــــــــــا يالطلح ما مرك مع الصبح صافي === طير غدالي امس والشمس حيه اتلا العهد به راح يطرد مقافي ==== خابريبه اومى في جناحه هنيه رد الطلح لا والله إلا مرنا العصر وافي === كنه غلام مستغيرن بهيه اقبل علينا ثم اخذ بإنحرافي === يوم الحباري وقعن له سويه قال حمد يالطلح قلي عل مابه خلافي === البارحه برد وشمال قويه كانه تعشا قلت عله عوافي === والحي يجمعه الولي مع خويه رد الطلح لا والله ألا صاد خربٍ امتعافي === واخذ عليه من الثنادي شويه لا مفلسٍ مره ولا قال كافي === يوم اخلفنه عن عشاه احقبيه قال حمد خابره والله قاطعٍ ما يخافي === دايم على الصيده تجيله حميه انشدك باللي منبتك بالسوافي === عساه في خيرٍ ولا فيه سيه رد الطلح خبري به اقرش في سبوقه خلافي === مابه بلا وامرح على هالحصيه والفجر شخّص بالنواظر وشافي === طلعه بعيد ويمته ساحليه قال حمد يالطلح ذا حبه ولاهوب خافي === متعادلٍ حبه بحب البنيه بعض الطيور ان راح قلنا عوافي === لاشك هذا وين ابلقى حليه رد الطلح اتعب عليه وعادة الحر يافي === اضرب سهلها والوعر والشغيه يجيبه اللي رازقٍ هلعجافي === بهايمٍ تمشي على غير نيه قال حمد يالطلح لك مني يابو غصن ضافي === لا جابه الله وكل نيه مطيه لاجيك انا في موتر القش هافي === واسقيك هاللي باقي بتانكيه واطى على رملة سوافيك حافي === وكلٍ على ما قيل يذكر خويه |
#2
|
|||
|
|||
حالته حاله راع القنص
|
#3
|
||||
|
||||
ابيات رائعة
شكرا لك ابو اسامه على هذا المتصفح الجميل واللذي فيه ابيات عن القتص والبر
|
#4
|
||||
|
||||
شبيـــت ضوي بالظلام .... في صحصـــح ذيبه عوى
مالي انيـــس إلا النجوم .... او نور وضـــاح القمر خــــالي وكني في زحام .... قلبي تلهـــف وانشوى ماعـــاد اميز بالحشى .... ولا على ضـــو الجمر وين انت يـــاداعي سلام .... ويـــن انت يا بايع دوى ردو لي النــــومه ترى .... بالعين جــــلاد السهر
|
#5
|
|||||||||||||||||||||||
|
|||||||||||||||||||||||
الاجمل مرورك يا ولد وائل |
#6
|
|||
|
|||
ذوق والله ذوق انشهد انه من القصايد الجزله ولايشعر بالكلمات الى من غدا طيره وهو وحيد بالخلا |
#7
|
|||
|
|||
السلام ورحمة الله وبركاته
ياصقر واهنيـك لــك جـنـاح تطـيـر=لى طرى لك نزعت وطرت يم الهوا بين قلبي وبينك فـرق والله كبيـر=لى كفخت انطلقت ولى كفخت التوى انت حايم وانا بالقاع دوبـي اسيـر=في صحاري زماني ذيب ليلي عوى فوق جوك سحاب وحدر جوي هجير=القدم فوق رمضا والخفوق التـوى الحذر يا صقر لا يشبكونـك اسيـر=ويل صقرٍ يتله مربطـه لـى نـوى برقعته اللّيالي فـوق وكـرٍ قصيـر=عقب صفقه جناحه بالهوا لى اهتوى كل حرٍ الى ضاق انتهـض للمطيـر=حومته بالسمـا ساعـة لقلبـه دوا واعذاب الجناح اللّي يجـره كسيـر=كّلما فزّ مكسور النواهـض هـوى |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |