العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الزوجه الاولى تغلب الزوجه الثانية . . دعوه للنقاش
بسم الله الرحمن الرحيـم السلام عليكم ورحمة الله وبركاته قبل فتره واجهت واحد من اخوياي وقالي انه تزوج مرة ثانيه وقلتله الف مبروك ومنك المال ومنها العيال وسألته عن اخباره ان شاءالله أنك مستانس مع الحرمه الجديده . . قال الحمدلله مستانس ومبسوط ع الاخر , والحمدلله اني شفت حياتي بعد ما كنت مضيعها مع الاولى , قلت معقوله تغيرت حالتك ؟؟ وطيب الحرمه الاولى وين ايامكم اللي كانت كلها عسل في عسل , قال هذاك ايام العرس . <<< انتهى الكلام . وبعد ما انقطعنا عن بعض فتره طويله جاني خبر اليوم انه طلق زوجته الثانيه , بصراحه انصدمت وتذكرت كلامه لي والحين تغير الحال !! اللي بعرفه منكم : معقوله تغيرت الزوجه الاولى وعرفت الخطأ من الصح بعد ما تزوج عليـها وغيرت بنفسها واهتمت بزوجها لما رجعلها وطلق حرمته الثانيه , والا بدت المشاكل مع زوجته الثانيه وكانت سعادته بس بـ ايام العرس الاولى ؟ واسفين ع الاطاله اخوكم / ابو وريف
|
#2
|
||||
|
||||
والله مدري عن الأسبآب
لكن كثير يتزوجو كيذآ من بآب التجربه وكثير يندموآ منهم من يطلق ومنهم من يستمر ومتحسف بسبب المشآكل وعوآر الرآس .
|
#3
|
|||||||||||||||||||||||||
|
|||||||||||||||||||||||||
على ما يقولون البيوت أسرار . بس صاحبي هذا ما تزوج من باب التجربه وانا اعرفه زين , معقوله يندم بعد ما لقى الراحه , والا على ما يقولون ما تعرف خيري الا لما تجرب خيري ونار الاولى ولا جنه الثانيه , سبحان الله مغير الاحوال من حال الى حال .
|
#4
|
||||
|
||||
والله يآلطيب مدري ممكن سبته بكلمه جآرحه ممكن جته عين ممكن عورته ركبه. ممكن كآن وده يطق الثآلثه وقآمت عليه الثآنيه ممكن جميع الإحتمآلآت إمآ حكآية إن زوجته الأولى مجرد تهتم بنفسهآ يقوم يطلق الثآنيه ذي مآبلعتهآ
|
#5
|
|||||||||||||||||||||||||
|
|||||||||||||||||||||||||
أدري أنك ما تدرين يعني أنا اللي أدري >>> شكلي نشبتلها بالموضوع وش عليه يصكونه عين على هالشقار اللي ذابحه والا على هالحاله السنعه أما ركبه ما عليك من الناحيه حصان ما شاءالله ما أتوقع يفكر بالثالثه ما طلق الثانيه عشان ياخذ وحده بعدها شكلها توبته الزيجات كلهـا << حيل الله قوي ليه فيه حريم كثير بعد ما يعرس عليها تتغير 360 درجه وعلى فكرة يشتغل الحفر للضره وتحاول تطيحها بي مصيبه بس عشان تبعدها عن زوجهـا << أن كيدهن عظيـم
|
#6
|
||||
|
||||
يمكن كان بحاجة حنان وتزوج ولكن طاح بعلة
قال اجلس على قردي لايجي اقرد منه ولكن بتصوري صعب جداً في هالجيل ينجح الزواج الثاني لعدم تقارب العقليات ولاتهون الثقافات ورتفاع الاسعار مافيه مثل زواج المسفار اطرح مافي راسك وظرب الباب يامليح ومن على سلم الطائرة بالثلاث وهكذا
|
#7
|
|||
|
|||
ماتوقع مشان الاولى تغيرت يقوم يطلق التانيه
ولو كان كدا اقل مايقال عنه انه ليس برجل بنات الناس مو لعبه ف البدايه كان مستانس ومبسوط وجاي مدرعم عندكم نافش ريشه واتوقع انكم صكيتوه بعين ههههههههه اكيد كل رجال ف بداية الزواج يكون مبسوط لكن لاتجي تتكلم الا بعد مرور وقت وتوضح اخلاق وتعامل كل طرف ماندري عنهم مانحكم ع طرف دون الاخر ممكن الرجال عرف ان زوجته الاولى بنت ناس وشاف تعامل غير مرضي من التانيه خلته يطلقها او ان الزوجه التانيه شافت تعامل غير مرضي من زوجها فهجت الى بيت اهلها وتترحم ع الزوجه الاولى كيف قادره تصبر البيوت اسرار وصح في بعض الحريم كانها تستنى زوجها يتزوج بعدين تتعدل شكلهم يحبون المنافسه ههههه مشكور ابو وريف
|
#8
|
||||
|
||||
أبو وريف..
جميع الأخصائيين يقولون الزوج مصيره للزوجه الأول.. مهما بعد يرجع لها.. لكن لايعني ترك الزوجه الثانيه.. وهذا شيء ملاحظ من قبل مايقولونه الأخصائيين.. تلاقي الرجال يطيرون بالثانيه وبعدها يرجع للأولى..ولا كأنه هذاك اللي كان طاير.. إلا بحاله وحده إذا كان ماحب الأولى.. بهالحاله راح تعتبر الثانيه هي الأولى.. وبيرجع لها لو تزوج ثالثه.. يحدث طلاق الثانيه إذا هي من النوع اللي يغا ويقارن.. لأن فترة رجوع الزوج لزوجته الأولى يسبب لهالنوعيه إنهيار نفسي حاد.. وتتصرف بطريقه غير محسوبه وتدب المشاكل بينه وبينها.. تنتهي بالطلاق أما إذا كانت من النوع اللي يمشي أموره ويتأقلم فتبقى وترضى بالأمر الواقع.. تبقى مع زوجها كأي زوجه ثانيه..
|
#9
|
||||
|
||||
تفكير الزوجه الثانيه 90% انه اذا تزوجها
بتنسيه حياته ويطلق الأولى ويكون لها ما يشاركها زوجه ثانيه فيه أنه بيطير عقله وبتدلعه وتعوضه عن أيامه الي راحت مع زوجته الاولى وبيخضع لطلباتها ولها بعض الرجال ما ينفع معهم ذا الوضع هذول النسخه الأصليه ما يفرط في زوجته الأولى حتى لو اتزوج عشر تنصدم الزوجه الثانيه وتبدا المشاكل بينه وبين زوجته الثانيه هاذي المشاكل تخليه يفوق ويلحق نفسه ويطلق ويرجع لزوجته الاولى اول حب واول زوجه وخاصه اذا فيه بينهم عيال يندم ويرجع بس النصيحه هنا مو كل زوجه تقبل بأن زوجها يتزوج عليها وتطلب الطلاق ويعض أصابعه ندم بعد ما يفوق من زواجه المدمر
|
#10
|
||||
|
||||
طبيعه النساء تبدأ بالسنع والتزين تحدي للشريجه اليديد استرجاع كرامة ماهو برضي لاريال
بس بعض الريايل عويناته زيغه ويبي يجرب زوجه ثانيه والسلام وظلم زوجه الأولي الي دائم حاطته بعيونه وما جاه منه العيب على الزوجه تتعدل قبل لايعرس عليها ريالها وحرام علي اريال انه يتزوج عشان تتعدل زوجته بنات الناس ماهن لعبه هن تزوجنا ليعفن انفسهن وينجبين اليهال وهذا من حقهن أعوذ بالله.من تفكير الريايل تفكيرهم خيس
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |