العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
إحترق .. كل الحكــــــ[ي بشفآي والبآقي رمآد ...
السلام عليكم ورحمه الله يا أني ولهانه علىآ القرق عليكم وصكه روسكم وله ما ولهته علىآ أحد من قبل ماعليكم بالطويله نجي للأهم يوم الخميس طالعين استراحه مع اعمامي وكنا جالسين وهات ياقرق قلت انا مير ترى الاثنين عندي لاتنسون طبعا ثنتين اعمامي يرفضون فعتذروا على طول وهالشي متعودين عليه باقي اربع يردون لي بعدين طلعت من الاستراحه من هنا و ناسيه السالفه من هنا هو جاء الاثنين وانا ناسيه السالفه ولا جبت خبر وطبعا جوالي ع الصامت قمت الساعه ثلاث شفت جوالي والا فيه رساله سارت من بنت عمتي تعتذر انها هي وبنات اختها 2 موب جايين مافيه احد يجيبهم انا طارت عيوني ما استعديت بولآ شي عاد تحسبوني سويت شي قمت وقتحت اللاب وقمت احوس فأوراق الجامعه والنت ولآكأن احد بيجي << يالبرود عاد انا قلت كلها وحده يعني ماتعوق اجيب اي شي من برآ وانتهى الموضوع موب ساويه دخلتي المطبخ عشان وحده بس الحمدلله ارسلت لي واعتذرت انه بيجونهم ناس عاد المسكينه تقول والله اني لابسه وجاهزه بس انتظر اخوي يجيبني والا على دخلت الناس وصعبه اطلع وكل هذا وانا على اللاب ماجبت خبر عاد حمدت ربي اني نسيت وماكلفت علىآ عمري وراح هباء منثورآ << متعوب عليها هذي عاد كلمت عمتي على امي بنفس اليوم وقالت بنجيكم بكرآ ان حصل لنا جاء الثلاثاء وأمي تتردد علينا انا واختي قوموا الناس بيجون وحنا ولا جايبين خبر << من السناعه والله قمنا 3 رحت اغسل ملابسي واجلس عند اللاب << من الروآقه بهالمخلوقه ياناس واختي تلاحق بزرانها لين 4 ونص قالت اختي كلمي على بنت عمتي اسئليها بيجون والا لا قلت طيب وانا اكلم : هاه بشري وش سرتوا بتجون قالت: ايه هذا احنا نجهز شوي بس <<< قلت وانا ابلع صدمتي: حياكم الله وارمي الجوآل وانا اصرخ: شوي ويجووون قسم بالله جتني ام الركب مدري وش اسوي واروح لقسم الغسالات ادخل واطلع اروح للمطبخ واطلع اجهز ملابسي مدري وش اسوي من الربكه وأخيرا سيطرت على الوضع واروح اسوي القهوه واقول للشغاله تكمل الملابس وبسرعه ادخل الحمام وانتو بكرآمه اتروش والا الجرس يرررررن وقسم بالله يا بغيت ازلق ويروح يومي بالعنايه المركزه من الروعه بس الحمدلله قدرت امسك نفسي بس جد حسيت اني بموت << ياكثر ماتحس بهالشعور واجي بزين شعري يااااربي وش اسوي الناس دخلوو مستحيل يمدي استشوار والجل اختفى مدري وين راح والدنيا حووووووووسه اول مره بحياتي اتمنى انه بوي وانا بسرعه احوس بتسريحه مدرس وشلون جت بس تعبر عاد انا كنت لابسه التنوره والبدي قلت البلوزه بلبسها بالأخير عشان ما تتعرفط وانا اخلص كل شي قلت بروح اسلم قبل ما اطلع قلت خلي امر على المرآيه الكبيرهـ أتأكد من شكلي تخيلوا كنت بطلع لهم ببدي ناسيه البلوزه خخخخخخخخخخخخخخخخخخ جينا بنقدم القهوه قالت عمتي لا مابقى على المغرب شي خلوو الشاهي اللحين والقهوه مره وحده المغرب انا كنت داخله جوو مع بنات عمي وما انتبهت للي يقولونه اختي على طول دخلت تجيب الشاهي وانا في عالم ثاني انتبهت ولحقت عليها الحمدلله كنت مجهزه اغراض الشاهي ومخليه الغلايه فيها المويه وحاطه الاباريق على الفرن <<يقالها عشان بسرعه لانه على العاده بنص القهوه اقوم واصلح الشاهي عشان مايبرد أختي تحسبه مزين بس جايه تشيل مسكت لها الابريق وقمت ادور فيه طيرت عيونها :الله ياااخذ بليييييييييسك وش سويتي انا فطست ضحك تخيلت لو مقدمين الشاهي فاضي يافشيلتها عاد وبسرعه ازين الشاهي ونطلع ويخلص اليوم على خير وخلصت السالفه << مابغيتي يلا عاد بقوم اوتر مابقى الأذان شي << اللهم لآ رياء
استودعتكم الله
|
#2
|
||||
|
||||
فكك الله اعتذرن عن المجي وانتي مب حولهن
الضيوف لقالوا بيجوون ماتدرين وش يصير البيت ينقلب فوق تحت مع ان جيتهم وناسه الا ان الاعمال تصير كثيرة وحوووووووسه يعطيك العافيه على السوالف
|
#3
|
|||||||||||||||||||||||||
|
|||||||||||||||||||||||||
قصدي مدري
|
#4
|
||||
|
||||
ايه والله ياكنت بنكب انا احب اطلع ازين من الناس يجوننا لآنهم لآجوا بلشت بالمطبخ وهم اللي يستانسون وانا مغير كرف الله يعافيتس نورتي
|
#5
|
||||
|
||||
بالله والله من الثقل بهالرآس آنا آجزم وآبصم آن ما فيه احد ينافسكـ بالبرود وتبلد الاعصاب << هي الاعصاب والا الاحساس مدري والله الي هي عاد انا لو ادري ان صديقاتي بيزوروني اجلس اسبوع احضر وانام بقلق وحالتي حالهـ حالتي تشابه حالتكـ بالضبط آيه تعالي يعني لو ما قالت لك اختك دقي كان طبو عليكم وانتم في حالهـ الله واعلم به خخخخخخخخ<< ليته والله يآشين الوآحد لاصحى من النوم ولاقآهـ المطبخ وضيوف ولبس وتكشخ وقلق تكرهين نفسكـ وبعد ما تروقين ويمشي الزيت تبدين تطلقين الحجاج ولو يجيكـ آمة محمد استقبلتيهم ولا تبينهم يطلعون بعد آما الشاهي مقلب حلو كني آشوفهن الآباريق مصفوفات على الفرن فآضيآت آيه تعالي قولي لنا وش سولفتو وش سويتو بعد كملي تفشلتو ان شاءالله والا عادي مشى وضعكم <<ياحبها للشماته
|
#6
|
|||||||||||||||||||||||||
|
|||||||||||||||||||||||||
مايعيش الى البارد لآضغط ولآ سكر ولآ هم ولآ كدر خخخخخخخخخخخخخخ لآتكفين ماودي اتخيل اني مادقيت <<< تبين وش سولفنا بلا والله من اللقافه موب بس شماته وحنا جالسين على الشاهي <<ماصدقت خبر بدت بسالفه قالت امي تغدوا يابنات تلقاكم مثل هاللي عندي من العشاء للعشاء و ماغير دردبه قهوه قالت أختي الا وش برنامجكم انتم متى تصحون << تبي احد مثل حالتها قالت بنت عمتي لآ تكفين لآتسألين والله انه يفشل قالت أختي موب ساير اردى مننا قولي بس قلت انا اشوف الرساله جايتني 10 ونص <<تحسبهم قايمين الصبح شبعانين نوم قالت اختي اجل حنا بخير على الأقل ننام 8 والا 9 ونصحى 3 ونصلي الظهر وعلى السجاده لين العصر عشان الصلاه مره وحده مايمدي نفك الجلال ونلبسه <<< قالت بنت عمتي ننام 11 ونقوم المغرب ونقفل الباب والجوالات ومار نطالع بعض انا وأختي ونبتسم كنها عجبتنا الفكرهـ قلت انا اثرها عمتي حليله تخليكم تنامون لين المغرب << متعودهـ على امها من 1 وهي تحن عند روسهم
|
#7
|
||||
|
||||
ياااااااهو عليكـــ
برود اوب طبيعي يالله من وين جايبته بس يالله اهم شي وسعتي صدرتس معهم يسلمكــ ربي
|
#8
|
||||
|
||||
ابروح اصلي وبعدين ابروح انام لاني دايخ
لاكن الايام بيننا <<انت بترد والى بتتهاوش
|
#9
|
|||||||||||||||||||||||||
|
|||||||||||||||||||||||||
طيب كملي وش بعد سولفتو <<فيس منبطح على بطنه وحآط يده على خده ورافع رجوله خخخخخخخخخ
|
#10
|
||||
|
||||
يمين الله ياعليكـ بروود يجنن
ودي تجين عند ابوي عشــآآن يشووف برودكـ ويهون علي عــآآآد لو وديتي البرادي وهو فـآآضي مافيهـ شاهي ابووو الفشله بـس يوومـكـ ونااسهـ مريتي بااكشن ومواقف،،، تكبرين وتعلمين عيالكـ
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | تقييم هذا الموضوع |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |