|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
28-12-07, 05:48 PM
|
||||
|
||||
صديق أخوي في مشكله 00000الجزء الاخير
أهلين بالجميع
كيف الحال أنشاء الله كلكم بخير وسلامه اليوم أبكمل لكم الاحداث اللي صارت على مدى أكثر من شهرين تقريبا في بداية الامر كتبت القصه لكم في المنتدى بتفاصيله الممله وبعد كذا أشار علي أخوي أني أتدخل بالموضوع شخصيا بصراحه كان ردي عليه0000(أنت مجنون) قالي :والله أن سويتيها بتأخذين أجرهم خاصة أنك تدرين أنه صديقي الروح بالروح ويحب ساره موت ولو أقدر أكلم ساره والله كلمته لكن أنا رجل وشلون أكلمها يصراحه رحمت أخوي وهو يتحسر على صديقه ويلومني ليه ما تحاولين ماراح تخسرين شي بعد الحاح شديد من أخوي 000كتبت موضوع بالمنتدى عن قصة أحمد وساره وطلبت رأي الجميع علشان اقدر أتصرف صح وبعد بعض الردود كتبت طلب في نفس الموضوع وهذا نصه (مازال الموضوع مطروح للنقاشلان أحمد الان مسافر لدورهبالرياض لمدة شهر والله يعلم أنه يتألم عندما يتذكر الاحداث طلب من أهلهاإعطائها فرصه تفكر في هالشهر وأخبرهم بالدوره وقالهم إنه بعد مايجي يبي يلبي طلب ساره إذا ماغيرت رأيها وأنا بصراحه منقهره وما أدري وش أسوي الله يعافيكم أبي أشاوركم وش رأيكم 00000000 أروح أنا لساره(لان أحمد طلب من أخوي يقولي00000 وأحاول أفهمها المشكله علما أنني متردده في ذلكوعسى أن نخرج بنتيجه مرضيه لهم جميع 000000000000إذا كنت تؤيد إني أروح قلي ليش؟؟؟؟؟وإذا رأيك أتركهم نفس الشي قلي ليش؟؟؟؟؟؟؟؟؟؟؟؟؟؟دعواتي للجميع بدوام الامن والامان والصحه في الابدان00000000000000000000أم اليسر) بعد كتابة الكلام السابق رد علي بعض الاعضاء منهم من يؤيد أني أتدخل بالموضوع ومنهم من يعارض تكلمت مع زوجي بالموضوع وطلبت منه المساعده برأيه وما قلت له شي عن الصور أصلا قلت له أن صديق أخوي (فلان) صاير له مشكله مع زوجته الجديده وأخوي طلب مني أتدخل بالموضوع قبل يجي أحمد من الدوره قال زوجي بصريح العباره000 أنا ماعندي مانع تحاولين لكن توقعي كل شي يصير هذا أولا ثانيا0000صلي صلاة الاستخاره علشان ما تحسفين على اللي تسوينه وفعلا صليت صلاة الاستخاره وسألت الله أن يكون بعوني وأن يجعل ما أقوم فيه بميزان أعمالي بعد صلاة الاستخاره جلست يومين تقريبا علشان أرتاح نفسيا قبل أسوي أي شي بعد هاليومين أتصلت على أخوي وبسم الله الرحمن الرحيم ما أمدان أكلم الا ويقول لي أكيد بتساعدين أحمد وأنا أيقالي أبي أفرحه بالخبر لكن خربه الله يهديه0000المهم طلبت من أخوي رقم أم ساره ورقم ساره طبعا الجوال أتصل أخوي بأحمد وطلب رقم أم ساره وساره قال أحمد: ليه تبي الأرقام قال أخوي: عندي أخت أمون عليه وأبقوله الموضوع وأبيها تقنع ساره وش رأيك ترى الحريم يعرفن لبعض صدقني عطاه أحمد الارقام وهويقول ما أظنه يا 00000 ساره منصدمه من تصرفي السخيف لكن والله أني أحرقت الصور ذاك اليوم اللي وديتها لآهلها أتصل أخوي علي وعطاني الارقام قال أخوي :تكفين قوللي على طول وش صار أخذت رقم أم ساره وأتصلت على جواله ردت علي وعرفته بنفسي000وقلت له أني أخت صديق أحمد زوج ساره كانت أنسانه محترمه رحبت فيني وقالت :أمري قلت له: أنا أدري بوضع ساره وأنها عندكم له فتره وأنها رافضه أحمد وحبيت اتكلم معها لعلى وعسى أني اقدر أقنعها تغير رأيه الأم المسكينه تبي تطير من الفرحه وقالت: الله يحييك يابنتي متى ما بغيتي تجين قولي0 لي قلت له: أبشوف عن ساره أول وارد عليك يا خاله بعد كذا ارسلت مسج لساره وقلت بالحرف الواحد (أهلين سارونه0000(لان هذا الاسم مايناديها أحمد الا فيه كيف حالك أنشاء الله تكونين بخير وسلامه أنا000أم (000000)أخت صديق أحمد ودي أجي لك وأتكلم معك بخصوص موضوعكم أنتي وأحمد أذا ودك وفي نفسك رغبه ارسلي مسج على هذا الرقم وأنا والله العظيم حريصه كل الحرص على مصلحتكم كلكم)))))))))))) طبعا قلت له أني أدري بموضوع الصور علشان تكون عارفه الهدف من جيتي بعد ما أرسلت المسج دعيت ربي أنه يلين قلبه ويهديه كانت لحظات عصيبه تمر علي وكنت على أعصابي أنتظر الرد على أحر من الجمر مر يوم كامل وماجاني رد ومر اليوم الثاني وأنا منهاره لآني تأكدت أن ساره رافضه الفكره تماما وفي اليوم الثالث العصر تقريبا جاني مسج وكان يوم جمعه ويوم الجمعه يجيني مسجات من الاهل والاقارب بهذا اليوم الشريف لذلك ما أهتميت ولآني بصراحه يأست أصلا0000000المهم جت بنتي وقالت: يمه جتك رساله غريبه بسرعه أخذت الجوال بسرعه لقيت المسج من ساره 000000000 تدرون وش كاتبه بالمسج كتبت عباره وحده فقط اللي هي000000(الله يحييك) والله لو أنتم شايفين وجه بنتي يوم شافت ردة فعلي والله ماتصدقون لآني ضحكت ضحكة الانتصار من أول خطوه بنتي بالمرحله الثانويه يعني تفهم الامور هذي قلت له الموضوع بأختصار بدون ذكر الصور طبعا حبيت تدري عني لآني من النوع اللي مايخبي شي على بنتي بالذات أتركونا من بنتي0000 المهم أنا قريت الرساله من هنا وأمسك الجوال من هنا وأتصل على أخوي وقلت له عن رساله ساره وهو كان معي من بداية الأتصالات أخوي أنبسط ودعاء لي وقال الله يتمم على خير واذا أتفقتي معهم على موعد الزياره قوللي علشان أوديك لهم 0000000000000000000 من بكرى اتصلت بأم ساره وقلت له عن رسالتي لساره وأنها وافقت أجي له وش رايك الوقت اللي يناسبكم أتفقت معها على يوم الاثنين بعد صلاة المغرب أرسلت مسج لساره وقلت فيه أني أبجي لكم يوم الاثنين وش رأيك يصلح لك بعد تقريبا ساعتين اوثلاث ردت علي بمسج مثل الاوله قالت فيها (الله يحييك)والله من أسلوبه بالمسجات أحس أني ماراح أطلع بنتيجه لآن البنت أسلوبها رسمي معي وهي معذوره ربما علشاني غريبه عنهم وماتعرفني هذا اللي قلته لنفسي000 جاء يوم الاثنين000 العصر بعد صلاة العصر كنت أستعد بغرفتي يعني أختار لبس وأرتب أموري أتصل علي أخوي وقال: متى تبين تروحين قلت له:بعد صلاة المغرب مباشره بأذن الله قال:خلاص بعد الصلاة انا عند الباب بصراحه كنت قلقه شوي لكني في قمة الراحه النفسيه والحمد لله صليت المغرب وبعده بدقايق أتصلت علي أم ساره تقول لاتأخرين حنا بأنتظارك بعد ربع ساعه كنت عند بابهم دخلت فتح الباب ولد صغير قال تفضلي أدخلي كانت أم ساره بأستقبالي بنت الحلال كانت قمه في الادب والاحترام رحبت فيني ودخلنا مجلس النساء جلست شوي وجابو القهوه تكلمت مع أم ساره بمواضيع عامه ماتخص شي تكلمت له شوي عن (أحمد زوج ساره وأنه صديق حميم لآخوي من زمان من يوم كانو يدرسون بالمرحله المتوسطه) وجلست أذكر له صفات أحمد الزينه وهو بأذن الله كذلك أم ساره تقهوى وفجأه قالت لي بصريح العباره تكفين يا أم (000000000) حاولي بساره وأقنعيها تغير رأيه تكلمي معه وشوفي وش عنده يمكن تستحي تقول لنا طبعا ماكان أحد يدري بالصور كلش المهم وعدت أم ساره أني أبحاول قدر أستطاعتي وبسوي اللي أقدر عليه تقهوينا وصبت لي الشاي وساره بعدها ماجت لحظات ودخلت ساره كانت متوسطة الطول وجسمه معتدل مملوحه جدا قلت بقلبي بعذر أحمد سلمت وكان سلامه طبيعي جدا0000 جلست أقبالي يعني قدام وجهي عيونه كانت تكلم أكثر من لسانه نظراته لي فيها شي من العتب وكأني انا أحمد كانت لحظات رهيبه بالنسبه لي البنت قدامي وام ساره كانت جالسه تراقب الموقف بكل هدوء أستأذنت أم ساره وطلعت وسكرت الباب00كانت فاهمه الموقف ساره تناظر أمه وكأنه تبيها تجلس معها000مرت لحظات عم فيها صمت رهيب أحترت بالكلمه اللي أبتدي فيها مع ساره سألتها عن الكليه وزميلاته وبعض المواضيع العاديه علشان تطمن شوي بعدها بدقايق قلت لساره أبتكلم معك شوي بخصوص أحمد ودي تسمعيني شوي الله يخليك حطت عينه بعيني وكأنه تبي سمع أي شي عن أحمد زي العطشان اللي يشوف الماء ولا يقدر يشرب المهم قربت لمه شوي وصرت بجنبه قلت له ياساره أنا ما تدخلت بموضوعكم الى يوم سمعت عنك من أحمد ودريت انك فاهمه وعارفه مصلحتك زين واكثر من أي شخص حولك شوفي ياساره أبتكلم معك شوي وابيك تسمعيني زين وتركزين على كلامي شوفي ياساره المرأه بالحياة وش تطلب من الله دائما أكيد بتطلب التوفيق في حياته وأن الله يرزقه زوج يحبه ويقدره ويحترمه وأنت أعطاك الله أحمد يحبك وأنتي تدرين بحبه لك من زمان يعني حب نقي وشريف حتى لو غلط مايعني نهاية الحب صدقيني ياساره الانسان في حياته مايبي سوى الحب علشان يقدر يعيش مرتاح ولا فيه شي يكدر حياته والله أعطاك أنسان يحبك يعني الله حقق لك اللي تبين ياساره ياعمري أسمعيني أنتي لك حق تزعلين ويضيق صدرك من تصرف أحمد لكن كل أنسان يخطي ما فيه أحد معصوم من الخطأ وهونادم كل الندم على اللي سواه أشد الندم وبعدين هو حلف لك بالله أنه ما أحد يدري عن الصور والغرض من تصويره شريف يعني ما مس شرفك ولا كرمتك بشي وهو قال لآخوي أنه نادم جدا على اللي سواه وأنه من فرط حبه لك سوى كذا ساره00 الله عطاك عقل فاهم ويدرك عواقب الامور واللي طلبتيه من أحمد أنتي اللي بتدفعين ثمنه 000 يعني أنتي بتصيرين مطلقه وأنتي بعز شبابك وهو راح يتزوج ويعيش حياته طبيعي مثل أي أنسان بالحياة وأنتي أدرى بالمجتمع اللي حنا عايشين فيه مايرحم ساره تكفين فكري من كل الجوانب ومن جميع الجهات وفكري بعيد وش راح يصير 000000 فكرتي بأمك وحزنه عليك 000كيف تنسينه وضعك كمطلقه فكرتي بأختك اللي من بعدك وش راح تصير نظرته للزواج000 فكرتي بنفسك كيف تبي تمشي معك الحياة حطيت عيني بعينه وسألته أبي أشوف وش تفكر فيه علشان أكمل كلامي سألته:ساره جاوبيني بصراحه أنتي تحبين احمد رفعت رأسه ببطأ شديد زي اللي يأس من الحياة وعينه بعيني وسكتت عدت عليه السؤال مره ثانيه ساره تكفين قولي لي0000تحبين أحمد هزت برأسه 00000وكفتني الهزه عرفت من هزة رأسه أن حب أحمد مازال على قيد الحياة وقلبه ينبض ( الحين دوري أسوي أنعاش قلب لحب أحمد ربما يكمل ما سبق تكلمت فيه) أخذت نفس عميق وأرتحت شوي أستدرت على ساره وقلت له حرام عليك تدفنين حبك بالسهوله000نسيتي أيام شهر العسل وكيف كانت حلوه وأنشاء الله تبي تصير حياتكم أحلى وأحلى صدقيني ياساره أحمد ما يقدر يعيش بدونك أنتي شايفه الحين حاله من يوم جيتي لآهلك كم مره حاول يتصل وكم مره حاول يدخل لك وأنتي منعتيه 00كم مسج أرسلك وأكيد أنك قريتي كل المسجات وأنا ما أدري تدرين ليه قريتي المسجات لآنك تشوفين أحمد بين سطورهن لآنك تدرين عن حاله من تعبيره بالمسجات لآن حبه موجود ولا تقدرين تنسينه صدقيني المرأه أصعب شيء عليه نسيان رجل تحبه والله أني صادقه معك بكلامي شوفي ياساره أعطي نفسك أختبار وجربي (حطي في بالك أن أحمد تزوج وحده ثانيه وهذا اللي يبي يصير أذا أنهيتي أنتي الامر فكري بأحمد مع زوجته الثانيه وأنه راح يعيش طبيعي معها يطلع معها ويجلس معها ويضحك معها وعينه بعينها وراح يحب زوجته مع الوقت وتمشي الحياة طبيعي جدا ذيك الحظه وش راح يصير عليك 000(رجعت على نفس أسلوب الحقيقه المره000) تكفين ياساره فكري زين وحاولي زي ما قلت لك أنك تفكرين بالامور من جميع الجهات لايصير تفكيرك محصور و محدود بشي بعينه بصراحه من كلامي معك ياساره ما ألوم أحمد بحبك أنتي أنسانه رائعه وفاهمه وما شفت مثلك000أنتي عاقله وتعرفين مصلحتك زين (هذا دافع نفسي ولا متى عرفته علشان أدري أنها رائعه صحيح البنت مؤدبه ومحترمه من مجرد جلسه معها ولكن هذا لايكفي للحكم على الاخرين بالروعه) بس الموقف يحتم علي كذا فجأة دخلت أم ساره وسلمت وجلست بجنب ساره عدلت جلستي وخليت وجهي لآم ساره وساره أقبالي قالت أم ساره: هاه يأم (000000000) عساك أقنعتيها قلت: ساره أنسانه عاقله وتعرف مصلحته زين حطيت عيني بالساعه اللي بالجار وأثره على التسع ألا أخذت جوالي ودقيت على اخوي قال دقايق وأصير عندك قالت أم ساره تو الناس أصبري شوي كنت ألتفت على ساره بطرف عيني ودي أشوف وش وضعه النفسي بالضبط كانت سابحه في عالم آخر000يعني ماهي معنا شارده بعقله وين ما أدري 000 دق جوالي أخوي يقول أطلعي أستأذنت وقمت ألبس عبايتي وأنا عيني على ساره أبي أي شيء يبين لي ردة فعله وش تفكر فيه الان وأنا عند الباب أبطلع قلت مع السلامه يا ساره فجأه قامت وفزت وقربت لي وقالت مع السلامه حطيت عيني بعينه أبيها تقول شي أبيها تكلم ماش مافيه فايده وصلت باب الصاله أبطلع وساره وراي قالت بصوت هادي 00(أم 00000)000 أنا ما صدقت على الله تكلمت000 على طول قلت 00سمي أمري قالت ودي أتصل عليك بالجوال اذا ما عندك مانع قلت له: ماعندي مانع ياعمري متى مابغيتي أتصلي علي الله يحييك قلت مع السلامه وطلعت أنا زي اللي (جدع في بطنه حصاة) بدت الافكار تلعب بي لعب0000 ركبت السياره وعلى طول أخوي قال : وش صار بشري ودي ابشر أحمد ياعجلهم الرجال قلت أنشاء الله خير وبعدين اصبر على البنت شوي عطها فرصه تفكر بكلامي لعلى وعسى أن يكون أجدى معها بعد كم يوم تقريبا يوم الخميس العصر جاني مسج فتحته وألقى رساله من ساره تقول(ودي أكلمك الوقت مناسب) أرسلت مسج وقلت (الله يحييك) دقايق ويرن جوالي رحت لغرفتي سلمت وكان كلامه فيه شوي من الراحه النفسيه على طول قلت له هاه ياساره عساك فكرتي زين00000قالت: بصراحه يا أم (000000000) أنا محتاره مره رأسي تعب من التفكير من يوم تطلعين منا وأنا أردد كلامك بيني وبين نفسي عجزت أرسي على بر على طول قلت ساره أسمعيني أنتي وشو اللي يقف لك ويردك عن أحمد ردت بسرعه (كرامتي ما تسمح لي أعيش مع أنسان تصرف هالتصرف) الحين عرفت وش اللي قصم ظهر البعير عرفت أن الكرامه واقفه بالطريق ورافضه رفض تام مرور أي شي قلت له: شوفي ياساره الحب بين الزوجين مافيه كرامه أصلا الكرامه تجي أذا أهانك أو أهان أحد من أهلك الكرامه أذا مس عرضك أو شرفك بشي اللي سواه أحمد ناتج عن حب صادق والدليل أنه ما أحد يدري عن الصور من زمان صورهن ومع ذلك ما أحد دري بهن الكون كله مافيه أحد يدري ألا أحمد وأنتي وأنا وأخوي وثقي ثقه تامه أني ماراح أقول لآاحد عن هاذي الصور وبعدين احمد أحرق الصور بنفس اليوم اللي وداك فيه ألى أهلك ساره يابعد عمري تكفين أسمعيني والله اني ناصحه لك أنا وش مستفيده من رجوعك لآحمد أو تركه أنا أتكلم معك بحكم خبرتي بالحياة الزوجيه وبحكم أني أم وبحكم أني عايشه مثلي مثلك في مجتمع مايرحم يعني بمجرد ما يكون وضعك مطلقه راح تتغير نظرتهم لك 180درجه صدقين الكلام اللي يدور في عقول الناس 0000(ليه تطلقت وش السبب) يبحثون لين يعرفون السبب0000(اللي هي الصور) وسبب طلاقك ماراح يقولون الناس رد لكرامته راح يقولون أنه تزوجه علشان يستر عليها والعياذ بالله 000وأنتي أطهر من كذا00 صح ولا وش رأيك بكلامي ردت بهدؤ وقالت: يا أم (00000000) والله أنك حيرتيني وما أدري وش أسوي قلت له على طول:سوي رأيي ورأي أمك ورأي أحمد ورأي كل أنسان عاقل ياساره تكفين فكري أول شي بأحمد وحبه لك وثانيا فكري بأمك المسكينه اللي يبي تنقهر علشانك وفكري بأبوك اللي رافع رأسه بك وبأخلاقك وبسمعتك بين أهلك وبين الناس وفكري بحبك اللي ماتقدرين تدفنينه وهو حي وفكري بمستقبل خواتك اللي من تحتك وش راح يصير مصيرهن وفكري بوضعك عند أهلك بعد ماتصيرين مطلقه يعني أنتي عندهم ضيفه مؤقته لين تتزوجين بإذن الله وفكري بالمجتمع اللي حولك زي ماقلت لك0000 أنتي ياساره عاقله وفاهمه وتعرفين مصلحة نفسك زين وتعرفين تقررين مصيرك بنفسك علشان تتحملين نتائج قرارك سكت شوي أبي أعطيها فرصه0000 بعد كذا0000000000000 قلت: ساره قالت هلا قلت :تكفين روحي الحين وصلي صلاة الاستخاره وأدعي ربك أن كان رجوعك لآحمد فيه خير لك في كل شي فأرجعني له وأن كان فيه شرا علي فأصرفه عني واصرف لي خيرا منه وأنا بكرى مثل هذا الوقت أبتصل عليك وشوف وش قررتي00000000 أحمد يبي يجي بعد بكرى لانه أنتهى من الدوره اللي بالرياض وابي أبشره أنشاء الله بالخبر الزين لآنه ما يدري عن اللي سويته معك وأخوي يبي يسويه له مفاجأه له وبعدين يقولوله التفاصيل أنا قلت له كذا أبيها تتحمس شوي ولا أخوي قايل لآحمد أن أختي تبي تروح لساره لعلى وعسى أنه تقنعه ونطلع بنتيجه قبل جيتك للقصيم ولا ما أحد منكم فكر كيف جبت رقم ساره وأم ساره المهم سكرت الجوال من ساره كان وقت المكالمه00( 35,20 دقيقه)تصدقون دعيت له أن الله يهديها لكل ما فيه خير له مر علي اليوم نفسه ثقيل مره ومالي خلق وضايق صدري لآني ما أدري وش راح ترد علي ساره كانت مكالمته لي مسيطره على تفكيري لدرجة اني جالسه أتقهوى مع أبنائي وأنا شارده عنهم المهم جاء وقت النوم 000حطيت رأسي على الوساده وهات ياهواجيس وهات يا تخمين ما أدري وش يصير تفكيري يدور بكل شي وعلى كل شي لين تعبت من التفكير ونمت صار الصبح وكان يوم جمعه قمت متأخره شوي مر الظهر على خير وأنا أنتظر العصر لآني قلت له أنا أبتصل عليك تدرون ليه لآن ساره عندها الكرامه زايده شوي وقلت بنفسي أنها مستحيل تدق علي علشان تقولي قولي لآحمد كذا وكذا0000هذا أولا ثانيا000 علشان أعطيها هدف تركز عليه وهو أني أبتصل عليها أخذ الرد الأخير يعني لازم تقرر اليوم وبسرعه باقي على العصر ربع ساعه تقريبا حطيت جسمي على كنب الصاله وسرحت شوي شكلي نمت (خوش سرحان) أذن العصر ومشى الوقت بسرعه وصارت الساعه تقريبا خمس ألا مسكت الجوال وكان قلبي يرتجف ما أدري ليه فيني شوي روعه يمكن النهايه قويه شوي المهم دقيت على رقم ساره 000000 يرن00000ويرن000000ويرن000000ما أدري وش السالفه سكرت الجوال وقلت يمكن الجوال بعيد عنه أو0000أو0000أو بعد ساعه بالضبط مسكت الجوال ودقيت عليها للمره الثانيه يرن0000000000000000000 يرن000000000000000000 وفجأة000000000000ردت ساره قلت بيني وبين نفسي الحمد لله على طول قالت ساره:أسفه ما رديت عليك قبل شوي لآني كنت نايمه بصراحه مانمت البارح زين ورأسي مصدع شوي قلت :سلامتك من التعب وأذا تبين أتصل عليك بعدين بكيفك بسرعه ردت علي وقالت: لا وش دعوى لاتعب ولا شي شكلي أنا اللي أتعبتك معي يا أم (000000000) قلت له:تعبك راحه ياساره بشرط قالت:وشو شرطك يا أم 0000 قلت له:شرطي ترجعين لآحمد وتنسين كل اللي صار وأعتبريه حلم وصحيتي منه سكتت شوي 00000بعدها قالت:خلاص يا أم (00000000) أنا أستخرت الله والحمد لله أرتحت نفسيا والماضي أبحاول أنساه ولو أني ماراح اقدر وقولي لآخوك يتصل على أحمد ويقول له عن الموضوع كله ويخليه يتصل علي على طول قلت: الله يبشرك بالخير والله يتمم عليكم بخير بصراحه ياساره فرحت لك وأبدعي ربي لكم بالسعاده كل عمركم وأعتبرين أختك الكبيره ولا تنسينن قالت: يا أم 0000000 أنتي أختي الكبيره وصديقتي اللي ما تعرفت عليه الاوقت الشده الله يخليك لعيالك ويخلي عيالك لك ويسخر لك زوجك على طول قلت: أمين دام فيها تسخير زوج(قلتها بشوي مزح) ضحكت واول مره أسمعها تضحك قلت له:وأنتي الله يسخر لك أحمد ويجعلك بعينه أجمل النساء قلت كذا أبشوف ردة فعله00000 قالت:الله يجزاك خير قولي أمين قلت له: يالله مع السلامه أبروح أتصل على أخوي علشان أبشره قالت ساره:مع السلامه وتشكري لي أخوك والله أنه نعم الصديق 0000000000 سكرت الجوال وبنفس الوقت اتصلت على أخوي وبشرته بأن ساره هداه الله وأقتنعت بأن اللي صار مجرد سوء تصرف من أحمد وأنها بترجع مع أحمد لبيتهم من جديد 000000000والله يا أخواني أنكم ولو تسمعون أخوي وهو وش كثر مبسوط من النتيجه وكأنه هو أحمد يوم أنتهت نشوة الفرحه فطن أني على الجوال ضحك وقال: أعذرين يا أخيتي والله أني من الفرحه نسيت حتى نفسي الله يجزاك كل خير والحمد لله إن الله ما خيب تعبك والله أني عاجز عن شكركك يا أم 00000000000 كنت أتمنى شي واحد وقلته لآخوي وهو ودي أسمع مكالمتك لآحمد بصراحه ودي أسمع تعبيره عن شعوره اذا سمع الخبر قال أخوي: ما أقدر أخليك تسمعين المكالمه أعذرين أخاف يزعل بعدين أذا دري أني مسوي كذا قلت :خلاص بكيفك ما ودي احرجك قدام أحمد بس على شرط تقولي كل شي( بالتفاصيل الممله)فهمت كان يوم جمعه مع ذلك كان السبت عطله الي هي إجازة عيد الاضحى أتصل أخوي باحمد وقاله متى تبي تجي للقصيم قال أحمد : أنا مخلص من الدوره يوم الاربعاء لكن عندي كم شغله ودي أخلصهم وباذن الله أجي يوم الاحد أخوي بين نارين(وده يعلمه بالخبر الزين وبنفس الوقت وده يكون أحمد عنده وهويقول له الخبر يعني قدامه كان اليوم جمعه وأحمد يبي يجي الاحد يعني الوقت طويل على أخوي بالنسبه للخبر قال أحمد:ليش تسأل وأنت تدري متى أبجي قال أخوي: لاني عندي شغله بالرياض ودي أزينه رد أحمد على طول وقال: خلاص قلي وشي وأنا أصلحه لك فرصه ما دمت بالرياض قال أخوي :أدري ماتقصر يا أحمد بس ضروري أجي أنا تدري أحسب لي ثلاث ساعات وأنشاء الله أكون عندك قال أحمد:مجنون أنت طيب أصبر لبكرا وتعال بالنهار بدل ما تمشي متأخر الحين قال أخوي لا ما أقدر أصبر لبكرى والله خير حافظ قال أحمد: الله يهديك بس لكن وش أقول أدري بك أذا بغيت تسوي شي لازم تسويه منت هين000ما أقول ألا الله يحفظك وأبصير على اتصال معك علشان ما يجيك النوم سكر اخوي الجوال من أحمد وكانت الساعه تقريبا ثمان مساء" أخوي أتصل علي وقالي ابمشي للرياض تبين شي قلت له: خير وش عندك تبي تروح للرياض قال:ماش عجزت أصبر أحمد بالرياض ودي أعلمه وأشوفه وأنا اقول له الخبر قلت: الله يهديك بس 00أصبر لين يجي ولا على الاقل رح بكرى الصبح قال: الله خير حافظ وأنشاء الله أقولك بعدين التفاصيل قلت :مع السلامه وسكر الجوال ودعيت الله يحفظه من كل سوء كنت على أتصال بأخوي لين وصل الرياض بالسلامه والحمدلله بعدها أنتهى يوم الجمعه وكنت أنتظر الصبح علشان اتصل بأخوي أبيه يقولي وش صار له مع أحمد بالتفاصيل الممله كان يوم السبت أول يوم بالاجازه والبارحه سهرنا أنا وأولادي شوي أكثر من العاده يعني تأخرنا كلنا بالنوم قمت الساعه عشر ونصف تقريبا تقهويت وجلست على اللاب توب أكتب موضوع 0000000000000000000000000000000000000000 00000000000000000000000000000000000000000000000000 000000000000000 بعدها بساعتين تقريبا أتصل علي أخوي قالي عن الاحداث أمس يقول وصلت الرياض الساعه 12 ليلا" تقريبا وكان أحمد ينتظرني في شقته المؤقته بالرياض وصلنا الشقه بعد مامرينا المطعم وعزمني على العشاء دخلنا الشقه ودخل أحمد للمطبخ والتفت علي وقال: غير ثيابك على مابال اسوي بريق شاي تراي مشتاق لك مره0000وله على سواليفك تدري أن لي أكثر من شهر عنك ولا أنت ما ولهت علي يقول اخوي دخلت الغرفه وغيرت ملابسي ودخلت دورة المياه قلت له: الله يحوم كبدك مابقي الاتقولي وش سويت بالحمام قال أخوي: أنتي اللي قلتي لي أبي الأخبار بالتفاصيل الممله وضحك ضحكه علي المهم كمل علي الاحداث وقال: جلسنا بالصاله مع بعض وكان فيه تلفزيون شغله أحمد يوم كنت بدورة المياه طفيت التلفزيون وجلست وبعد دقايق جاب أحمد الشاي وجلس قال أحمد:وش أخبار أهل القصيم والله أني مشتاق لهم مره قال أخوي:كلهم بخير وسلامه ويسلمون عليك كلهم قال أحمد: يانصاب كلهم عاد قال أخوي: بمن فيهم سارونا يقول أخوي ما حبيت أجيب الخبر كله جميع ودي ينبسط أحمد بهدؤء قال أحمد: وش دراك عنه أنه تسلم علي وهي ماترد علي بالجوال ولا بالمسجات قال أخوي: غريبه يا أحمد ماسألتني وش سوت أختي قال أحمد:شفتك أسكت عن الموضوع وماتجيب طاري قلت أكيد أخته رفضت أنه تسوي اللي قاله أخوه وهي معذوره وش تستفيد من اللي تسويه علشان كذا ما سألتك عن الموضوع حتى قبل تجي للرياض قال أخوي:أبشرك ساره هداه الله وأقتنعت ترجع لك يا أحمد يقول أخوي بسم الله الرحمن الرحيم نقز أحمد من مكانه وطب علي ذيك الطبه وهات تحبب وهات ياتخمم لين بديت أصرخ عليه وأقوله وأنا أمزح تراي (00000) مانيب ساره يقول أخوي لو أنتي شافيه فرحة أحمد والله تحمدين الله أنك أنتي اللي تدخاتي بالموضوع قلت له يعني أنبسط كثير قال : وهذي فيها شك قلت له :طيب وش راح يسوي قال أخوي :أني قلت لآحمد أرسل مسج لساره فيه كلمات حب ورومنسيه وقلها أبتصل عليك وردي علي وفعلا أرسل أحمد البارح مسج لساره الساعه (2صباحا) يقول ما اقدر أصبر للصبح وأذا كنتي صاحيه أرسلي مسج يقول أخوي دقايق ويجي مسج من ساره كتبت فيه أنها بعده مانامت قام أحمد ودخل غرفته وسكر الباب عاد أنا أخت بطانيه ونمت بالصاله ولا أدري وش صار لين قمت الصبح وأثر الاخ أحمد جايب فطور وجالس بجنبي ويقولي قم افطر أبمشي نقزت من مكاني وقلت تبي تمشي قال أحمد: أيه أبمشي للقصيم ما أقدر أصبر خلاص أنتهت المشكله والحمد لله بعده ضحك اخوي وقال : يالله أنبسطي يحقلك تبي تجيك هديه معتبره من أحمد ضحكت وقلت له : ما أبي هديه أبيه يدعي لي دعوه صادقه قال أخوي: الله يجزاك خير يا أخيتي ويعطيك العافيه أشقيناك معنا قلت له: سلم لي على أحمد وقله الله الله بساره تراني وعدتها بخير قال أخوي: ابشري أبقول لآحمد سكرت الجوال من اخوي وأنا الفرحه تملى الدنيا علي ولا أحد يدري وش سبب سعادتي غير زوجي وبنتي وأنتهى الموضوع على خير ورجع أحمد وأخذ ساره لبيته وبعدها سافر للشرقيه الله يتمم عليهم بخير ويسهل لهم الطريق يارب ويبعد عنهم الشيطان تدرون أن أصابعي تقطعت وأنا أكتب لكم النهايه مع أني كتبتها على فترات متقطعه ولا تنسوني من الدعاء هذا اليوم الفضيل شاكره لكل من تابعني في مواضيعي السابقه دعواتي لكم بالسعاده والراحه والعافيه 0000000000000محبتكم أم اليسر أعتذر عن التأخير وعن عدم تناسق الموضوع لانه من تعبيري الشخصي أكرر أعتذاري لكم عن الاخطاء الاملائيه كذلك
|
|
#2
28-12-07, 06:58 PM
|
||||
|
||||
|
الله لايحرمك الأجر اختي الفاضلة ام اليسر ويجعل عملك في موازين حسناتك
من جد موقفك عظيم ومحرج في نفس الوقت والله اني تعاطفت معك كثير على كتابة الموضوع أنا لو أكتب خمسة سطور نملت يديني ((ماشاء الله وبارك الله ))  ما أقول إلا الله يحرم ذا اليدين من النار 
|
|
#3
28-12-07, 08:32 PM
|
||||
|
||||
|
الله يجزاك الجنه ويديمك ذخر لنا انا خلاص من اليوم ورايح بخليك مستشارتي الخاصه يابعد دنيتي
|
|
#4
29-12-07, 02:37 AM
|
||||
|
||||
|
الله لايحرمك الأجر اختي ام اليسر والله اني عشت جو معكم تصدقين يوم قريت موقف احمد دمعت عيوني رحمته من قلب الله يوفقهم ويسعدهم ويتمم عليهم فرحتهم ولايفرقهم ابد والله يسعدك مع زوجك ويرزق بناتك بالأزواج الصالحين وقولي آمين إن الله يجمع كل حبيب بحبيبه بالحلال
|
|
#6
29-12-07, 05:26 AM
|
||||
|
||||
|
بارك الله فيك أم اليســـــر
وجعلك منزلتك في الفردوس الاعلـــــــى تصرف رائــــع .. أسأل الله أن يجزل لك الأجر والمثـــــووبه
|
|
#7
29-12-07, 06:28 AM
|
||||
|
||||
|
الله يجزاك خير يأم اليسر
على ماعمليته مع أحمد وسارة والله ان دموع الفرح سآلت من عيني وأنا لا أعرف أي من الأطراف ولكن حب الخير للناس ابكاني فجعل الله ذلك في موازين حسانتك وأصلح الله لك النية والذرية وأدام الله المحبة بين أحمد وسارة
|
|
#8
29-12-07, 02:29 PM
|
||||
|
||||
|
أقدم كل شكري وأمتانني لكل من أهتم وتابع وشارك معي في هذه القصه التي جرت أحداثها
بصمت 0000ولم يعلم بها سوى الله وحده ثم من له علم بها طلبت المشوره من الاعضاء ولم يقصر بعضهم في مساندتي ومساعدتي التي لم أتوقع نهايتها بهذه الطريقه والحمد والشكر أولا وأخيرا لله سبحانه وتعالى الذي اراح نفسيتي للمشاركه أتمنى أن تكون هذه القصه للعبره والعظه للجميع ففيها من الدروس مايكفي العاقل أكرر شكري العميق لكم جميعا00000000000000محبتكم أم اليسر
|
|
#9
30-12-07, 12:42 AM
|
||||
|
||||
|
بردها الله بالعافية
ياحلالة المشاكل ياأم اليسرررر ماشاء الله عليكي .. عقل وحكمة
|
|
#10
30-12-07, 11:26 PM
|
||||
|
||||
|
أم اليسر الله يجزاك خير ولك أجر عظيم إن شاء الله
ماشاء الله على أخوك ونعم الأخو والصديق هذه الصداقة , ليس المبنية على المصالح .
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
