|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
10-04-20, 09:58 PM
|
||||
|
||||
أحكي لكم حكاية 🕊
تتذكرون لوسي ؟
اللي كانت تقول أحكي لكم حكايه جميلة للغاية أنا حكايتي تختلف عن لوسي أنا حكايتي موجعة بس عاد موب للغاية 😅 المهم وقبل كل شيء أحب أسلم عليكم جميعًا السلام عليكم ورحمة الله كيف حالكم جميعًا اتمنى تكونوا بخير اشتقت للمكان وأهله بسم الله ابدأ حكايتي بس تراها طووويله وانتم تعرفون الميسم إذا أسهبت نست نفسها فتحملوني ^_^ المعروف أن حديث الناس العالم كله هالكارونا لدرجة كرهتا شي ما شفناه الله يجليه عن العالم أجمع ويرحم عباده المسلمين إلا أنا ولأنه محد يدري إلا عن نفسه وكلن ما يعيش إلا داخل دائرته أنا كنت بعيييده كل البعد عن العالم وكورونيتهم أحس العالم داخلين في نفق وأنا لحالي في نفق موب مظلم وبس إلا عدو للضوء تمامًا حكايتي بدأت من حوالي ست شهور ويمكن أكثر المهم إني من مدة طويلة وأنا داخله في دوامة تعب أتجاهله !! شوفوا من زود خبالتي أتجاهله !! كله من خوفي من اللي بيصير أنا أدري الكل ما يواطن طاري المستشفيات بس أنا من زود خوفي منهم حتى لو يتابعني طبيب في تويتر حذفته هههههههه المهم الوضع يتأزم وأنا كنت أأمل أنه ينتهي بدون ما أتعمق في البحث عن علاج وكنت أدخل وأشارك هنا حتى أشتت فكري وأغرد في تويتر وأنا الله أعلم بي كنت أقتنص كل لحظه أقدر أطلع من حالتي حتى تدهورت حالتي تمامًا فجأه لدرجة أن أهلي أخذوني للطوارئ لمستشفى أهلي بعد ما سووا اللازم أخذوا لي موعد عند الدكتوره ومن هنا بدأت رحلة الشقاء الله لا يوريها حبيب لي ولكم والله لا يوفق كل مستشفى أهلي قائم على أموال الناس كل همه تجارة البشر وبس !! عشان ما طولها عليكم كان عندي موعد وأنا لاااا يمكن أروح للمستشفى لحالي أخااااف لازم معي أخوي أو أختي في يوم الموعد رحت مع أختي وبعد ما لطعونا وبعد ما حولوني على طبيب مختص بحالتي ومعاه طبيبه مساعده وكلهم بصراحه صاروا ( خرطي ) لعبوا في حسبتي لعب أجروا لي عملية مبسطة بدون بنج أنا ما كنت أدري عن شي كنت أتألم وبس وبعد ما طلعت من عندهم الظهر تقريبًا وجت الساعه ثمان بالليل صابني ألم من شدة صياحي الظاهر سمعوني الحي كله ألم من قوته كنت أضغط على ايد أختي ضغط من سوء الحظ كان بيتنا وقتها خالي من الرجال لا ابوي. ولا أخواني مسافرين ماعدا واحد ما سكن معانا متزوج وخارج البيت اتصلوا عليه وجا على طوووول وأنا من زود الألم ما استحيت منه مع اني استحي هههههه بس خلاص مع الوجع طاح كل شي اتصل على الإسعاف لأني ماقدر أتحرك واللي استغربته ان اخوي ورغم حالتي يقولي البسي عبايتك وتغطي عشان ما يشوفونك وييييين أنا في حال يرثى له ويني وين الغطا قال ولا تقدرين تقومين قلت أحاول والحمدلله تخلصنا من الإسعاف وأخذني للطوارئ وسبحان الله أقسم بالله أننا يالحريم بدون الرجال ولاااا شي أخوي لما راح وشاف طوارئ المستشفى وكيف تعاملهم وكيف وضعهم قال الدعوه بربسه ومن رحمة الله بي أن أخوي أكتشف تلاعبهم ولعبهم بي كللللله عشان الفلوس تخيلوا الطبيبه كانت تقولي عن المبلغ المطلوب وأنا في حاله يرثى لها ومن هاللحظة أخذ أخوي ملفي ونقله لمستشفى حكومي وقال تعيدين كل شي طبعًا الأمر ياخذ ًوقت من مواعيد وكذا وكل ما طللت المدة كل ما تأزم الوضع عندنا عشان كورونا في النهاية صارت حالتي تحتاج لعملية وبعد ما قرروا لي اليوم كان باقي حوالي أكثر من أسبوع وقالي الدكتور إحتمال نأجلها قلت لالا تكفى هم وأبيه يطيح قال ما تدرين يمكن خيره المهم طلعت وأنا في أشد حالات قلقي خفت من التأجيل وما أمداني بعد موعدي بيومين اتصلوا علي الظهر قالوا تم تأجيل موعدك أنا حطيت الجوال من هنا وبكيت من هنا بصراحه أصبت بحالة انهيار الله لا يواخذني لأنه قل إتكال على الله وبعد ما سيطروا أهلي علي وهدوني تماااامًا استسلمت وقلت المكتوب حاصل لكن طووول الوقت وأنا بين مد وجزر من هم وغيره أحاول بقدر المستطاع أطلع من وضعي لكن أرجع غصب عني أدخل هنا وأشارك وأغرد وحتى موضوع الفراشة ترا والله كنت أقول يااا رب تفوز أي وحده إلا أنا لأني في عالم ثااااااني الشي الغريب اللي ودي أقوله قبل ما أنسى إني كنت اقرأ سورة البقرة يوميًا في غرفة العائله الغرفه هذي فيها النمل الأسود اللي قرصته تطير العقل من وجعها سبحان الله اختفت تمااامًا مع قرآءتي نرجع للي صار أنا كل ما قالوا العالم زاد عدد المصابين قلت بس عمليتي الله أعلم متى وفي يوم وأنا بنام سبحان الله حس قلبي أنه بيدقون علي رفعت صوت الجوال وحطيته عند راسي وفعلا الساعه تسعه ونص دقوا قالوا تم جدولة المواعيد وموعدك اليوم الفلاني بس المصيبة هنا أنه بكون لحالي !! في صباح اليوم اللي لازم أدخل فيه المستشفى كان أشد وأقسى يوم علي في حياتي تجهزت ورحت مع أخوي وبعد ما دخلت غرفتي في المستشفى قلت بتروح وتخليني ؟! قال غصب عني والله كأني طفله وقتها فيني شعور غررريب فيني شي مدري وشو ودي امسك اخوي بيديني الثنتين بس القرار لازم ينفذ يدخل المريض وبس بدون مرافق توكلت على الله وطلعت مصحفي وحاولت أبدد وقت ما يتبدد > قلب مكسور حاولت أصبر نفسي الأيام طويله والموعد بعييد وأنا قلبي مع بعدي عن أهلي يتقطع وفيني خوف العالمين الحمدلله مرت الأيام إذا كنت في معية الله تسهلت أمورك ورحمك ربك صار اللي ما كنت اظن اني أقدر عليه في ليلة ما قبل العملية مرت علي أسهل شي ونمت وأنا اللي ما غمض جفني صابتني حالة هدوء واستسلمت مرره ونفذت طلباتهم وكأني في حلم تخيلوا عمري ما خلعت ضرس ولا حتى اشتكيت منه وأنا من النوع اللي الحمدلله صحتي جيدة ما اشكو شي إذا زكمت استغربوا أهلي 😅 تعبي قليل غااالبًا في صحة وفضل من الله لكني طحت مره وحده طيحت ما عرفت كيف بطلع منها لكن الله سبحانه رحمته فوق كل شي كنت دااايم أفكر وش بسوي قبل العملية وشلون بدخل غرفة العمليات شلون بيبنجونيً وبعد ما وقعت الواقعه وكل الطريق اللي اخذته من غرفتي إلى غرفة العمليات طبعًا مغطيه وجهي يعني ماشوف شي لكن ربي أنزل على قلبي السكينه وقلت يا ربي استودعتك نفسي والحمدلله على كل حال تمت العمليه وبعد الإفاقه ودوني لغرفتي لحالي !!! تخيلوا قضيت الأيام لحالي !! أكلم أهلي فيديو بس واظهر لهم إني تمام وأنا الله أعلم فيني في غرفة كبر الأيد وعمليه وتعب وخوف وضيقة صدر حسيت بغربه على وحشه على كل شي ومع ذلك احاول أتصبر وأقول أيام وتعدي > بس وشلون بتعدي > قلب مكسور كنت لما اشوف اللي في بيوتهم ويتذمرون من الحجر أنا أقول في نفسي ياااا بختكم شوفوا غيركم عشان تهون مصيبتكم المهم > كل ذا الهذر ومابعد وصلنا للمهم هههههه المهم أن عمري كله حسيته ما يحسب حسابه يكون بعد العمليه شعور للحين ماقدر أوصفه كل اللي اعرفه أنه أصعب وأشد موقف مر علي بحياتي الله لا يوريه لعزيز لي ولكم أيام عصييييبه عسى الله يكتب لي أجرها ويكتب لي الصحه والعافيه وجميع مرضى المسلمين يمكن يجي أحد يقول عاد ليه تكتبين القصه بقوله مدري شي بخاطري ونثرته تحملوا طول هذري بقول شي أخير بس من كان مع الله كان الله معه والحمدلله أن جعلنا مسلمين والله أنها أعظم نعمة لله الحمد والمنه وبس مع السلامه برد عليكم كل ما كان عندي فرصه لأني لازلت متعبه
أسد من ورق و آل باتشينو و ضغط و غريب الماضي و المتحد و ... بنت الجنوب ... و مها و ودق ،، و الدبة المملوحة و رَحيلْ و عساس الحيا و الجفول& و طُهـر و راعي الوفا 1 و مخزخز و الشيخـــــه شجـــــون و الــــدانة
|
|
#2
10-04-20, 10:10 PM
|
||||
|
||||
رد: أحكي لكم حكاية 🕊
|
|
#3
10-04-20, 10:14 PM
|
||||
|
||||
|
رد: أحكي لكم حكاية 🕊
الحمد لله على السلامة الميسم
طهور ان شاءالله العافية تاج على رؤوس الأصحاء وكذلك الأبتلاء نعمة الله يبتلي المؤمن ليرفع شأنه ويكفر ذنوبه ومسألة اجراء العملية وتقديم الموعد في ظل الظروف الراهنة واستنفار المستشفيات والكوادر الصحية لمواجهة كورونا لعلها خيره كاتب لك الله العافية ان شاءالله دايم أقول ابعدوا عن المستشفيات الخاصة قدر الأمكان انت تدور السلامة وهم يدورون جيبك و التأمين
الميسم معجب بهذا.
|
|
#4
10-04-20, 10:17 PM
|
||||
|
||||
|
رد: أحكي لكم حكاية 🕊
الحمدلله على سلامتك أختي ميسم وماتشوفين إلا العافيه وعلى أجر بإذن الله .
المستشفيات الأهليه عندنا همها الأول والأخير ( الفلوس ) وليتها على سنع . بل تشخيصات خاطئه في الغالب . المستشفيات الحكوميه أفضل منها لكن مشكلتها لازم ( الواسطه ) تكون حاضره وأمورك تكون تمام . تذكرت أخوي لما أصيب بالسرطان بالحبال الصوتيه والحنجره ...دخلنا بموال كبير هنا وتشخيصات عديده . وكان تشخيصهم بيذبحونه مع رقبته زي الخروف علشان يستأصلون السرطان . ولما سافرنا فيه لألمانيا تمت العملية ببساطه وبدون ذبح وسلخ عن طريق ( المنظار وجهاز طبي متطور ) إستأصل الأورام كلها وتم علاجه بالعلاج النووي ... والحمدلله هو بصحه وعافيه . ومبروك حصولك وأنتي غائبه على لقب ( كاتبة قصيمي نت الأولى ) وفراشة قصيمي نت .  تستاهلين ياميسم هالتكريم ودعم المحبين والمحبات لقلم الكاتبه المميزه ( ميسم ) المعروف بالإستقلالية والعمق الثقافي والمعرفي .  وماتشوفين شر .
الميسم معجب بهذا.
|
|
#5
10-04-20, 10:34 PM
|
||||
|
||||
|
رد: أحكي لكم حكاية 🕊
الحمدلله علي سلامتك افتقدناك صراحة خصوصا اننا نعلم ان عندك عملية موجلة
حتى اني حاولت ارشي صديقتك المقربه بسبب غيابك الا انها اخذت اللي تبي وسوت نفسها زعلانه ومشيت🤣 ولو كنت اعلم كان نصحتك انك ماتعملين عملية جراحية في مشفى اهلي الجراحة حرفة يد مالها علاقة بالمستشفى وتطوره المشافي الاهلية مو مثل الحكومي الحكومي كل يوم الجراح يعمل عدة عمليات لكن الي فالخاص وين ويين يعمل في الطب بالذات والجراحة ع الاخص محتاجة مممارسة بستمرار لذلك انا اشوف انه اكبر غلط انك تعمل عملية في مستشفى خاص الا ان كان الطبيب معروف انه يعمل عمليات بشكل يومي . الف لاباس عليك واخر المصايب يارب😅
الميسم معجب بهذا.
|
|
#7
10-04-20, 10:43 PM
|
|||
|
|||
رد: أحكي لكم حكاية 🕊
|
|
#8
10-04-20, 10:44 PM
|
|||||||||||||||||||||||||||
|
|||||||||||||||||||||||||||
رد: أحكي لكم حكاية 🕊
ولاصرت تدري انها بتسوي عمليه وراك ماعلمت ثور عايشه عن سبب غيابها؟؟ عمى بعينك انت واياهم المنافقين...
|
|
#9
10-04-20, 11:03 PM
|
|||||||||||||||||||||||||||
|
|||||||||||||||||||||||||||
رد: أحكي لكم حكاية 🕊
ماودي اتفاول عليها بشي ماني متاكد منه هي كتبت تغريده في تويتر عن حالتها الصحية وقالت انها تاجلت وبعدها صارت تكتب تغريدات واعتبرنا ان الوضع عادي لما طولت بديت افكر في غيابها ورحت عامل رسالة ومرسلها ع الجنية صديقتها الا انها ابت تعلمني 
|
|
#10
10-04-20, 11:16 PM
|
||||
|
||||
رد: أحكي لكم حكاية 🕊
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
