العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
مشكله صب القهوه مع البنات والشباب...
اهلين,,,,وسهلين,,,,ومرحبتين,,,باأبلا نوره مرتين>>>>>حنيت للمدرسه..
ارجع للموضوع..بصراحه قريت هالموضوع وحبيت انقله لكم علشان اشوف ردودكم ومواقفكم مع القهوه.. صب القهوه...وما ادراك ماصب القهوه هي مشكله ونقدر نقول انها مشكله الشباب والبنات غالبا...قبل لااطرح المشكله واضهر الحقائق واكشف لكم الاوراق,,, ابسالكم سؤال:ليش لاجونا ضيوف لازم نشربهم قهوه؟؟؟ ليه مايشربون ببيتهم بعدين يجون لمنا؟؟؟والله مشكله,, والاعضم من هذا كله,,,اذا جت امي وقالت:بعد المغرب بيجونا حريم. اقول لها:مانيب طالعه مالي نفس. تقول:تراهم مهب ميتين عليتس بس من اللي يصب القهوه؟؟ صارت عندي حاله نفسيه من صب القهوه..لاني اذا كنت ابصب القهوه لازم البس وطبعا علشان البس قبلها لازم اقعد ساااااعه قدام دولابي اختار لبس...ثم ازين شعري....وهذا غير المكياج ...والله مشوااااااااااااار.. شي ثاني وهو اني ادخل على الحريم وانا ماسكه القهوه مدري احط القهوه على الطاوله وأدور اسلم!!!! والا ادخل اسلم بعدين اروح اجيب القهوه!!!! والا ادور اصب القهوه واسلم بنفس الوقت!!! بعدين ماأدري اصب القهوه من اليمين والا اروح لاكبر وحده!! سألت امي هالسؤال...وصدفه ان مر اخوي وقال: صبي بالدور تدرين ليش؟؟؟عشان الحريم كلهن صغااااار مايكبرن.. صب القهوه شي مهب حلووو ..لاني اصير اطامر بين الحريم ومايمدين اخلص الا فيه وحده خلصت فنجالها.. وتأشر لي امي....صبيلها....يعني من جد عذااااااب... هذا غير لامني صبيت لوحده واقولها :سمي..وتقول:لامابي اقول بيني وبين نفسي:هاهاها تحسبيني بأترجاتس....شربتيه والا عساتس..........؟؟ بس يجي صوت امي ويحطم علي متعتي واحلامي.. (:وش بتس ماتقهويتي؟؟طيب اخر فنجال...) ياربييييييه...وتجلس امي تحاول فيها وانا واقفه اكل هواء.. (وجعن يوجعتس ان شاء الله...مدي يدتس خوذي الفنجال والا قسمن لاأصبها عليتس.. 7 7 7 (هذا انا اقوله بيني وبين نفسي) والشي اللي يقهرني انه لاصارت وحده تسولف وبنص السالفه تأشر لي أختي(وحده خلصت فنجاله قومي صبي له) اقوم انا أأشر لها بعد(ليش ياعمتي!!!وراء ماتصبين لها انتي) طيب لازم اول ماتخلص فنجالها نقوم نصب زي المهبل...مايضرها لو صبرت شوي..خلاص بتموت اذا ماصبينا لها على طول لايكون نشتغل خدم عند ابوها وحنا ماندري... هذا كووووم واذا جوكم ضيوف فاضين كوووووم ثاني...يجلسون يعزمون على بعض والله ان تاخذينه انتي لاوالله انتي.. طيب انا ياللي واقفه محد فكر فيني...والا عشان اصب القهوه صرت على جنب..اصابعي مولعه من الحررراره وهم جالسين يعزمون على بعض..وقتها يجيني شعور اني ودي اصب القهوه على روسهم.. والا لاجت وحده تميلح وتقوم تمسك الدله وتحاول تفتحها وتناظرني..يعني تعالي..وجععععع وشوله اللقافه لازم يعني تتقهوين وتلفين عشر طعش فنجال..واروح لمها واقولهاتي عنتس).تقوللا عادي)..بس تبي تصيرين قرمه قدام الحريم.. وااااوه الله لايعيده من موقف وشعوررررر مههههب حلللللو.. م ن ق و ل تحيـــــــــاتي
|
#2
|
|||
|
|||
انا متعقد من القهوة عقب ماعدان الفنجال ابو سر مليانن قطن
|
#3
|
|||
|
|||
لاتترززين عند المرايه واجد واطلعي لهم مكشره
ومراح يطولون وماله داعي ..............؟
|
#4
|
||||
|
||||
اقول الله من زين النفس ........ بس قومي صبي القهوة واسكتي بس
|
#5
|
|||||||||||||||||||||||||
|
|||||||||||||||||||||||||
يادليبي وراه متعقد من ابو قطن وش هو مسويلك ياملا الصلاح.. اقول شكلك تبي فزعه سحليه..
|
#6
|
|||||||||||||||||||||||||
|
|||||||||||||||||||||||||
ومن اللي قال اني اترزرز ياحسره ...لو اطول عند المرايه كان يجون ويرحون وانا ماقهويتهم... ولو اطلع مكشره ان تصك امي الدله براسي وتقول:مهب ميتين على طلعتس.. وبعدين وشو اللي ماله داعي..........؟
|
#7
|
|||||||||||||||||||||||||
|
|||||||||||||||||||||||||
اقول احمد ربك اني ما اقهويك...والا تسان الدله كله على راسك...وتعرف زين النفس وشلون...
|
#8
|
|||||||||||||||||||||||||
|
|||||||||||||||||||||||||
وش نوع الفزعة اللي بتسوينة المجني علية ابو هتون وش الخطه علية
|
#9
|
||||
|
||||
نفس مشكلتي بس مع اتاي = الشاي المغربي
|
#10
|
||||
|
||||
ايه يقول المثل القهوة الي ما تبهر من الهيل
مثل العجوز الي خبيث نسمها حبيت اشارك واهدي سلامي للحقه فتحيه والواد جعيبص
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |