العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
عطـــآآلــي ... بطـــآآلـــي !!
* تعني هذي العلامه فيذآ الموضوع خآرج النص اني انا اتكلم معكم او بالاصح مع نفسي السلآم عليكم ورحمه الله وبركآته معكم عبدالله موظف حالي حال غيري في شركه من الشركآت الكبـرى ورغم انها شركه كبرى وتدر مآلن تسثير الا ان مديرهآ جعص والريآل مآيطلع من جيبه الا بحب الخشوم وان ماحبيت خشمه يمكن يخليك تحب رجله بعد !! يوميتي آعتبرهآ مختلفه بمآ آني خريج ثآنوي وبنسبه 87 % ومآلقيت لي جآمعه تضفني الين مآ الله طيحني بذآ الوظيفه والوالد مآقصر عطآني من فيتآمين (و) وقآل آبششر بسسعدك ياولدي بعد مآتوظفت الحمدلله استقرت آموري > آبد تقل انه اعرس ماتوظف ههههههههههه ببدآ آحكيلكم قصه حيآتي من بدآيه التوظيف ... : الوآلد : عبدالله ووجع قمم قمم ابو محمد رآعي الشركه اللي بتتوظف فيها يبي يقآبلك ويبي يشوفك انا : يبه خله ينتظر الين اقوم الوآلد : وش ينتظظر بعد انت قم يآولدي والله ان رآحت عليك الوظيفه بتتحسسف بسسرعه ترآهـ يبي يشوفك تحت وتراه تقهوى وانت جب العصير له انا : عصصير ويبي يشوفني الظآهر يبي يخطبن لولده > عآش دور البنت الرومآنسيه الوالده : هآهـ لبسست ؟ انا : يعني تشوفيني لابس شماغي وثوبي علي توي مفصخ مثلآ الوالده : لآ بسس قلت جيت انبهك انا : يمه وش رايك بمكياجي الوالده : وشو ؟! انا : مدري عن الوالد الله يصلحه تقل كآني بنت جآيين يخطبونه من آهلها يبي يشوفني الشوفه الشرعيه يقول الوآلده : اقضضب العصير ورح ادخل بسسرعه تراها وظيفه العمر يآولدي * آبو القرف يآشيخ ذآلين آم آمي على ذآ الوظيفه تقل انها مكتوبه لي ومحد بيتقنها غيري انا : السلآم عليكم يالله حي العم ابو محمد ابو محمد : هلآ هلآ انا : تفضل العصير ابو محمد : تسسلم * الحين ذآ الابو محمد اللي صآجيننآ فيه انا يوم سمعتكم تزاعقون علي من الصبح قلت اكيد ابرهه موجود عندنا اثرهـ نتفه وبنفخه يطير وقسسم بالله حرآم اشتغل عند وآحد هذا كبره ههههههههههههههه آحسس آني ذآلن روحي بروحي آبو محمد : خلآص يآ عبدالله من بعد بكره تجي تستلم وظيفتك انا : وش وظيفتي ؟ آبو محمد : بنخليك نائب مدير آنآ : نآئب مدير مره وحده الله مير يسسلمك يآبو محمد وقسسم بالله آنك آطلق ششنب * وبديت بالتعزيز لابو محمد وتخيلته هو الطاره وانا معزز له ونفحط بالعويرض وقسمن بالله رقيته فووق عند النجوم من كثر مآ آمدحه موب نآقص الا يطلعله حلقه فوق راسه وجنحآن هههههههههههههههههههه تقل ملآك ابو محمد : لآ يآولدي نائب مدير الارشيف الله يصلحك انا : وشو ؟ ارشيف ؟ يعني بقضي حياتي بالقبو حقكم بين الملفآت ؟ * وشش ذآ يبوو مآ آبي ذآ الوظيفه تقل فيني مرض نفسي اقعد تحت بلحالي لا ونيس ولا وآحد آسولف معه مآيصصلح ذآ الكلام الوآلد : احمد ربك يآولد غيرك يدور له وظيفه مهوب لاقي انا : يبه اتفل بخشتي ان لقيت واحد موسوس بيقعد بين اربع جدران وماعنده الا اوراق الوآلد : مثل مآقآلك ابو محمد تروح له بعد بكرى وتستلمهآ * ما اقول الا لنا الله صدز اللي قالوه اذا اكرمت اللئيم تمردآ بعد ذآك العصير اللي قدمته له على طبق من فضه وبعد الترفيع اللي بغى يصير رئيس دوله منه يحطني بالارشيف فآر آنآ ولا فآر .... ورحت اول يوم دوآم انا : السلآم عليكم موظف : وعليكم السلآم انا : انا الموظف الجديد موظف : وبعدين انا : ولا قبلين بس بغيت اعرف وين مكتبي وقعدتي موظف : وآنآ وش دخلني بك مثلآ ؟ * يقهرك هالنآس اللي زي هالنوعيه تحسسه يتكلم معك من طرف خششمه ولا يتكلم معك كآنه شآمن ريحه خيآس تحسسه رئيس مجلس وزراء على هالغرور اللي فيه انا : طيب بتعلمني وين مكتبي ولا شلون ؟ موظف : شلون ؟ انا : انا نائب المدير موظف : هآهـ آسسف حضرت النآئب انا : مخصوم من راتبك 300 ريال موظف : والله مآكنت آدري يآسعآده النآئب انا : لآلآ لآتحآول آبد * طبعآ آنآ عششت الدور اني نآئب مدير وقسسسسمن اني صآدز الحين لاجيتوا تنادوني بتقولون يانائب المدير منتب قايلين يانائب مدير قسم الارشيف والا انا صآدز ؟ انا : ابو محمد ابو محمد : هلآ عبدالله زين انك جيت بالوقت المناسب انا : وين مكتبي ؟ ابو محمد : تعال ورآي انا : ورآك ورآك * دآئمآ ما الموظف الصغير يتمرمط كل من هب ودب يقوله الحقني والموظف الغلبآن تقل عنز ورآه وين مآيروح لآنه يدور لقمه العيش انا : آبو محمد كم رآتبي ؟ ابو محمد : مبدئيآ 5000 انا : بس ؟ ابو محمد : ليه مهيب زينه ؟ * 5000 بالشهر وش تسوي وهذا انا اللي ابصرف على اهلي ومن زود الطفاقه جايبين خدامه وسواق وراتبهم من راتبي وش يصفالي بالاخير 1000 ريال بسس السواق راتبه 1000 وانا اجي واصير زيه انا : لآ والله لو تزودها شوي ابو محمد : هذي اليتنآ هنآ والراتب يزيد حسسب شغلك * تصصريفآت كل مواطن سعودي اليتنا ، يزيد حسب الشغل مكتوب على جبهتي الظاهر كومآر وش آليتكم والله لو انكم تديرون اموال دوله بآكملها والرواتب تزيد كل مازاد شغلي يعني مثلآ تبوني اسهر الى الفجر عندكم بالشركه ؟ ابو محمد : هذآ مكتبك وتقدر تشتغل فيه من الان بتجيك اوراقك ابيك توقع عليهم عشان تدخل للارشيف انا : ان شاء الله * وبدت وظيفه الغفله الله يقع ابوهآ من وظيفه مدير الارشيف : عبدالله انا : سسم جايك مدير الارشيف : فيه ملف مهم للشركه مفقود انا : وش اسوي يعني ؟ مدير الارشيف : بس آنت بتآريخ دخول الملف للارشيف كنت موقع على تآكيد دخول الملف انا : وانا وش درآني بالملفات ؟ كوومه من الملفات تجيني تبوني افتح بها وحده وحده واقرآ مافيها مدير الارشيف : بس هذي تعرضك لعده قضايا انا : قضآيآ ؟ * آبد مآقمططت العافيه يوم قال قضآيآ تخيلت شكلي بسجن ابو غريب مفصخ والكلاب من حولي يلهفون مدير الارشيف : ايه قضايا منها قضيه سرقه من الشركه وقضيه تزوير توقيع يمكن انا : سسرقه !! تزوير !! انا ذولي ما اعرفهم الا بأيآم الدراسه ولا قد طبقتهم ابد مدير الارشيف : عالعموم فيه مهله 3 ايام ان ماطلع الملف راح يتم فصلك من عملك * وآنآ ماصدقت اسستقر بذآ الوظيفه يبون يفصلوني والله موب معي الملف آقسسم بربي موب معي هذا الموظف الصغير يقعدون يذللونه على وظيفته وآي شي غلط عليه هو الضعيف وبعد 3 آيآآآآم .... مدير الارشيف : اسستلم انا : وش ذآ ؟ مدير الارشيف : ورقه فصصلك انا : سويتها وفصصلتني * حسسيت كآني نبيله عبيد يوم انها تتطلق من زوجها في المسلسل الفلاني وهي تقول لزوجها : عممملتها وطلئتني الوالده : وش فيك رآجع مبكر انا : طلقوني الوالده : وشو ؟ انا : انفصصصصلت يآيمه الوالده : وش انت مسسوي وذآ المصيبه اللي طآحت على رآسنآ انا : ايه اقعدي الحين وش ذآ المصيبه محد بيدفع لسواقنا الراتب يمه انا اول مره اشوف ناس ليالله يجيهم الريال عندهم شغاله وسواق والله لو اني ولد غازي القصيبي ابدخل لكم 20000 بالشهر ترى كلها 5000 ريال الوالده : وش بقول لابوك الحين ؟ انا : 20 سسنه وانتوا متزوجين وتستحين مننه ؟ ! لو اني منتس قسسم بالله ارنجفه ترنجف 20 سنه متعذبتن ويآهـ جآء دورتس عاد انتي خذي بثآرك * وانا اقولها خذي بثآرك حسسيت نفس الاحساس يوم اني انفصل حسيت اني بمسلسل صعيدي واخو امي حسنين مقتول وانا مغآوري اعزز لآمي تروح لهنيدي عشان تذبحه وتآخذ بثآرآهآ هههههههههههههههههههههههه الوالد : صحيح الكلام اللي سمعته من امك انك انفصلت ؟ انا : ايه يبـه الوالد : لآزم نتحرك انا وياك ندور لك وظيف بديله مؤقته عالاقل الين مانلقآلك وظيفه سنعه * وبعد مآطلعنآ من البيت ثآني يوم وظفوني مستقبل طلبآت بمطعم تقل كآني من السوآريآ اللي يردون عليكم وانتوا تطلبون صآحب المطعم : اهلن ابو عبدالله تفضل الوالد : زآد فضلك وهذا ولد عبدالله نبيك توظفه عندك صآحب المطعم : اهلين عبدالله وش تبي تشتغل ؟ انا : حطوني مكان سرندل الغآز * يعني جاي مطعم وش ابي اشتغل عندكم رئيس مثلآ كلهآ مطعم و2 يطبخون انا ابيكم تحشروني مع هالاثنين صاحب المطعم : خلآص رآح نخليك ترتاح عالكرسي وتستقبل الطلبآت انا : اوووكي * استقبآل الطلبآت فيه سلبيآت وآيجآبيآت من سلبيآته انه وظيفه نوعا ما فيه ذل وآهآنه والشيئ الزين فيها انك تتميلح مع اللي يطلبون منك وخصوصا البنآت > من بيطلع بخشتي مدري انا : الو مطعم السعاده والهناء وبصحه وشفآء عبدالله يتحدث معكم البنت اللي تطلب : ووجع ان شاء الله انا : يوجعتس يآبنت .......................................... > مشفر * وانهال عليها بالسب والشتآئم الين ماشفت يدن تجرني من اقصى رقبتي من ورى الى خآرج المطعم واذا برجلن تآتي في مكآن لن اقول ماهو خلاني اسسنتر فوق المملكه من قوه الشوته انا : خلآص يبه انا بعتمد على نفسي وبدخل لي معهد انجليزي تكون عندي عالاقل لغه وبقدم على اكثر من جامعه عسآهم يقبلوني الوالد : والوآسطآت اللي عندي ؟ انا : يبه الشيء اللي مآيجي من عرق الجبين والله ماله قيمه صحيح ان الواسطله لها دور فعال في مجتمعنا السعودي وفعال جدا ووالله اني اجزم اغلب اللي بالجامعات واللي مبتعثين كلهم بالوآسطه واتحدآ آنهم يفلحون * والحمدلله دخلت الجىمعه وتخرجت ولقيت لي وظيفه بـ 10000 ريال بعد ماتدرجت فيها وهذآني شوفوا بزري اللي جبته بعد مآتزوجت برآيفـت : الموضوع من كتآبتي بس كنت حآطه بمنتدى والحين نقلته عندكم |
#2
|
||||
|
||||
وعليكم السلام قسم بالله موضوع متستس مهبوووووووووووووووووووووووووووووووووول لاتعليق يوم انك تقول الشوفة الشرعية والا مكياجي هههههههههههههههه رهيييييبة وقسم تخيلتك والبنت تقيمك هع وأنت مستحي ههههههههههههههههههههههه مير أن أمي تقول الله يخلف على بنتي انهبلت مير غدين أقوله السالفة عقب المغرب وبصراحة تطرقت لنقطه غاثتن ودابلتن تسبدي مير الله يخلف على المسلمين مدري وش جايهم وشو يعني فيتامين واو ليش اللي مالهم أحقيه يرقون فوق وغيرهم مغير بالبيت يتبوبح مايدري وش يزين وبصراحة بالنهاية عجبتني يوم تقول ( يبه الشيء اللي مآيجي من عرق الجبين والله ماله قيمه صحيح ان الواسطله لها دور فعال في مجتمعنا السعودي وفعال جدا ووالله اني اجزم اغلب اللي بالجامعات واللي مبتعثين كلهم بالوآسطه واتحدآ آنهم يفلحون ) ليت كل الشباب يفكرون مثلك كان حنا بخير الله ميريسعدك ويرزقك كثر ماقلت مير بالهالرد * (والحمدلله دخلت الجىمعه وتخرجت ولقيت لي وظيفه بـ 10000 ريال بعد ماتدرجت فيها وهذآني شوفوا بزري اللي جبته بعد مآتزوجت ) ما أشوف بزران الله مير يخليه لك هو وأم العيال مير غديك تنزل لنا موضوع ثاني نوسع الصدر عليه وأجمعه مع اللي عندي بالأرشيف أوسع صدري عليهن لاتخاف موب مخليتك توقع عليهن
|
#3
|
||||
|
||||
هههههههههههههههههههههههههههههههههه
اوووما نائب الارشيف من جد 5000 وش تسسوي موضوعـكـ روووعه وكثررر من هالمواضيـع اخووي |
#4
|
||||
|
||||
يآبن الحلآل موضوعك طولـيََ..
لي بــآك <<مآكن موضوعه اطول منه ..
|
#5
|
|||
|
|||
شفت ماينفعك الا ششهادتك,,, لاتصير هالقصه صدق>>>شآآكه موضوع نجفاات
|
#6
|
||||
|
||||
والله انك صادق اخوي
5000 وش تسوي الايااااااام ذي بس اشوى من العطاااله
|
#7
|
||||
|
||||
ههههه يوووو مشوـآآآر كــآآآن من الاوول كملت دراستك وانتهى الموضوع
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |